⚡️АСИТ глобал бозори 2021-йилда 2,6 миллиард АҚШ доллари қийматига етди!

2027 йилга бориб эса 4,7 миллиард долларга етишини кутилмоқда.

✅ АСИТ - Аллерген махсус иммунотерапия (шунингдек, гипосенсибилизация ёки десенситизация деб ҳам аталади) аллергик реакцияларни даволаш усулидир. Иммун тизимининг реакциясини ўзгартириш учун аллерген кичик дозаларда, кўпайтириб бориладиган тартибда организмга киритиб борилади. Аллерголог ва бемор биринчи навбатда аллергия белгиларини келтириб чиқарадиган қўзғатувчини аниқлашлари керак. Бу тери синамаси ва қон тестларини ўз ичига олиши мумкин. Аллергия иммунотерапияси яллиғланишни камайтирадиган ва иммунологик толерантликни оширадиган узоқ муддатли даволаш усули ҳисобланади. Шунингдек, у касалликнинг зўрайиб боришини тўхтатиши ёки беморнинг кундалик ҳаёти сифатини яхшилаши мумкин.

Каналга уланиш:
👉"Доктор Аллерголог" (@allergiya

⚡️Яна бир ИЛ-13 блокатори Лебрикизумаб - атопик дерматитни даволашда яхши натижаларни кўрсатди.

ADvocate1 ва ADvocate2 клиник синовларининг 3-босқич хулосасига кўра, ўрта ва оғир даражадаги атопик дерматит билан касалланган беморларда лебрикизумаб иммунобиологик препаратининг барқарор самарадорлиги аниқ бўлди.

✅ Лебрикизумаб моноклонал антитана бўлиб, эркин интерлейкин-13 (IL-13) ни боғлайди.

Ўтказилган тадқиқотлар доирасида 16 ҳафта давомида препарат билан даволанишни яхши қабул қилган атопик дерматитли барча беморлар кейинги босқичда тасодифий тарзда 3 гуруҳга бўлинган. Биринчи гуруҳдаги беморлар ҳар икки ҳафтада 250 мг лебрикизумаб, иккинчи гуруҳ беморлари - ҳар 4 ҳафтада, учинчи гуруҳ беморларига эса плацебо қилинди.

Терапиянинг самарадорлиги эса 52 ҳафталик даволанишдан кейин баҳоланди. Препарат берилган ҳар икки гуруҳ ҳам ўз самарадорлигини кўрсатди. Бундан ташқари, плацебо гуруҳидаги беморларнинг тахминан 50 фоизи кейинги 36 ҳафта ичида ҳеч қандай даво олмаган бўлишига қарамай, олдинги босқич терапиянинг ижобий самарасини сақлаб қолганлиги кўрсатди, бу эса препаратнинг узоқ муддатли таъсир қилиш вариантини кўрсатиши мумкин.

Эслатма: Бунга қадар ИЛ-13 блокатор препаратларининг Dupilumab (Dupixent) ва tralokinumab (Adbry) турлари маълум эди. Америка Қўшма Штатларининг озиқ-овқат ва дори ташкилоти (FDA) томонидан Dupilumab 2017-йилда, tralokinumab эса 2021-йилда атопик дерматитни даволовчи препарат сифатида тасдиқланган.

Манба: https://www.medscape.com/viewarticle/981727

Каналга уланиш:
👉"Доктор Аллерголог" (@allergiya

Конгрессда кеча, 13 октябряда берилган долзарб муаммолар

👉 Озиқ-овқат аллергиялари ривожланган мамлакатларда кўпроқ учрайди. Агар одамлар ривожланаётган мамлакатлардан ғарбий мамлакатларга кўчиб ўтишса, уларнинг болалари ривожланган мамлакатларда бир неча авлодлар давомида яшаганларга қараганда кучлироқ аллергияга эга бўлиши мумкин.

https://onlinelibrary.wiley.com/doi/abs/10.1111/cea.13235

👉 Урбанизация билан бир қаторда IgЕ сенситизацияси ўсиб бормоқда. Турмуш тарзини, бунга таъсир қилувчи экологик омилларни аниқлаш озиқ-овқат аллергиясининг олдини олишга ёрдам беради.

👉 Қишлоқ болаларида th2 яллиғланиши учун масъул бўлган цитокинлар (аллергияга хос) жуда паст даражада ажралиб чиқади. Эҳтимол, бу эпигенетик омилларнинг (генлар қандай ишлашига таъсир қилувчи атроф-муҳит омиллари) таъсирини акс эттиради.

👉 Аллергиянинг олдини олиш бўйича сўнгги янгиликлардан бири, терини атроф-муҳит, озиқ-овқат билан алоқа қилишдан ҳимоя қилиш зарурлигини таъкидлайди ва болаларга эрта (4-6 ойликдан бошлаб) кенг тарқалган аллергенларни диетага киритиш (рационига киритиш) толерантликни қўзғатиши мумкин. https://onlinelibrary.wiley.com/doi/full/10.1111/all.15006,

👉 Ғарб мамлакатларида аллергиянинг кўпайиши шиллиқ қават тўсиқларига зарар етказувчи турли озиқ-овқат қўшимчалари (эмулсификаторлар) билан юқори даражада қайта ишланган озиқ-овқатларни истеъмол қилиш билан боғлиқлиги кун тартибида

