#訊息戰：中共如何透過滲透Twitter抺黑香港反送中運動

美國史丹福大學胡佛研究院 (Hoover Institution) 在七月發表了一份62頁的白皮書，講述中共如何透過訊息戰影響西方輿論 —— 包括利用傳統媒體和社交媒體抺黑香港反送中運動。由於唔見太多媒體報道，下面跟大家分享一下中共在Twitter的運作。

除咗傳統媒體外，中共利用內容農場和龐大的五毛水軍在網絡上捏造假新聞，製造大量抺黑抗爭者的假新聞。白皮書舉了數個例子，當中包括爆眼少女其實係被抗爭者所傷的fake news。而這類型訊息就透過社交媒體傳播。以Twitter為例，喺去年8月便一次過有約20萬個懷疑係中共整出嚟嘅僵屍賬號被刪除。如左圖顯示，呢啲用嚟引導風向嘅僵屍賬號，絕大部份係2019年先至成立，而且當中好多都係冇乜幾個followers，即係整出嚟其實都係純粹呃OT冇咩實際影響力🙈

咁呢一批僵屍帳號通常出啲乜嘢呢？其中一個方法就係睇吓佢哋用啲乜嘢hashtags。如右圖顯示，全部呢啲hashtags都係可以用嚟抹黑香港反送中抗爭運動及其支持者嘅。比較有趣嘅係，一部份嘅僵屍帳號係主力推關於香港抗爭者嘅內容 (紅色；所用hashtags包括 #廢青、#暴徒 等)，而另一部份主力推海外支持者 (綠色；所用hashtags包括 #郭文貴、#班農 等)。

除咗講述中共如何訊息戰抺黑香港反送中運動，白皮書亦有用台灣總統大選同埋武漢肺炎做例子。雖然同俄羅斯用嚟影響2016年美國總統大選個運作比較，大陸嗰啲仲係幼稚園水平，但有興趣嘅讀者可以睇一睇：白皮書傳送門

如有任何情報、資訊，請透過 @AskChing_bot 提供
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow