♨️Ikkinchi yarim yillik uchun to‘lov-kontrakt narxlari

O‘zbekiston Respublikasi Prezidentining 2019 yil 31 dekabrdagi Qarori bilan 2020 yil 1 fevraldan boshlab byudjet muassasalari va tashkilotlari xodimlarining ish haqi, pensiyalar, stipendiyalar, nafaqalar hamda kam ta’minlangan oilalarga beriladigan moddiy yordam miqdori 7 foizga oshirildi.


Bilasiz, Oliy va o‘rta maxsus ta’lim vazirligi to‘lov-kontrakt miqdorlarini mehnatga haq to‘lashning eng kam miqdoriga bog‘lagan.

Shunday bo‘lsada, vazirlik o‘quv yilining ikkinchi yarim yili uchun to‘lov-kontrakt miqdorlari o‘zgarishi mumkinligini, kontrakt narxlari oshganda qo‘shimcha ma’lumot beramiz dedi.

Agar to‘lov-kontrakt miqdorlari MHTEKMga nisbatan o‘zgaradigan bo‘lsa, keyingi yarim yillik uchun narxlar taxminan quyidagicha ko‘rinish oladi.

Talabalarga ulashing👇👇
https://telegram.me/joinchat/AAAAAFKT9qZEVgruNIKRcA

O‘zini o‘zi moliyalashtiruvchi OTMlarga beriladigan qo‘shimcha vakolatlar haqida aytildi.

Bugun, 16-yanvar kuni AOKAda Oliy ta’lim vazirligi tamonidan “Oliy ta’lim muassasalarining bosqichma-bosqich o‘zini o‘zi moliyalashtirishga o‘tish istiqbollari” mavzusida matbuot anjumani tashkil etildi.

Matbuot anjumanida qayd etilishicha, Vazirlar Mahkamasining “Oliy ta’lim muassasalarining bosqichma-bosqich o‘zini o‘zi moliyalashtirishga o‘tish istiqbollari to‘g‘risida”gi qarori asosida 2020-yilning 1-yanvaridan boshlab O‘zbekistondagi 10 ta moliyaviy barqaror OTM sinov-tajriba tariqasida o‘zini o‘zi moliyalashtirish tizimiga o‘tdi. 2020-yildan mazkur muassasalar 17 ming talabani o‘qishga qabul qilishi kutilmoqda. Bu esa 2019-yildan 20 foiz ko‘p deganidir.

Tadbirda soha mutasaddilarining ta’kidlashlaricha, yangi tizimga o‘tilganidan so‘ng OTM to‘lov-kontrakt summasini, shuningdek qabul kvotalari sonini ham mustaqil ravishda belgilashiga vakolat beriladi.

“Universitetning moliyaviy barqarorligiga qarab kontrakt summasini OTM o‘zi belgilaydi. Talabalarning ijtimoiy himoyaga muhtoj va iqtidorli bo‘lgan qatlamiga moddiy yordam berishdagi imtiyozlarni ham universitetning o‘zi belgilaydi. O‘zini o‘zi moliyalashtirish tizimiga o‘tgan OTM hisobraqamidagi mabag‘larni universitetning o‘zi mustaqil belgilaydi.

Tizimning yana bir afzallik tomoni hodimlar va professor o‘qituvchilarning oylik ish haqlari va faoliyat samaradorligidan kelib chiqib ustamalar belgilashga vakolat beriladi”, deydi TDYU rektori Raxim Xakimov.

“Tizim ishga tushganidan so‘ng universitetlar o‘zlari tomonidan yangi fakultetlar ochishi va yillik o‘quv rejalarini hamda dars soatlarini o‘zlari mustaqil belgilashlari mumkin bo‘ladi", - deydi O‘zDJTU rektori G‘anisher Rahimov. – Talabaning dars soatlari qisqartirilib, o‘zining ustida ko‘proq ishlashi uchun vaqt ajratib beriladi.”

Eslatib o‘tamiz, 2 yillik sinov tariqasida tanlab olingan 10 ta OTM samarali natija bersa, o‘zini o‘zi moliyalashtirish tizimidagi universitetlar soni ko‘payishi mumkin. Tahlil natijalariga ko‘ra, 2020-yilda respublikadagi OTMlarni moliyalashtirishga 7 trln. so‘mdan ortiq mablag‘ ajratish taxmin qilinmoqda.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

«Биз буни орқага қайтармаймиз...» — Вазир ўринбосари янги стипендия тизимининг ҳуқуқий асоси ҳақидаги саволга жавоб берди.

16 январь куни Ахборот ва оммавий коммуникациялар агентлигида «Олий таълим муассасаларининг босқичма-босқич ўзини-ўзи молиялаштиришга ўтиш истиқболлари» мавзусида матбуот анжумани ўтказилди.

Унда Олий таълим вазирлиги мутасаддилари, ОТМ ректорлари президент қарори асосида (ПҚ-4391-сон) 2020 йилнинг 1 январидан бошлаб тажриба-синов тариқасида ўзини-ўзи молиялаштириш тизимига ўтган олий таълим муассасалари ва янги тизим бўйича кутилаётган янгиликлар ҳақида маълумот берди.

Хусусан, Олий таълим вазири ўринбосари Сарвар Бузрукхоновнинг сўзларига кўра, мустақил молиялаштириш тизимига ўтадиган олий таълим муассасаларида давлат гранти ва табақалаштирилган тўлов-контракт асосида кадрлар тайёрлаш давом этади. Бу эса қабул квоталарини нафақат сақлаб қолиш, балки уларни ошириш имконини беради.

«Мисол учун, 2020 йилдан ўзини ўзи молиялаштиришга ўтган олий таълим муассасалари қарийб 17 минг нафар талабани ўқишга қабул қилиши кутилмоқда, бу эса 2019 йилдаги кўрсаткичдан 20 фоизга кўп.

Шунингдек, ўзини-ўзи молиялаштириш тизими жорий этилиши олий таълим соҳасининг давлат томонидан қўллаб-қувватланиши ва бюджет маблағлари ажратилишини камайтирмайди, аксинча, Ҳукумат иқтисодиёт тармоқлари учун зарур бўлган малакали мутахассисларни тайёрлашда инвестор бўлиб қолади. Таҳлилларга кўра, 2020 йилда республикадаги олий таълим муассасаларини молиялаштиришга 7 трлн сўмдан ортиқ маблағ ажратилади», дея унинг сўзларини келтирмоқда Kun.uz мухбири.

Тадбир давомида 2019 йилнинг сентябрь ойидан бошлаб олий таълим муассасалари талабаларига янги тартибда стипендия тўланаётгани, бу эса амалдаги қонунчиликка қанчалик мос келиши борасида савол берилди.

