ТУГАДИ!

ДТМ базаси ёпилди. Рўйхатдан ўтиш ва ўзгартириш имкони тўхтади. Улгурмаган, тўлов қилолмаган ва қайсидир муаммо сабаб рўйхатдан ўтолмаган абитуриентларга сабр тилаймиз.

Рўйхатдан ўтишга улгурган абитуриентларга ҳам сабр. Энди қачон бўлиши номаълум бўлган имтиҳон кунини кутамиз!

Сафимизга қўшилинг:
👉 @davlattestmarkazi 👈

📈 Сал кам 1.5 млн абитуриент рўйхатдан ўтди! 2020-2021-ўқув йили учун абитуриентларни рўйхатга олиш якунланди.

ДТМ 2020-2021-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш расман якунланганини маълум қилмоқда.

Рўйхатдан ўтган жами абитуриентлар 1 484 085 нафарни ташкил этди.
Шундан, жорий йил битирувчилари 536 144 нафар (36,13 %).

✅ Таълим шакли бўйича:

👉 Кундузги таълим шакли – 798 608 нафар (53,81 %);
👉 Сиртқи таълим шакли – 648 733 нафар (43,71 %);
👉 Кечки таълим шакли – 36 744 нафар (2,48 %).

Давлат тест маркази барча абитуриентлар муваффақият тилайди!

Сафимизга қўшилинг:
👉 @davlattestmarkazi 👈

РЕКОРД даражадаги рақобат!

25 та тўлов контракт учун квота ажратилган ТДПУ педагогика ва психология йўналиши сиртқи таълим шаклини 19860 нафар абитуриент танлаган.

@Oliygohbot маълумотларига кўра, рақобат кўрсаткичи эса 1 ўрин учун сал кам 800 нафарни кўрсатмоқда.

Сафимизга қўшилинг:
👉 @davlattestmarkazi 👈

Магистратурага рўйхатдан ўтувчи сайт яна ишламай қолди!

Хабар берилишича, 21-июл куни соат 9.30 дан 10.00 га қадар magistr.edu.uz сайтида ариза тўлдиришда узилишлар бўлиши мумкин.

Сафимизга қўшилинг:
👉 @davlattestmarkazi 👈

​​​​❓Хотин-қизларга берилган имтиёз қандай ҳисобланади?

Шу савол билан мурожаат қилаётган кўпчилик абитуриентлар учун Хушнудбек Худойбердиев аниқ мисол билан қуйидагича тушунтириб ўтди:

"Жуда кўп хотин-қизлар "тавсиянома олдим, энди аниқ ўқишга кираман" деб ўйлаяпти. Аммо бу хато. Тавсияномадан ташқари улар юқори балл ҳам тўплаш керак, яъни билим ҳам муҳим.

Тавсиянома берилган хотин-қизларга республика бўйлаб кундузги таълимга давлат гранти асосида жами 940 та қўшимча квота ажратилган. Сиртқи ва кечки таълимда имтиёз берилмайди.

Ҳисоблаш тартиби

Келинг, Самарқанд мисолида кўриб чиқамиз. Самарқанд вилоятида яшайдиган ва тавсиянома олган хотин-қизлар учун жами 104та қўшимча квота ажратилган. Хўш, бу нимани англатади? Имтиёз қандай қўлланади?

Бунинг тартиби қуйидагича:

➖ тушуниш осонроқ бўлиши учун Самарқанд вилоятига 5та квота берилган деб, тасаввур қиламиз;

➖ айтайлик Самарқанд вилоятида жами 40 нафар хотин-қизларга тавсиянома берилди;

➖ пастдаги 1-расмга қарасангиз, тавсиянома олган 40 нафар хотин-қизлар республиканинг исталган ОТМларига ҳужжат топширган (бу ерда осонроқ тушунарли бўлиши учун ОТМлар номларини олдим, йўналишларга бўлиб ўтирмадим);

➖ абитуриентлар турлича балл тўплашди;

➖ Самарқанддан тавсиянома олган барча хотин-қизлар орасида энг юқори балл олган 5 нафар абитуриентлар грант асосида қўшимча квотага қабул қилинади (2-расмда яшил ранг билан берилган);

➖ расмга қарасангиз, грантга кирган хотин-қизлар турли ҳудудлардаги ОТМларни танлаганини кўриш мумкин.

