Muammo kimniki?

Sichqon uyda yurar ekan bir chetga qopqon qo‘yilganini ko‘rdi.

Bir-ikki kundan keyin ho‘rozning oldiga borib: «Ey xo‘roz, kel shu qopqonni olib qo‘yamiz. U hammamizga xalaqit beryapti», dedi. Xo‘roz unga javoban «Bu mening muammoim emas. Kimning muammosi bo‘lsa, o‘sha hal qilsin», dedi.

Sichqon: «Mayli», dedi-da, qo‘yning oldiga borib, unga «Ey qo‘y, kel shu qopqonni olib qo‘yamiz. Bu hammamiz uchun xatarli», deb taklif qildi. Qo‘y ham xo‘roz singari «Buning menga aloqasi yo‘q ekan. Muammo kimniki bo‘lsa o‘sha hal qilish kerak», dedi.

Sichqon endi molning oldiga bordi: «Ey mol, shu qopqonni olib qo‘yaylik. Bu hammamizga xalaqit berayapti». Mol: «Bu mening muammoyim emas», dedi…

Kunlarning birida qopqonga ilon tushib qoldi. Chiqishga harakat qilib, uyoq-buyoqqa talpinib, shu yerda yurgan uy egasining ayolini chaqib oldi.

Xo‘jayin ayolini kasalxonaga olib bordi. Yengil muolajadan keyin do‘xtir ho‘jayinga «Biz qo‘limizdan kelganini qildik. Endi uyga olib borib, yaxshi ovqatlardan qilib bering. Tovuq sho‘rva bo‘lsa yanada yaxshi bo‘lardi», dedi.

Xo‘jayin uyga keliboq katakdagi xo‘rozni so‘yib, sho‘rva qildi…

El-ulus: «Falonchining ayoli betob emish, borib yo‘qlamasak bo‘lmas», deb birin-ketin ziyoratga kela boshladi. Xo‘jayin o‘ylanib, «Qardosh, qarindosh, do‘stlar – bari kelyapti. Endi bir ehson qilay», dedi-da, qo‘radagi qo‘yni so‘yishga jazm qildi…

Oradan ko‘p o‘tmay ayolning kasali og‘irlashib, vafot etdi. Xo‘jayin ma’rakalarni o‘tqizish uchun molni ham so‘yib yubordi…

…Masalning qiziq joyi shundaki, «Bu mening muammoyim emas», deganlarning birontasi omon qolmadi. «Muammo meniki», deb jon kuydirgan sichqon esa hamon tirik…

Xulosa sizdan!

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

«Videodarslarni o‘zlashtirishga internet tezligi yo‘l bermayapti» – talabadan maktub

Muhriddin #uydatalimolyapman loyihasiga yo‘llagan maktubida uyda ta’lim olayotgan ko‘p yoshlar duch kelayotgan muammo haqida so‘z yuritgan.

«Men ayni paytda karantinni uyda – Samarqand viloyati, Jomboy tumanida oilam davrasida o‘tkazyapman.

Oilada mendan tashqari yana bir talaba bor: ukam hozir institutning 5-bosqich talabasi. Singlim esa maktabda o‘qiydi. Onam maktabda dars beradi.

Ko‘rib turganingizdek, hammamizning ish va o‘qish faoliyatimizga hozir internet juda kerak. Onam o‘quvchilariga onlayn dars o‘tishi, biz esa onlayn ta’lim olishimiz kerak. Hozir universitetlar tomonidan masofaviy ta’lim yo‘lga qo‘yilgan.

Tuman markazida yashasak ham, uyimizda mobil internet deyarli ishlamayapti.

Onam messenjer orqali zo‘rg‘a dars o‘tyapti. Bizga esa institut bilan bog‘lanishga, videodarslarni ko‘rishga internet tezligi yo‘l qo‘ymaydi.

Uyga Wi-Fi o‘rnatish haqida «Uztelecom» AJning Jomboy tuman filialiga ariza berganmiz. Yaqinda Wi-Fi o‘rnatib berishga va’da berishdi, lekin aytilgan vaqtida ulab berishgani yo‘q.

Aslida Wi-Fi o‘rnatib olish orqali muammomni hal qilib, bu mavzuda yozmoqchi emas edim. Lekin hozir internet muammosi faqat menga aloqador emasligini, tumanda qancha talabalar borligini va agar tuman markazida mobil internet deyarli ishlamayotgan bo‘lsa, markazda joylashmagan mahallalarda ahvol bundan ham yomonligini o‘ylab, yozishga qaror qildim.

Internetning tezligi qay ahvolda ekanini men yuborayotgan video orqali bilib olishingiz mumkin», – deya yozib yuborgan Muhriddin Bahriddinov.

Manba: kun.uz

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

​​#Uyda_qol #Hayotga_qo‘shil – O‘zbekistonda sovrinli sport chellenji e'lon qilindi.

O‘zbekiston Respublikasi Jismoniy tarbiya va sport vazirligi Birlashgan Millatlar Tashkilotining Narkotiklar va jinoyatga qarshi kurash boshqarmasi hamkorligida «6 aprel – Taraqqiyot va tinchlik yo‘lida Xalqaro sport kuni» munosabati bilan yurtdoshlarimiz orasida uy sharoitida jismoniy tarbiya va sport bilan faol shug‘ullanishni keng targ‘ib etish maqsadida o‘ziga xos salomatlik aksiyasini e'lon qiladi.

#Uyda_qol #Hayotga_qo‘shil chellenjida qatnashish orqali siz nafaqat o‘z salomatligingizni mustahkamlaysiz, balki bu orqali qimmatbaho sovg‘alarni yutib olish imkoniyatiga ega bo‘lasiz.

Buning uchun siz:

1) karantinda uyda qolib oila a'zolaringiz bilan birga badantarbiya va sport mashqlarini bajaring hamda uni videoga olgan holda o‘zingizning ijtimoiy tarmoqlardagi sahifalaringiz (Facebook, Instagram)ga joylang;

2) Ushbu videoni Jismoniy tarbiya va sport vazirligining ijtimoiy tarmoqlardagi rasmiy sahifalari (fb.com/www.sport.uz, instagram.com/minsportuz)ga ulashing.

Videoroliklarni baholashda:

〽️ taqdim etilgan videorolikda tanlov ishtirokchisi yoki uning oila a'zolari uy sharoitida sport bilan shug‘ullanish jarayoni aks etganligi;

〽️ uyda sport bilan shug‘ullanish jarayoniga kreativ yondashuvi;

〽️ videorolikning sifati;

〽️ ishtirokchi(lar)ning uyda qolib sport bilan shug‘ullanishga da'vat etgan (chaqiriq) bo‘lishi;

〽️ videoroliklar 3 daqiqadan oshmasligiga e'tibor qaratiladi.

Chellenj joriy yilning 6-26 aprel kunlari oralig‘ida o‘tkaziladi. Har to‘rtinchi kunda chellenjning uch kunlik g‘oliblari aniqlanib, taqdirlab boriladi.

#Uyda_qol #Hayotga_qo‘shil chellenjida faol ishtirok eting va sovg‘alarni qo‘lga kiriting.

Jismoniy tarbiya va sport vazirligi
Matbuot xizmati

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

5-dars

Ilm olish sirlari

(Talablarga binoan Chet tilini o'rganish, lug'atni oson yodlash haqida ham gapiriladi)

Bugun / 21:00da / Jonli efir orqali

Vazifa: Yaqin 6 oyda Qaysi Chet tilini o'rganishni xohlaysiz?
Izohga yozing.

https://www.facebook.com/muhammadali.eshonqulov

Talabalarga ulashing👇👇
https://telegram.me/joinchat/AAAAAFKT9qZEVgruNIKRcA

Koronavirusga yechim topildi. Uyda o'tiramiz🤠

Manba:@srm_uzbekistan

Do'stlarga yuboring😁😁👇
https://telegram.me/joinchat/AAAAAFKT9qZEVgruNIKRcA

"Biz bunday savdoga rozimiz!"

Saudiyalik Rahaf ismli qiz murtad bo‘lib, Kanadadan qochoqlik so‘radi. Saudiyaning u bilan ishiyam yo‘q edi asli. Biroq quvlamaganlardan "qochib", Kanadaga qahramondek yetib bordi. Uni tayyoragohda Kanada Tashqi ishlar vaziri shaxsan kutib oldi. Qiz jonvor cho‘chqa go‘shti yegani, vino ichganini maqtanib rasmlar tarqatdi. Shu bilan uning sa’viyasi ma’lum bo‘ldi. Tvitterda yozganlariga qaraganda, ingliz yoki boshqa jahon tillari emas, arab tilida ham tuzukroq jumla tuzolmasligidan uning savodsiz o‘smir ekani ko‘rinib turgandi.

Kuni kecha esa niderlandlar sobiq siyosatchisi, o‘ng qanot - millatchi islomofoblar partiyasi - Ozodlik Partiyasi nomidan Parlament a’zosi bo‘lgan Joram Van Klaveren islomni qabul qilganini e’lon qildi. Bunday qarorga kelishi sababini bayon qilarkan, u: "Islomga qarshi kitob yozayotgandim. Kitobim uchun izlanishim davomida islom haq ekanini tushunib yetdim," - dedi. Yodingizda bo‘lsa, boshqa bir islomofob siyosatchi va yuqoridagi partiya darg‘alaridan bo‘lgan Arnoud Van Dorn ham 2012 yilda islomni qabul qilib, haj qilgandi. U Joramni musulmon bo‘lgani bilan tabriklar ekan:
"Islomga qarshi tuzilgan partiya musulmonlar yetishtirib chiqaradigan joy bo‘lishi qanday ham ajoyib," dedi.

Gʻarb islomni tashlagan qizga barcha sharoitlar yaratib berdi: qochoqlik statusi, e’tibor, pul, hatto shaxsiy qo‘riqchi. U shahvatlari va foydasi uchun kofir bo‘ldi.
Islomni qabul qilganlar uchun biz hech narsa bermadik. Ular aql va izlanish bilan xolis tanlov qildilar.

Shunday ekan, biz musulmon yigitlarining Gʻarbga aytadiganimiz quyidagicha:

"Sizlar bizning ahmoq va nodonlarimizni oling. Biz sizlarning oqil va mutafakkirlaringizni olamiz. Biz bunday savdoga rozimiz!"

✍ Mahmud Usmon

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

O'z o'qish tezligingizni 200-300% ga oshirmoqchimisiz?
O'qigan ma'lotlaringizni xotirangizda oson saqlashni istaysizmi?

Unda quyidagi dars Siz uchun.
Davomiyligi: 1 soat

👇👇👇
https://youtu.be/DJn6Sp5SoYI

Talabalar kanali😎👇
https://telegram.me/joinchat/AAAAAFKT9qZEVgruNIKRcA

#uydaqoling

Bizda qor deb nomlangan rasm😁😁

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

6-dars
Chet tilini oson va tez o'rganish usullari

Bugun / 21.00 / Jonli efir orqali

* * * * * * * * * * *

Roppa Rosa 1 soatdan so'ng
Quyidagi manzilda:
👇👇👇👇

https://www.facebook.com/muhammadali.eshonqulov

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

👑 Bugun, 9-aprel Sohibqiron AMIR TEMUR bobomizning 684 yilligi! Shunday buyuk ajdodlarimiz avlodi bölganimizdan faxrlanamiz!

Bayram muborak!

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

🇺🇿IIB bugundan odamlarning ogoxlantirish boshlandi. Bunga kora ertadan boshlab katta ko’chalarga olib chiquvchi maxalla yo’llarni yopishar ekan. Va xar bitta oiladan bir kishi magazin va aptekalarga bir marotaba chiqish xuquqiga ega boladi va xar bir ko’chaga chiqgan odam ro’yxatga olinadi. Agar qoidani buzib ikki va undan ortiq marotaba ko’chaga chiqsa yoki oiladagi bir necha odam ko’chaga chiqsa JARIMA solinadi 1.115.000 so’m miqdorida.
Yoqinlarimizga tarqatamiz‼️
🔴
🇷🇺МВД начал предупредить жителей. С завтрашнего дня будут закрыты дороги которые ведут из махали в главные дороги. И один человек из каждой семьи имеет права выйти в магазин и в аптеку лишь один раз и этот человек берётся в список. Если не соблюдать правилам и выйти в улицу два или более раза, или же несколько человек из семьи то будет ОШТРАФОВАН на сумму 1.115.000 сум
Поделитесь с близкими‼️

https://telegram.me/joinchat/AAAAAFKT9qZEVgruNIKRcA

🔹Universitetga nima uchun kirayotganingizni va undan kegin nima ish qilmoqchiligingizni oldindan aniqlab oling!

