📌Oliy ta’lim, fan va innovatsiyalar vaziri Qo‘ng‘irotboy Sharipovning ma’lum qilishicha, respublika oliy ta’lim muassasalariga kirish uchun o‘tkazilgan test sinovlarining yakuniy natijalari (mandat) ertaga e’lon qilinadi.

Talaba.uz rasmiy kanali 👇
https://t.me/+D8upafGDfsdiNGNi

#Rasman

Mandat natijalari e'lon qilindi

2026/2027 oʻquv yili uchun davlat oliy ta'lim muassasalariga oʻtkazilgan yakuniy test sinovlari natijalari (mandat) natijalari e'lon qilindi.

Abituriyentlar https://mandat.uzbmb.uz/ saytiga ID raqamlarini kiritish orqali natijalarini bilib olishlari mumkin.

Barchaga omad tilaymiz!


Talaba.uz rasmiy kanali 👇
https://t.me/+D8upafGDfsdiNGNi

#hazil

O'qishga kirolmagan qizlar, to'ylar muborak bo'lsin😜

Do'stlarga ulashing👇
https://t.me/+D8upafGDfsdiNGNi

Talaba bo‘lganlar birinchi navbatda nima qilishi kerak?

🔝 Avvalo, talaba bo'lganingiz bilan tabriklaymiz.

➖ Hozir har bir OTMning telegram kanali, sayti bor. O‘zingiz talaba bo‘lgan OTM saytiga kirib tanishib chiqing. OTM lokatsiyasi, binolari, kutubxonalari, darslari haqida ma’lumot oling.

➖ O‘zingiz talaba bo‘lgan yo‘nalishda qanday fanlar o‘tilishi, baholash qanaqa ekani haqidagi ma’lumotlar bilan tanishing.

➖ Darslar boshlangach, abituriyentlikdagi o‘qish darajasini saqlab qolish, erkalanib ketmaslik uchun alohida o‘qish planini tuzib olish kerak.

➖ O‘zingizga o‘zingiz javob berishga o‘rganishni boshlang. Endi mustaqil shaxssiz, ehtimol, uydagilaringizdan uzoqda o‘qiysiz. Demak, pulingizni, vaqtingizni qanday sarflashga o‘zingiz javobgarsiz. Bundan cho‘chimang. Mustaqillik — yaxshi narsa.

Do'stlarga ulashing👇
https://t.me/+D8upafGDfsdiNGNi

Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi

Budnik Toshkentda o‘tgan Xalqaro informatika olimpiadasida oltin medal olgan, ammo taqdirlashda Isroil bayrog‘ini ko‘rsatgach, natijasi reytingdan bekor qilingan.

International Olympiad in Informatics qoidalariga ko‘ra, isroillik o‘quvchilarga musobaqada o‘z mamlakati bayrog‘i ostida qatnashish mumkin emas.

Do'stlarga ulashing👇
https://t.me/+D8upafGDfsdiNGNi

⚡️Oliy ta’lim tashkilotlari, akademik litsey va texnikumlarda yangi o‘quv yili boshlanish sanasi belgilandi

2026/2027-o‘quv yilida akademik litsey va texnikumlarda o‘quv jarayonlari 2-sentyabrdan boshlanadi.

Oliy ta’lim tashkilotlarida esa:

✅ 1-bosqich talabalari uchun — 7-sentyabrdan;
✅ 2-bosqich va undan yuqori bosqich talabalari uchun — 14-sentyabrdan o‘quv jarayonlari tashkil etiladi.

Do'stlarga ulashing👇
https://t.me/+D8upafGDfsdiNGNi

DIQQAT, E'LON!

Vakant o‘rinlarga qo‘shimcha tanlov uchun ro‘yxatdan o‘tish boshlandi

Oliy ta’lim tashkilotlarining bakalavriat ta’lim yo‘nalishlariga kirish imtihonlarida ishtirok etib, belgilangan minimal 56,7 ball va undan yuqori ball to‘plagan, biroq talabalikka tavsiya etilmagan abituriyentlarga, shu jumladan, ro‘yxatdan o‘tishning ikkinchi bosqichida oliy ta’lim tashkiloti va bakalavriat ta’lim yo‘nalishlarini tanlamagan abituriyentlarga vakant o‘rinlar mavjud bo‘lgan, fanlar majmuasi va ta’lim tili mos bakalavriat ta’lim yo‘nalishlari bo‘yicha qo‘shimcha tanlovda ishtirok etish imkoniyati yaratildi.