➖ қолган хотин-қизлар ўзининг бали билан умумий, эл қатори танловда иштирок этади, яъни бали етса киради, етмаса киролмайди.

Қиссадан ҳисса шуки, Самарқанд вилоятида жами айтайлик минг нафар хотин-қизларга тавсиянома берилган бўлса, улар орасидан энг кўп балл тўплаган 104 киши грант асосида қўшимча квотага қабул қилинади.


‼️Бешта йўналишни танлаганда, тавсиянома фақат 1-йўналишга ўтади. 2 ва ундан кейинги йўналишларда қўшимча квота берилмайди, умумий тартибда танловда қатнашилади.

Хуллас, тартиби шунақа. "

Сафимизга қўшилинг:
👉 @davlattestmarkazi 👈

​​​​Пул ўлсин-а, пул ўлсин!

ДТМ абитуриентларга улкан ва чексиз имкониятлар яратиш мақсадида (аслида кўпроқ пул ишлаш бўлса ажаб эмас) тўловни амалга оширишга улгурмаган абитуриентлар учун 21-июл куни соат 23:59 қадар тўловни амалга ошириш имконини бермоқда.

Кулишни ҳам, йиғлашни ҳам билмайсан киши! Нега гап фақат пулга тақалганда чексиз имкониятлар яратиб беришар экан-а?

ДТМ пул есин сени! Қонун устуворлиги қани? Нима, сизнингча, 1 ой давомида тўлов қилолмаган абитуриентлар бугун тўлиқ улгуришадими? Уят!

Ҳисобимиз бўйича, 920 мингга яқин абитуриентлар тўлов қилиши керак. Шунда 102 млд сўм атрофида абитуриентлардан пул йиғилади. Карантин ва кўпчилик ишидан айрилган даврда халқдан шунча пул йиғиб оляпсизлар, қойил! Босинглар! Сизлар қолдингиз ўзи соққа қилмаган!

Сафимизга қўшилинг:
👉 @davlattestmarkazi 👈

ДТМ қонун қоидаларни ўзи белгилайдими? Мана, ўша тўлов суммасини тўлашнинг охирги кунини айтган видеоси!

Батафсил: t.me/davlattestmarkazi/10005

Қонун ёки ҳамма учун ишлаши керак, ёки умуман ишламаслиги керак. 5 дақиқа кечиккан абитуриентни тестга "кечикдингиз" дея киритмаслик қоидасини ҳам ДТМ чиқарган аслида.

Имконият берилиш яхши, лекин тартибни бузиб эмас!

Сафимизга қўшилинг:
👉 @davlattestmarkazi 👈

​​Давлат тест маркази эртага ​​рўйхатга олиш якунлари бўйича матбуот анжумани ўтказади

2020-йил 22-июл куни соат 11:00 да Aхборот ва оммавий коммуникациялар агентлиги биносида “2020-2021-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш якунлари: рақамли маълумотлар” мавзусида матбуот анжумани ўтказилади, дея ДТМ матбуот хизмати хабар бермоқда.

Айтилишича, матбуот анжуманида Давлат тест маркази директори ўринбосари Ражабов Сардор Бахтиёрович, бош бошқарма бошлиғи Ражабов Барно Жўрақулович, бошқарма бошлиғи Қўчқаров Диёрбек Улуғбекович иштирок этади.

Тадбирга барча турдаги оммавий ахборот воситалари вакиллари таклиф этилади, дейилмоқда хабарда.

Сафимизга қўшилинг:
👉 @davlattestmarkazi 👈

Магистратурага ҳужжат топширдим. Aризам қабул бўлганини қаердан биламан?