«2004 йилда тасдиқланган ва ҳозир ҳам ўз кучида бўлиб турган Йўриқномага кўра, олий таълим муассасалари талабаларига дифференциалланган стипендия бериши белгиланган. Йўриқномага кўра, 5 баҳо олган талабаларга 1 коэффициент, 4 баҳо – 0.75 коэффициент ва 3 баҳо олганларга 0.5 коэффициентда стипендия тўлаш керак. Аммо сентябрь ойидан буён бу қоидага риоя қилинмаяпти. 3 ва 4 баҳо олганларга 400 минг сўм, 5 баҳо олганларга эса 460 минг сўм стипендия берилмоқда. Ваҳолангки, бундай тўлов қилиш учун бирорта норматив ҳужжат қабул қилинмаган.

Бу ҳолат «Норматив-ҳуқуқий ҳужжатлар тўғрисида»ги қонунга зид эмасми? Нима учун амалда бўлиб турган Йўриқномага ҳеч бир асоссиз риоя қилинмаяпти?», дейилган саволда.

Саволга Сарвар Бузрукхонов жавоб қайтарди.

«Бизда ҳужжат бор. Бу 1339-сонли Олий ва ўрта махсус таълим ҳамда Молия вазирликлари тасдиқлаган ҳужжат. Биз шу ҳужжат асосида стипендия тайинланганмиз.

Бу тизимга ўтилганининг ижобий томонлари ҳам бор. ОАВ тизимнинг бу томонларини ҳам жамоатчиликка етказиши керак. Вазиримиз бир неча кун аввал ҳам айтдилар, 5 баҳога ўқиган талабаларга қўшимча рағбатлантириш берилади. Бу бўйича шу кунларда Вазирлар Маҳкамаси қарори ҳам чиқади.

Биз стипендияни 400 минг сўм ва контракт тўловисиз қилиб белгилаганимиз бу Ўзбекистон халқига жуда катта имконият бўлди. Буни эса ҳеч ким гапирмаяпти.

Бугунги кунда 195 минг 890 нафар талаба (кундузги таълим) стипендиясиз ўқияпти ва улар контракт учун пул тўламаяпти.

Биз буни орқага қайтармаймиз. Орқага қайтилмайди. 62 фоиз талаба 3 баҳога ўқирди. Бу қарийб 200 минг талаба дегани. Бу орқага қайтмайди.

Эртага қарор чиқади ва ҳаммаси жойига тушади (Вазирлар Маҳкамаси қарори). Биз буни орқага қайтарсак, 200 мингта талабадан ҳам пулини қайтариб олишимиз керак бўларди. Бунга қандай реакция бўлади? Буни қайтариш ниятимиз йўқ, қайтарамиз, фақат талабаларга рағбатлантириш пулини берамиз.

Бу масалани алоҳида брифинг қилиб журналистларга етказамиз», деган Сарвар Бузрукхонов.

Манба: kun.uz

Батафсил 👇👇
https://telegram.me/joinchat/AAAAAFKT9qZEVgruNIKRcA

Goʻzal jannat bizga boʻlmasin armon,
Tark etmasin sira qalblarni iymon.
Bu kun savoblaridan nasib aylasin,
Juma ayyomingiz muborak boʻlsin.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

Олий таълим муассасаларининг ўзини ўзи молиялаштириш тизимига ўтиши: имконият, афзаллик ва рақобат

Ўзбекистон Республикаси Президентининг “Олий ва ўрта махсус таълим тизимига бошқарувнинг янги тамойилларини жорий этиш чора-тадбирлари тўғрисида”ги қарори ҳамда Ўзбекистон Республикаси Вазирлар Маҳкамасининг “Олий таълим муассасаларини босқичма-босқич ўзини ўзи молиялаштириш тизимига ўтказиш тўғрисида”ги қарори асосида 2020 йил 1 январдан бошлаб юртимиздаги 10 та олий таълим муассасаси тажриба-синов тариқасида ўзини ўзи молиялаштириш тизимига ўтади.

Янги тизимни жорий этишдан мақсад нима?

Бундан кўзланган асосий мақсад олий таълим муассасаларининг молиявий бошқарув тизимини либераллаштириш, уларга бюджетдан ташқари маблағларни жалб қилишда кўпроқ имкониятлар яратиш, профессор-ўқитувчилар ва талабаларга замонавий шарт-шароитлар яратиш орқали олий таълимдаги ислоҳотлар самарадорлиги ва таълим сифатини оширишдир.

2020 йил январидан тажриба-синов тариқасида ўзини ўзи молиялаштириш тизимига ўтадиган ОТМлар:

👉 Тошкент давлат иқтисодиёт университети
👉 Тошкент давлат юридик университети
👉 Урганч давлат университети
👉 Ўзбекистон давлат жаҳон тиллари университети
👉 Самарқанд давлат чет тиллар институти
👉 Самарқанд иқтисодиёт ва сервис институти
👉 Тошкент молия институти
👉 Тошкент давлат шарқшунослик институти
👉 Тошкент фармацевтика институти
👉 Тошкент темир йўл муҳандислари институти.

Тизимнинг афзаллиги нимада?

Ўзини ўзи молиялаштиришга ўтадиган олий таълим муассасаларига таълим бозоридаги талаб ва таклифдан келиб чиққан ҳолда ҳамда муассасанинг илмий-педагогик салоҳияти, унинг моддий-техник базаси имкониятларини инобатга олиб, янги бакалавриат таълим йўналишлари ва магистратура мутахассисликларини очиш, талабаларни тўлов-контракт асосида ўқишга қабул қилиш параметрлари ва тўлов-контракт асосида ўқитиш қийматини белгилаш ҳуқуқи берилади.

Давлат гранти тугатиладими?

Мустақил молиялаштириш тизимига ўтадиган олий таълим муассасаларида давлат гранти ва табақалаштирилган тўлов-контракт асосида кадрлар тайёрлаш давом этади. Бу эса қабул квоталарини нафақат сақлаб қолиш, балки уларни ошириш имконини беради.

Харажатларни ОТМларнинг ўзлари белгилайди

Ҳозирда олий таълим муассасалари ўз маблағларини кўп ҳолларда олдиндан белгилаб берилган тартибда сарфлашга мажбур, яъни ажратилган маблағга мувофиқ харажат қилинади: 46,8% — ойлик маошлар учун, 33,1% — стипендияларга, 11,5% — бюджет учун ажратмалар ва 8,6 % — бошқа харажатлар учун. Янги молиялаштириш тизимига ўтадиган олий таълим муассасалари эса юқоридаги мақсадлар учун қанча маблағ сарфлашни мустақил ўзи белгилайди, яъни мақсадга мувофиқ харажат қилинади.