2026-yil 22-avgustdan 28-avgustga qadar (shu kuni ham) Agentlikning my.uzbmb.uz rasmiy platformasi orqali mazkur toifadagi abituriyentlar qo‘shimcha tanlovda ishtirok etish uchun ro‘yxatdan o‘tishlari mumkin.

Abituriyentlarga fanlar majmuasi va ta’lim tili mos bo‘lgan, vakant o‘rinlar mavjud bakalavriat ta’lim yo‘nalishlarinitanlash huquqi beriladi.

Ro‘yxatdan o‘tgan abituriyentlar vakant o‘rinlarga to‘plagan ballari ketma-ketligiga qat’iy rioya qilingan holda, bazaviy to‘lov-kontrakt asosida talabalikka tavsiya qilinadi.

Tanlov yakunlari bo‘yicha Agentlik tomonidan tegishli tanlov qaydnomalari shakllantirilib, oliy ta’lim tashkilotlariga taqdim etiladi.

Do'stlarga ulashing👇
https://t.me/+D8upafGDfsdiNGNi

📝 Xorijda olingan ta’lim hujjatlari qachon sinovlarsiz tan olinadi?

Xorijiy davlatlarda olingan oliy va oliy ta’limdan keyingi ta’lim to‘g‘risidagi hujjatlar ayrim hollarda to‘g‘ridan-to‘g‘ri, ya’ni qo‘shimcha sinovlarsiz tan olinadi.

Bu borada O‘zbekiston Respublikasi Prezidentining “Ta’lim sifatini nazorat qilish tizimini takomillashtirish bo‘yicha qo‘shimcha chora-tadbirlar to‘g‘risida” 2019-yil 16-yanvardagi PQ-4119-son qarori qabul qilingan.

Do'stlarga ulashing👇
https://t.me/+D8upafGDfsdiNGNi

DIQQAT, E'LON!

Qoʻshimcha tanlov uchun vakant oʻrinlar mavjud bakalavriat taʼlim yoʻnalishlari

2026-2027-oʻquv yili qoʻshimcha tanlov uchun vakant oʻrinlar mavjud bakalavriat taʼlim yoʻnalishlari roʻyxati shakllantirildi.

Roʻyxatda KUNDUZGI, KECHKI va MASOFAVIY ta'lim shakllari bo'yicha OTMlarning umumiy qabul parametrlari doirasida qolgan vakant (bo‘sh) o‘rinlar taqsimoti keltirilgan.

OTMlar, taʼlim yoʻnalishlari, taʼlim shakli, taʼlim tili kesimida amalga oshirilgan vakant oʻrinlar taqsimoti va fanlar majmuasi bilan yuqorida berilgan PDF fayl orqali batafsil tanishish mumkin.

Do'stlarga ulashing👇
https://t.me/+D8upafGDfsdiNGNi

#2026_2027OʻquvYili

2026/2027-o‘quv yiliga tayyorgarlik: muhim sanalar va vazifalar belgilandi

Oliy ta’lim, fan va innovatsiyalar vazirining 2026-yil 21-avgustdagi 356-son buyrug‘i bilan ta’lim tashkilotlarini yangi o‘quv yiliga tayyorlash hamda O‘zbekiston Respublikasi davlat mustaqilligining 35 yilligini munosib nishonlash bo‘yicha qator vazifalar belgilandi.

📌 “Dolzarb qirq kunlik”
Joriy yilning 20-avgustidan 30-sentyabrigacha bo‘lgan davr oliy ta’lim tashkilotlarida talabalarni yangi o‘quv yiliga munosib kutib olish, ularni turar joy bilan ta’minlash va yuzaga kelishi mumkin bo‘lgan muammolarni tezkor bartaraf etish maqsadida “Dolzarb qirq kunlik” etib belgilandi.