✅ Жавоб: ОТМлар томонидан юборилган аризалар кўриб чиқилиб тасдиқлангандан сўнг сизнинг аризангиз ҳолати "Қабул қилинди" статусига ўтади. Шундан сўнг имтиҳон синовларида иштирок этишингиз мумкин.

Агарда сиздаги ҳолат "Юборилди" режимида турган бўлса, билингки, ҳужжатларингиз ҳали тасдиқланмаган. Сабр билан кутишингизга тўғри келади.

Эслатиб ўтамиз, магистратурага қабул 30-июлгача давом этади. Жорий йилги кириш имтиҳонлари онлайн форматда ўзингиз яшайдиган вилоятда ўтказилиши кутилмоқда.

Сафимизга қўшилинг:
👉 @davlattestmarkazi 👈

Диплом серияси ва рақами чиқмаган битирувчиларнинг муаммоси бугун ёки эртага ҳал бўлади!

Кўплаб битирувчилар https://diplom.edu.uz платформасидан юклаб олган дипломларида серия ва рақам йўқлигини, натижада эса магистратурага ҳужжат топшира олмаётганини таъкидлашмоқда. Сабаби http://magistr.edu.uz платформаси орқали онлайн рўйхатдан ўтаётганда диплом серияси ва рақамини ҳам киритиш керак бўлади.

Ушбу масалада Олий ва ўрта махсус таълим вазирлиги ҳодими маълумотларига таянган Хушнудбек Худойбердиевнинг маълум қилишича, ушбу муаммо ўз ечимини топган. Яъни жорий йилда ўқишни тугатганлар магистратура учун онлайн рўйхатдан ўтаётганда диплом серия ва рақамини киритиши шарт бўлмайди, бу маълумот тизимда автоматик кўринади. Ушбу янгилик фақат жорий йилда битирганларга тааллуқли, аввалги йилларда ўқишни тугатганлар диплом серияси ва рақамини ўзи киритиши керак.

Шунингдек, айрим ОТМлар ҳақиқатдан барча битирувчи талабалари учун диплом серия ва рақамини базага киритиб чиқмагани, лекин бугун/эрта ушбу жараён тўлиқ ўз якунига етишини таъкидлашди.

❗️Агар қайсидир битирувчига дипломнинг асли керак бўлиб қолса (масалан, хориждаги ОТМга ҳужжат топшириш учун), унда буни ОТМдан олиши мумкин, бунинг учун маъмуриятга мурожаат қилиши керак бўлади.

Сафимизга қўшилинг:
👉 @davlattestmarkazi 👈

​​Магистратура имтиҳонлари онлайн тест шаклида бўладими?

✅ Жавоб: Ҳа, жорий йилда онлайн бўлади!

Магистратурага қабул коронавирус пандемияси шароитидан келиб чиқиб, он-лайн тест ўтказиш орқали белгиланган давлат гранти ва тўлов-контракт асосида қабул параметрларига мувофиқ амалга оширилади. Бу ҳақда Олий ва ўрта махсус таълим вазирлиги томонидан тегишли қарор қабул қилинган.

Бу ҳали ҳаммаси эмас!

Магистратурага кириш синовлари таркибига (хусусан, мутахассислик фанлари бўйича кириш синовлари таркибига) тегишли мутахассисликлар соҳаларида талабгорларни илмий-педагогик лаёқати (ёки илм олиш қобилияти)ни аниқлаш бўйича тест саволлари ҳам киритилади.

Асос: Ўзбекистон Республикаси Президенти Ш.М. Мирзиёев ҳузурида 2020 йил 30 апрель куни ўтказилган йиғилишнинг 28-сонли баёни 5-бандида белгиланган вазифалар.

Сафимизга қўшилинг:
👉 @davlattestmarkazi 👈

Магистратурага ҳужжат топширмоқчи бўлган абитуриентлар!

Иложи борича телефон орқали эмас, компютер орқали хужжатларингизни magistr.edu.uz платформаси орқали рўйхатдан ўтказинг.

