🧪 Allergik reaksiyalarda qondagi Triptaza miqdorini aniqlashning ahamiyati haqida gaplashamiz!

✅ Ushbu maqolada allergik kasalliklarda bemor qonida triptaza miqdorini aniqlashning ahamiyati, qachon va qanday bemorlarga bu tekshiruvni buyurish haqida gaplashamiz. Shuningdek, qanday xolatda triptazani tekshirish xato ma’lumot berishini ham ko’rib chiqamiz.

👉 Maqolani o'qish: http://allergocenter.uz/2022/04/06/allergik-reaksiyalarda-qondagi-triptaza-miqdorini-aniqlashning-ahamiyati/

Telegram | Instagram | Facebook | YouTube

Эшакни урганлар 12 суткага қамалибди!

Айтгандиму, эшакларнинг обрўси кўтарилиб кетади хали деб! Хам қамоқ, хам жарима тўлаяпти.

🤦‍♂ Алам қилгани, шифокорни урганларга ҳечқандай жазо берилмайди ёки фақат жарима билан қутилиб қолишяпти.Эшакчалик қадринг йўқ экан!

Каналга уланиш:
👉"Доктор Аллерголог" (@allergiya)

COVID-19 учун бурун вакциналари

✅ Хозирда инъэкцион вакциналар кўплигига қарамай, Фарм компаниялар янги турдаги интраназал вакциналар яратиш устида изланишмоқда.

IgG ва IgA иммуноглобулинлар

Ҳозирги инъэкцион вакциналар патогенларни тўқималарга жиддий зарар етказишидан олдин зарарсизлантирадиган IgG антителоларини ишлаб чиқартириш орқали тизимли иммун жавоб реакциясини таъминлайди. Аммо IgG вируснинг танага киришини тўла назорат қилолмайди. Буни назорат қилиш учун шиллиқ қаватларнинг IgA билан боғлиқ маҳаллий иммунитет тизимини кучайтириш керак. Вируснинг организмга кириш қисмида (бурун шиллиқ қавати) секретор IgА организмдаги бошқа турдаги иммуноглобулинларга қараганда кўпроқ миқдорда ишлаб чиқарилади.

Бу вакциналарнинг авзаллиги нимада?

Шиллиқ қават учун мўлжалланган вакциналарнинг асосий афзаллиги вируснинг дастлабки кириш жойида кучли иммунитет яратишдир. Агар сиз шу этапда вирус киришини тўхтатолсангиз, у ўпкага ўтиб оғир оқибатларга олиб келмайди!

Каналга уланиш:
👉"Доктор Аллерголог" (@allergiya)

​​Мавсумий аллергияга қарши курашиш бўйича инфографик

Мана баҳор фасли давом этмоқда. Жуда кўпчилик инсонлар баҳорни яхши кўришади, аммо айрим тоифа одамлар борки, баҳорни "ўлгудек" ёмон кўришади, ишонаверинг! Уларга кўпроқ ёмғир ☔️ ёқади. Мавсумий аллергиялар Ўзбекистонда энг кўп учрайдиган аллергиялар қаторига киради. Шу сабабли, мавсумий аллергияси бор беморлар учун фойдали маслаҳатлар беришни мақсад қилдик.

Мавсумий аллергиянинг асосий белгиларига қуйидагилар киради:

😤 Бурун битиши, бурун оқиши, қичишиш;
😖 Кўзларда қичишиш, ёш оқиш;
🤭 Йўтал, томоқ қичиши;
🥴 Кўзлар остида шиш;
😝 Таъм ёки ҳиднинг пасайиши.

Мавсумий ўсимликларга аллергия (Поллиноз) аломатлари энг енгилидан энг оғиригача ўзгариши мумкин ва фақат маълум фасллардагина кўзга ташланиши мумкин. Ушбу 8та маслаҳатга риоя қилиб ўзингиздаги ёки фарзандингиздаги мавсумий аллергия аломатларини камайтиришингиз мумкин:

1. Чанг миқдори ҳавода кўп бўлганда ёки ташқарида қуруқ ва шамолли кун бўлса, уйда ўтирган маъқул.