Бунда, олий таълим муассасаси юқори малакали мутахассисларни жалб этиш ва уларга кўпроқ хақ тўлаш, кўрсатиладиган таълим хизматлари сифатини ошириш мақсадида ходимларга устамалар ва моддий рағбатлантиришнинг бошқа турларини мустақил белгилаш, иқтидорли, шунингдек аҳолининг ижтимоий ҳимояга муҳтож қатламларидан бўлган талабаларни моддий рағбатлантириш ва қўллаб-қувватлаш ҳуқуқига эга бўлади.

Қолаверса, олий таълим муассасаларига ўқитишнинг инновацион шакл ва услубларини жорий этиш ҳамда ходимларни қайта тайёрлаш ва уларнинг малакасини ошириш, моддий-техник базани мустаҳкамлаш, дастурий таъминотлар, замонавий ахборот-коммуникация воситалари, ўқув ва илмий лабораториялар ҳамда сарфланадиган лаборатория материалларини, китоблар, журналлар, ўқув адабиётларини харид қилиш ва чоп эттириш учун маблағларни мустақил сарфлаш ҳуқуқи берилади.

Контракт миқдори ошириладими?

Янги тизимга ўтаётган олий таълим муассасаларида тўлов-контракт нархларининг кескин ошиб кетмаслиги, қўшимча маблағ топиш мақсадида мавжуд имкониятларга зид равишда ортиқча қабулнинг амалга оширилмаслиги, энг муҳими соҳада коррупцияга йўл қўймаслик учун мазкур 10 та олий таълим муассасасидаги ўқув жараёнлари Олий ва ўрта махсус таълим вазирлиги томонидан тегишли ташкилотлар билан ҳамкорликда қатъий назорат қилиб борилади.

@eduuz Олий ва ўрта махсус таълим вазирлиги

Батафсил👇👇
https://telegram.me/joinchat/AAAAAFKT9qZEVgruNIKRcA

​​Terrorizm dunyo iqtisodiyoti uchun yiliga $34 mlrdga tushyapti.

Terrorizm dunyo iqtisodiyoti uchun yiliga $34 mlrdga tushyapti
Iqtisodiyot va tinchlik institutining Global terrorchilik indeksiga ko‘ra, global terrorchilik 2018 yilda kamroq odamning hayotiga nuqta qo‘ydi, biroq uning iqtisodiy va ijtimoiy ta’siri keng qamrovli bo‘ldi.

Terrorizm qurbonlarining umumiy soni ketma-ket to‘rt yil davomida 15.2 %dan kamayib 2018 yilda 15 912 kishini tashkil etdi — bu o‘tgan yillar ichidagi eng yuqori ko‘rsatgich bo‘lgan 2014 yildan 53% ga kamroq degani.

Raqamlarning kamayishida Yaqin Sharqdagi urushlarda qozonilgan g‘alaba hamda mintaqadagi harbiy harakatlarning imkon qadar kamaytirilishi muhim rol o‘ynadi.

Shunga qaramay, hisobotda aytilishicha, dunyo bo‘ylab terrorizm xavfi oldi olinishi va unga qarshi kurash uchun sarflanayotgan pul miqdori ortib borgan: hisob-kitoblar 2018 yilda terrorchilik jahon iqtisodiyotiga $34 mlrdga “tushganini” ko‘rsatmoqda.

"So‘nggi 20 yil ichida, shubhasiz, G‘arb tashqi siyosati va G‘arbning aralashuvi dunyoning turli mintaqalarida terrorizm darajasiga ta’sir ko‘rsatdi", deydi Iqtisodiyot va tinchlik institutining Yaqin Sharq va Yevropa bo‘yicha direktori Serj Strubents.

Afg‘oniston va Iroq hali ham terrorizm qurbonlari soni bo‘yicha yetakchi

Afg‘onistonda ketma-ket ikki yil davomida terrorizm bilan bog‘liq eng ko‘p o‘lim va voqealarni qayd etildi, 2018 yilning o‘zida 7000 dan ortiq o‘lim va 1400 ta terror xodisalari hisobga olindi.

"Afg‘onistonda tolibon harakatining kuchaygani, IShIDning Xuroson bo‘limi faoliyati jadallashuvi va davom etayotgan siyosiy berqarorlik tufayli zo‘ravonliklar keskin avj oldi", - deyiladi hisobotda.

Shuningdek, tolibon eng dahshatli terror guruh “unvoni”ni IShIDdan tortib olgan, dunyo bo‘ylab terrorga aloqador o‘limlarning 38%ida ularning “hissasi” bor. 2001 yildan beri Afg‘onistonda qariyb 40 ming kishi terror qurboni bo‘ldi.

"O‘tgan yili Iroqda terrorizm natijasida halok bo‘lganlar sonining 70 foizga kamayganiga guvoh bo‘ldik. Afg‘onistonda esa bu narsa yuqoriga ko‘tarilgan”, - dedi Strubens.

Iroqda vafot etganlar soni 2017 yildagi 4,271 dan 2018 yilda 1054 taga kamaydi va bu 75% pasayishni anglatadi. Shunga qaramay, 2001 yildan beri Iroqda terrorizm bilan bog‘liq voqealarda 66000 dan oshiq odamlar hayotdan ko‘z yumdi.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

Madyarova Bibinaga tegishli plastik kartochka hamda oylik yo'l chiptasi topib olingan.

Taniganlar bo'lsa xabar qilinglar!

Murojaat uchun: +998943898899

​​ЎзА МИНБАРИ: Олий таълим муассасалари тарбия масканими ёки таълим бизнесининг бир бўлаги?

Юртимиз қадимдан илм-зиё маскани бўлиб келган. Буюк алломаларимизнинг дунёга машҳур шох асарлари халқимизнинг дунё тамаддуни ривожига қўшган ҳиссаси бўлиб, уларнинг кўпчилиги ҳатто ҳозир ҳам амалий аҳамиятга эга. Ҳозирги Ўзбекистон ҳудуди Марказий Осиё минтақасида тарихда илм-фан, маданият ўчоғи бўлганлиги боис, илмга интилиш, уни эъзозлаш бу ҳудуд аҳолисининг қон-қонига сингиб кетган. Мамлакатимизда бугун ҳам таълим тизими ва жараёнини тўғри ташкил этиш масалалари давлат ва жамият ҳаётидаги муҳим вазифа сифатида долзарблигича қолмоқда. Бу борада бир қанча қонун ҳужжатлари қабул қилинди.

Манба: ЎзА

Батафсил👇👇
https://telegram.me/joinchat/AAAAAFKT9qZEVgruNIKRcA

Chekishni butunlay tashlamoqchimisiz? Unda quyidagilarga amal qiling.