To'liq ko'rsatuvni ko'rish uchun:

1-qism - https://youtu.be/OCGDdRrNJpk

2-qism - https://youtu.be/8-FxOyobRKs

Manba: MFaktor

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

JUMA AYYOMINGIZ MUBORAK BO‘LSIN!

🌸 Bugun sokin osmonu falak,
🌸 Hamma izlar Allohdan ko‘mak!
🌸 Musulmonmiz bu baxtdir demak,
🌸 Qadrdonlar Juma muborak!

🌷 Yaxshi amal jannatga yo‘lak,
🌷 Savoblarning sovg‘asi bo‘lak.
🌷 Chin yurakdan bildiray tilak,
🌷 JUMA ayyomingiz bo‘lsin muborak!

🤲 Har bir ezgu ishlaringizda Alloh Yor va Yordamchingiz bo‘lsin!

JUMA MUBORAK!

Do'stlarga ulashing 👇👇
https://telegram.me/joinchat/AAAAAFKT9qZEVgruNIKRcA

#Брифинг

Олий ва ўрта махсус таълим вазирилиги матбуот котиби Фарҳод Бабашев Ўзбекистонда коронавирус (COVID-19) эпидемияси бўйича эълон қилинган карантин режими вақтида фуқаролар, ижтимоий тармоқ фойдаланувчилари томонидан Олий таълим вазирлиги фаолиятига оид кўтарилган саволларга жавоб қайтарди.

Ўзбекистон Халқ таълим ва Олий таълим вазирлиги хабарига кўра, фақат 2020/2021 ўқув йилида академик лицей ва касб-ҳунар коллежларини 2020 йилда тугатувчи ўқувчилар имтиёзли тарзда имтиҳонсиз қабул қилиниши тўғрисидаги қарор ҳақида хабарлар тарқалди. Мазкур масалага ойдинлик киритсангиз.

- Вазирлик ушбу нотўғри хабарга ўз муносабатини билдирди: Ижтимоий тармоқларда 2020/2021 ўқув йилида умумтаълим мактаблари ва академик лицей битирувчилари имтиҳонсиз ўқишга қабул қилиниши тўғрисида тарқалган хабарлар ҳақиқатга зиддир. Олий ва ўрта махсус таълим вазирлиги томонидан бундай хабар тарқатилмаган. Вазирлик ўқишга қабул қилиш тартибига ҳеч қандай ўзгартириш киритилмаганини маълум қилади ва абитуриентларни ёзги имтиҳон ҳамда синовларга пухта тайёргарлик кўришга чақиради.

Карантин даврида барча ўқитувчиларга ҳақ тўланадими? Ўз ҳисобимиздан таътилга чиқишга мажбурмизми?

- Бугунги кунда ўқитувчиларга ҳақ тўланадиган меҳнат таътили берилган, бундан ташқари Бандлик ва меҳнат муносабатлари вазирлиги томонидан тасдиқланган низомга мувофиқ онлайн дарс ўтаётган ўқитувчилар масофавий иш режимига ўтказилади, ўз ҳисобидан таътил берилмаган ва берилмайди ҳам.

Олий ва ўрта махсус таълим вазирлиги

Батафсил 👇👇
https://telegram.me/joinchat/AAAAAFKT9qZEVgruNIKRcA

​​#Расмий

Олий ва ўрта махсус таълим вазирлиги ахбороти

Ижтимоий тармоқларда 2020/2021 ўқув йилида умумтаълим мактаблари ва академик лицей битирувчилари имтиҳонсиз ўқишга қабул қилиниши тўғрисида тарқалган хабарлар ҳақиқатга зиддир. Олий ва ўрта махсус таълим вазирлиги томонидан бундай хабар тарқатилмаган.