2. Aгар аллергиянгиз бошланган бўлса, ташқаридаги ҳовли ишларидан сақланинг;

3. Кўчадан уйга келгач, албатта кийимингизни ювинг. (кийимингизга "ўтириб" қолган аллергенлар сизни яна безовта қилмаслиги учун);

4. Очиқ ҳаводан, ташқаридан уйга келганингиз заҳоти ювиниш зарур;

5. Эшик ва деразаларни ёпиқ ҳолда сақланг. Ҳавода учиб юрган "душман аллергенлар" уйга киришига йўл қўйманг;

6. Уйингизда махсус ҳаво филтрларидан фойдаланинг;

7. Вакуум. Ҳоналарни чангютгич (пылесос) билан тозаланг;

8. Бурун битиб қолмаслиги учун бурун бўшлиқларини тез-тез чайиб туринг.

Энг муҳими, аллергиянгизни тўғри ташхислаш ва самарали даволаш режасини тузиш учун аллерголог қабулига ташриф буюринг. Бу орқали аллергиянинг оғир шаклларидан бири - бронхиал астмани олдини оласиз.

Каналга уланинг:
👉"Доктор Аллерголог" (@allergiya)

Россияда импорт қилинадиган молекуляр аллергологик реагентлар етишмаслиги кузатилмоқда!

✅ "Коммерсант" нашри ёзишича, Украинадаги ҳарбий ҳаракатлар туфайли Американинг Тhерmо Fisher Scientific компанияси ўз махсулотларини Россия Федерациясига етказиб беришни тўхтатиши энг машҳур молекуляр аллергия тестларининг йўқолишига олиб келмоқда. Ҳозир лабораториялар қолган захираларни ишлатиб, бошқа аналог реагент етказиб берувчиларни изламоқда. Мутахассислар эса ҳозирги инқироз натижасида индивидуал аллергенлар ва аутоиммун касалликлар учун юқори ихтисослаштирилган тестлар бозордан бутунлай йўқ бўлиб кетиши мумкинлигидан қўрқишмоқда.

Хабарда айтилишича, Тhеrmо Fisher Scientific Россиядан ImmunоCАP усули ёрдамида аллергия диагностикаси учун асбоб-ускуналар ва реагентларга буюртмаларни қабул қилмаслигини айтган. Лабораториялар қолган заҳиралардан фойдаланади. 

👉 ImmunоCAP молекуляр аллергология технологияси Тhеrmо Fisher Scientific таркибига кирувчи Швециянинг Phаdia Laboratory Systems томонидан ишлаб чиқилган. Усул аллергия диагностикаси учун "олтин стандарт" ҳисобланади.
ImmunоCAP технологияси сизга реакцияни келтириб чиқарадиган ўзига хос компонентни аниқлаш имконини беради. Мисол учун, аллергия тухумга эмас, балки фақат тухум таркибидаги қайсидир оқсил таркибига бўлиши мумкин. Бу фақат молекуляр аллергологик текшириш давомида аниқланади

Каналга уланинг:
👉"Доктор Аллерголог" (@allergiya)

​💉ДИПРОСПАН НИМАСИ БИЛАН ХАВФЛИ?

Аллергик касалликларни даволашдаги хато препаратлардан бири, яъни Дипроспан хақида гаплашамиз. Иш фаолиятимга кўп бўлмаган бўлсада аллергик касаллиги учун Дипроспан қабул қилган кўплаб беморларни кўрдим ва сухбатлашдим. Аксарият қисми кимнидир тавсияси билан, ножўя таъсирларини билмаган ҳолда ўзбошимчалик билан қабул қилган. Ачинарли томони, шу усулда бир-биридан эшитиб Дипроспан қабул қиладиганлар сони кўпайиб бормоқда. Хуллас, хозир беморлар учун фойдаси билан бирга зарари ҳам КАТТА бўлган дипроспаннинг зарарлари ҳақида маълумот беришга ҳаракат қиламан.

ДИПРОСПАН ЎЗИ ҚАНДАЙ ПРЕПАРАТ?