Statistik ma’lumotlarga ko‘ra, chekuvchilarning 60 foizi o‘zining mana shu zararli odatlarini tashlashni orzu qilishar ekan. Bu yo‘lda ko‘p harakat qilishadi ham, biroq buning uddasidan chiqishmaydi.
Mazkur maqolada ushbu zararli odatni butunlay unutishga yordam beruvchi tavsiyalarni havola etamiz...

• Chekishni tashlayotganligingizni hammaga ayting
Amerikalik olimlarning ta’kidlashicha, ommaviy bayonotlar maqsadga erishishga yordam beradi. Xususan, kashandalarning chekishni tashlashga bo‘lgan istagini ko‘pchilikka aytishi ham buning uddasidan chiqishiga yordam beradi. Barcha do‘stlaringizga bu haqdagi xabarni yetkazing. Ularning qo‘llab-quvvatlashi siz uchun faqatgina foyda bo‘ladi. Keyingi safar chekuvchilar bor bo‘lgan ziyofatlarga sizni kamroq olib borishadi.
Nima bo‘lganda ham, chekishni tashlash uchun sabr va mustahkam istak bilan qurollanish lozim. Psixologlarning aytishicha, har qanday xumor tutishi atigi bir daqiqagina davom etuvchi jarayon. Qattiq tamaki chekkingiz kelganda, bir daqiqa davomida chuqurroq nafas olishga harakat qiling. Bu vaqtda 60 gacha sanashingiz ham mumkin. Shunda e’tiboringizni boshqa narsaga chalg‘itgan bo‘lasiz.

• Jismoniy faollik
Angliyalik olimlar jismoniy faollikning inkor etish sindromi bilan bog‘liqligini aniqlashga doir tadqiqot o‘tkazishdi. Insonlar chekishni tashlashga urinishganida ularda nimaningdir yetishmayotganlik hissi paydo bo‘ladi. Jismoniy faollik esa mana shu hissiyotni bosishga, hayolga o‘tirib qolgan fikrlarni quvishga yordam beradi. Sport tamaki tarkibidagi nikotin moddasiga ta’sirchan asab hujayralariga quvvatlovchi ta’sir ko‘rsatadi.

• Meva-sabzavotlarni ko‘proq iste’mol qiling
Kundalik taomnomada meva-sabzavotlarga ko‘proq joy ajratilishi chekishni tashlashga yordam beradi. Buni aniqlash uchun yoshi 25 yoshdan katta bo‘lgan ko‘ngillilarda tadqiqot o‘tkazildi. Natijalarga ko‘ra, inson qancha ko‘p meva-sabzavot yesa organizmga zaharli moddalarning tushish xavfi shuncha kamayadi. Negaki, ularning boy tarkibi tanani kerakli moddalar bilan boyitadi. Ertalab och qoringa yarim stakan limon sharbatiga suv qo‘shib ichish ham chekishni tashlashga yordam beradi. Nonushtaga apelsinli, banan yoki olmali sharbat ichish tavsiya etiladi. Tushlikka esa yog‘li ovqatlarni salatlar bilan birga yeyishga harakat qiling. Sabzavotli sho‘rvalar, mevali piroglar, kompotlar menyuning turfa xilligini ta’minlaydi va chekishga bo‘lgan istakni “o‘tmaslashtiradi”.

• Sut ichishni unutmang
Sut iste’molidan keyin tamakinig ta’mi yoqimsiz bo‘lib qoladi. Qolaversa, aynan sut chekishga bo‘lgan istakni susaytiradi. Sut va sut mahsulotlari organizmning kasalliklarga qarshi kurashish qobiliyatini mustahkamlaydi. U uzoq muddat tamaki chekilishi oqibatida paydo bo’lgan o‘pkadagi zararlanishlarga malham bo‘ladi.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

<<Oldingi qismi

Haqiqatda umringizni mazmunli qila oladigan 30 maslahat.

Hayotni yaxshi tarafga o‘zgartirish uchun harakat qilish kerak, lekin doim ham ishni nimadan boshlashni bilmaysiz. Quyida keltirilayotgan 30 maslahat quruq gaplar emas, ular sinovdan o‘tgan hayot tarjribalaridir.

21. Stress darajasini kuzatib boring va qisqa tanaffuslar qiling

Tinchlaning, chuqur nafas oling. Bir nafasga to‘xtang, kuchingizni o‘lchab ko‘ring va ana shundan keyingina yana aniq maqsadlar sari odimlang.

Ishingizda to‘qishishlar uchrayaptimi, unda sizga qisqa tanaffus yordam beradi. Bu aqlingizni tiniqlashtiradi, mahsuldorligingizni oshiradi. Shu bilan birga bu tanaffuslar to‘g‘ri maqsad sari tashlayotgan qadamlaringiz siz o‘ylaganchilik aniq yo‘ldan ketyaptimi yo‘qmi, shuni bilish uchun ortga nazar tashlashga imkon beradi.

22. Kichik xabarlardan ham go‘zallik yasang

To‘y, bola tug‘ilishi, xizmatdagi o‘sish yoki lotereyadan yutish kabi katta yangiliklar o‘rniga, hayotimizda sodir bo‘layotgan, bir qarashda ko‘zga tashlanmaydigan xabarlardan baxt qidiring.

Har kun o‘rningizdan turganingizdagi qahva hidi, yangi uzilgan qaynoqqina nonning muattar bo‘yi, ishkomda qo‘ngancha sayrayotgan qushlar ovozi, bularning bari unutilmas lahzalarga aylansin siz uchun. Ana shular bitmas-tuganmas baxt zarralaridir. Ana shunday kichik narsalardan quvonch,baxt izlashga harakat qiling va sizning hayotingiz o‘sha paytning o‘zidayoq nurga to‘ladi.

23. Mukammal bo‘lmasa-da, narsalarni qabul qilishni o‘rganing

Unutmang: mukammal degani yaxshi degani emas. Odamlar uchun o‘zlarini va butun dunyoni yaxshilashga o‘rgatuvchi eng katta saboq shuki, narsalarni qandoq bo‘lsa, shundoqligicha qabul qilish kerak.

Gohida atrofdagi odamlar va buyumlarni borligicha qabul qilish yaxshi natijalarga olib keladi. Bu degani oddiy hayotga rozi bo‘lish yoki o‘zgartirish kerak bo‘lgan narsalardan ko‘z yumish lozim, degani emas. Shunchaki ayrim hollarda nomukammal narsalarni ham qabul qilishni o‘rganib olish kerak.

24. Maqsadingiz sari har kuni intiling

Nimani orzu qilganingizdan qat'i nazar u tomon har kuni tinimsiz harakat qiling. Har bir kichik qadam, har bir kichik harakat sizni maqsad sari harakatlantiradi.