Айтишларича, техник сабабларга кўра, бугун кун давомида magistr.edu.uz сайтининг телефон версияси умуман ишламайди.

Хабарни яқинларингизга юборинг!

Сафимизга қўшилинг:
👉 @davlattestmarkazi 👈

📹 ⚡Имтиҳонлар вазиятга қараб сурилаверади! Керак бўлса, 1-сентябрдан кейин ҳам ўтказилиши мумкин!

«Имтиҳонни кейинга кўчириш бўйича таклиф берилган. Карантин чекловлари қачон бекор қилинса, тест синови ўшанда ўтказилади. Агар 15 августда бекор қилинса, 15 августдан кейин, 1 сентябрда бекор килинса, 1 сентябрдан кейин ўтказилади.

❌ Имтиҳонлар ўтказиладиган жойлар ҳали тасдиқланмаган. Тасдиқлангандан кейин маълум қиламиз. Стационарга айлантирилган павильонда имтиҳон ўтказилмайди.

Тест синовлари учун танланган жойлар катта сиғимли иншоот бўлиши аниқ».

Сафимизга қўшилинг:
👉 @davlattestmarkazi 👈

Савол-1. Имтиҳонлар карантин чоралари бекор бўлгач бошланади деб айтиб ўтилди. Буни карантин чоралари юмшатилгач деб тушуниш керакми? Чунки карантин бекор қилинмаслиги эҳтимоли катта.

Савол-2. Паспорт маълумотлари нотўғри эканлиги, паспорт маълумотлари кўринмаганли сабабли ёки карантин туфайли паспортини ўз вақтида ололмай ҳужжат топширолмаган абитуриентлар мавжуд. Бу бўйича қандай чора кўрилади?

Давлат тест маркази бошқарма бошлиғи Диёрбек Қўчқоров.

Сафимизга қўшилинг:
👉 @davlattestmarkazi 👈

Савол-1. Тест жараёнларида ҳужжат топшириш учун қанча пул йиғилди ва тахминий ҳаражатлар (дезинфекция учун) шакллантирилганми?

Савол-2. Имтиҳон пайтида COVID аломатлари аниқланган талабаларга нисбатан қандай йўл тутилади?

Савол-3. Ижодий имтиҳонлар масаласига ойдинлик киритсангиз.

Савол-4. Имтиҳон топшириш учун пойтахтга келадиган талабаларда муаммолар бўлмайдими?

Давлат тест маркази бошқарма бошлиғи Диёрбек Қўчқоров

Сафимизга қўшилинг:
👉 @davlattestmarkazi 👈

Тошкент давлат стоматология институтининг 2020/2021 ўқув йили қабули учун хорижий олий таълим муассасалари билан ҳамкорликда қўшма таълим дастурлари асосида кадрлар тайёрлаш бўйича тўлов-контракт асосида қабул кўрсаткичлари тасдиқланди

Эслатиб ўтамиз, қўшма таълим дастурларида ўқиш нархи юқорироқ бўлади!

Сафимизга қўшилинг:
👉 @davlattestmarkazi 👈

Савол. Масалан, имтиҳон тугашига 6 кун қолганда тестга кириши керак бўлган абитуриент 14 кунлик карантинга олинса, унга кейинчалик имтиҳонга кириш имкони бериладими?

Давлат тест маркази директори ўринбосари Сардор Ражабов

Сафимизга қўшилинг:
👉 @davlattestmarkazi 👈

​​⚡️Бу йилги 38509 нафар абитуриентда ўқишга киришда имтиёз бор. Сизда ҳам имтиёз борми?