Вазирлик ўқишга қабул қилиш тартибига ҳеч қандай ўзгартириш киритилмаганлиги маълум қилади. Абитуриентларни эса ёзги имтиҳон ва синовларга пухта тайёргарлик кўришга чақиради.

Олий ва ўрта махсус таълим вазирлиги

Батафсил👇👇
https://telegram.me/joinchat/AAAAAFKT9qZEVgruNIKRcA

⚡Aбитуриентлар учун ДТМ янги йўриқнома яратди

Давлат тест маркази томонидан унинг расмий веб-сайти орқали рўйхатга олиш бўйича дастурий таъминот ишлаб чиқилди. Бу билан абитуриентларга Давлат тест марказининг расмий веб-сайти орқали рўйхатдан ўтиш имкониятини яратилмоқда ва мазкур ўқув йилидан бошлаб, жорий қилиниши кўзда тутилмоқда.

Буни ўринли ва вақтида қўлланилаётган қулайлик, дейиш мумкин. Ушбу қулайлик натижасида абитуриентлар уйидан чиқмаган ҳолда рўйхатдан ўтиши мумкин. бу билан уларнинг вақти, сарф-харажати тежалади, шунингдек, асоссиз навбатлар юзага келишининг олди олинади.

Жорий йилда олий таълим муассасаларининг бакалавриат таълим йўналишларига ўқишга кириш истагида бўлган абитуриентларнинг тест синовида иштирок этиш учун рўйхатдан ўтиш муддати яқинлашаётганлини сабабли, “Aбитуриентлар маълумотлари ва аризаларини онлайн рўйхатга олиш тизимининг фойдаланувчиси учун ЙЎРИҚНОМA” эътиборингизга ҳавола қилинмоқда.

👉https://dtm.uz/page/abitur_info

Сизлар ҳозирги карантин чеклови даврида уйда ўтириб, йўриқнома билан ишлаш тартиби билан танишиш, уни тўғри, бехато тўлдиришни ўрганиш, тўлдириш машқини бажариб боришингиз мумкин.

Батафсил👇
https://telegram.me/joinchat/AAAAAFKT9qZEVgruNIKRcA

ЎЗБЕКИСТОН РЕСПУБЛИКАСИ ОЛИЙ ТАЪЛИМ ҲАМДА РЕКТОРЛАР КЕНГАШИНИНГ МУРОЖААТИ

Ҳурматли ватандошлар!

Ҳозирги кунда бутун дунёнинг диққат-эътибори Covid-19 коронавирус пандемиясига қаратилган бўлиб, жаҳон илм-фани аҳли ушбу касаллик тарқалишининг олдини олиш ва тўхтатиш, инсоний талофатни кескин камайтириш ва бу хатарни илдизи билан қуритиш учун бор интеллектуал салоҳиятини сафарбар этмоқда.

Бугун Ўзбекистон ҳукумати муҳтарам Президентимиз Ш.М.Мирзиёв бошчилигида бу юқумли хасталикнинг аҳоли ўртасида кенг тарқалиб кетишининг олдини олиш, она халқимизни бундай оғир синовдан соғ-омон олиб ўтиш учун барча зарур ва кескин чораларни амалга оширмоқда.

Давлатимиз раҳбарининг қатъий позицияси, халқсевар сиёсати қабул қилаётган оқилона Фармон ва қарорлари пандемияни жиловлаш ва унинг салбий таъсирини юмшатишга кучли замин яратмоқда.

Мамлакатимизда истиқомат қилаётган 130 дан ортиқ миллат ва элатларни янада жипслаштириш, энг муҳими, уларнинг тинчлиги ва осойишталигини таъминлаш йўлида оламшумул ишлар олиб борилмоқда.

