#аллергология

🤧 Аллергик ринитнинг ривожланиш механизми бўйича мавжуд билимларни янгилаб оламиз!

✅ Аллергик ринит эрта ва кеч босқичларга бўлинади:

➖Дастлабки босқичда аллергик ринит 2-тоифа ёрдамчи (Тh2) ҳужайралар томонидан қўзғатиладиган, (Ig) E воситачилигидаги яллиғланиш жавоби ривожланади.

Дастлабки жавоб антиген таъсиридан кейин 5-15 минут ичида содир бўлади, бу эса семиз ҳужайраларининг дегрануляциясига олиб келади. Бу аллергик ринитнинг асосий воситачиларидан бири бўлган гистаминни ўз ичига олган турли хил медиаторларни чиқаради. Гистамин тригеминал асаб орқали аксириш рефлексини қўзғатади ва шиллиқ безларни рағбатлантириш орқали бурун оқишида ҳам рол ўйнайди. Лейкотриенлар ва простагландинлар каби бошқа иммун воситачилар ҳам қон томирларига таъсир қилиб, бурун битишига сабаб бўлади.

➖Дастлабки жавобдан 4-6 соат ўтгач, семиз ҳужайралардан интерлейкинлар IL-4 ва IL-13 каби цитокинлар ажралади, бу кечки фазали жавобнинг ривожланишини англатади.

Бу цитокинлар, ўз навбатида, эозинофиллар, Т-лимфоцитлар ва базофилларнинг бурун шиллиқ қаватига инфилтрациясини осонлаштиради ва натижада бурун шиллиқ қавати шишини келтириб чиқаради.

Шунингдек, эозинофиллар инфилтрацияси ва бурун шиллиқ қаватининг облитерацияси туфайли IgЕ'га боғлиқ бўлмаган гиперреактивлик ривожланиши мумкин. Бурун шиллиқ қавати энди оддий таъсирларга (масалан, тамаки тутуни ва совуқ ҳаво) гиперреактив бўлиб, аксириш, бурун оқиши ва бурун қичишига олиб келади.

💬Telegram 📹Instagram 📹YouTube

Атопик дерматит қандай касаллик?

✅ Атопик дерматит - экзема касалликлар гуруҳига кирадиган сурункали тери касаллиги ҳисобланади.

Касаллик ривожланишида ҳам тери, ҳам иммунологик механизмлар иштирок этади. Бундай беморларда кейинчалик аллергик ринит ва бронхиал астма ривожланиш ҳавфи бор.

💬Telegram 📹Instagram 📹YouTube

🫏Эшак еми, ёҳуд қаварчиқ. Рус тилида крапивница. Инглиз тилида urticaria!

➖ Халқ орасида эшак еми, тарвоқ номлари билан аталадиган касаллик, яъни қаварчиқ - терининг яллиғланиш касаллиги бўлиб, дунё аҳолисининг 20% қисмига ҳаёти давомида бир бор бўлсада таъсир қилади.

Бунда теридаги семиз ҳужайраларнинг фаоллашиши ва дегрануляцияси (ёрилиши), гистамин ва бошқа яллиғланиш медиаторларининг чиқарилиши туфайли қичишиш ва шиш билан намоён бўлади.

2 хил тарзда намоён бўлади

✅ Кўпинча қаварчиқ ўткир жараён тарзида намоён бўлиб, у инфекция ёки дори ёки озиқ-овқат маҳсулотларини истеъмол қилиш билан боғлиқ бўлиши мумкин.

✅ Сурункали қаварчиқ эса 2 хил катта – ўз-ўзидан пайдо бўладиган ва маълум қўзғатувчи сабабларга эга кўра пайдо бўладиган турларга бўлинади. Қўзғатувчи сабабларига кўра яна бир қанча турларга бўлинади.

📈 Касаллик 6 ҳафтадан узоқ давом этаётган бўлса сурункали дея ташхисланади.

📉 Қаварчиқ касаллиги беморнинг ҳаёт сифатига катта негатив таъсир қилади ва психологик муаммоларига сабаб бўлади. Бу муаммолар нафақат ўзига, балки оила аъзоларига ҳам таъсир қилиши мумкин.

Қандай даволанади?

Охирги протокол бўйича ривожланган мамлакатларда қаварчиқни назорат қилиш иккинчи авлод антигистаминлари, омализумаб ва циклоспорин ёрдамида босқичма-босқич амалга оширилади. Касалликнинг қўзғатувчи сабаблари аниқланган тақдирда ўша сабабни бартараф этиш чоралари кўрилади. Албатта аллерголог-иммунолог шифокор назоратида!

