❗️1-apreldan boshlab IT ta’lim markazlari va ularning bitiruvchilari uchun yangi sharoitlar yaratiladi.
Jumladan:

- o‘z bitiruvchilarini IT xizmatlarni eksport qiluvchi kompaniyalarga ishga joylashtirsa, markazlarga har bir mutaxassis uchun 25 million so‘mgacha, nogironligi bo‘lgan yoshlarga esa 35 million so‘mgacha subsidiya beriladi;

- IT sertifikati bor yoshlarga kompyuter xaridi uchun 7,5 million so‘m miqdoridagi imtiyozli kredit hamda Mahallabay ishlash va Yoshlar agentliklari, Bandlik jamg‘armasi tomonidan berilayotgan subsidiya ularning shaxsiy plastik kartasiga o‘tkazib beriladi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

#Bilasizmi

❗️Oliy ta’lim muassasalarida talabalar o‘zlashtirishini
baholash turlari va shakllari

Yakuniy baholash (YAB) - semestr yakunida (tibbiyot oliy ta’lim muassasalarida fan yakunida) muayyan fan bo‘yicha nazariy bilim va amaliy ko‘nikmalarning talaba tomonidan o‘zlashtirish darajasini aniqlash turi hisoblanadi.

YAB talaba tomonidan ishchi fan dasturining semestrga (tibbiyot oliy ta’lim muassasalarida fan yakuniga) mo‘ljallangan bo‘limlari mazmunini o‘zlashtirish darajasi, uning mantiqiy fikrlashi, amaliy ko‘nikmalari, muammoli vaziyatlarni hal etish (keys-stadi), tizimli va tanqidiy tahlil qila olishi, o‘z fikrlarini izchil va aniq bayon qilish qobiliyatini aniqlashgaqaratiladi.

YAB tayanch tushuncha va iboralarga asoslangan yozma ish, og‘zaki so‘rov, test, ijodiy ish va kafedra tomonidan belgilangan boshqa shakllarda o‘tkaziladi.

YABni o‘tkazish jadvali o‘quv jarayoni grafigiga muvofiq fakultet dekani yoki o‘quv-uslubiy bo‘lim(boshqarma) tomonidan tayyorlangan oliy ta’lim muassasasi o‘quv ishlari bo‘yicha prorektori tomonidan tasdiqlanagan YAB jadvali asosida o‘tkaziladi. Talaba YABni belgilangan muddatlarda topshirishi shart.


🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Telekanal orqali IT bo‘yicha o‘quv kurslari namoyish etiladi

Prezident Shavkat Mirziyoyev raisligida o‘tayotgan videoselektor yig‘ilishida olis va chekka hududdagi yoshlarni xorijiy tillarga o‘rgatish uchun alohida telekanal tashkil qilingani, Raqamlashtirish vazirligiga ushbu telekanalda ITga o‘qitish bo‘yicha o‘quv kurslari va kamida 30 foiz qiziqarli kontentlarni joylashtirishni ta’minlash topshirildi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Talabalar turar joydan lavha

Qarshi davlat universiteti talabalar turar joylarida yoshlarning bo‘sh vaqtini mazmunli tashkil etish borasidagi ishlar haqida videolavha.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

#talaba_murojaati
#Nukus

Murojaatning asl matnini keltiramiz:

"Assalom alaykum, Nukus Davlat pedagogika institutida o'qiydigan talaba qizlarga hijob o'rash bo'yicha taqiqlar qo'yilyotgan ekan. Qizlarni ro'moliga osilib nima qilishadi bular, kalta yubkasiga osilsin...

Bo'ljak turmush o'rtog'im hozir birinchi kursda o'qiydilar. Dars tugagandan keyin (1 da tugaydi) soat 2da hamma hijob kiyadigan qizlarni chaqirib olib, 4 gacha qandaydir majlis qilishibdi. Qandaydir jazolar, tekshiruvlar, jarimalar haqida gapirishibdi. Hijob kiyishga shunday jazolar qo'llanilishi mavjudmi?"

‼️ O’zbekiston Respublikasining Konstitutsiyasi oliy yuridik qonun! Konstitutsiya va boshqa amaldagi qonun hujjatlarda oliy ta'lim muassasalarida va umuman jamoat joylarida ro'mol o'rab yurishni (hijobda bo'lishni) taqiqlovchi normalar mavjud emas.