Президентимизнинг “Ишонтириб айтаманки, коронавирус тарқаб кетмаслиги учун давлат барча чораларни кўради. Аммо шу синовли дамларда ҳар бир Ўзбекистонлик, ҳар бир идора, жамоатчилик вакиллари бир мушт бўлиб ҳаракат қилишимиз керак. Касалликни маҳалламизга, уйимизга, оиламизга олиб кирмаслик учун энг аввало ўзимиз масъулмиз”, деган сўзлари барчамиз учун дастуриламал бўлиб хизмат қилмоқда.

Бунинг бирдан бир амалга ошириш йўли – Президент ғояларига садоқат билан ёндашиш ва уларнинг атрофида жипслашиш ҳамда кўрсатма ва тавсияларига биноан иш тутиш ёруғ кунлар ва порлоқ келажак сари ишончли йўлдир.

Коронавирус пандемиясининг таъсирини камайтириш бўйича олий таълим тизимида ҳам муҳим қадамлар ташланди.

Олий ва ўрта махсус таълим вазирлиги ҳамда олий таълим муассасаларида бу халокатли офат билан курашиш бўйича барча зарур тадбирлар амалга оширилмоқда.


Муҳтарам илм аҳли, ҳурматли зиёлилар!

Ўзбекистон халқ ёзувчиси, буюк адибимиз Мусо Тошмуҳаммад ўғли Ойбекнинг “Жаҳон тарихида мисли кўрилмаган мўъжизалар яратган улуғ халқ ҳар ишга қодир”, деган фикрлари ўзбек халқига берилган муносиб баҳодир.

Эл-юрт бошига оғир иш тушганда сафнинг олдида туриш, фидойилик ва жасорат кўрсатишдек шарафли вазифа ҳамиша сизу бизнинг, олимлар ва ўқитувчи-домлалар, илм аҳли ва зиёлилар зиммасидадир.

Биз бугунги масъулиятли синов кунларида маънавий бирлигимиз, мустаҳкам ҳаётий эътиқодимиз билан барчага ибрат бўлишимиз, намуна кўрсатишимиз зарур бўлади.

Юзага келган вазият ўқув-тарбия жараёнларини масофавий тарзда давом эттиришни тақозо этмоқда.

Бундай таълим усулини ташкил этишда таълим йўналишлари ва мутахассисликларнинг ўқув режалари асосида жорий семестрдаги фанларнинг дастурларига алоҳида эътибор қаратилди. Бугунги кунда олий таълимда ўқитилаётган фанлар бўйича электрон таълим ресурслари яратилди ва ҳар бир олий таълим муассасасининг масофавий ўқитиш платформасига жойлаштирилди.

Биз сиз, ҳурматли устоз-мураббийларни мавжуд имкониятдан тўғри ва самарали фойдаланган ҳолда:

- аввало, Муҳтарам Президентимизнинг мурожаатларининг моҳиятини халқимиз, айниқса, ёш авлодга етказиш ва ҳаётга жорий этишда ибрат кўрсатишга;

- юртимизга четдан кириб келган коронавирус пандемиясини бартараф этиш йўлида давлатимиз томонидан олиб борилаётган сиёсатни қўллаб-қувватлаш ва касаллик тарқалишининг олдини олишда ҳукуматимизга яқиндан ёрдам беришга;

- онлайн дарсларни ташкил қилишда фаол иштирок этишга, хусусан, фанлар бўйича видеомаърузаларни, семинар ҳамда амалий машғулотларнинг тақдимотларини тайёрлаб, тегишли сайтларга жойлаштиришда фаол бўлишга;

- машғулотларнинг мазумни, сифати ва унинг ҳаётийлигини юқори даражада таъминлашга;

- талаба-ёшларнинг дарсларга бўлган қизиқишини янада кучайтириш ва уларнинг фаоллигини оширишга;

- мобиль алоқа, интернет орқали ёшлар қалбида ўз касбига, маданият, санъат ва адабиётга бўлган муносабатни янги босқичга кўтаришга;

- уйда қолиб, ушбу касалликка қарши курашиш ва унинг ҳаётимизга салбий таъсирини камайтириш йўлидаги эзгу ишларни электрон оммавий ахборот воситалари ва ижтимоий тармоқлар орқали маҳалла ва жамоатчиликка кенг тарғиб қилишга даъват этамиз.

