በ25/12/2013 ዓ.ም ቦሌ ክ/ከተማ አስተዳደር ዐቃቤ ሕግ ጽ/ቤት ባዘጋጀው የ2013 በጀት ዓመት ዕቅድ አፈጻጸም ሪፖርት እንዲሁም የ2014 በጀት ዓመት ዕቅድ ውይይት 18 ባለድርሻ አካላትን ያሳተፈ ሲሆን ከእነዚህም ውስጥ ከፖሊስ መምሪያ፣ከሴት ማህበር እና ከሰላምና ፀጥታ ይገኙበታል። ውይይቱ ላይ በጽ/ቤቱ ስር የሚገኙትን 2 ዳይሬክቶሬቶች ጨምሮ የቁልፍ ተግባራት አፈጻጸምን እና አበይት ተግባራትን የጽ/ቤቱ ባለሙያ ወ/ሮ ፀሐይ ማራኪ በሆነ መልኩ ያቀረቡልን ሲሆን በጥንካሬ ከተጠቀሱት ውስጥ፡-
1.የመንግስትንና የሕዝብ ጥቅም ማስጠበቅን በተመለከተ በፍትሕብሔር ከ19 ሚሊዮን ብር በላይ ማስጠበቅ መቻሉ
2. አመራሩና ፈጻሚው ተቀናጅቶ መሥራት በመቻሉና ለባለሙያው የአቅም ግንባታ ሥልጠና በመሠጠቱ የጽ/ቤቱ አፈጻጸም ውጤት ከፍ ማለቱ
3. የወንጀል ክሶች በቅርበት ለተገልጋዩ ዐቃቤያን ሕግ በየፖሊስ ጣቢያው መመደባቸው ለሥራው ውጤት ማምጣቱ
4. የደንብ ጥሰት ክስ በወረዳ ማህበራዊ ፍ/ቤት ውሳኔ ማግኘቱ
5. የሕግ ጽሑፎች ለህብረተሰቡ በቴሌግራም ቻናል፣በብሮሸር፣በቲቪ ስክሪን፣በመድረክ፣በመጽሔት ተደራሽ መሆናቸው
6. ለሴቶች ተሳትፎ የተለያዩ የግንዛቤ ማስጨበጫ ሥልጠና መሠጠቱ ጥቂቶቹ ሰሆኑ ጥሪ የተደረገላቸው ባለድርሻ አካላትም የቀረበውን ሰነድ መሠረት በማድረግ የተለያዩ ገንቢ የሆኑ አስተያየቶችና ምላሽ የሚፈልጉ ጥያቄዎችን አንሸራሽረዋል። ውሳኔ ማስፈፀም ላይ ከሳሽ አካላት ውሳኔውን ተቀብሎ ማስፈፀም አለመቻሉና የዋስ መብት በተገቢው መልኩ አለመተግበሩ ከተጠሩት ባለድርሻ አካላት ክፍተት ናቸው ተብለው የተነሱ ናቸው። በመድረኩ ከተንሸራሸሩ አስተያየቶች ለአከባቢ ፀጥታ ሁሉም በየአከባቢው በብሎክ አደረጃጀት ቢጠናከር እና ከፖሊስ ጋር በቅንጅት ብንሰራ ወንጀል ይቀንሳል የተባለው እንደ ግብዓት ከተወሰዱት ውስጥ...

ዛሬ ጳጉሜ 2 ቀን 2013 ዓ.ም በቦሌ ክ/ከተማ አስተዳደር ዐቃቤ ሕግ ጽ/ቤት ስር ያለን የሁለቱም ዳይሬክቶሬቶች ሰራተኞች፣የጽ/ቤቱ ሰራተኞች እንዲሁም ደግሞ ተጋባዥ እንግዶች ባሉበት የአገልጋይነት ክብር ቀንን በዚህ መልኩ ያከበርን ሲሆን የጽ/ቤቱ ኃላፊ ወ/ሮ አንቀጸ ከጽ/ቤቱ እና ከሁለቱም ዳይሬክቶሬቶች ለተውጣጡ 3 ሴት ሰራተኞች የእንቁላል ሽልማት አበርክተዋል፡፡
አዲሱ ዓመት የሰላም፣የፍቅርና የብልፅግና ይሁንላችሁ!