Oldin ham bu mavzuga aloqador murojaatlar kelib tushgan. Ularga aloqador foydali ikki postning likni qoldirishni lozim topdik:

1. https://t.me/TalabaUz/8901?single
2. https://t.me/TalabaUz/8470

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

#Bilasizmi

❗️Maktabni tekshirishga kelganlar xizmat guvohnomasi va tekshirishni oʻtkazishga asos boʻladigan hujjatlarni koʻrsatishi lozim

Hukumat qaroriga asosan (352-son, 25.04.2019-y) umumtaʼlim muassasalari tekshirish jarayonida quyidagi huquqlarga ega:

- faoliyati rejali tekshirilishi toʻgʻrisidagi maʼlumotga ega boʻlish;

- tekshirishga vakolatli organlarning masʼul shaxslaridan ularning xizmat guvohnomasi va tekshirishni oʻtkazishga asos boʻladigan hujjatlarni talab qilish;

- tekshirishni oʻtkazishga asos boʻladigan hujjatlarga ega boʻlmagan shaxslarning tekshirish oʻtkazishiga yoʻl qoʻymaslik;

- tekshirishga vakolatli organlar masʼul shaxslarining vakolatiga kirmaydigan masalalarga oid talablarini bajarmaslik va tekshirish predmetiga taalluqli boʻlmagan materiallarni taqdim etmaslik;

- tekshirish tugagan kuni tekshirishga vakolatli organlarning masʼul shaxslaridan tekshirish natijalari toʻgʻrisidagi dalolatnomaning (maʼlumotnomaning) nusxasini berishni talab qilish;

- tekshirishga asos boʻladigan hujjatlarni taqdim etmaganlik, tekshirish natijalari toʻgʻrisidagi dalolatnoma mazmuni va tekshiruvchilar tomonidan tekshirishga aloqador boʻlmagan har qanday qoʻshimcha koʻrsatmalar berish yuzasidan yuqori turuvchi, huquqni muhofaza qiluvchi organlar va sudga shikoyat qilish.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️2022-yilda eng ko‘p daromad va zarar ko‘rgan oliy ta’lim muassasalari ma’lum qilindi

OTM daromadlari quyidagilardan shakllangan:
• budjetdan moliyalashtirilgan mablag‘lar (umumiy daromadlarning 25 foiz);
• to‘lov-kontrakt asosida o‘qitish uchun tushgan tushumlar (71,6 foiz);
• rivojlantirish mablag‘lari bo‘yicha daromadlar (3,4 foiz).

2022-yilda eng ko‘p sof daromad ko‘rgan 5 ta oliygoh:
- Toshkent davlat iqtisodiyot universiteti – 106,2 mlrd so‘m;
- Namangan davlat universiteti – 67,7 mlrd so‘m;
- Berdaq nomidagi qoraqalpoq davlat universiteti – 54,4 mlrd so‘m;
- Guliston davlat universiteti – 54 mlrd so‘m;
- Navoiy davlat pedagogika instituti – 43,2 mlrd so‘m;

2022-yilda xarajati umumiy daromadidan eng ko‘p miqdorda oshib ketgan 5 ta oliygoh:
- Samarqand davlat universiteti – 42,5 mlrd so‘m;
- Qarshi davlat universiteti – 28,3 mlrd so‘m;
- Samarqand davlat chet tillar instituti – 26,8 mlrd so‘m;
- Farg‘ona politexnika instituti – 15,3 mlrd so‘m;
- Ajiniyoz nomidagi Nukus davlat pedagogika instituti – 15 mlrd so‘m.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️ Toshkent shahrida jamoat transportida vaqtga biriktirilgan differensial tarif rejalari joriy etilishi kutilmoqda. Bunda:

- Bir martalik to‘lov, agar naqd bo‘lsa, 2000 so‘m, elektron to‘lovda esa 1800 so‘m bo‘lishi rejalashtirilmoqda;
- bir soat ichida avtobusdan avtobusga birinchi marta o‘tish 70 foizgacha arzonlashadi;
- ikkinchi va keyingi o‘tishlar yo‘lovchi uchun bepul bo‘ladi;
- avtobusdan metroga yoki metrodan avtobusga o‘tishda tarif 30 foizgacha arzonlashadi.
- Shu bilan birga, jamoat transportidan kunlik faol foydalanuvchilar uchun bir kunlik limitsiz tariflar (6 ming so‘m) joriy etiladi.
- Har bir avtobus yo‘nalishiga ikki nafardan nazoratchi biriktiriladi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