Oramizdan ko‘pchiligimiz orzularimiz, maqsadlarimiz haqida o‘ylaydi, ammo kamchilik kishi ular tomon harakatlanadi. Bu harakatlar qachonki, maqsad sari borsakkina o‘z yakuniga yetadi, ungacha esa yo‘q.

25. Tuyg‘ularingizga nisbatan ochiq bo‘ling

Qiynalayotgan bo‘lsangiz, uni boshingizdan o‘tkazish uchun, unga vaqt bering. Ammo qobig‘ingizga o‘ralib qolmang, ongingiz qa'ridagi og‘riqlarni unutishga urunmang. Yaqin insonlaringiz bilan suhbatlashing, nimalarni his etayotganingiz haqida ularga ayting va ularga tinglash imkoniyatini hadya eting. Bu oddiy haqiqat o‘z kuchini tashqariga chiqaradi: birinchi qadamlar o‘z samarasini beradi. Siz o‘zingizni oldingidek yaxshi his etasiz.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

“Talabalarga faqat rag‘batlantirish pulini beramiz”. Vazir o‘rinbosari stipendiya masalasiga munosabat bildirdi.

Axborot va ommaviy kommunikatsiyalar agentligida 16-yanvar kuni Oliy va o‘rta maxsus ta’lim vazirligi mas’ul xodimlari va OTMlar rektorlari ishtirokida matbuot anjumani o‘tkazildi.

“Daryo” muxbiri Mirolim Isajonovning xabar berishicha, unda jurnalistlar tomonidan berilgan “2019-yilning sentabr oyidan boshlab oliy ta’lim muassasalari talabalariga yangi tartibda stipendiya to‘lanayotgani, bu esa amaldagi qonunchilikka qanchalik mos kelishi” borasidagi savolga vazir o‘rinbosari Sarvarxon Buzrukxonov qisman javob qaytardi.

“Bizda 2004-yili tasdiqlangan va hozir ham ishlab turgan yo‘riqnoma mavjud. Mazkur 1339-sonli idoraviy hujjatni Oliy va o‘rta maxsus ta’lim hamda Moliya vazirliklari tasdiqlagan. Stipendiya tayinlashni ham shu hujjat asosida yo‘lga qo‘yganmiz”, — dedi Sarvarxon Buzrukxonov.

Vazir o‘rinbosarining so‘zlariga ko‘ra ushbu tizimga o‘tilganining ijobiy tomonlari ham bor. Bu tomonlarini ham OAV jamoatchilikka yetkazishi kerak. Uning qayd etishicha, Oliy va o‘rta-maxsus ta’lim vaziri bir necha kun avval 5 va 4 bahoga o‘qigan talabalarga qo‘shimcha rag‘batlantirish berilishini aytgan. Bu bo‘yicha shu kunlarda Vazirlar Mahkamasi qarori ham chiqishi kutilyapti.

“Biz stipendiyani 400 ming so‘m va kontrakt to‘lovisiz qilib belgilaganimiz bu O‘zbekiston xalqiga juda katta imkoniyat berdi. Buni esa hech kim gapirmayapti.

Bugungi kunda 195 890 nafar yoki 72 foiz talaba (kunduzgi ta’lim) stipendiyasiz o‘qiyapti va ular kontrakt uchun pul to‘lamayapti. Bu ham bir imkoniyat. Biz buni orqaga qaytarmaymiz. Orqaga qaytilmaydi ham. 62 foiz talaba 3 bahoga o‘qirdi. Bu qariyb 200 ming talaba degani. Bu orqaga qaytmaydi.

Ertaga Vazirlar Mahkamasi qarori chiqadi va hammasi joyiga tushadi. Biz buni orqaga qaytarsak, 200 mingta talabadan ham pulini qaytarib olishimiz kerak bo‘lardi. Bunga qanday reaksiya bo‘ladi? Buni qaytarish niyatimiz yo‘q, qaytaramiz, faqat talabalarga rag‘batlantirish pulini beramiz.

Bu masalada yana alohida brifing tashkil etib, jurnalistlarga albatta, yetkazamiz”, — dedi Oliy va o‘rta maxsus ta’lim vaziri o‘rinbosari Sarvarxon Buzrukxonov.

Manba: daryo.uz

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

Toshkent davlat yuridik universitetida yangi yo‘nalishlar ochilishi ma’lum qilindi.

Toshkent davlat yuridik universiteti 2020/2021-o‘quv yilidan boshlab bir qancha yangi yo‘nalishlar bo‘yicha abituriyentlar qabul qilishni rejalashtirmoqda. Bu haqda 16-yanvar kuni AOKAda o‘tkazilgan matbuot anjumanida Adliya vaziri o‘rinbosari, Toshkent davlat yuridik universiteti rektori Rahimjon Hakimov ma’lum qildi.

“O‘zini o‘zi moliyalashtirish tizimiga o‘tganimizdan so‘ng vasiylik kengashi bilan birgalikda bugungi zamon talablaridan kelib chiqib yangi yo‘nalishlar bo‘yicha bakalavr va magistratura bosqichlarini ochish bo‘yicha muzokaralar olib boryapmiz. Oddiy misol, hozir bizda magistraturada advokatura yo‘nalishi yo‘q. Lekin advokatlar palatasidan advokatura yo‘nalishi ochish yuzasidan juda katta talab kelib tushyapti. Advokaturani chuqurroq o‘rgatish, bu sohada ilmiy tadqiqotlarni kuchaytirish maqsadida yangi o‘quv yilidan alohida advokatura yo‘nalishini ochamiz. Bundan tashqari, yurtimizda xalqaro arbitraj sohasi mutaxassislariga ham talab katta. Bu yo‘nalish bo‘yicha ham chet el professor-o‘qituvchilarini jalb qilgan holda magistrlarni tayyorlashni ko‘zda tutmoqdamiz. Bularning barchasi amaliyot talablaridan kelib chiqadi. O‘zini o‘zi moliyalashtirishga o‘tish real hayotga, bozor talablariga moslashtirishga olib keladi”, — dedi Hakimov.

Matbuot anjumanidan so‘ng “Daryo” muxbiri Mirolim Isajonovga qisqa intervyu bergan Toshkent davlat yuridik universiteti rektori bakalavr bosqichida ham yangi yo‘nalish ochish ko‘zda tutilayotganini qayd etdi.