Янги даволаш ёндашувлари эса семиз ва бошқа иммун ҳужайраларнинг медиаторлари, сигнализация йўллари ва рецепторларига қаратилган.

Аллерголог-иммунолог: Жасур Давлатов

Консультация бўйича: @allergolog
Локацияси: t.me/allergologlar/15935

Ушбу маълумотни эшак еми касаллиги бор яқинларга юбориб қўйинг!

💬Telegram 📹Instagram 📹YouTube

❌ Дипроспан каби препаратларни аллергияни даволашда қабул қилманг!

Бунга бир қанча сабабларим бор:

1. У энг кучли гормон;
2. У организмда деполаниш (узоқ вақт сақланиш) хусусиятига эга. Бу фойдали нарса эмас. Ҳуддику узоқ курс гормон қабул қилгандек ҳолат;
3. Остеопороз чақириши кучли;
4. Иммуносупрессив (иммунитетни кучсизлантириш) тасири жуда кучли!

Бу видеони дипроспан, сертоспан, бетоспан олмоқчи бўлган яқинларга юбориб қўйинг!

💬Telegram 📹Instagram 📹YouTube

❗️Огоҳ бўлинг: Дориларга аллергия кўпайган. Оғир ҳолатларга хам бормоқда!

📈 Халқимиз дориларга "ўтириб" қолган. Оддий шамоллашга ҳам бир дунё дори. Бечора иммунитетимизга иш қолдирмаяпмиз. Шу сабаб у дангаса бўлиб, кучсизланиб қоляпти!

Энг ёмони, дори аллергиялар сабаб ўлим ҳолатлари кўпаймоқда. Шифокор эса оғир аллергия бўлиши учун "оддий" бош оғриқ дорилар ҳам етарли бўлишини таъкидламоқда!

Видеони кўриб ҳулоса қилинг ва яқинларни ҳам огоҳлантириб қўйинг!

💬Telegram 📹Instagram 📹YouTube

​Ёмғир – баъзи аллергияси борларга ёрдам беради!

➖ Ташқарида об-ҳаво иссиқ ва қуруқ бўлса, ҳавога кўпроқ гулчанглар тарқалади, чунки гулчанглар жуда енгил бўлади. Аллергияси бор беморнинг бурун шиллиқ қаватларига етиб бориши учун арзимас шабада бўлса бас!

Аммо ёмғир бошланганда, биринчи навбатда, гулчанглар сони камаяди. Бунинг сабаби шундаки, сув буғлари ва ёмғир томчилари гулчанг зарраларидан оғирроқ бўлиб, ҳаводаги гулчангларни ўзига тортиб олади ва учишига йўл қўймайди. Ҳаводаги намлик ҳам гулчангларни оғирлаштириши мумкин, шунинг учун ҳаво тозаланади.Лекин бу вақтинчалик ҳолат!

Сизга ҳам ёмғир ёрдам берадими?

💬Telegram 📹Instagram 📹YouTube

​🧼 Атопик дерматити борлар қўлини юваётганда нималарни ҳисобга олишлари лозим?

➖ Америка дерматология академияси қўлларни ювишда қуйидаги қадамларни тавсия қилади:

✅ Қўлларни камида 20 сония давомида совун билан ювинг;

✅ Бармоқлар ораси ва тирноқлар атрофини ювишни унутманг;

✅ Иссиқ сувдан кўра илиқ сувдан фойдаланинг;

✅ Совун қолдиқларини қолдирмаслик учун яхшилаб ювиб ташланг;

✅ Қўлларни юмшоқ, тоза сочиқ ёки бир марта ишлатиладиган қоғоз сочиқ билан қуритинг. Лекин ишқаламанг! Истасангиз ҳаволи қуритгичдан фойдаланинг.

⚠️ Энг муҳими, дарҳол намланг!

Қўлларни қуритгандан кейин кейин намловчи воситангизни қўлланг. Доимий равишда намловчи кремни суртиб юришни одат қилинг. Бу кун давомида қўлларингизни намлик билан таъминлашга ёрдам беради ва тери тўсиғини ҳимоя қилади.

Намловчи кремларни қаерга борсангиз ҳам ўзингиз билан олиб юринг!

💬Telegram 📹Instagram 📹YouTube

АСИТ – тиш паста кўринишида!

Иммунотерапиянинг ушбу инновацион янги шакли аллерген экстрактларидан тайёрланган махсус тиш пастасидан фойдаланишни ўз ичига олади.

Аллергияга қарши эмлаш, яъни АСИТ (тери ёки тил ости иммунотерапияси) вақтида танага оз миқдордаги, кўпайиб борувчи жадвалда аллергенлар киритилади. Ушбу иккала иммунотерапия усули ҳам яхши бўлса-да, лекин беморлар учун энг қулайи эмас. Чунки 3-5 йил давомида доимий муолажа олиб юришлари зарур.