#Yangi_patent

❗️Fanlar akademiyasi Botanika instituti olimlari Orol dengizi qurigan tubi yaylovlari xaritasi uchun patent oldi

OʻzR FA Botanika instituti Geobotanika laboratoriyasi xodimlarining “Qoraqalpogʻiston Respublikasining oʻsimliklar qoplami va yaylov resurslarining zamonaviy holatini baholash” mavzusidagi davlat dasturi va boshqa loyihalar doirasida tadqiqot hududiga oʻtkazilgan oʻnlab ekspeditsiyalar, uzoq yillik dala tadqiqotlari, samarali ilmiy izlanishlari asosida B.A. Adilov, X.F. Shomurodov, F.I. Polvonovlar muallifligida “Orol dengizi qurigan tubi yaylovlari xaritasi” sanoat namunasiga patent olindi.

Sanoat namunasi oʻzida Orol dengizi qurigan tubida turgʻun shakllangan va shakllanayotgan yaylovlarning holatini aks ettiradi. Bunda, hudud landshaftlari interferentsiyasini hisobga olgan holda 7 sinf, 12 guruh, 18 tip va 81 ta yaylov xillarini oʻz ichiga olgan yaylovlarning tasnifi ishlab chiqildi; Orol dengizi qurigan tubida shakllangan yaylovlar, ularning tasnifi va tarqalish maydonlari, mavsumiy hosildorligi, maydonlarining shoʻrlanish darajalari, landshaft elemetlari kabi atribut maʼlumotlarni oʻz ichiga olgan geografik-axborot tizimida ishlab chiqilgan maʼlumotlar bazasi yaratildi; Orol dengizi qurigan tubining 3.2 mln. gektar hududida tarqalgan yaylovlar raqamlashtirildi va 94 ta xarita birliklaridan iborat boʻlgan elektron-raqamli “Orol dengizi qurigan tubining yaylovlari xaritasi” yaratildi.

Elektron-raqamli xarita va uning elektron-raqamli geoaxborot maʼlumotlaridan yashil qoplamalar hosil qilish samaradorligini oshirish, saksavulzorlar ekilishi uchun mos tuproq shoʻrlanish darajalari boʻyicha maʼlumotlar olish, Moʻynoq tumanida chorvachilik ozuqa bazasidan foydalanish tizimini joriy etish, chorva mahsulotlari hisobiga ijtimoiy-iqtisodiy rivojlantirish chora-tadbirlarini ishlab chiqishda muhim ahamiyatga ega.

Mazkur sanoat namunasidan biologiya, oʻrmonchilik, ekologiya va atrof muhitni muhofaza qilish, tuproqshunoslik sohalari boʻyicha ilmiy tadqiqotchilar, oliy oʻquv yurti professor-oʻqituvchilari va talabalari foydalanishi mumkin.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️5 yillik ish stajiga ega xotin-qizlar ham barcha qatori imtihon topshiradi, faqat qo‘shimcha imtiyozdan foydalanishi mumkin

Shu kunlarda ijtimoiy tarmoqlarda 5 yil ish tajribasiga ega boʻlgan ayollar oliy oʻquv yurtlariga imtihonsiz qabul qilinishi haqida asossiz xabarlar tarqalmoqda. Ushbu notoʻgʻri talqin qilinayotgan xabarlar yuzasidan Oliy taʼlim, fan va innovatsiyalar vazirligi quyidagilarni maʼlum qiladi.

Kamida 5 yil ish stajiga ega boʻlgan xotin-qizlarni oliy taʼlim muassasalariga imtihonlarsiz oʻqishga qabul qilish boʻyicha tartib mavjud emas.

Vazirlar Mahkamasining 2022-yil 9-iyundagi 322-son qaroriga muvofiq mutaxassisligi boʻyicha kamida besh yil mehnat stajiga ega boʻlgan xotin-qizlarni davlat oliy taʼlim muassasalariga oʻqishga qabul qilish tartibi tasdiqlangan.