📖 2026/2027-o‘quv yili:
🔹 1-bosqich talabalari uchun — 7-sentyabrdan;
🔹 2- va undan yuqori bosqich talabalari uchun — 14-sentyabrdan boshlanadi.

💳 Talabalikka tavsiya etilgan abituriyentlar uchun
Talabalikka tavsiya etilgan shaxslarga to‘lov-kontrakt mablag‘larini shartnomada belgilangan miqdor va muddatlarda to‘lagunga qadar farmoyish asosida o‘quv mashg‘ulotlarida qatnashishga ruxsat beriladi.

👩‍🎓 1-bosqich talabalari uchun
Yangi o‘quv yili doirasida:
▪️ talabalarni tantanali kutib olish;
▪️ “Kredit ta’limi tizimiga kirish” haftaligi;
▪️ “Talabalikka bag‘ishlov” tadbirlarini samarali tashkil etiladi.

🇺🇿 “Mustaqillik darslari”
Sentyabr oyida ta’lim tashkilotlarida “Yagona vatan, yagona xalq bo‘lib, yangi hayot va kelajak yarataylik!” shiori ostida “Mustaqillik darslari” bo‘lib o‘tadi.

Darslar doirasida jadidlik harakati namoyandalari va qatag‘on qurbonlariga bag‘ishlangan mashg‘ulotlar, ma’naviy-ma’rifiy tadbirlar, davra suhbatlari, uch avlod uchrashuvlari, viktorina va ko‘rik-tanlovlar hamda sport musobaqalari o‘tkaziladi.

🗓 Shuningdek, oliy ta’lim tashkilotlari oldiga o‘quv binolari va talabalar turar joylarini yangi o‘quv yiliga tayyorlash, professor-o‘qituvchilar tarkibini shakllantirish, o‘quv-uslubiy hujjatlar bilan ta’minlash hamda ta’lim jarayonini samarali tashkil etish bo‘yicha vazifalar qo‘yildi.

Do'stlarga ulashing👇
https://t.me/+D8upafGDfsdiNGNi

O‘zbekistondagi oliy ta'lim tashkilotlariga “Study in Uzbekistan” platformasi orqali hujjat topshirgan xorijiy fuqarolar soni kengaymoqda

❓Xorijiy fuqarolar asosan qaysi universitetlarni tanlamoqda?

O‘zbekiston milliy universiteti,
Toshkent davlat texnika universiteti,
Toshkent davlat tibbiyot universiteti,
Samarqand davlat tibbiyot universiteti,
Toshkent davlat iqtisodiyot universiteti.

❓Qaysi yo‘nalishlarda xorijiy fuqarolarning o‘qish istagi yuqori?

Davolash ishi,
Biotexnologiya,
Biologiya,
Stomatologiya,
Filologiya va tillarni o‘qitish: ingliz tili,
Iqtisodiyot.

❓Qaysi xorijiy davlat fuqarolaridan qiziqish ko‘proq?

🇹🇲 Turkmaniston,
🇰🇬 Qirg‘iziston,
🇹🇯 Tojikiston,
🇷🇺 Rossiya Federatsiyasi,
🇧🇩 Bangladesh,
🇨🇳 Xitoy,
🇦🇿 Ozarbayjon.

Do'stlarga ulashing👇
https://t.me/+D8upafGDfsdiNGNi

📢 Toshkent shahridagi oliygohlarda yangi oʻquv yilidan darslar soat 08:00 da boshlanadi

🔰Mazkur tartib poytaxtda transport oqimini samarali tashkil etish, ertalabki va kechki tigʻiz vaqtlarda yoʻllardagi yuklamani kamaytirish hamda taʼlim jarayonini yanada maqbul tashkil etishga qaratilgan.

➡️ Xususan, dars mashgʻulotlarining ertaroq boshlanishi oliy taʼlim tashkilotlariga qatnaydigan talabalar va professor-oʻqituvchilarning harakatlanish vaqtini oqilona rejalashtirish, kun davomida taʼlim jarayonini samarali tashkil etish hamda shahardagi transport vositalari oqimini maqbullashtirishga xizmat qiladi.

