ТАЪСИРЛИ ВИДЕО!

Шифокорлар ҳар доим, ҳар бир даврда жамиятдаги энг керакли касблардан бири бўлган ва бундан кейин ҳам бўлиб қолади.

Шифохона йўқми? Демак, нажот ҳам йўқ!

🅰 @allergiya_uz

Аллергия ҳақида умумий тушунча (соддароқ таҳлил)

Батафсил: https://telegra.ph/Allergiya-ҳaқida-umumij-tushuncha-soddaroқ-taҳlil-09-11

🅰 "Доктор Аллерголог"

​​Ўзбекистонда шахсий аллергия паспорти яратилди

Хўш, бу қандай ҳужжат? Уни кимлар олишлари мумкин?

Ўзбекистон Республикаси Инновацион ривожланиш вазирлиги ходимлари халқаро экспертлар билан ҳамкорликда ноёб ҳужжат – молекуляр даражада аллергик таъсирчанлик паспорти, оддийроқ қилиб айтадиган бўлсак, аллергия паспортини жорий этиш бўйича дастурни амалга оширмоқдалар.

Вазирликнинг ахборот хизматининг хабар беришича, паспорт икки хил шаклда чиқарилади. Паспортнинг шошилинч тиббий хизмат кўрсатиш учун мўлжалланган шакли аллерген манбалари ва юқори хавф туғдирадиган алоҳида молекулалар ҳақидаги маълумотлар, шунингдек, QR-код (тез таъсир кўрсатадиган код)ини ўз ичига оладиган икки томонлама пластик карта тарзида тақдим этилган. QR-код катта ҳажмдаги маълумотларни ўз ичига олади ва молекуляр текширув бўйича тўлиқ ахборот ёзилган қоғоз шаклли паспортдаги барча маълумотларни ўқиш имконини беради. Масалан, беморга шошилинч ёрдам керак бўлиб қолганида, шифокорлар зарур маълумотларни QR-код орқали билиб олишлари мумкин бўлади.

Мазкур паспорт Ўзбекистон фуқароларининг хорижга сафарлари чоғида ишлатилиши мумкинлигини назарга олган ҳолда, паспорт инглиз ва рус тилларидаги маълумотларни ҳам ўз ичига олади.

🅰 "Доктор Аллерголог" (@allergiya_uz)

​​Аллергия қўзғатувчилар ва уларнинг организмга кириш йўллари!

Гиперсенсибиллашган (тасирчанлиги ошган) одамларда аллергик реакциялар келтириб чиқарувчи унсурларни аллергенлар деб атаймиз.

Организмга тушган аллергенга нисбатан бизнинг иммун ҳужайраларимиз "ўзгача тарзда" жавоб қайтаради. Одатда бу жавоб реакция тўқималар бўзилиши, шикастланиши билан кечади. Айнан мана шу жиҳат аллергик жараённи иммунитетдан фарқлаб туради. Иммунитетда тўқималар бузилмайди.

Аллергияга сабабчи бўлувчи моддалар - аллергенлар аллергик реаксияни келтириб чиқаришини тушуниб олдик. Аллергенларнинг таркиби хилма хил бўлади. Энди шу аллергенларнинг организмга тушиш йўллари ҳақида гаплашсак:

Аллергенларнинг организмга асосий тушиши йўллари 4 ҳил:

1. Қон орқали.
Мисол учун, ҳамшира қайсидур дорини сизга иньекция (укол) қилди ва сизга шу дорига нисбатан аллергия ривожланди.

2. Нафас йўллари орқали.
Айтайлик, ўсимлик чанги бор жойларда нафас олаётгандингиз сизда аксириш, бурун оқиши каби аллергик жараён бошланди.

3. Энтерал йўл орқали.
Бу усулда ошқозон ичак тизими орқали овқат билан кирган аллергеннинг организмга кириши тушунилади.

4. Тери ва шиллиқ қаватлар орқали.

⚡ЁДДА ТУТИНГ! Аллерген организмга биринчи марта тушганда (юқоридаги исталган усулда) ўша аллергенга нисбатан сенсибилизация (сезувчанлик) шаклланади. Яъни бизнинг иммун ҳужайраларимиз аллергенга нисбатан антителолар яратади. Аллерген иккинчи бор тушгудек бўлса, ана ундан кейин аллергия ривожланади.

Организм ўша аллергенга сенсибилизация бўлмасдан туриб ҳечқачон аллергия ривожланмайди!

🅰 "Доктор Аллерголог" (@allergiya_uz)

Аллергия инсоннинг нормал яшашига ноқулайлик туғдиради.

Расмда соғлом ва поллинози (ўсилик чангига аллергияси) бор инсон ҳазиломуз таққосланган.

🅰 "Доктор Аллерголог" (@allergiya_uz)

🅰 @allergiya_uz

Нима учун аксирамиз?

Aксириш – организмнинг ҳимоя реакцияси. Ёт моддалар (чанг, аччиқ, қўланса ҳидлар ва бошқ.) бурун бўшлиғидаги шиллиқ қаватнинг нерв ҳужайраларига таъсир этиши натижасида аксириш содир бўлади.

Tаъсирловчилар уч шоҳли нервнинг бурун бўшлиғидаги тармоғининг сезувчи нерв охирларига таъсир этади. Бунга жавобан киши рефлектор тарзда чуқур нафас олади. Сўнгра юмшоқ танглай кўтарилиб, буруннинг ички тешигини беркитади, натижада кўкрак бўшлиғида босим ошиб кетади. Шундан кейин буруннинг ички тешиги бирдан очилиб, тўпланиб қолган ҳаво бурун орқали чиқиб кетади. Шиллиқ қаватни таъсирлаб турган ёт модда ҳам ҳаво билан ташқарига чиқади.

Aксириш баъзи касалликлар (грипп, ринит)нинг бошланғич белгиси бўлиши ҳам мумкин.

Аксини тўхтатманг!

Аксирганда ўпкадан чиқаётган ҳаво тезлиги секундига 4,5 метр ёки соатига 16 км тезликгача чиқиши исботланган. Агар нафас йўли тўсилса, ўпкадан чиқаётган ҳаво босими Евстахий найидан қириб, ҳатто ноғора пардани перфорация қилиши (йиртиши) мумкин.

👉 @allergiya_uz

​​Эълон!

27-28 сентябр кунлари Тошкент шаҳри "Зарафшон" киноконцерт залида "Аллергик касалликларни ташҳислаш ва даволашнинг инновацион усуллари" номли Халқаро катта конгресс бўлиб ўтади. Чет эллик мутахассислар ҳам иштирок этади.

Рўйхатда Республика Илмий Ихтисослаштирилган аллергология марказидан жами 45 киши (16 нафан шифокор + 29 нафар клиник ординатр ва магистрлар) қатнашиши белгиланган.

Насиб этса биз ҳам қатнашамиз. Янгиликларни шу канал орқали билиб борасиз.

👉"Доктор Аллерголог"

​​Ўлимга олиб келувчи янги касаллик пайдо бўлганлиги айтилмоқда!

Жаҳон соғлиқни сақлаш ташкилотининг хабар қилишича, дунёда ҳали фанга номаълум бўлган янги касаллик аниқланди. Бу ҳақида ташкилот ҳисоботида хабар қилинди, дея соф.уз айтмоқда.

Танзания давлатида бемор фуқарода бир вақтнинг ўзида эбола вируси, Денге иситмаси ва безгак аломатлари кўринган. Айрим мутахассислар буни янги касаллик деб ҳисоблашмоқда. 

Сўнгги маълумотларга кўра, аёл касал бўлганидан кўп ўтмай вафот этган.

ЖССТ ушбу ҳодисани текшириш учун Танзанияга мутахассислар гуруҳини юборган.

"Доктор Аллерголог" (@allergiya_uz)

​​Гаптенлар ёҳуд чала аллергенлар!

Гаптенлар (юн. haptens, hapto — ўзаро таъсирлашиш) — антигенлик ҳусусиятига тўла эга бўлмаган кимёвий моддалар. Бошқачароқ номласак, чала аллергенлардир! Гаптен терминини антиген термини билан биргаликда К.Ландштейнер 1923 йилда фанга киритган.

Гаптенлар кичик молекуляр моддалар бўлиб, қачонки улар юқори молекуляр моддалар билан бирга боғлансагина антигенлик ҳусусиятига эга бўлади. Агар боғланмаса гаптенлар аллергик реакцияни чақирмайди.

Гаптенлар юқори молекуляр моддалар билан бирикиб тегишли антителолар ёки лимфоцитлар билан ўзига хос ўзаро таъсирлашиш хусусиятига эга (антиген каби).

Tўла қийматли антигенлардан ўзи мустақил ҳолатда иммун жавоб қайтара олмаслиги билан фарқ қилади.

Тажриба қилиб ҳайвонлар организмига бундай гаптен комплекс юборилганда антителолар ҳосил бўлган. Гаптен табиатли моддалар ёрдамчи моддалар билан кимёвий реакцияга киришиб антиген табиатли моддага айланади.

Ҳар хил табиатли моддалар: Аминокислоталар, Пептидлар, Моно, ва ди саҳараридлар, Полисаҳаридлар, Нуклеотидлар, Нуклеин кислоталар, Липидлар, Стероидлар, Витаминлар, Антибиотиклар ва бошқа дорилар гаптенларга мисол бўла олади.

Ҳулоса қиладиган бўлсак, гаптенлар организмга кириб, тўқима ва оқсиллар (кўпроқ албуминлар) билан бириккач, аллергия пайдо қилиши мумкин.

👉"Доктор Аллерголог" (@allergiya_uz)

Аллергия ва аллергик реакцияни анимацион видео тарзда туширтирилган варианти. (инглиз тилида)

👉"Доктор Аллерголог" (@allergiya_uz)

​​Аллергиядан қочиб қутулолмаган инсон!

Фармэксперт каналида битта қизиқ ҳикоя кўриб қолдим. Сизлар билан ҳам бўлишгим келди:

Австриялик бир художўй одам Худога ишонаркану тақдирга ишонмас экан. Сохил бўйида яшагани учун балиқчилик яхши ривожланган экан. Бир мартта у ласос балиғини егач кучли аллергия содир бўлибди ва нафаси бўғилиб қолибди. Шифокорлар зўрға хаётини сақлаб қолибди.

Аллерголог шифокор энди мутлақо лосос балиғ ёғини емасликни буюрибди. Акс холда кейинги сафар аллергия натижасида нафаси бўғилиб ўлиши мумкинлигини айтиб огохлантирибди. Шундан кейин художўй одам сохилдан кўчиб кетишга қарор қилибди.

Орадан бир йилча ўтиб бир куни у шахар марказида уйида ўлик холда топилибди. Маълум бўлишича у дўстига мактуб ёзмоқчи бўлган. Мактубни ёзиб бўлиб конвертни клей қисмини намлаш учун тилини теккизган.

Конверт клейи таркибида эса балиқ ёғи ишлатилади. Натижада у аллергиядан вафот этибди. Унинг қисмати эса бизни тақдирга ишонтиради.

👉"Доктор Аллерголог" (@allergiya_uz)

Fotodermatoz yohud quyosh nuriga allergiya!

Batafsil: https://telegra.ph/Fotodermatoz-yohud-quyosh-nuriga-allergiya-09-15

👉 @allergiya_uz

Emlash foydalimi?

Qanday turlari bor? Qaysi hollarda emlanish mumkin emas?

Batafsil: https://telegra.ph/Emlash--turlari-otqazilish-tartibi-emlash-kalendari-va-qarshi-korsatmalar-09-19

👉 @allergiya_uz

Магистратурада ҳам ижтимоий фанлар ўтиладими?

— Ҳа, ўтилади!

Тошкент тиббиёт академияси магистрлари ҳафтада бир кун ижтимоий фанлар билан машғул бўлишади. Инглиз тили, информатика, фалсафа, далилларга асосланган тиббиёт шу фанлар жумласидан.

😄 Начора, ёқмаса ҳам ҳафтада бир кун танаффус бўлишини кутиб чидаб ўтирамиз!

Астма нима? Ўпкамизнинг фаолияти нимадан иборат? Астма ҳолатида бронхларимизда қандай ўзгаришлар кузатилади?

Марҳамат, анимацион видео орқали батафсил тушуниб олинг

👉 @allergiya_uz