“Biz xalqaro reytinglarga chiqishni oldimizga maqsad qilganmiz. Bu 2030-yilgacha oliy ta’limni rivojlantirish konsepsiyasida ham belgilangan. Buning uchun ta’lim yo‘nalishlari ko‘p bo‘lishi kerak. Toshkent davlat yuridik universitetida faqat huquqshunoslarni tayyorlaymiz. Bitta yo‘nalish bilan xalqaro reytingga chiqish juda qiyin. Shuning uchun bir qancha yangi ta’lim yo‘nalishlari ochishni rejalashtiryapmiz. Hozir O‘zbekistonda davlat boshqaruvi yo‘nalishi bo‘yicha bakalavr mutaxassislari tayyorlaydigan oliy ta’lim muassasasi yo‘q. Bu chet davlatlarda juda rivojlangan. Biz mana shu yo‘nalishda bakalavr bosqichini ochishni niyat qilganmiz. Ayni paytda bu borada o‘rganish ishlarini olib bormoqdamiz. Buning uchun zarur kadrlar zaxirasini shakllantirib, tegishli darsliklar tayyorlay olsak, albatta, yangi o‘quv yilidan davlat boshqaruvi yo‘nalishini ochmoqchimiz”, — dedi Rahimjon Hakimov.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

Sessiya🥶

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

Toshkent davlat texnika universitetining yana bir filiali tashkil etiladi.

Toshkent davlat texnika universitetining Nukus filiali tashkil etiladi. Vazirlar Mahkamasining bu haqdagi tegishli qarori loyihasi e’lon qilindi.

Oliy va o‘rta maxsus ta’lim vazirligi, Iqtisodiyot va sanoat vazirligi, Moliya vazirligi va Qoraqalpog‘iston respublikasi Vazirlar Kengashining Nukus shahrida Toshkent davlat texnika universitetining Nukus filialini tashkil etish to‘g‘risidagi taklifiga rozilik berilishi mumkin.

Belgilanishicha, Filial Toshkent davlat texnika universitetining yuridik shaxs maqomiga ega bo‘lgan tarkibiy bo‘linmasi hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga va blankalarga, mustaqil balansga hamda O‘zbekiston Respublikasi Moliya vazirligining Gʻaznachiligida shaxsiy g‘azna hisob varaqlariga ega bo‘ladi.

Quyidagilar Filialning asosiy vazifalari etib belgilanadi:

konchilik ishi, konchilik elektr mexanikasi, elektr energetikasi, texnologik jarayonlar va ishlab chiqarishlarni avtomatlashtirish
va boshqarish, mashinasozlik texnologiyasi va mashinasozlik ishlab chiqarishini avtomatlashtirish yo‘nalishlari bo‘yicha yuqori malakali kadrlarni xalqaro standartlar darajasida sifatli tayyorlashni ta’minlash;

talabalar amaliyotini Tebinbuloq kon negizidagi kon-metallurgiya kompleksida tashkil etish va ularga ishlash imkoniyatini yaratish;

xorijiy davlatlarning yetakchi oliy ta’lim muassasalari bilan, jumladan, kon-metallurgiya sohasida Rossiya Federasiyasining yetakchi oliy ta’lim muassasalari bilan hamkorlikda qo‘shma ta’lim dasturlari asosida malakali kadrlar tayyorlash;

kon-metallurgiya sohasining barcha yo‘nalishlari bo‘yicha malakali kadrlarni tayyorlash va qayta tayyorlash, korxonalarning muammolarini hal etishga qaratilgan innovasion tadqiqotlarni faol rivojlantirish;

o‘quv va ilmiy loyihalarni amalga oshirish, ta’lim va ilmiy izlanishlar jarayoniga malakali mutaxassislarni keng jalb etish maqsadida ishlab chiqarish va qayta ishlash sohalaridagi respublika va xorijiy yetakchi oliy ta’lim muassasalari va ilmiy markazlar bilan hamkorlik aloqalarini kuchaytirish;

respublika va xorijiy oliy ta’lim muassasalari hamda ilmiy markazlarga istiqbolli yosh bitiruvchilarni magistratura va doktoranturaga muntazam yuborish orqali Filialning ilmiy-pedagogik salohiyatini oshirib borish;

Filialning mintaqa va xalqaro miqyosdagi nufuzini oshirish maqsadida chet el fuqarolari uchun ta’lim olish imkoniyatini kengaytirish
va ilg‘or xalqaro tajribani tatbiq qilish;

vebinar ta’lim usullarini joriy etish va rivojlantirish.

Belgilanishicha, Filialda o‘quv jarayoni 2020/2021 o‘quv yilidan boshlanadi hamda talabalarni qabul qilish soni belgilangan tartibda har yili tasdiqlanadigan respublika oliy ta’lim muassasalariga o‘qishga qabul qilish kvotalaridan kelib chiqqan holda belgilanadi.

Quyidagilar Filial faoliyatini moliyalashtirish manbalari etib belgilanadi:

O‘zbekiston Respublikasi Davlat byudjeti mablag‘lari;

to‘lov-kontrakt asosida o‘qitishdan tushadigan mablag‘lar;

xo‘jalik faoliyatidan va shartnoma asosida xizmatlar ko‘rsatishdan tushadigan tushumlar;

jismoniy va yuridik shaxslarning homiylik xayriyalari;

xalqaro moliya tashkilotlarining grantlari;

qonun hujjatlarida taqiqlanmagan boshqa manbalar.

Belgilab qo‘yilishicha:

Filialni saqlash xarajatlari 2020 yilda “Maorif” sohasi bo‘yicha tasdiqlangan byudjet parametrlari doirasida, 2021 yildan boshlab esa mazkur sohaga har yili ajratiladigan mablag‘lar doirasida amalga oshiriladi;

Filialning boshlang‘ich faoliyatini samarali tashkil etish maqsadida unga ajratilgan bino va inshootlarni joriy ta’mirlash va jihozlash (mebel, kompyuter texnikasi, o‘quv adabiyotlari va boshqa moddiy-texnika vositalarini xarid qilish) ishlari Oliy va o‘rta maxsus ta’lim vazirligining Oliy ta’lim muassasalarini rivojlantirish jamg‘armasi mablag‘lari hisobiga qoplanadi.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

1.Botga ko'plab yuborilayotgan savollardan biri.

Biznes rejalarni qanday topsam bo'ladi?

Javob:

ASSALOMU ALAYKUM. Odatda biznes boshqalar muammosiga yechim sifatida keladi.

✅O'ylab ko'ring! Qanday muammolaringizga yechim kerak.
Nimadir qimmatdir? Nimadir yo'qdir?

Shularga yechim toping! Internetdan ma'lumot izlang!

✅Qozog'iston va Tojikistonda trendda bo'lgan biznes rejalarni hozirdanoq qo'llab ko'rsa bo'ladi. ( Childcare business bizga kirib kelayotgani )

✅Turkiya va Yevropa davlatlarini ozgina oldinda yurishini hisobga olsak, ulardagi 2 3 yil oldingi bizneslar to'g'ri keladi.
( Dostavka atrofidagi bizneslar)

📌Kimdir qo'li bilan ishlab, xayolida pul sanaydi, kimdir aql bilan ishlab qo'lida pul sanaydi.
#Xalqlar ham shunday.