☝️Eslatib oʻtamiz, mazkur tartib 2026/2027-oʻquv yilidan boshlab Toshkent shahrida joylashgan oliy taʼlim tashkilotlarining birinchi smenasidagi oʻquv mashgʻulotlariga taalluqlidir.

Do'stlarga ulashing👇
https://t.me/+D8upafGDfsdiNGNi

Talaba bo'lganlar OTMga qanday hujjatlar berishi kerak?

1. Rektor nomiga ariza;
2. Pasport nusxasi (asli ko‘rsatilgan holda);
3. Diplom yoki attestat (ilovasi bilan birga) asl nusxasi;
4. Til bilish darajasini tasdiqlovchi sertifikat asli; (agar bo‘lsa)
5. 3,5x4,5 foto 12 ta;
6. Hujjatlar yig‘ma jildi (papka skorosshivatel);
7. Konvert A5 formatida;
8. Talabalar turar joyi (sharoiti og‘ir va kam ta’minlanganligini tasdiqlovchi hujjati bor talabalar uchun) ariza (kerak bo‘lsa)
9. Imtiyoz asosida talabalikka tavsiya etilganlar uchun (imtiyoz beruvchi hujjatning asli, agar bo‘lsa).

📌 Tavsiya: Qaysi OTMga qabul qilingan bo‘lsangiz, o‘sha OTMga ushbu hujjatlarni topshirishingiz so‘raladi. Iloji bo‘lsa, talabasi bo‘lgan OTMingizning ijtimoiy tarmoqlardagi sahifalarini kuzatib boring!

✅  Barcha talaba bo'lganlarni xabardor qiling.

Do'stlarga ulashing👇
https://t.me/+D8upafGDfsdiNGNi

​🇺🇿 Mustaqilligimiz muborak, aziz talabalar!

​Bugun yurtimiz o'zining eng ulug' va aziz bayrami — O'zbekiston Respublikasi Davlat Mustaqilligining 35 yilligini nishonlamoqda.

​Vatanimizning har bir tongi tinch, osmoni musaffo ekanligi va bizga yaratilayotgan keng imkoniyatlar uchun bu kunning qadri har birimiz uchun baland.

​Talabalik — shijoat, izlanish va kelajak poydevorini qurish davri. Har birimiz o'z sohamizda yetuk mutaxassis bo'lib yetishishimiz, bilim va salohiyatimizni Yangi O'zbekiston taraqqiyotiga bag'ishlashimiz aynan bugungi mustaqillik bergan ulkan imkoniyatlar samarasidir.

​Aziz yoshlar, yurakdagi o't, ko'zdagi yorug' nishon va ilmga bo'lgan chanqoqlik hech qachon sönmasin! Vatanimiz bayrog'ini doimo baland ko'tarib, yuksak marralarni zabt etavering.

​Bayramingiz muborak bo'lsin, qadrli talabalar!

Do'stlarga ulashing👇
https://t.me/+D8upafGDfsdiNGNi

Talabalarga oylik ijara to‘lovining bir qismi qoplab beriladi: ariza yuborish boshlandi

Hukumatning tegishli qaroriga ko'ra, yotoqxona bilan qamrab olinmagan va o‘ziga yoki ota-onasiga tegishli bo‘lmagan uyda ijara asosida yashayotgan davlat OTMlarining kunduzgi ta’lim shaklida tahsil olayotgan talabalariga ijara to‘lovining bir qismi qoplab beriladi.

Bunda davlat granti yoki to‘lov-kontrakt asosida tahsil olayotgan talabalarning 60 foizigacha bo‘lgan qismiga Davlat budjeti hisobidan to‘lov amalga oshiriladi.

Ijara to‘lovining qoplab beriladigan qismi Toshkent shahrida bazaviy hisoblash miqdorining bir baravaridan, boshqa hududlarda esa yarim baravaridan oshmaydi.

Arizalarni kontrakt.edu.uz va my.gov.uz orqali har oyning 1-sanasidan 7-sanasiga qadar onlayn yuborish mumkin.

