​​❗️Менда аллергия бор. CОVID-19 вакцинасини олсам бўладими?

Aллергик касалликларга чалинган беморларга келсак, асосий нарса: агар фармакотерапия фонида бронхиал астма ёки бошқа аллергик касалликларини назорат қилиш мумкин бўлса, эмлаш учун, шу жумладан CОVID-19га қарши кўрсатмалар мавжуд эмас. Албатта айни пайтда нафаси қисилаётган, бурни оқиб аксираёган, танаси қичиб тошма тошган беморлар эмланиши кечиктирилади.

EAACI (Европа аллергологлар ва клиник иммунологлар академияси) маълумотларига кўра, оғир аллергик реакциялар, масалан, бронхиал астма, овқат аллергияси, аллергодерматоз, инсект аллергияси, латекс аллергияси CОVID-19га қарши эмлашга қарши кўрсатма эмас. Оилавий анамнезида аллергик реакциялар бўлган беморларни ҳам эмлаш мумкин.

Фақатгина, юқорида айтганимдек аллергик касалликларнинг авж олган даври эмлаш учун вақтинча қарши кўрсатма ҳисобланади. Эмлашни аллергиянинг ўткир симптомлари тугагандан кейин (мавсум тугагач ёки дорилар билан симптомлар йўқотилгач) ва авж олмасдан олдинроқ олиш мақсадга мувофиқ.

Эмлашга мутлақо қарши кўрсатма борми?

Aнамнезида аввалги бошқа турдаги вакциналар билан боғлиқ асоратлар, оғир тизимли ва анафилактик реакциялар бўлган бўлса, шунингдек вакцина таркибий қисмларидаги мавжуд моддаларни индивидуал кўтара олмаслик ҳоллари мутлақ қарши кўрсатма бўла олади.

Тухумга аллергияси бор беморларга вакцина мумкинми?

Кўпчилик товуқ тухуми оқсилига аллергик реакция ҳақида эшитган. Aгар сизда бундай аллергия бўлса, билингки бу COVID-19га қарши эмлашга қарши кўрсатма эмас, чунки товуқ эмбрионлари ушбу вакциналар таркибида мавжуд эмас.

Кўпгина беморлар, шу жумладан аллергия билан касалланганлар, эмлашнинг ўткир реакцияларидан қўрқишади - масалан, анафилактик шок

Aнафилактик шок ҳар кимда, исталган жойда ва исталган вақтда содир бўлиши мумкин. Ҳар қандай дори-дармонларда бўлгани каби, аввалдан аллергик реакцияга эга бўлмаган беморда эмлашдан кейин анафилактик шок пайдо бўлиши мумкин. Ушбу асорат ёш, жинс, бронхиал астма, атопия ва бошқа аллергик реакциялар билан ўзаро боғлиқ эмас. Шунинг учун, эмлашдан кейин барча эмланувчилар эмлаш хонасида тахминан 30 дақиқа давомида шифокор назорати остида бўлишлари керак. Эмлаш хоналарида анафилактик реакция юзага келганда беморга ёрдам бериш учун зарур бўлган барча нарсалар мавжуд.

Aллергологик анамнезида илгари эмлаш ёки бирор препаратга анафилактик шок кўринишидаги оғир аллергик реакциялар қайд этилган беморлар бўлса, улар даволовчи шифокорнинг тавсияси билан эмланади. Бундай беморларни эмлашдан кейин камида 2 соат давомида кузатиш керак. Бу анафилактик шок каби ҳаёт учун хавфли реакцияларнинг ривожланиши учун мумкин бўлган максимал вақт. 

Ҳар қандай вакцинация амалиёти юзага келиши мумкин бўлган аллергик реакцияларни эрта аниқлаш ва даволашга қодир бўлган, шунингдек тиббий ёрдам кўрсатиш учун зарур воситалар билан жиҳозланган ихтисослашган марказларда амалга оширилиши керак.

Хозирча айтмоқчи бўлганим шулар.

👉"Доктор Аллерголог" (@allergiya)

​​❗️Aстмани даволовчи препарат CОVID-19 давосида кашфиёт бўлиши мумкин

Оксфорд олимлари фикрига кўра, Бронхиал астма касаллигини даволаш учун ишлатиладиган будесонид-стероид ингаляторлари CОVID-19 ни даволашда ёрдам беради. Чунки бундай беморларнинг касалхонага ётқизилиши кам ва тезроқ тузалиши эҳтимоли кўп бўлган.

✅ Бронхиал астма билан оғриган беморлар учун ишлатиладиган будесонид ингаляторлари CОVID-19 симптомларини дастлабки босқичда енгиллаштиради. Бу ҳақда Оксфорд университети томонидан 2021 йил апрел ойининг ўрталарида The Lancet нуфузли тиббиёт журналида чоп этилган мақолада айтилган. (https://www.thelancet.com/journals/lanres/article/PIIS2213-2600(21)00160-0/fulltext)

Ҳулосага кўра, касалликнинг дастлабки аломатларида будесонидни қабул қилишни бошлаган COVID-19 билан касалланганлар касалхонага ётқизилишга камроқ эҳтиёж сезадилар ва тезроқ тузаладилар. Бундан ташқари, CОVID-19 симптомлари, шу жумладан юқори иситма анъанавий усуллар билан даволанадиган беморларга қараганда тезроқ ўтиб кетади.

📈 Оксфорд олимлари томонидан ўтказилган рандомизацияланган назорат остида ўтказилган текширувда COVID-19нинг енгил аломатлари бўлган 146 нафар катта ёшли беморлар рўйхатга олинди. Иштирокчиларнинг ярми янги симптомлар бошланмагунча кунига икки марта будесонидни ишлатишди. Бошқа ярми (ёши ва мавжуд тиббий шароитларини инобатга олган ҳолда) анъанавий тарзда даволанган.
Натижада, биринчи гуруҳда даволаниш давомида фақат битта бемор шошилинч тиббий ёрдамга муҳтож бўлди. Анъанавий усуллар билан даволанган 73 нафар COVID-19 беморлар орасида 10 та шундай бемор бор эди.

Натижа 10 каррага самаралироқ!

👉"Доктор Аллерголог" (@allergiya)

🤏 Никольский симптоми

Никольский симптоми - соғлом теридаги енгил ишқаланиш туфайли тери эпидермис қаватининг кўчиб тушиши.

Оғир аллегик реакциялардан бири - токсик эпидермал некролиз (ТЭН), ёки бошқача айтганда Лайелло синдромида ушбу симптом мусбат бўлади.

👉"Доктор Аллерголог" (@allergiya)

​​⚡️Республика Илмий Ихтисослашган Аллергология Маркази шифокорларидан бепул консультация!

Фақатгина 28-29 май кунлари "Республика Илмий Ихтисослаштирилган Аллергология Маркази" маслахат поликлиникасида “ХАЛҚАРО АСТМА ВА АЛЛЕРГИЯ КУНИ" га бағишланган аллергик касалликлари бўлган катталар ва болалар учун БЕПУЛ КОНСУЛЬТАЦИЯ АКЦИЯСИ ташкил этилиши ҳақида хабар берамиз.

Ушбу тадбир Maркaзимизда аллергология соҳасида фаолият олиб бораётган етакчи мутахассислар томонидан амалга оширилади. Консультация доирасида мутахассислар томонидан БЕПУЛ КЎРИКЛАР, шунингдек аллергик касалликларини аниқлаш, ушбу касалликка оид тавсиялар олиш учун ташкил этилади.

Консультациялар марказимиз консультатив поликлиникасида 09:00 дан 16:00 гача амалга оширилади.

Манзил: ТТА кўп тармоқли клиникаси 8-биносининг 1-қавати

Ушбу эълонни имкон қадар танишларингизга юборинг. Хаста болалар ва катталарга ёрдами тегиб қолишидан умидвормиз!

Қўшимча маълумотлар учун:
☎️+99878 150-96-49
☎️+99871 214-55-03
Telegram: t.me/anvarakromov

👉"Доктор Аллерголог" (@allergiya)

Атопик дерматитнинг пайдо бўлиши

👶🏻 Aтопик дерматит (атопик экзема деб ҳам аталади) - бу сурункали тери яллиғланиш касаллиги бўлиб, у кучли қичишиш ва экзематик тошмалар билан намоён бўлади.

Касаллик кўпинча гўдакликдан бошланиб, ҳар 10 боладан 2 тасида кузатилади, катталарда ҳам жуда кенг тарқалган. Гарчи бу касаллик ўлимга олиб келмасада яшаш учун ноқулайлик туғдиради, беморларга ва уларнинг яқинларига катта психологик босим беради.

Шунингдек, озиқ-овқат аллергияси, астма, аллергик ринит, аутоиммун касалликлар ва руҳий ҳолатнинг бузилиши каби ҳасталиклар ривожланиш хавфини оширади. 

Ушбу касаллик бевосита шифокор аллерголог томонидан даволанади

👉"Доктор Аллерголог" (@allergiya)

​​Витамин-Д нинг аллергик реакциялардаги ўрни қандай?

✅ Кўпчилика маълум, Д-витамини суяк тизимининг соғлом ривожланиши учун зарур бўлган калций ва фосфор алмашинувини бошқаришда ҳал қилувчи рол ўйнайди. Шунингдек, Д витамини иммун тизимга кирадиган ҳужайралардаги цитокинни чиқарилишига ҳам таъсир қилади ва IL-2 фаоллигини пасайтириб лимфоцитлар кўпайишининг пасайишига олиб келади. 

Д витаминининг озиқ-овқат аллергияларидаги роли алоҳида аҳамиятга эга

Д витамини этишмовчилиги ичак барерларининг яхлитлигини пасайтиради, бу эса оз миқдордаги озиқ-овқат оқсилларининг иммун тизимига кириб боришига имкон беради.

Дунё бўйлаб Д витаминининг аллергик реакциялар билан қай даражада боғликлиги бўйича кўплаб тадқиқотлар ўтказилган. Ушбу мақола ҳам айнан шулардан биттаси. Аллергологларга ўқиб чиқишни тавсия қиламиз. (инглиз тилида)

Мақолани батафсил ўқиш: https://www.ncbi.nlm.nih.gov/pmc/articles/PMC4924167/

👉"Доктор Аллерголог" (@allergiya)

​​Гистаминолибераторлар

✅ Гистамин – сиздаги аллергик реакция симптомларини келтириб чиқарувчи яллиғланиш медиатори ҳисобланади.

Аллергик касалликлари бор беморларга биз даволаниш давомида қатъий диета қилишларини тайинлаймиз. Аммо диета нега керак?

Ҳозир айнан шу мавзуда гаплашамиз. Шундай маҳсулотлар борки, уларни соғлом одам кўп миқдорда истеъмол қилса ҳам аллергик реакция белгилари пайдо бўлиши мумкин.

Булар:

🍋 Цитрус мевалар;
🍫 Какао, шоколад;
🍌 Банан;
🐟 Балиқ;
🍅 Помидор;
🍒 Гилос;
🥜 Ёнғоқ;
🌾 Буғдой бошоғи;
🌽 Дуккакли экинлар;
🥬 Исмалоқ;
🥩 Дудланган гўшт;
🍺 Спиртли ичимликлар;
🥡 Шўр ҳамда рангли сувларга қўшиладиган бўёқлар, консервантлар, қўшимчалар ва бошқа кўплаб махсулотлар.

Бу махсулотлар таркибида организмда аллергик реакция медиатори - гистамин ҳосил бўлишига ёрдам берадиган, гистаминни парчалайдиган диамин оксидаза ва гистамин-Н-метилтрансфераза ферментларини ишлаб чиқаришга халақит берадиган ёки уларнинг самарадорлигини пасайтирадиган моддалар мавжуд.

Энди тушундингизми, нега диета аллергик касалликлар давосида муҳим аҳамиятга эгалигини?

Пастдаги расмда озиқ овқат маҳсулотларининг аллергик реакциялар келтириб чиқариши 3 та категория (кўпроқ, камроқ, жуда кам) бўйича тартиблаб чиқилган.

👉"Доктор Аллерголог" (@allergiya)

​​🍅 Аллергияда ростан ҳам барча қизил маҳсулотларни емаслик керакми?

Кўпчилик орасида оммабоп тушунча бор: "аллергияда қизил рангли махсулотлар емаслик керак".

Ҳўш, аслида бу ростдан ҳам шундайми? Қизил маҳсулотлар аллергия чақирадими? Рангларнинг аллергияда аҳамияти қандай?

Каналимга бу ҳақда ёзишдан олдин машҳур тиббиёт нашрларидан бу ҳақда маълумот изладим. Энг қизиғи, ҳеч қандай хорижий манбада қизил овқатларга ёппасига аллергия кузатилади деган фикр тасвирланмаган. Демак, қизил маҳсулотларнинг "жиноятчи" эканлигига асосли далил йўқми, улар бегуноҳ!

✅ Қизил ва тўқ-сариқ рангли махсулотларга ранг берувчи компонент - бу ликопен каратиноид пигментидир. Энг кўп миқдори асосан помидорда учрайди. Ликопен озиқ-овқат маҳсулотларининг қизил рангига жавобгардир. Аммо у оқсил эмас, балги ароматик углеводороддир. Бизга маълумки, аллерген бўлиш учун сабабчи омил албатта оқсил бўлиши шарт!

Таркибидаги оқсилларга бўлган ўзаро кесишув

Aгар сизда қизил овқатларга аллергиянгиз бўлса, эҳтимол қизилларнинг ҳаммаси ҳам эмасдир деган гумонда бўлинг.

Қайин дарахти чангига аллергияси бўлган одамларда янги помидор ва қизил қалампирга ўзаро кесишган (перекрестный) аллергия кузатилиши мумкин. Помидор таркибидаги асосий алерген оқсиллардан профилин (Lyce 1), бетта-фруктофуранозидаза (Lyce 2), липид ташувчи оқсили (Lyce 3), Lyce хитиназа, глюканаза, пероксидаза ва бошқа оқсиллар мавжуд. Бу оқсиллар ичидаги Lyce 1 оқсили билан Қайин аллергенлари ичидаги Betv 2 битта гуруҳ профилин оқсиллари ҳисобланади. Шу сабабли ҳам бу икки ўсимлик ўзаро келишган реакция бериши мумкин.

Гистаминолибераторлар нима дегани?

👉"Доктор Аллерголог" (@allergiya)

Дипроспан "сеҳрли" препаратми?

Шу кунларда ушбу дорини шифокорлар томонидан аллергик касалликларга "газига босиб" тавсия қилиш ҳоллари кўпаймоқда. Хаттоки беморлар бир-биридан эшитиб "мана шу дори зўр экан" дея дорихонадан бемалол рецептсиз сотиб олишмоқда. Аммо кейинчалик кузатиладиган ножўя эффектлари ҳақида ҳечким ўйламаяпти...

Ҳўш, ростдан ҳам дипроспан нажоткор дорими?

Дипроспан, Бетаспан, Флостерон каби гормонал дорилар ҳақида эшитганлар бўлса изоҳларда фикрингизни ёзиб қолдиринг, муҳокама қиламиз!

👉"Доктор Аллерголог" (@allergiya)

❗️Тошкент шаҳрида чанг миқдори меъёридан салкам 3 баравар ошган.

Ўзбекистон Атроф табиий муҳити ифлосланиши мониторинги Тошкент шаҳридаги 13 та стационарда олиб борилган атмосфера ҳавосининг ифлосланиши кузатувлари натижаларига кўра, Тошкентда чанг 2,7 марта ортган.

Шаҳар бўйича 24-29 май кунларида суткалик рухсат этилган меъёрлардан, шунингдек, азот диоксиди 1,3 марта; водород фторид (HF) бўйича 2,0 марта ортгани қайд этилди.

Дарахтларни кесиб, мутассил қурилишларни амалга оширишда давом этар эканмиз, ҳавонинг ифлосланиш кўрсаткичи бунданда ёмонлашиб бораверади. Тасаввур қиляпсизми, сиз ўтган бир ҳафтанинг ўзида ўртача уч баравар кўпроқ чанг ва бошқа заҳарли моддаларни ютмоқдасиз.

Safari

​​Нафтизинни камроқ ишлатинг!

Жуда кўпчилик шамоллаганида, Грипп ва бошқа вирусли инфекция симптомларида, вазаматор ҳамда аллергик ринит ҳолатларида мустақил ҳолда даволанишни бошлайди ва дорихонадан энг арзон назал деконгестантлардан – Нафтизинни олиб қўллай бошлашади. Нари борса 2-3 минг сўмлик дорини фақатгина зарур ҳолларда қўллаш кераклиги унутиб қўйишади ва шифокор маслаҳатисиз бетартиб қўллаши оқибатида дозасини ҳам ошириб боришади.

Назал деконгестантлар, бошқача айтганда маҳаллий вазоконстрикторлар. Улар шиллиқ қаватларнинг шишини камайтиради. Капиллярларни торайиб гиперемия, экссудацияни олдини олади ва бурун оқиши ва битиб қолишидан халос бўлишга ёрдам беради. 

Улардан энг машҳурлари:

Нафазолин (Нафтизин), ксилометазолин (Снуп), оксиметазолин (Називин), фенилефрин, Пинасол, тетраҳидрозолин (тетризолин). 

✅ Қўллашга кўрсатма:

👉Ўткир ринит;
👉Мавсумий тумов;
👉Ўткир ва сурункали ларингит;
👉Евстахит;
👉Юқори нафас йўллари операциясидан кейинги шиллиқ қават шишларида;
👉Сурункали конъюктивит ва бошқа ҳолларда.

❌ Қўллашга қарши кўрсатма:

👉1 ёшгача болаларда;
👉Артериал қон босими борларда;
👉Сурункали ринитда;
👉Гипертиреодизмда;
👉Нафтазолинга сезгирлиги борларга;
👉Қандли диабетда;
👉Атеросклероз ва бошқа ҳолларда.

Алоҳида таъкидлаш керакки, узоқ вақт давомида, яъни 1 ҳафтадан ортиқ бу препаратларни қўллаш бурун шиллиқ қаватида атрофик ринит пайдо бўлиш ҳавфини оширади ва препаратга толерантлик (ўрганиб қолиш, дозани оширмаса таъсир қилмаслик) чақира бошлайди.

Шифокор маслаҳатисиз бетартиб қўлламанг!

Каналга уланинг:
👉"Доктор Аллерголог" (@allergiya)

Қайси гормонлар кўпроқ ҳавфли?

Гормонал препаратлар юқори дозада, узоқ вақт қўлланилганда кузатиладиган ножўя эффектларни қуйидаги гормонлар кесимида кўришингиз мумкин:

🟥 Гидрокортизон
1. Гидрокортизон ацетат

🟥 Преднизолон
1. Преднизолон

🟥 Метилпреднизолон
1. Метилпреднизолон
2. Майпред
3. Солу медрол

🟥 Триамцинолон
1. Кеналог
2. Полькортолон

🟥 Дексаметазон
1. Дексаметазон

🟥 Бетаметазон
1. Дипроспан
2. Бетаспан
3. Флостерон

Қайси қаторда ➕ сони кўплигига қараб ҳулоса чиқариб олаверасиз. Яқинларингизга ҳам юборинг!

Каналга уланинг:
👉"Доктор Аллерголог" (@allergiya)

🐝 Инсект аллергия бўйича овозли чат!

Инсект аллергия - оддий маҳаллий қизаришдан тортиб, энг оғир анафилактик шок ҳолатигача олиб борувчи, асосан хашоратлар чақишидан келиб чиқадиган аллергик реакциялардан биридир.

Айнан шу мавзуда тез орада "Доктор аллерголог" Телеграм каналида "🎙Овозли чат" ташкил қилмоқчиман. Инсект аллергия бўйича сизни кўпроқ қайси саволларга жавоблар қизиқтиради?

Кимда ҳашоратлар чақиши натижасида қандай аллергик реакция кузатилган? Изоҳларда ёзиб қолдиришингиз мумкин.

Каналга уланинг:
👉"Доктор Аллерголог" (@allergiya)

Педиатрия йўналишини битираётганларга сабр тилайман!

Бакалавриатни "педиатрия" йўналишида битирган талабаларда магистратура ва клиник ординатура соҳаларини танлаш имконияти кескир пасаймоқда. Янги талқиндаги турдош йўналишлар рўйхати бўйича, энди яхши-яхши соҳалар шифокори бўлиш учун ёки даволаш иши, ёки касбий таълим (мед-пед) да ўқиш керак бўлади.

Ушбу расмда педиатрия йўналишдагилар қайси соҳада ўқиши мумкинлиги айтиб ўтилган.

Педиатрия йўналишида ўқиш аҳамияти жиҳатидан кескин пасайиб кетади. Масалан, шахсан мен танишларимга бу йўналишда ўқишга киришни тавсия қилмайман энди. Ўзим ҳам шу йўналишда ўқиб чиққан бўлсам ҳам.

Бўлажак шифокор бўлишни ният қилган абитуриентларга айтар сўзим: Бакалавриатни тўғри йўналишда танланг, агар магистратура ёки клиник ординатурани ҳам Ўзбекистонда ўқимоқчи бўлсангиз.

Каналга уланинг:
👉"Доктор Аллерголог" (@allergiya)

❗️Халқни нима билан эмлаётганингизни очиқланг!

Зарифбой Ибодуллаев тиббиёт фанлари доктори, профессор томонидан жиддий мурожаат! Кўришингизни тавсия қиламан.

Каналга уланинг:
👉"Доктор Аллерголог" (@allergiya)

Фото: COVID-19 вакцинаси камдан кам ҳолларда оғир аллергик реакцияларга сабаб бўлади!

Американинг Виржиния штатида яшовчи 74 ёшли Ричард Тиррелда коронавирусга қарши Johnson&Jonhson вакцинасини олгандан бир неча кун ўтиб бутун танасида шиш, қизариш, қичишиш белгилари бошланган. Шифокорлар томонидан қўйилган ташҳисда ростдан ҳам ушбу аллергик реакция сабабчиси коронавирус вакцинаси эканлиги тасдиқланган. Бу ҳақда New York Post газетаси хабар берган.

✅ Эслатиб ўтаман, Бутунжаҳон соғлиқни сақлаш ташкилоти Johnson&Jonhson вакцинасини коронавируснинг мутацион формалари учун энг самарали дея баҳолаган.

Вакцина олиш барибир муҳим!

Вакцинадан келиб чиқадиган ножўя таъсирлар учраш даражаси жуда паст. Ножўя таъсирлар орасида оддий тошмадан тортиб, хаттоки анафилактик шок туфайли ўлимгача ҳам бориши мумкин. Аммо бу белгилар нафақат коронавирус вакцинасида, балки исталган дори препаратлари туфайли, исталган инсонда, исталган жойда юзага келиши мумкин.

Каналга уланинг:
👉"Доктор Аллерголог" (@allergiya)

❗️Ижтимоий тармоқларда вакцина бўйича саволлар билан юзланган профессор видеоси юзасидан Инновацион ривожланиш вазирлиги баёнот берди

👉 Мақолани тўлиқ ўқиш

Каналга уланинг:
👉"Доктор Аллерголог" (@allergiya)

Вакцинадан фойда борми?

Вакцина тўғрисида жонли суҳбатда Калифорния университети профессори Шароф Тугизов саволларга жавоб беради.

Сизни қизиқтирган барча саволларга жавобни шу видеони кўриш давомида олишингиз мумкин.

Видеони кўриш:
https://www.youtube.com/watch?v=_H9UMnA5jF0

Каналга уланинг:
👉"Доктор Аллерголог" (@allergiya

​​Сиз "Аллергология ва клиник иммунология" йўналиши бўйича клиник ординатурада ўқишни истайсизми?

Мендан баъзида бакалавр битирувчилари аллергология ва клиник иммунология йўналишида ўқиш бўйича йўл-йўриқ сўрашади. Кириш осонми? Бепул кириш мумкинми ва ҳоказо. Барчасига жавобим битта – Ҳа, шу соҳага ростан ҳам қизиқсангиз, етарлича базавий билимларга эга бўлсангиз, ишонч билан айта оламанки, сиз бемалол ушбу йўналишга кира оласиз!

Мен ўқиётган Тошкент тиббиёт академияси базаси ҳисобланган Республика Илмий Ихтисослаштирилган Аллергология Марказида клиник ординатура мавжуд ва жорий йилда 10 нафар ординаторларни қабул қилиши кутилмоқда. Шу соҳада ўз келажагингизни кўра олсангиз, сизга шу соҳада ўқишни тавсия этаман. Келажак йўналиши!

Пандемия шароитида ҳавфсизлик нуқтаи назаридан қулайлик яратиш мақсадида, 2021-2022 ўқув йилида РИИАМ клиник ординатурасига "Аллергология ва клиник иммунология" мутахассислиги бўйича талабгорлардан хужжатлар ON-LINE тарзда қабул қилинади.

Қандай ҳужжатлар талаб қилинади?

1. РИИАМ директори проф. Разикова И.С. номига ариза;
2. Паспорт нусхаси;
3. Диплом ва унинг иловасининг нусхалари;
4. Меҳнат дафтарчаси (агар олдин меҳнат фаолиятини юритган бўлса);
5. Автобиография (ариза ва автобиография тушунарли дастхатда ёзилган бўлиши керак).
6. 3х4 фотосурат (4 дона)

Шошилинг! Хужжатлар 20-августга қадар қабул қилинади. Ҳа айтганча, магистратурага ҳужжат топширган битирувчилар ҳам бемалол клиник ординатурага ҳам ҳужжат топшириб қўйишлари мумкин.

📬 (@anvarakromov)
☎️ +99890 949 50 37
☎️ +99894 650 37 57

Каналга уланиш:
👉"Доктор Аллерголог" (@allergiya)

📈 1 марталик дозадаги Covid-19 вакциналарининг дунёдаги нархи (01.12.20)

🇺🇸 Moderna (mRNA-1273) - 37$
🇨🇳 CoronaVac (Sinovac) - 30$
🇺🇸🇩🇪 Pfizer & BioNTech - 20$
🇷🇺 Sputnik V (Gam-Covid-vac) - 10$
🇺🇸🇧🇪 Johnson & Johnson - 10$
🇬🇧🇸🇪 AstraZeneca (Oxford) - 4$

Дунёда COVID-19 пандемиясининг тезроқ тугаши арзон ҳамда самарадорлиги юқори вакциналарнинг бутун дунёга кенг тарқатилишига боғлиқ. Қиммат вакцинани сотиб олишга ҳамманинг ҳам қурби етмайди. Баъзи давлатлар (Ўзбекистон ҳам) бюджет, яъни солиқ тўловчиларнинг пули эвазига вакцина сотиб олмоқда ва аҳолини имкон қадар кўпроқ қисмини эмлаш ниятида. Аммо барча давлатлар аҳолиси тезроқ вакцинациядан ўтмаса пандемия ҳали бери тугамайди. COVID-19 дан кейин ҳосил бўладиган махсус иммунитет узоғи 6-8 ойгача сақланиши айтилмоқда.

❄️ Қўшимча: Вакцина сифатли сақланиши кўп омилларга боғлиқ. Уларнинг биттаси температура даражаси. Масалан, Pfizer/BioNTech вакцинаси -70 °C да сақланиши керак. Moderna эса -20 °C да.

Каналга уланиш:
👉"Доктор Аллерголог" (@allergiya)