Қадрли талабалар, азиз ёшлар!
Сизларнинг барчангиз бизнинг ишонган тоғимиз, миллатимиз келажаги, янги Ўзбекистоннинг бўлажак бунёдкорисиз.

Коронавирус туфайли мамлакатимизда юзага келган бу ташвишли ҳолат Сиз, азиз фарзандларимизнинг сифатли билим олишингизга халақит бермаслиги учун мамлакатимиз раҳбаридан тортиб давлат идораларининг ходимларигача, ректорлардан тортиб устоз-мураббийларгача – барча-барча Сизларнинг шу кунлардаги фаолиятингиз ҳақида, уни мазмунли ташкил этиш борасида қайғурмоқда.

Муҳтарам Президентимизнинг Сизларга алоҳида эътибор қаратиб:

“Мен бугунги кунда уй шароитида таҳсил олаётган талаба ва ўқувчи ёшларимизга мурожаат қилмоқчиман:

Азиз фарзандларим, уйда вақтингизни бекор ўтказманг! Онлайн дарсларни қунт билан ўзлаштиринг. Китоб ўқинг, билимингизни оширинг, бадантарбия ва жисмоний машқларни бир кун ҳам қолдирманг”, деган сўзлари барча ёшлар учун кундалик ҳаёт тарзига айланиши зарур.

Фақат астойдил олдинга мақсад қўйиш, сабр-тоқат ва мустаҳкам ирода билан олджинга интилиш зарур. Инсоният ва тараққиётнинг энг катта душмани бўлмиш бекорчилик, бепарволик ва лоқайдлик каби иллатлар, аслида, коронавирус инфекциясидан ҳам хавфлидир.

Сизнинг мана шу кўринмас балога қарши курашишда энг катта ёрдамингиз, давлатимиз раҳбари таъкидлаганидек, кўчага чиқмасдан уйда қолиш, бўш ўтирмаслик, илмий ва бадиий асарларни мутолаа қилиш, жисмоний тарбия ва спорт билан шуғулланишда давом этишдан иборат бўлмоғи керак.


Азиз талабалар!

Интернетда, хусусан, ўзингиз таҳсил олаётган олий таълим муассасасининг сайтида берилаётган онлайн дарсларга қунт билан қатнашинг!

Энг оғир синов пайтларида Сизга ҳамиша кўмакка келадиган, ўзингиз ёқтирган мумтоз ва жаҳон адабиёти дурдоналаридан, гўзал ва бетакрор куй-қўшиқлардан баҳраманд бўлишда давом этинг!

Карантин билан боғлиқ тартибларга, шахсий гигиена қоидаларига, жисмонан соғлом бўлишга алоҳида эътибор қаратиб, тозаликка, покизаликка риоя қилинг!

Шу билан бирга, ота-онангизнинг, мўътабар кексаларимизнинг ҳикматларидан, олтинга тенг панду насихатларидан иложи борича кўпроқ баҳраманд бўлишга ҳаракат қилинг!

Интернет тармоғи орқали атрофингиздаги мактаб ўқувчилари ва барча ёшлар билан мулоқотда бўлиб, улар ўртасида тушунтириш ишларини олиб боринг!

Бугун Ўзбекистон халқи ўзининг юксак онги, маданий савияси, қатъий иродаси ва сабр-бардошини бутун дунёга намойиш этмоқда.

Ҳаммамиз бир ёқадан бош чиқариб ҳаракат қилсак, муҳтарам Президентимиз атрофида собит туриб, ягона мақсад йўлида ҳамжиҳат бўлсак, бу хатарли офат мустаҳкам қўрғонимизга асло ўтолмайди.

Ишонинг, Аллоҳнинг иродаси, халқимизнинг ишончу матонати, ватандошларимизнинг меҳр-оқибати ва аҳиллиги билан ёруғ кунлар албатта келади!

Янги Ўзбекистонни барчамиз биргаликда буюк Ўзбекистонга айлантирамиз!

Республика Олий таълим кенгаши ва Олий таълим муассасалари ректорлари кенгаши

Батафсил👇
https://telegram.me/joinchat/AAAAAFKT9qZEVgruNIKRcA