Talabalar safiga yangi qabul qilingan, yotoqxona bilan ta’minlanmagan va OTMdan uzoq hududdan kelgan 1-bosqich talabalari uchun sentyabr va oktyabr oylarida ijara shartnomasi talab etilmaydi. Bunda noyabr oyidan boshlab to‘lovni olish uchun belgilangan tartibda rasmiylashtirilgan ijara shartnomasi bo‘lishi kerak.

Ijobiy qaror qabul qilingan taqdirda, ijara to‘lovining bir qismi talabaning bank kartasiga har oyning 15-sanasiga qadar o‘tkazib beriladi.

Mazkur tartib nodavlat OTMlar, xorijiy OTMlarning filiallari, oliy harbiy va harbiylashtirilgan ta’lim muassasalariga tatbiq etilmaydi.

Do'stlarga ulashing👇
https://t.me/+D8upafGDfsdiNGNi

🎓Ta’lim krediti: talabalardan eng ko‘p berilgan savollarga javob

Ta’lim krediti bo‘yicha ko‘p kelib tushayotgan savollarni bir joyga jamladik. 👇

❓ Ta’lim krediti kimlarga beriladi?

❓ 1-kurs talabasi qancha miqdorda ta’lim krediti olishi mumkin?

❓ 2-kurs va undan yuqori bosqich talabalari uchun kredit miqdori qancha?

❓ Ta’lim krediti qaysi ta’lim shakllariga beriladi?

❓ Tabaqalashtirilgan to‘lov-kontrakt uchun ta’lim krediti olish mumkinmi?

❓ Qaysi ta’lim tashkilotlari talabalari
ta’lim krediti olishi mumkin?

🎥 Agar sizda ham shu savollardan biri bo‘lsa, videoni albatta ko‘ring

Do'stlarga ulashing👇
https://t.me/+D8upafGDfsdiNGNi

❗️ Jamoat xavfsizligini ta’minlash sohasida kadrlarni tayyorlash tizimi takomillashtiriladi

Bu haqda Prezidentning “Jamoat xavfsizligini ta’minlash sohasida professional kadrlarni tayyorlash tizimini yanada takomillashtirish bo‘yicha qo‘shimcha chora-tadbirlar to‘g‘risida” 2026-yil 26-avgustdagi PQ–302-son qarori qabul qilindi.

🔰 Qarorga ko‘ra, 2026/2027 o‘quv yilidan Jamoat xavfsizligi universitetida ichki ishlar organlarining huquqbuzarliklar profilaktikasi, yo‘l harakati xavfsizligi, jamoat tartibini saqlash hamda qo‘riqlash faoliyati (jamoat xavfsizligini ta’minlash) yo‘nalishlarida kadrlarni tayyorlash maqsadida:

🔹 Universitetning yillik qabul kvotalari bakalavriat ta’lim yo‘nalishining kunduzgi ta’lim shakliga600 nafar kursantgacha, masofaviy ta’lim shakliga300 nafar tinglovchigacha oshirilib, ularning 3/4 qismi Ichki ishlar vazirligi tizimi uchun jamoat xavfsizligini ta’minlash sohasidagi kadrlarni tayyorlashga ajratiladi;

🔹 Universitet tomonidan Ichki ishlar vazirligi tizimi uchun kadrlar tayyorlashda qabulkvotalari va mutaxassislik (yo‘nalish)lar taqsimoti ichki ishlar organlarining ehtiyojidan kelib chiqib, Prezident Administratsiyasi Jamoat xavfsizligi va qonun ustuvorligi bo‘yicha departamenti bilan kelishilgan holda belgilanadi;

🔹 Universitetda ichki ishlar organlari va Milliy gvardiyaning jamoat xavfsizligini ta’minlash yo‘nalishi uchun yurisprudensiya sohasida oliy ma’lumotga ega kadrlarni tayyorlash:

➖ bakalavriatningkunduzgi ta’lim shaklida “Yurisprudensiya (“Huquqbuzarliklar profilaktikasi faoliyati”, “Jamoat tartibini saqlash faoliyati”, “Yo‘l harakati xavfsizligi faoliyati” va “Qo‘riqlash faoliyati”)” yo‘nalishlari, masofaviy ta’lim shaklida esa “Yurisprudensiya (“Jamoat xavfsizligini huquqiy ta’minlash”)” yo‘nalishi bo‘yicha;

➖ ichki ishlar organlari va Milliy gvardiyaning jamoat xavfsizligini ta’minlash sohasida kamida besh yillik amaliy xizmat stajiga ega xodimlari va harbiy xizmatchilari uchun magistraturada o‘qitish “Jamoat xavfsizligini ta’minlash faoliyatini tashkil etish” mutaxassisligi bo‘yicha amalga oshiriladi.