👉 Озиқ-овқат аллергияси ва орал иммунотерапия бўйича охирги тадқиқотларга кўра, оғиз орқали провокацион тест пайтида белгиланган дозани ошириш таклиф этилмоқда. (Бошқача қилиб айтганда, терапияни ўткир аллергик реакция пайдо бўлгунга қадар олиб бориш) Каттароқ доза - кучлироқ толерантлик! https://pubmed.ncbi.nlm.nih.gov/28669889/

👉 Микрофлора ва аллергия ривожланиши ўртасидаги муносабатлар. Турли даражадаги астматик беморлар турли хил ичак микрофлорасига эга. Айниқса, аллергияси бор ва аллергияси бўлмаган инсонларда хам турлича микрофлора мавжуд. Микрофлоранинг хилма-хиллиги муҳим аҳамиятга эга. Микрофлора ва иммунитет тизими ўртасидаги ўзаро таъсирнинг муҳим воситачиси бактерияларнинг ҳаёт махсулотлари, хусусан, ёғ кислоталари (бутират, пропионат, ацетат) ва триптофан алмашинуви маҳсулотлари ҳисобланади.

Ушбу моддалар аллергия ривожланиши билан боғлиқ бўлган Th2 иммун жавобининг фаоллигини пасайтиради. Агар сиз термик ишлов берилмаган ўсимлик овқатлар, ферментланган овқатлардан (масалан, қатиқ) фойдалансангиз, бу моддаларнинг даражаси ошади. Бу озиқ-овқатларнинг антиаллергик роли шу озиқ-овқатларни истеъмол қилиш озиқ-овқат ва респиратор аллергиялар частотасини камайтириши бўйича ўтказилган тадқиқотлар билан қўллаб-қувватланади.

https://pubmed.ncbi.nlm.nih.gov/30390309/

https://pubmed.ncbi.nlm.nih.gov/36150675/?utm_source=gquery

👉 Гижжа бизнинг дўстимиз. Аскаридага қарши иммунитет астма хавфини оширади ва унинг кечишини кучайтиради, деб узоқ вақтдан бери ишонилган. Бироқ, янгиликларга кўра, гелминтлар аллергия ва астма даражасини камайтирадиган анти-аллергик моддаларни ҳосил қилади.

Аскарида цистатинлари Т-регулятор лимфоцитлар, Б-регулятор лимфоцитлар ишини фаоллаштиради ва яллиғланишни камайтиради. (тадқиқот ҳали нашр этилмаган)

👉 Урбанизация ва аллергия бир-бирига боғлиқ. Қишлоқ ҳудудларида аскаридоз кўпроқ ва уй чангига нисбатан аллергия камроқ учрайди.

Мақсад: паразитлар билан касалланганлардаги айнан қайси моддалар анти-аллергик таъсирга эга эканлигини билиб, биз улардан аллергияни олдини олиш ва даволашда фойдаланишимиз мумкин.

Давоми бор...

Каналга уланиш:
👉"Доктор Аллерголог" (@allergiya

Истанбулдаги Конгресснинг 2-кунида (кеча) атроф-муҳитнинг аллергия ривожланишига таъсири ҳақида жуда яхши маълумотлар берилибди:

👉 1960-йиллардан бери хавфсизлиги бўйича етарли тадқиқотлар ўтказилмаган ҳолда 360 000 дан ортиқ кимёвий моддалар яратилган. Уларнинг аксарияти бизнинг эпителий барерларимизни бузади ва аллергия ва бошқа сурункали яллиғланиш касалликларига сабаб бўладиган иммун реакцияни қўзғатади.

Кундалик ювиш воситалари - идиш-товоқ ва кийимдаги қолдиқлар токсик таъсирга эга

👉 Эмулсификаторлар, сирт фаол моддалар, консервантлар - ичак ҳужайралари учун токсик моддалар хисобланади. Нанопластик моддалар ҳужайралар томонидан сўриладиган иммуномодулятор бўлиб, тўқима барерларига зарар етказади, рецепторларга ёпишади.

👉 Эпителий тўсиғи шикастланганда, токсик моддалар, бактериялар тўқималарга чуқурроқ кириб, иммунитет реакциясини қўзғатади.

https://link.springer.com/article/10.1007/s40629-022-00211-y‌‌

👉 Муҳим: Бу кимёвий моддалар шиллиқ қаватдан бактериялар каби қонга ўтиб кетмайди. Улар шиллиқ қаватда парчаланади. Лекин улар билан доимий алоқада бўлиш барернинг ўзи ва иммун тизимнинг нормал ишлашини ўзгариришига олиб келади ва сурункали яллиғланиш ва иммун жавобнинг ўзгаришини келтириб чиқаради, натижада аллергияга ривожланади.

👉 Экологик ўзгаришлар аллергик касалликларнинг частотаси ва оғирлик даражасига таъсир қилади. Атроф-муҳитнинг ифлосланиши эпителий тўсиқларига зарар етказади. Чанг бўронлари, айниқса, болаларда астманинг кучайиши хавфини оширади. Глобал исиш келгуси ўн йилликларда гулчангларнинг янада кўпайишига олиб келади.

Давоми бор...

Каналга уланиш:
👉"Доктор Аллерголог" (@allergiya

🇺🇦 Украинанинг молекуляр алергологик диагностика бўйича бош мутахассиси, ФОРПОСТ кликинаси директори Назаренко Олександр Павлович барча аллергологларни бугунги касб байрами билан табриклади.

Охирида молекуляр аллергологиядаги ImmunoCAP диагностика аппаратини HIMARIS харбий қуролига қиёслаб ўтди:)

Каналга уланиш:
👉"Доктор Аллерголог" (@allergiya