Tech 4 Peace التقنية من اجل السلام
✔
33K subscribers
8.68K photos
246 videos
21 files
11.8K links
باقي حسابات التقنية على مواقع التواصل الاجتماعي
تويتر بالانكليزية: https://twitter.com/tech4peace1
مقالة ويكيبيديا: https://en.wikipedia.org/wiki/Tech_4_Peace
فيسبوك: https://facebook.com/Tech4Peace
تويتر بالعربية: http://twitter.com/IQtech4peace

t4p.co
Download Telegram
باليوم الواحد كمعدل توصل النة ٢٠٠ رسالة نتحقق منهن، واكيد ما نلحك عليهم كلهم لان بعضهم مكررات والبعض الاخر يطلب شغلات مو يم الموضوع.

بس اليوم كان مختلف تماماً بلحظة من اللحظات رسائل التويتر، الايميل، الانستكرام، الفيسبوك توصل رسائل سوية والاشعارات الي ما تسكت ابد.

كلنا نايمين بوقت متاخر لان ورانة باجر يوم جديد فزينة (كعدنة من النوم) والكل توقعت انه الحسابات تهكرت والمتابعين ينبهون علينة بهالشي.

بالاخير شنو الي طلع؟

واحد طبيب اسمه احمد لاكي صورة بتعليق وحتى ما يعرف وين معلقين بصورته المزيفة.

لا يعرف الرابط للصورة المزيفة
لا يندل التعليق
لا يعرف كلشي

ناشر بالكروبات راسلوا التقنية وحياتي بخطر

عدد الرسائل بقضية احمد وصلت اكثر من ٣٠٠ رسالة وراح نوضع نماذج منهن بالصور.

الاغلبية مراسلينا ويكولون احمد متهدد

وين التهديد؟؟ محد يعرف

والبعض الاخر يكول صورته مزيفة منشورة بكل مكان

وين منشورة؟ بيا رابط؟

هم محد يعرف.

المهم بعد هذا المنشور احنا نتاسف من هسة عن اجابة المتابعين بسبب الزخم الي ديوصلنا بشكل يومي

وبنفس الوقت راح نوقف الرسائل وعدم اجابتها وفقط للحالات الاضطرارية والتي تكون كاملة مع الروابط.

لان عملنا هو تطوعي واحنا بشر حالنا من حالكم ودنتعب كلش هواي ودنقصر بعملنا وحياتنا واهلنا وكل شي متعلق بينة.

رابط المنشور على صفحتنا في الفيس بوك :
https://www.facebook.com/1298625980153968/posts/3166431100040104/