Do'stlarga ulashing👇
https://t.me/+D8upafGDfsdiNGNi

Universitetning ta’lim tizimi takomillashtiriladi

✔️ Qarorga ko‘ra, Universitet bakalavriat ta’lim yo‘nalishida:

➖ Qurolli Kuchlar va boshqa huquqni muhofaza qiluvchi organlar uchun mutaxassislarni tayyorlash kunduzgi ta’lim shaklida davlat granti asosida;

➖ masofaviy ta’lim shaklida Milliy gvardiya va ichki ishlar organlarining oliy ma’lumotga ega bo‘lmagan harbiy xizmatchilari va xodimlari uchun davlat granti asosida, oliy ma’lumotga ega bo‘lgan hamda Qurolli Kuchlar va boshqa huquqni muhofaza qiluvchi organlari harbiy xizmatchilari va xodimlari uchun to‘lov-kontrakt asosida;

➖ kadrlarni umumfuqaroviy asosda tayyorlash kunduzgi, kechki va masofaviy ta’lim shakllarida to‘lov-kontrakt asosida amalga oshiriladi.

📖 Universitetning dual ta’lim tizimida har bir kursant va tinglovchiga o‘qishni boshlashidan uni tamomlanguncha bir nafardan tajribali amaliyotchi-mutaxassisni mentor-tyutorsifatida biriktirish tartibi joriy etiladi.

📜 Har yili oliy harbiy va harbiylashtirilgan ta’lim tashkilotlari kursantlari o‘rtasida “Huquqshunoslik”fan olimpiadasi tashkil etiladi hamda g‘olib bo‘lganlarga xalqaro olimpiadalarda ishtirok etish imkoniyati beriladi.

⏳ Universitet ta’lim jarayonining sifat ko‘rsatkichlari va kelgusidagi strategiyasi bitiruvchilarning 5 yil davomidagi kasbiy o‘sishi hamda xizmat samaradorligi monitoringi natijasi orqali belgilanadi.

📄 Universitet tomonidan byudjet, byudjetdan tashqari mablag‘lar hamda grantlar hisobidan har yili professor-o‘qituvchilar, ilmiy xodimlar, doktorantlar va magistrlarning kamida 30 nafarini hamkor xorijiy ta’lim va ilmiy-tadqiqot muassasalariga malaka oshirish, stajirovka va tajriba almashish uchun yuborish amaliyoti joriy etiladi.

Do'stlarga ulashing👇
https://t.me/+D8upafGDfsdiNGNi

⚡️ Talabalarning buyurtmachi tashkilotlar bilan hamkorligi tashkil etiladi

Hukumatning 2026-yil 9-yanvardagi 8-son qarori  bilan “Oliy ta’lim tashkilotlari talabalarining buyurtmachilar bilan hamkorligini tashkil etish tartibi to‘g‘risida”gi nizom tasdiqlandi.

✅ Nizom bakalavriat yo‘nalishida 2- va undan yuqori kursda o‘qiyotgan talabalarning o‘qishi uchun shartnoma to‘lovlarini ish beruvchilar tomonidan qoplab berish hamda ularning ta’limi yakunlangach ishga qabul qilish tartibini belgilaydi.

📝 Nizomga ko‘ra, oliy ta’lim tashkilotlari hamda talabalar o‘rtasida 3 tomonlama shartnomalar tuzishda ishchilar soni 50 nafardan ortiq yoki qiymati kamida 1 mln AQSH dollari bo‘lgan investitsiya loyihalariga ega vazirlik, idora hamda tashkilotlar buyurtmachi sifatida ishtirok etishi mumkin.