O'zbek xalqidan 2 mln muhojir Rossiyada ishlaydi. Ularga biznes qilaylik do'stlar. Kanal
#Notijoriy maqsadlarda ochilgan. Moliyalashtirish hozirda #homiylik hisobidan bo'lmoqda. Reklama qilmaymiz

✅✅Kanalni kengaytirishga yordam beringlar, do'stlar. Og'ir mehnat qilishda charchagan do'stlaringizga ulashing.
Qo'qonda bir kishi biznes qilsa, Vohada biznes qilgan kishining noni yarimta bo'lmaydi. Balkim, o'zbekning noni 2 ta bo'ladi. #Xalq boy bo'ladi!

Xurmat bilan Ali Business Academy jamoasi!
Telegram | Facebook

To‘lov-kontraktning 50 foizini to‘lagan abituriyentni OTMga o‘qishga qabul qilish taklif etilmoqda.

Normativ-huquqiy hujjatlar loyihalari muhokamasi portaliga Vazirlar Mahkamasining “O‘zbekiston hukumatining ayrim qarorlariga o‘zgartirish va qo‘shimchalar kiritish to‘g‘risida”gi qarori loyihasi joylashtirildi, deb xabar beradi O‘zA.

Loyihaga asosan “Oliy ta’lim muassasalariga o‘qishga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida”gi qaroriga quyidagicha o‘zgartirishlar kiritiladi:

- Iqtisodiyot tarmoqlarida kamida besh yil ish stajiga ega bo‘lgan fuqarolarni ish faoliyatiga mos bo‘lgan ta’lim yo‘nalishlarining sirtqi va kechki ta’lim shakliga suhbat natijalariga ko‘ra tabaqalashtirilgan to‘lov-kontrakt asosida o‘qishga qabul qilish belgilangan tartibda amalga oshiriladi;

- Oliy ta’lim muassasalarining takliflariga muvofiq ularning imkoniyatlaridan kelib chiqib, Davlat komissiyasi qarori asosida abituriyentlar belgilangan kvotadan tashqari qo‘shimcha va oshirilgan to‘lov-kontrakt asosida o‘qishga qabul qilinishi mumkin.
Oliy ta’lim muassasalari qo‘shimcha qabulni Davlat komissiyasi qarori bilan belgilangan ko‘rsatkichlarga muvofiq to‘plagan ballari Davlat komissiyasi tomonidan belgilanadigan minimal balldan kam bo‘lmagan va tanlagan yo‘nalishlari bo‘yicha asosiy qabul chegaralariga 4 ballgacha yetmagan abituriyentlar orasidan ballar ketma-ketligiga qat’iy rioya qilingan holda amalga oshiradi.

Bunda to‘lov-kontrakt miqdori amalda o‘rnatilgan miqdorga nisbatan quyidagicha belgilanadi:

- to‘plagan ballari tasdiqlangan to‘lov-kontrakt bo‘yicha qabul kvotalari chegarasiga bir ballgacha yetmagan abituriyentlar uchun – 1,5 barobar;

- 1,1 balldan 2 ballgacha yetmaganlar uchun – 2,0 barobar;
2,1 balldan 3 ballgacha yetmaganlar uchun – 2,5 barobar;

- 3,1 balldan 4 ballgacha yetmaganlar uchun – 3,0 barobar.

Davlat komissiyasi tomonidan belgilangan muddatlarda ushbu miqdorlar bo‘yicha to‘lov-kontrakt shartlari birinchi o‘quv yili uchun kamida 50 foizi bajarilgandan so‘ng abituriyent oliy ta’lim muassasasi rektorining buyrug‘i bilan o‘qishga qabul qilinadi.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

​​Germaniya: Oʻqish bepul boʻlgan Zigen universiteti; kurslar, dedlayn va yashash xarajatlari haqida batafsil

Zigen universiteti – University of Siegen Germaniyaning qadimiy oliygohlaridan biri hisoblanadi. Universitet 1536-yilda tashkil etilgan.

Universitetda ta’lim nemis va ingliz tillarida olib boriladi. Oliygohda bakalavriat, magistratura va doktorantura kurslari mavjud. Oliygohda oʻqish bepul.

Universitet ichki stipendiya bermaydi. Ammo oliygohda DAAD grant dasturlari boʻyicha oʻqish mumkin. Masalan shunday kurslardan biri sifatida Master of Science in Computer Science dasturini koʻrsatish mumkin.

Qancha muddat?

Bakalavriat kurslari 3-4 yil, magistratura 2 yil, doktorantura esa 3-4 yilni tashkil etadi.

Kurslarda oʻqish uchun tanlangan yoʻnalish boʻyicha kirish imtihonlari topshiriladi.

Oʻqish toʻlovi va boshqa xarajatlar qancha?

Universitetda oʻqish tekin. Ammo talabaning boshqa xarajatlari mavjud. Bu sarflar oyiga taxminan quyidagicha:

Har semester toʻlanadigan badal: 250 yevro atrofida.
Turar joy: oyiga 300-600 yevro.
Oziq-ovqat va yashash xarajatlari: oyiga 450 yevro.
Transport: oyiga 250 yevro.
Tibbiy sugʻurta: oyiga 85 yevro.
Rezidentlik toʻlovi: 80 yevro.

Qanday qilib hujjat topshirish mumkin?

Hujjatlarni topshirish 2020-yil qishda boshlanadigan kurslar uchun 2020-yilning 17-apreliga qadar davom etadi. Arizalar onlayn tarzda shu yerda topshiriladi.

Hujjat topshirish quydagicha amalga oshiriladi:

Avval kurslar roʻyxatidan kerakli kursni tanlang.
Kerakli hujjatlar hamda minimal talablar har bir kursning sahifasida aks ettirilgan.
Hujjat topshirishdan avval bu haqida yoʻriqnomani batafsil oʻrganib chiqish lozim.

UNISONO tizimi orqali shu yerda ariza toʻldirishni boshlang. Bunda “ingliz tili” versiyasini tanlash mumkin. Berilgan barcha maydonlarni soʻraglan malumotlar bilan toʻldirish shart. Shundan keyin tizim sizga bosqichma-bosqich hujjat topshirish yoʻriqnomasini joʻnatadi.
Onlayn shaklni toʻldiring.
Shundan soʻng sizga login va parol koʻrsatilgan xabar keladi. Ulardan foydalanib soʻralgan barcha hujjatlarni raqamli formatda tizimga yuklaysiz.

Universitet sizning hujjatlaringizning oʻrnatilgan talablarga huquqiy mosligini tekshiradi.
Talablarga mos deb topilgan nomzodlar barcha hujjatlarining qogʻoz shaklini joʻnatishlari lozim boʻladi.