2020-2021-ўқув йили учун олий таълим муассасаларининг бакалавриат таълим йўналишларига имтиёзлар асосида бериладиган қабул квоталари

👉 Хотин-қизлар — 17 970 (тўлиқ киритилмаган);
👉 Сўх тумани — 2 973;
👉 Тўлиқ давлат таъминотидаги шахслар — 365 та;
👉 Зулфия номидаги Давлат мукофоти соҳибаслари — 9 та;
👉 “Тарбиячи” республика танлови ғолиблари — 6 та;
👉 “Ниҳол” мукофоти совриндорлари — 3 та;
👉 Халқаро ва республика олимпиадалари, танловлар ва мусобақалар ғолиблари — 2 493 та;
👉 Ёшлар иттифоқи тавсияномаси — 14 та;
👉 Ҳарбий хизматчиларнинг фарзандлари (5% лик) — 3 133;
👉 Ҳарбий хизматчиларнинг фарзандлари (отаси (онаси) ҳалок бўлган ёки ногирон бўлиб қолган) — 130;
👉 Ички ишлар органлари ходимлари фарзандлари (3% лик) — 2 256;
👉 Ички ишлар органлар ходимлари фарзандлари (отаси (онаси) ҳалок бўлган ёки ногирон бўлиб қолган) — 49;
👉 Темурбеклар мактаблари битирувчилари — 1 029 та.

📈 20 июндан 20 июлга қадар рўйхатдан ўтиш давомида абитуриентлар томонидан 8 660 та ҳужжат чет тили сертификати сифатида дастурга киритилди.

❗️Буларнинг барчаси ДТМ томонидан текширилди ва 8 079 та сертификат ўз тасдиғини топди. 581 та сертификат эса талабга жавоб бермаслиги аниқланди.

☝️Мисол учун, 200 та сертификатда тилни билиш даражаси B2 дан паст эканлиги, 117 та сертификат миллий ёки халқаро имтиҳон тизимларидан олинмаганлиги (ўқув марказлари томонидан берилган ёки халқаро бўлмаган сертификатлар), 69 та сертификатда амал қилиш муддати тугаганлиги, 7 та ҳолатда сертификатларнинг ҳақиқий эмаслиги, 9 тасида сертификат бошқа шахсга тегишли эканлиги аниқланди.

©АОКА

Сафимизга қўшилинг:
👉 @davlattestmarkazi 👈

Тана ҳарорати 37°дан юқори бўлган абитуриентлар учун алоҳида имтиҳон олинади

Брифингда айтилишича, тана ҳарорати 37 градусдан юқори бўлганлар тестлар тугагандан сўнг тўртинчи куни алоҳида тест олинади.

Баъзиларнинг ховотирланишича, бу “бункер” яратилишига замин яратиши мумкин. Яъни, "танланган" абитуриентлар гўёки температураси баландлиги учун тестга киритилмайди ва улар учун охирида алоҳида ҳонада .... ва ҳоказо!

Бу каби истисно ҳолатлар кенг жамоатчилик нигоҳида жуда шубхали кўринади. Чунки аввалги йилларда ҳам бундай ҳолатлар бўлган. Биров билиб, биров билмай қолган. Жамоатчиликка эълон қилинмаган. Умид қиламизки, кечиктирилган имтиҳонлар ҳам онлайн трансляция форматида ташкил этилади ва шаффофлик тўлиқ таъминланади!

Барча ўқиган ҳамда билимли абитуриентларга омад ёр бўлсин! Эгри йўллар билан ўқишга киришни ният қилганларнинг мақсади амалга ошмасин!

Сафимизга қўшилинг:
👉 @davlattestmarkazi 👈

😅 Яхшиям бу йил қабул онлайн бўлди!

Мободо, онлайн қабул қилиш учун шарт-шароитлар бўлмаган даврда яшаганимизда борми?

Бу видеода ўтган йилда Қарши давлат университетига абитуриентларнинг ҳужжат топшириш жараёнидаги тиқилинч ҳолат тасвирланган.

Қуёш абитуриентларни беаёв ёндирган. Турнақатор тиқилинч навбатда турган абитуриент ва уларнинг ота оналарида асаблар тамом бўлиб бўлган вақтлар эди.

Сафимизга қўшилинг:
👉 @davlattestmarkazi 👈