✅ Дипроспан (бетаметазон дипропионат) энг кучли глюкокортикостероид препарат. У яллиғланишга қарши, аллергияга қарши, иммуносупрессив, десенсибилизация қилувчи хусусиятларга эга. Таъсири жуда самарали. Дипроспаннинг аллергияга қарши самараси иммунитет фаолиятини пасайтириши орқали амалга ошади. Чунки аллергия, аслида иммунитетнинг нотўғри ишлаши. Илк инъекцияда эффекти сезилади. Камида 3-4 хафта беморларда аллергия белгилари босилади. Лекин байрам узоққа чўзилмайди. Кўплаб беморлар яна қабул қилишга харакат қилади.

ДИПРОСПАННИНГ ХАВФЛИ ОҚИБАТЛАРИ

Дипроспанни бетартиб ишлатиш қуйидаги хавфли, мураккаб ножўя таъсирларни келтириб чиқаради:

⚠️ тўқималарда сув-туз алмашинувининг бузилиши натижасида тана вазнининг патологик ортиши;
⚠️ Суяклардари калций камайиши эвазига суякларнинг тез синувчан бўлиши - остеопороз;
⚠️ сурункали юрак этишмовчилиги;
⚠️ юқори қон босими;
⚠️ стероидли миопатия;
⚠️ шиллиқ қаватлар атрофияси;
⚠️ бош оғриғи;
⚠️ бош ичи босимнинг ошиши;
⚠️ асаб ва эндокрин бузилишлар.

❗️Шуни эсда тутиш керакки, дипроспан нафақат касаллик белгиларига, балки танамиздаги нормал ишлаб турган тизимларга ҳам жуда кучли таъсир кўрсатади. Кортикостероид билан даволаш алоҳида эътибор ва эҳтиёткорликни талаб қилади. Назоратсиз қабул қилиш, гормонни дозаси ва давомийлигига тўлиқ риоя қилмаслик жиддий оқибатларга олиб келиши мумкин, бу эса ўз навбатида қайтмас (тузатиб бўлмайдиган) патологик жараёнларнинг ривожланишига олиб келиши мумкин.

Бу пост билан Дипроспаннинг фойдаси йўқ демоқчи эмасман. Хайриятки, кўплаб аллергик касалликларни дипроспансиз ҳам бемалол даволаш ва назорат қилиш мумкин.

❗️Соғлик сизники. Хулоса ўзингиздан!

Каналга уланинг:
👉"Доктор Аллерголог" (@allergiya)

​Ҳомиладорлик пайтида гипоаллерген диета қилиш туғиладиган болалардаги аллергик касалликнинг олдини оладими?

✅ Ҳомиладорлар туғиладиган фарзандларида аллергик касаллик бўлмаслиги учун баъзи озиқ-овқат махсулотларидан воз кечишлари шарт эмас. Америка Педиатрия Академияси маълумотига кўра, ҳомиладорлик пайтида диетадан воз кечиш аллергик касалликнинг олдини олишда фойдали эканлигини кўрсатадиган далиллар йўқ. Бу шуни англатадики, ҳомиладор аёллар ерёнғоқ, сут, буғдой махсулотлари ёки бошқа озиқ-овқат аллергенларидан воз кечишлари шарт эмас. Чунки хомиладорлик вақтида фойдали витамин ва минералларга бой озиқ моддалар хам она саломатлиги, хам туғилажак бола ривожланиши учун жуда зарур.

Фақат бу аллергик касалликнинг олдини олишда мувозанатли овқатланишга алоҳида эътибор қаратиш лозим. Ейиш мумкин экан деб исталганча миқдорда ейиш керак деб тушунмаслик керак.

❓Аллергик касалликнинг олдини олиш учун ҳомиладор аёллар истеъмол қилиши мумкин бўлган озиқ-овқатлар борми?

Ҳомиладор оналар Омега-3 ёғ кислоталари ва Д витаминига бой озиқ-овқатлар истеъмол қилсалар, бу болада аллергия хавфини ва аллергик бола туғилиш эҳтимолини камайтириши мумкин.

❗️Аллерголог билан маслаҳатлашинг!

Агар сизда қайсидир аллергик касалликлар бўлса ва сиз хомиладорликка тайёргарлик арафасида бўлсангиз, касаллигингиз назорати ва диетангиз бўйича албатта шифокор-аллерголог билан маслаҳатлашинг!

Каналга уланинг:
👉"Доктор Аллерголог" (@allergiya)

❗️Аллерголог ва клиник иммунологларнинг халқаро даражадаги илмий-амалий форумига марҳамат!

Форум доирасида Ўзбекистон ҳамда хорижий давлатларда фаолият олиб бораётган малакали мутахассисларнинг Аллергология ва клиник иммунологиянинг долзарб масалаларига бағишланган чиқишлари тақдим этилади.

🗓 Вақти: 30 Май, 2022 09:00

Офлайн иштирок этишга имкони йўқлар форумни ZOOM орқали тўлақонли ОНЛАЙН форматда кўришлари мумкин.

📹 Zoom конференция учун хавола:
https://us02web.zoom.us/j/88134106883?pwd=emx4MXhNRDh6RmM1K2ZLL2RKN0diQT09

Meeting ID: 881 3410 6883
Passcode: 219139

Рўйхатдан ўтиш хаволаси: http://allergocenterforum.uz

Рўйхатдан ўтган ва форумда онлайн иштирок этганларга сертификат берилади.

❗️Омализумаб

Видеода Сурункали қайталанувчи қавариқлар (Эшак еми) касаллиги назоратида Омализумаб препаратини қўллаш келтирилган.

✅ Омализумаб – моноклонал анти-IgE антитела бўлиб танага киритилгач эркин IgE билан боғланади. Оқибатида омализумаб билан боғланган IgE аллергик реакция чақириш функциясини бажаролмайди ва семиз хужайраларда дегрануляция кузатилмайди.

Семиз хужайралар дегрануляцияси (ёрилиши) бўлмагач аллергик реакциялар ривожланишида сабабчи бўлган медиаторлар хам ажралмайди. Аллергик касаллик эса узоқ муддатга ремиссияга (уйқуга) ўтади.

Препарат IgE билан боғлиқ оғир аллергик касалликларда қўлланилиши мумкин. Афсуски, Ўзбекистонда бу препарат рўйхатдан ўтмаган ва дорихоналарда сотувда мавжуд эмас. Россияда сотувда бор. Нархи қиммат!

⚠️ Эслатма: Кўр кўрона қўллаш мумкин эмас. Ножўя таъсирлари бор. Шифокор кўрсатмаси билан, текширувлар асосида 2-4 хафтада 1 марта инъекция қилинади. Даволаш давомийлигини хам шифокор белгилайди.

Каналга уланинг:
👉"Доктор Аллерголог" (@allergiya)

​❗️ФАКТ: Шакар иммунитетингизни кучсизлантиради!

Хамма жойда шакарнинг қиммат бўлиб кетгани хақида гапирилмоқда, Ишонинг, аслида қанча кам шакар истеъмол қилсангиз, шунча яхши!

✅ Келинг, шакарнинг иммунитетга таъсири бўйича маълумотларим билан таништираман:

👉 Қанча кам шакар есангиз иммунитетингизга шунча яхши. Чунки шакар организмда иммун функциясига салбий таъсир кўрсатадиган алфа ўсимта некрози омили (TNF-a), C-реактив оқсил (CRP) ва интерлейкин-6 (IL-6) каби яллиғланиш оқсилларини ишлаб чиқаришни оширади. манба

👉 Қондаги шакарнинг юқори концентрацияси инфекциядан ҳимоя қилишга ёрдам берадиган икки турдаги иммун ҳужайралар, яъни нейтрофиллар ва фагоцитларнинг реакциясини ингибиция қилиши мумкин. манба

👉 Қондаги шакарнинг юқори концентрацияси ичак барери функциясига зарар этказиши ва ичак бактерияларининг номутаносиблигини келтириб чиқариши мумкин, бу сизнинг иммунитетингизни ўзгартириши ва танангизни инфекцияга кўпроқ мойил қилиши мумкин. манба-1, манба-2

👉 2012 йилда 562 нафар кекса одам иштирок этган тадқиқот шуни кўрсатдики, қонда қанд миқдори кўтарилган одамларда иммунитет даражаси паст ва яллиғланиш белгиси CRP даражаси юқори бўлади. манба

👉 Шунга ўхшаш, бошқа кўплаб тадқиқотларда қондаги юқори шакар концентрацияси диабети бор ва диабети йўқ одамларда иммунитетнинг заифлашишини кўрсатди (манба-1, манба-2, манба-3).

👉 Бундан ташқари, шакар миқдори юқори бўлган диетали овқатланиш баъзи аутоиммун касалликларга, шу жумладан ревматоид артритга мойилликни ошириши мумкин (манба-1, манба-2 манба-3).

Хулоса: Таркибида шакар миқдори юқори бўлган озиқ-овқат ва ичимликлар, жумладан музқаймоқ, торт, конфет ва шакарли ичимликлар истеъмолини чеклаш соғлиғингизни янада яхшилайди ва иммунитетингизни рағбатлантиради.

Жасур Давлатов – аллерголог, клиник иммунолог

Каналга уланинг:
👉"Доктор Аллерголог" (@allergiya)

🎓 2022-2023 ўқув йили магистратура қабул квоталари тасдиқланди!

✅ Ушбу расмда Тошкент тиббиёт академияси магистратураси учун қабул параметрлари келтирилган. Аллергология ва клиник иммунология йўналишига квота яна берилмади (ўтган йилгидек) Так что, биз каби аллергологияни 3 йил давомида магистратура даражасида ўрганганлар ноёб бўлиб қолдик. Худди "Ласетти круз" машинасига ўхшаб😂!

Айтганча, янгилик! Жорий йилдан бошлаб магистратурага кириш учун талабгорларда чет тили бўйича сертификат (IELTS) бўлиши керак. Сертификати йўқлар магистратурага топшира олмайди. Энг қизиғи, энди кириш имтиҳонлари бўлмайди. Танлов фақатгина диплом бали асосида амалга оширилади. Квоталар тўлмай қолса январ ойида яна қабул бўлади.

Каналга уланинг:
👉"Доктор Аллерголог" (@allergiya)

​АСИТ тарихи ҳақида

✅ Янги самарали даво методлари дарров пайдо бўлмайди. Кўплаб уринишлар ва муваффақиятсизликлар натижасида янги усул жорий этилади. Хусусан, аллергик касалликларнинг самарали даволаш усули хисобланган АСИТ (аллерген-специфик-иммуно-терапия) усулини ўтказишга зарур бўлган билимларни тўплаш учун инсониятга деярли 100 йил керак бўлган.

◾️1819 йилда мавсумий аллергик ринитдан азият чеккан Босток уни пичан иситмаси (аллергик ринит) деб таърифлаб, касалликнинг пичан билан боғлиқлигини кўрсатди;

◾️1865 йилда Блейкли пичан иситмаси кучайишининг сабабини аниқлашга уриниб, ўзи учун биринчи тери синовларини ўтказди. Ўсимлик чангини тери эпидермисининг шикастланган жойларига қўллади. Тез ривожланувчи пичан иситмаси касаллиги ўсимлик гулчанглари билан боғлиқлигини исботлади. 

◾️1902-1905 йилларда Пичан иситмаси билан оғриган Праустниц ва Дунбар ҳам ўзлари устида бир қатор тажрибалар ўтказиб, ушбу касалликнинг моҳиятини аниқлашга ва даволаш усулларини ишлаб чиқишга ҳаракат қилишди. Улар ўсимлик чангига қарши от зардобини қабул қилишди, аммо зардоб касаллигини орттириб олишгани туфайли муваффақиятсизликка учрадилар. 

Шундай қилиб, тажрибаларда мумкин бўлган муаммолар аниқланди. Хусусан, АСИТ билан боғлиқ - ножўя реакцияларнинг ривожланиши ва аллергенни дозалашнинг мураккаблиги туфайли бу аллергенлардан терапевтик фойдаланишга уринишларнинг кўпчилиги муваффақияцизликка учради. Ушбу муаммоларга инглиз тадқиқотчилари Леонарду Нуну ва Жон Фриман томонидан ечим топилди. Улар 1911 йилда Ланcет журналида пичан иситмаси бўлган 20 беморда ўзига хос иммунотерапиядан терапевтик фойдаланиш тўғрисида мақола чоп этишди. 

◾️1921 йилда Коуфилд биринчи бўлиб бронхиал астма учун аллерген иммунотерапиясини қўллаган.

◾️1986 йилдан бошлаб сублингуал АСИТ усули интенсив равишда ишлаб чиқилган (тил остидаги драже шаклида). 

◾️1998 йилда ЖССТ (жахон соғлиқни сақлаш ташкилоти) расмий равишда сублингуал АСИТни тери ости АСИТга муқобил сифатида тавсия қилди. 

◾️2011 йилда АСИТ усулининг 100 йиллиги нишонланади.

❗️Энг муҳими, Ўзбекистонда ҳам бу усул хар йили минглаб беморларда қўлланилмоқда. Тўғри ташхис асосида ва малакали шифокор аллерголог томонидан ўтказилган АСИТ усулининг самараси жуда юқори!

Жасур Давлатов – Аллерголог ва клиник иммунолог

Шунингдек, АСИТ хақида бошқа постларимни ўқишингиз мумкин:
1. Аллергияни даволашнинг самарали усули – АСИТ ҳақида. (1-қисм)
2. Аллергияни даволашнинг самарали усули – АСИТ ҳақида. (2-қисм)
3. Аллерген вакцина: Инъекцион ёки инъекционсиз? Қайси усул эффективроқ?
4. Сублингуал АСИТ

Каналга уланинг:
👉"Доктор Аллерголог" (@allergiya)

Аллергия касаллик эмасмиш!

Манави братни кимлиги, асл мутахассислиги нималигини билмадиму, аллергология ва иммунология ҳақида билимлари анча саёз экан.

Аслида, юртимизда шундай фикрловчи шифокорлар кўп. Беморлар ҳам шу сабабли аллергиядан узоқ йиллар азият чекиб, "оддий" мавсумий аллергик ринитни бронхиал астмага айланишигача юраверади. Босиб-босиб кучли гормонларни (масалан, Дипроспан) олиб юраверади. Касаллик эса ривожланишда давом этаверади...

Майли, нима бўлганда ҳам Сиз ўзингиз ёки яқинларингиздаги аллергияни даволаш ёки назоратга олиш бўйича шифокор-аллерголог билан маслаҳатлашинг!

Каналга уланинг:
👉"Доктор Аллерголог" (@allergiya)

Аллерго-дерматолог ёзган экан!

Айтишларича, битта беморга шунча дори буюрилган. Нима дейишга ҳам хайронман. Шифокор исм фамилиясини атай ўчирдим.

Каналга уланинг:
👉"Доктор Аллерголог" (@allergiya)

Нега аксирганга "соғ бўлинг" дейишади?

😮‍💨 Aксириш – ҳардоим ҳам касаллик белгиси бўлавермайди. Аслида, бу организмнинг ҳимоя реакцияси. Ёт моддалар (чанг, аччиқ, қўланса ҳидлар ва бошқалар) бурун бўшлиғидаги шиллиқ қаватнинг нерв ҳужайраларига таъсир этиши натижасида аксириш рефлектор равишда содир бўлади.

Бошлаган кунингиз баракали ўтсин!

Каналга уланинг:
👉"Доктор Аллерголог" (@allergiya)

#guidelines #atopic_dermatitis

📚 Шифокорлар учун атопик дерматитга ташхис қўйиш ва замонавий даволаш протоколи

Манба: American Academy of Family Physicians

Каналга уланинг:
👉"Доктор Аллерголог"

#guidelines #allergic_rhinitis

📚 Шифокорлар учун аллергик ринитга ташхис қўйиш ва замонавий даволаш протоколи

Манба: American Academy of Family Physicians

📚 Атопик дерматит протокол
📚 Аллергик ринит протокол
📚 Қаварчиқ протокол

Каналга уланинг:
👉"Доктор Аллерголог"

#guidelines #urticaria

📚 Шифокорлар учун турли хил қавариқ (крапивница) ларга ташхис қўйиш ва замонавий даволаш протоколи

Манба: EAACI (Pubmed базаси)

Каналга уланинг:
👉"Доктор Аллерголог"

#guidelines
#toxic_epidermal_necrolisis

📚 Токсик эпидермал некролиз (Стивенс Жонсон, Лаёлло) синдромига ташхис қўйиш ва замонавий даволаш протоколи

Манба: Indian Journal of Dermatology, Venereology, and Leprology

Каналга уланинг:
👉"Доктор Аллерголог"