Keyin bu nomzodlar telefon orqali suhbatdan oʻtadilar.
Kerakli hujjatlar:

✅Attestat/kollej/litsey/bakalavr diplomining notarial tasdiqlangan nusxasi.
✅Diplom ilova/baholarning notarial tasdiqlangan nusxasi.
✅IELTS/TOEFL sertfikati. Talabga koʻra, TOEFL dan kamida 87 ball, IELTSdan esa kamida 6 ball talab qilinadi. Ta’lim nemis tilida olib boriladigan kurslar uchun esa TestDAF talab qilinishi mumkin.
✅Magistratura va PhD kurslari uchun CV/resume, research proposal/topic hamda tavsiyanomalar talab qilinishi mumkin.
Grantlar.uz

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

​​​Eng korrupsiyalashgan OTMlar ro‘yxati e’lon qilindi

18 yanvar kuni Bosh prokuraturada Bosh prokuror N. Yo‘ldoshev raisligida Korrupsiyaga qarshi kurashish bo‘yicha Respublika Idoralararo komissiyasining kengaytirilgan yig‘ilishi bo‘lib o‘tdi.

Yig‘ilishda mamlakatda eng korrupsiyalashgan OTMlar qaysilar ekanligi ma’lum qilingan.

2018-yilda “Ijtimoiy fikr” jamoatchilik Markazi o‘tkazgan so‘rovda ishtirok etganlarning 29 foizi oliy ta’lim tizimida korrupsiya keng tarqalgan degan fikrni bildirgan bo‘lsa, 2019-yilda bu salbiy ko‘rsatkich 35 foizni tashkil etgan.

O‘tgan yilning avgust oyida Internet orqali o‘tkazilgan so‘rovda Yuridik, Iqtisodiyot, Milliy, Axborot texnologiyalari universitetlari hamda Tibbiyot akademiyasi korrupsiya eng ko‘p tarqalgan oliy o‘quv yurtlari sifatida ko‘rsatilgan.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

​Abituriyentlar uchun yangilik: Diagnostik test sinovlari yo‘lga qo‘yiladi

Davlat test markazi tomonidan 2020-2021 o‘quv yili uchun oliy ta’lim muassalarida kirish test sinovlari formatidagi diagnostik test sinovlari yo‘lga qo‘yildi.

Bu orqali abituriyentlar nafaqat o‘z bilimlarini sinaydi, balki yangi joriy etilayotgan test materiallari (test topshiriqlari kitobi va javoblar varaqasi) bilan ishlash ko‘nikmasiga ega bo‘ladi.
Diagnostik test snovlari Toshkent shahrida 24-yanvardan, Qoraqalpog‘iston Respublikasi va viloyatlarida 29-yanvardan boshlanadi.
Test sinovida ishtirok etish istagini bildirgan talabgorlar http://5fan.dtm.uz/ sayti orqali ro‘yxatdan o‘tishlari va kerakli ma’lumotlarni kiritgan holda test variantlariga buyurtma berishlari mumkin.

Test variantiga buyurtma berishda talabgorlar tomonidan quyidagi ma’lumotlar aniq belgilanishi lozim.
–Qaysi fanlardan test topshirishi (mutaxassislik fanlari sifatida 2 ta fan)
– Test topshirish tili;
– Test topshirish hududi;
– Test topshirish vaqti ( 1-smena 09:00, 2-smena 14:00)
Test sinovlari Andijon, Namangan va Navoiy viloyatlarida 1 smenada, qolgan barcha hududlarda 2 smenada tashkil etiladi.

Jarayonda ishtirok etuvchilar soni cheklangan bo‘lib, Toshkent shahrida har smenada 350 nafardan, Qoraqalpog‘iston Respublikasi va viloyatlarda 120 nafardan talabgorlar qatnashishi mumkin.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

​​Учта ОТМда юридик факультетлар қайта очилади

16 январь куни Ахборот ва оммавий коммуникациялар агентлигида «Олий таълим муассасаларининг босқичма-босқич ўзини-ўзи молиялаштиришга ўтиш истиқболлари» мавзусида матбуот анжумани ўтказилди.

Унда Олий таълим вазирлиги мутасаддилари ва ОТМ ректорлари президент қарори асосида (ПҚ-4391-сон) 2020 йилнинг 1 январидан бошлаб тажриба-синов тариқасида ўзини ўзи молиялаштириш тизимига ўтган олий таълим муассасалари ва янги тизим бўйича кутилаётган янгиликлар ҳақида маълумот берди.

Тадбир давомида журналистлар томонидан Тошкент давлат юридик университети ўз йўналишида республикадаги ягона таълим муассасаси экани ва юридик факультетларнинг йўқлиги вилоятлардаги кўпчилик ёшларга ноқулайлик келтириб чиқариши айтилди.

Саволга Тошкент давлат юридик университети ректори Раҳим Ҳакимов жавоб қайтарди.

«Ҳақиқатдан ҳам, бугунги кунда юридик кадрларга бўлган эҳтиёж жуда катта. Оддий мисол: Ўзбекистонда ҳар 100 минг аҳолига 12 нафар адвокат тўғри келади. Бу кўрсаткич Европа давлатларида ўртача 162 нафарни ташкил қилади. Яъни бизда бу кўрсаткич Европага қараганда 10 баробар кам.
Юристларга, судяларга эҳтиёжимиз жуда юқори.
Биз шуларни инобатга олган ҳолда, президент администрациясига вилоятлардаги олий таълим муассасаларида ҳам юридик йўналишларни қайта очиш бўйича таклиф киритганмиз. Ҳозирда бу масала бўйича вилоятларда ўрганишлар олиб бориляпти. Яқин ойларда вилоятларда ҳам юридик факультетлар очилади ва бу ҳақда сизга маълумот берамиз», – деди Ҳакимов.
ТДЮУ ректори юридик йўналишлар қайси ҳудудлардаги таълим муассасаларида очилиши мумкинлигига ҳам аниқлик киритди.
«Бу албатта, битта қарор билан битадиган иш эмас. Таълим муассасалари очилиши учун ўша ҳудудлардаги кадрлар салоҳияти ўрганилади.
Дастлабки ўрганиш натижаларига кўра, Самарқанд вилоятида, водий вилоятларидан бири ва Тошкент шаҳридаги Ўзбекистон Миллий университетида юридик факультетлар қайта ташкил қилинади.
Кейинчалик университетлар салоҳиятига қараб барча университетларда юридик факультетларни очиш мумкин, бунга тўсқинлик йўқ.
Юридик факультетлар қанча кўпайса, бизга шунча яхши. Рақобат ўсади. Ҳар бир вилоятда ҳуқуқий мактабларнинг шаклланишидан биз манфаатдормиз», – деди Раҳим Ҳакимов.

©манба: kun.uz

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA