نصيحة اخوية من حد في تالتة كلية.. اسمعها وركز فيها كويس جداً ⚠️
​النهارده 5 أكتوبر.. يعني شهر 10 بدأ يتسحب من تحت ايديك، والأيام بتجري أسرع مما تتخيل.
​عشان ماتجيش ليالي الامتحانات وتلاقي نفسك ضايع ومتشتت بين:
▫️ "هو الملف ده كان فين؟"
▫️ "المذكرة دي نزلت في انهي قناة؟"
▫️ "أنا قريت المعلومة دي بس مش فاكر انهي PDF!"
​اطبع الكلام ده في دماغك واعمل بيه من دلوقت:
​1️⃣ احفظ ملفاتك أول بأول:
أي PDF، ملخص، أو اسئلة تنزل هنا على القناة، نزلها واحتفظ بيها في فايل منظم على تليفونك أو لابك. بلاش نظام "هبقى أرجع لها وقت المذاكرة"، عشان وقت المذاكرة مش هتلاقي وقت تدور!
​2️⃣ المراجعة والحل هم السلاح الحقيقي:
لازم ثم لازم ثم لازم: تحل وتراجع.. وتراجع وتحل.
المذاكرة من غير حل اسئلة زي اللي بيكب مية في غربال، والحل هو اللي بيثبت المعلومة وبيعرفك أفكار الامتحانات.
​3️⃣ الملخصات والأفكار:
تجميعتك لملخص أو اتنين أو تلاتة للباب أو الفصل هي اللي هتنقذك وتلملك المادة في ساعتين قبل الامتحان.
​السنة بتجري بسرعة، وابدأ رتب ورقك من دقيقة 1 عشان ترتاح في الآخر. توكل على الله وابدأ سَمّي! 💡📚

هو الكلام ده صعب التنفيذ عندكم؟

بص العظمة اللي لسة معمولة بما ان الاكتر بيقع في حتة قراءات الاميتر والفولتميتر الجزئية الاهم في الفصل الاول فيزيا ، اي رايك تاخد تجميعه كل افكااارها من عصير المصاااااذر ، اقعد عليهن لو انت حلييييت دول صح قفلت الحتة دي والفصل الاول كله حرفيا ، وهنزلك اجابتههم بليل 🖤

ملخص مهم للكشف عن الشقوق الحمضيه الغير ثابته ومتوسطة الثبات

كل السبائك الموجوده في الباب الاول كيمياء ٣ث

قابلية ذوبان الاملاح في الماء كيمياء تحليلية ٣ث