Лекин ушбу тиш паста орқали даволаниш 1 ўқ билан 2 қуённи уришдек гап. Шундоқ ҳам ҳар куни қиладиган тиш ювишингиз давомида АСИТ муолажасини ҳам олиб бораверасиз.

Тиш паста ҳар бир беморга индивидуал тайёрланади!

Аллергиянгиз сабаби анализ қилинганидан сўнг, шифокор бир вақтнинг ўзида бир ёки нечта аллергияни даволовчи тиш пастасини тузади ва буюради.

💬Telegram 📹Instagram 📹YouTube

🥜 Аллерген – Ultra Pro Max 😁

💬Telegram 📹Instagram 📹YouTube

📊 Крапивница ҳақида статистика

Кўплаб тадқиқотлар натижасида крапивница бўйича қуйидаги статистик маълумотлар аниқланган:

15-25% аҳолида учрайди;
75% ҳолатда аёллар жабрланади;
90% ҳолатда сабаби номаълум;
20% ҳолатда 10 йилгача давом этади;
60% ҳолатда ўткир формада бўлади;
40% ҳолатда сурункали формада бўлади;
40% ҳолатда Квинке шиши билан келади;
55% ҳолатда IgE га боғлиқ бўлади;
5-40% ҳолатда ўткир форма сурункалига айланади;

30-50% беморда қайсидир аутоиммун касаллик ҳам бўлади;
25-60% беморда anti-IgE антитело аниқланади;
70% беморларга қатъий диета ёрдам беради;
25% болаларда 3 ёшгача ўзидан-ўзи ремиссия бўлади.

Эслатиб ўтамиз, крапивницани даволаш касаллик оғирлик даражасига қараб босқичма-босқич олиб борилади.

💬Telegram 📹Instagram 📹YouTube

​⚡️Цефтракцион ва Дексаметазон олган 28 ёшли аёл вафот этди!

Катта эҳтимол билан бу доридан кейинги яшин тезлигида ривожланадиган аллергик (анафилактик) реакция ҳисобига бўлган!

Аёлнинг ангинаси шишиб кетганлиги сабабли унинг бўйин қисмига "Цефтриаксон" ва "Дексаметазон" дори воситалари аралашмасидан инъекция юборилган.

Бугун, 8 ноябрь куни Қашқадарё вилояти Шаҳрисабз шаҳридаги клиникаларнинг бирида 28 ёшли аёл қилинган антибиотик уколдан сўнг вафот этган айтилган хабар ижтимоий тармоқларга сиздирилди. Ушбу ҳолат бўйича UzNews.uz’нинг сўровига асосан Бош прокуратура матбуот хизмати раҳбари Ҳаёт Шамсутдинов маълумот берди.

Аниқланишича, жорий йилнинг 6 ноябрь куни соат 11:00 атрофида Қашқадарё вилояти Шаҳрисабз туманида яшаган фуқаро 1996 йилда туғилган Б.Н. (аёл) хусусий поликлиникага ангинаси шишиб кетганлиги бўйича мурожаат қилган.

Хусусий клиниканинг лор шифокори И.Ж. томонидан аёлнинг томоғи шишиб йиринглаганлиги сабабли унинг томоқ қисмидан "Цефтриаксон" ва "Дексаметазон" дори воситалари аралашмасидан инъекция юборилганида бемор Б.Н.нинг тили тортилиб кетган. Воқеа жойида кўрсатилган ёрдамга қарамасдан беморнинг соғлиғи ёмонлашиб ҳодиса жойида вафот этган.

Воқеа содир бўлган жойга Шаҳрисабз шаҳар прокуратураси терговчиси раҳбарлигида тергов тезкор гуруҳи чиқиб, ҳодиса жойи кўздан кечирилган.

⚠️ Бу каби ҳолатдан ҳечким кафолатланмаган. Ҳечким мен ёқи яқинларимда бунақа вазият бўлмайди деб олдинган айта олмайди. Ҳар қандай дори ёки хатто табиий воситалар, озиқ овқатлар ҳам аллергия бериши мумкин.

Ўзингизни асранг! Камроқ дори қабул қилишга ҳаракат қилинг!

💬Telegram 📹Instagram 📹YouTube

​⚡️СИРДАРЁГА КОНСУЛЬТАЦИЯГА БОРАМИЗ!

➖ Кўпчилик беморлар менга онлайн мурожаат қилишади. Кўрмасдан, текширмасдан аниқ маслаҳат бериб бўлмаган ҳолатларда уларга қабулимга келишни айтсам, вилоятдаман, ёш болам бор ёки пойтахтга боришга ҳозирча имконим йўқ дейишади...

Ҳар қандай вазиятни тўғри тушунаман. Шу сабабли вилоятларга сайёр қабул ташкил этишни режалаштирмоқдамиз. Биринчи бўлиб Сирдарёдан бошлаймиз!

Мен, аллерголог ва клиник иммунолог Жасур Давлатов 8-декабр якшанба куни POYTAXT MED DIAGNOSTIKA (GULISTON MEDICAL DIAGNOSTIKA) марказида тиббий маслахат консультацияси ўтказишга бораман!

Қуйидаги беморларни қабул қиламиз: 

✅ Аллергик ринит;
✅ Аллергик конюктивит;
✅ Крапивница (Эшак еми);
✅ Аллергик йўталлар;
✅ Бронхиал астма;
✅ Озиқ-овқат аллергиялари

✅ Шунингдек, йил давомида жуда кўп касал бўладиган, иммунитети заиф болаларни тўғри даволаш бўйича ўз тавсияларимни бераман!

🗓 Сана: 8-декабр (якшанба)
⏰ Вақт: 09:00 дан 18:00 гача
📊 Ҳам болалар, ҳам катталарга!

Манзил: Гулистон шахри Сайхун кўчаси 13-уй. Мўлжал BEELINE бош офисидан 120 метр автовокзал ва пиёдалар ўтиш кўприги томонга юрганда янги қурилган 3-қаватли бинонинг 1-қавати.

Мурожаат учун:
+998953410303
+998954790303
+998994786618

💬Telegram 📹Instagram 📹YouTube

❌ 💉 Уйда укол олиш жуда хавфли. Айниқса антибиотикларни!

Дориларга нисбатан аллергик реакциялар кўпайган ҳозирги даврда хушёрлик зарар қилмайди. Айниқса антибиотикларни уй шароитида олмаслик керак. Беморга нимадир бўлса биринчи навбатда ҳамшира айбланади!

Ҳамшира танишлар ва барча қариндошлар гуруҳига тарқатиб қўйинг!

💬Telegram 📹Instagram 📹YouTube

​❗️Энг кучли табиий антигистамин

✅ Кверцетин – энг кучли табиий антигистаминлардан бири ҳисобланади. Бу олма, пиёз ва брокколи каби озиқ-овқатларда мавжуд бўлган ўсимлик флавоноидидир. Танадаги гистамин ажратадиган ҳужайраларни барқарорлаштириш орқали аллергия симптомларини камайтиришга ёрдам беради.

Диазолиннинг табиий ўринбосари

Кверцетин - Диазолин ва шу каби бошқа антигистамин препаратлар учун яхши табиий ўринбосардир. Қичишиш, аксириш ва бурун оқиши каби аллергия аломатларини назорат қилишда ёрдам берадиган антигистамин таъсирига эга.

PubMed'да қуйидагича таъриф берилган:

Quercetin - иммун тизимини рағбатлантириш, антивирус фаоллик, гистамин ва лейкотриен чиқарилишини ингибиция қилиш, интерлейкин IL-4 ишлаб чиқарилишини камайтириш билан тавсифланадиган радикал тозалаш ва анти-аллергик хусусиятларга эга антиоксидант фаоллиги билан машҳур моддадир. У Тh1/Тh2 мувозанатини яхшилайди ва антигенга хос бўлган IgЕ антителалар шаклланишини тўхтата олади. Шунингдек, у липоксигеназа ва пероксидаза каби ферментларни ингибиция қилишда ва яллиғланиш медиаторларини камайтиришда самарали.

Кулминацион нуқтаси!
Қайси махсулотларда бор?

🎋 Сарсабил
🧅 Қизил пиёз
🥦 Брокколи
🍎 Олма
🍵 Кўк чой
🥬 Укроп
🍇 Узум
🍷 Қизил вино
📈 Ва бошқа махсулотларда

Эслатма, таркибида кверцетин сақлайдиган табиий махсулотлар жуда кўп. Лекин ҳаммаси ҳам гипоаллерген эмас. Танлаб, ўзингизга тўғри келадиганини доимий истеъмол қилишни одат қилинг. Шунда антигистамин препаратларга эҳтиёжингиз тўлиқ бўлмасада лекин анчагина камаяди.

Сақлаб олинг ва яқинларга юборинг!

💬Telegram 📹Instagram 📹YouTube

Аллергия ўзи нима?

Айнан мана шу таърифга мос келган ҳолатга аллергия деймиз. Бошқа ҳолатларга эмас!

💬Telegram 📹Instagram 📹YouTube