🗒 Talabalar har yili20-sentyabrgacha saralashda ishtirok etish uchun oliy ta’lim tashkilotiga elektron ariza topshiradi. Bunda o‘zlashtirish ko‘rsatkichlari to‘g‘risidagi ma’lumotnoma ilova qilinadi.

✔️ Talabalar o‘qishni bitirganidan so‘ng buyurtmachi korxona yoki tashkilotda ishlab berish sharti bilanariza topshiradi.

📌 Ariza topshirish va saralab olishda ishtirok etuvchi talabgorlarning joriy o‘quv yilida o‘zlashtirish GPA ko‘rsatkichi 3 va undan yuqori bo‘lishi talab etiladi.

🔎 Tanlov komissiyasi har yili 15-oktyabrgacha oliy ta’lim tashkilotida talabgorlarni suhbat asosida saralab olishdan o‘tkazadi.

📑 Talabgorlarni saralab olishda buyurtmachi vakili xulosasi asosiy mezon hisoblanadi.

☑️ 3 tomonlama shartnoma tuzgan va ta’limni muvaffaqiyatli tamomlagan talabalar o‘qishini bitirganidan keyinbuyurtmachi tomonidan belgilangan tartibda ishga qabul qilinadi.

Do'stlarga ulashing👇
https://t.me/+D8upafGDfsdiNGNi

⚡️ MARKAZIY BANKINING MAXSUS STIPENDIYASI UCHUN TANLOV E’LON QILINADI!

🎓 Iqtidorli talabalar uchun yangi imkoniyat!
O‘zbekiston Respublikasi Markaziy bankining maxsus stipendiya dasturi iqtisodiyot, bank ishi, moliya, yurisprudensiya va axborot texnologiyalari yo‘nalishlarida tahsil olayotgan, yuqori akademik ko‘rsatkichlarga ega, ilmiy-ijodiy salohiyatli va faol talabalarni qo‘llab-quvvatlash maqsadida tashkil etiladi.

💸 Stipendiya miqdori — bazaviy hisoblash miqdorining kamida 3 baravari.
📎 Asosiy talablar:
• bakalavriat yoki magistraturaning so‘nggi bosqichida kunduzgi ta’limda tahsil olish;
• yuqori akademik reyting ko‘rsatkichiga ega bo‘lish;
• davlat tilini mukammal bilish;
• rus va ingliz tillarini kamida B2 darajasida bilish;
• belgilangan iqtisodiyot, moliya, bank, IT, yurisprudensiya va boshqa tegishli yo‘nalishlarda tahsil olayotgan bo‘lish.

🗃 Ustunlik beriladi:
• IELTS 7.0 va undan yuqori natijaga ega nomzodlarga;
• ACCA va boshqa xalqaro moliyaviy sertifikatlarga ega bo‘lganlarga;
• Big Data bilan ishlash ko‘nikmasiga ega talabalarga;
• iqtisodiyot, moliya yoki IT yo‘nalishidagi xalqaro va respublika olimpiadalari g‘oliblariga.

📝 Qo‘shimcha imkoniyat: stipendiatlar Markaziy bankning tegishli bo‘linmalarida haftasiga 15 soatdan oshmagan holda amaliyot o‘tash imkoniyatiga ega bo‘ladilar.
📌 Tanlov bosqichlari:
⏰ Arizalar: 11-sentabrgacha
🖥 Ariza topshirish: Markaziy bank rasmiy Telegram boti
💻 Test sinovi: 15-sentabr, soat 10:00
🌐 Masofaviy shaklda.
🛜 Xorijiy til bo‘yicha suhbat: 16-sentabr, soat 11:00
Google Meet orqali.
🔄 Ekspert guruhi suhbati: 18-sentabr, soat 10:00.
📱 Ma’lumot uchun: (71) 212-60-91
🔅 O‘z bilimingiz va salohiyatingizni namoyon eting — Markaziy bank maxsus stipendiyasi sohibiga aylaning!

Do'stlarga ulashing👇
https://t.me/+D8upafGDfsdiNGNi