Mazkur tartib 2022/2023-oʻquv yilidan boshlab amaliyotga joriy etilgan boʻlib, ushbu toifadagi xotin-qizlarga jami alohida 500 ta bazaviy toʻlov-kontrakt asosidagi qoʻshimcha qabul parametrlari oliy taʼlim muassasalari kesimida ajratildi.

Ushbu toifadagi xotin-qizlar ajratilgan qabul parametrlariga tanlovlarda ishtirok etishlari uchun dastlab Oila va xotin-qizlar qoʻmitasining tegishli tavsiyanomasiga ega boʻlishlari lozim.

Soʻng tavsiyanomaga ega boʻlgan xotin-qizlar uchun tanlovlar umumiy tartibda davlat oliy taʼlim muassasalarining bakalavriatiga oʻqishga qabul qilish boʻyicha kirish imtihonlari (test sinovi, kasbiy (ijodiy) imtihon) doirasida oʻtkaziladi.

Imtihonda eng yuqori ballning kamida 30 foizini toʻplab, ammo talabalikka tavsiya etilmagan xotin-qizlar 500 ta bazaviy toʻlov-kontrakt asosidagi qoʻshimcha alohida qabul parametrlari doirasida, ballar ketma-ketligi boʻyicha tanlovda qatnashadi.

2023/2024-oʻquv yilida ham kamida 5 yil ish stajiga ega boʻlgan xotin-qizlar mazkur tartibga muvofiq kirish imtihonlari natijalariga koʻra tanlov asosida oʻqishga qabul qilinadi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️RASMIY MUNOSABAT

Andijon davlat tibbiyot instituti talabasining “oliy matematika o‘qituvchisi talabalarni haqoratlaydi” degan mazmundagi ijtimoiy tarmoqda tarqagan murojaatiga javoban quyidagilarni ma’lum qilamiz:

Mazkur holat yuzasidan institut rahbariyati tomonidan tekshiruvlar olib borildi. Unda ushbu fandan dars beruvchi o‘qituvchi talabalarni darsga o‘z vaqtida yetib kelishi haqida bir necha bor ogohlantirishiga qaramay, darsga kechikib kelishlarini aytib o‘tdi.

Shuningdek, audio yozuvdagi gaplarida talabalardan kiyimlarini to‘g‘rilashni so‘ragan va ushbu jarayonda qo‘pollik ishlatgani uchun institut rahbariyati tomonidan ogohlantirilib, o‘qituvchidan tushuntirish xati olindi. Unga nisbatan hayfsan chorasi belgilandi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️ZAMONAVIY ERTAK

Bir kuni gul doʻkonining egasi sartaroshxonaga kirib keldi. Uning sochini kaltalab boʻlgach “Xizmat haqi shart emas, - deb aytdi sartarosh. - Bu hafta koʻngilli sifatida ishlayapman”. Gul doʻkonining egasi ketdi. Ertasi kuni sartaroshga turli tuman gullar va minnatdorchilik xati joʻnatdi.

Keyin sartaroshxonaga novvoy kirib keldi. U ham sochini kaltalatib boʻlgach, sartarosh unga oʻsha gapini aytdi. Navvoy bundan mamnun boʻlib chiqib ketdi. Ertasi kuni sartaroshga shogirdlari orqali yangigina yopgan nonlaridan berib yubordi.

Soʻngra, sartaroshxonaga senator soch kaltalatish uchun keldi. Uning ham sochini kaltalab boʻlgach, “Puli shart emas,- - deb aytdi sartarosh. - Men bu hafta pul olmasdan...”

Bu gapni eshitgan senator xayr-maʼzurni nasiya qilib sartaroshxonadan shoshib joʻnab ketar ekan, sartarosh ichida - “Boy janobga bu gapni bekor aytdim, menimcha, mendan xafa boʻldi” deb siqilar edi.

Ammo biroz oʻtib uning eshigi yonida bir talay yangi mijozlar - oʻn ikkita senator, oʻnta deputat, oʻn beshta maslahatchi, shahar hokimi va ularning barcha bolalari kamtarona tirjaygancha paydo boʻlishganda, sartarosh gap nimada ekanini tushundi.

"Mushtum" jurnalidan.


🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg