​​Кириш имтиҳонлари кечиктирилиши мумкин

2020-2021 ўқув йили учун кириш имтиҳонлари муддати 1 августдан бошланиши режалаштирилган. Бироқ ҳозирги вазиятнинг қанча ва қандай давом этиши тест бошланиши муддатига ҳам таъсир қилиши мумкин.

Миллий матбуот марказида ўтказилган онлайн брифингда ДТМ бўлим бошлиғи Фарҳод Мирзаев жорий йил кириш имтиҳонларини ташкил этиш борасидаги янгиликлар ҳақида маълумот берди.

Фарҳод Мирзаев кириш имтиҳонлари 1 августдан бошланиши режалаштирилаётгани, бироқ карантин вазиятига қараб имтиҳонлар кечикиши мумкинлиги ҳақида айтиб ўтди.
«2020-2021 ўқув йили учун кириш имтиҳонлари муддати 1 августдан бошланиши режалаштирилган. Бироқ ҳозирги вазият қанча ва қандай давом этиши тест бошланиши муддатига ҳам таъсир қилиши мумкин. Бунда карантин чекловлари давомийлиги ва абитуриентларнинг рўйхатдан ўтиш кўрсаткичи ҳисобга олинади», деди ДТМ вакили онлайн брифингда.

Брифингда имтиҳон ўтказиладиган биноларнинг тайёрланиши ҳақида ҳам маълумот берилди. Маълум қилинишича, ҳар бир бинода бир сменада кўпи билан 754 нафар абитуриент учун жой ажратилади, бинолар кун давомида 4 марта дезинфекция қилинади.

Бундан ташқари, имтиҳонлар учун назоратчиларни саралаб олиш жараёни ҳақида ҳам маълумот берилди.
«Ҳозирга қадар гуруҳ назоратчилиги учун 5300дан ошиқ назоратчилар таклиф этилган, уларнинг 2000га яқини масофавий тарзда ўқитилди. Имтиҳон бошлангунча 3000 нафар назоратчи саралаб олиниши режалаштирилган», дея қайд этди Фарҳод Мирзаев.

Бундан аввалроқ бош вазир ўринбосари Беҳзод Мусаев бу йил кириш имтиҳонлари 1 августдан бошланиши режалаштирилаётгани ҳақида маълум қилганди.

Сафимизга қўшилинг:
👉 @davlattestmarkazi 👈

​​Андижон давлат университетига 1 млрд сўм грант ажратилади

Андижон давлат университети ректори Акрамжон Юлдашев ва  150 дан ортиқ талабалари иштирокида онлайн мулоқот ташкил этилди.

Университет ректори талабаларни Ёшлар куни билан табриклаб, онлайн мулоқотни имкони борича расмиятчиликларсиз, очиқ суҳбат тарзида ўтказишни таклиф қилди.
Ректор суҳбатда талабаларнинг муаммоларини ўрганиб, кўплаб талабаларнинг мурожаатларини тинглади ва уларни ечиш бўйича масъулларга масалани ҳал этишни топширди ва натижаси бўйича доимий ҳисобот беришларини белгилади.

Акрамжон Юлдашев президентимизнинг Андижонга ташрифи доирасида университетга 1 млрд сўм миқдоридаги грант ажратилиши белгиланиб, ушбу грант маблағларини бадиий кулолчилик ўқув-ишлаб чиқариш комплекси лойиҳаси учун йўналтириш маъқул кўрилганини, яқин келажакда университетда хорижий давлатлар андозасидаги бадиий кулолчилик ўқув-ишлаб чиқариш комплекси ишга туширилишини маълум қилди. 

Учрашув давомида талабаларнинг ўқув, илмий, маърифий ишларни ташкил этиш бўйича 50 дан зиёд таклифлари, масофавий таълим бўйича фикрлари ҳам тингланди.

Университетнинг тегишли йўналиши талабаларини Андижонда янги очилган IT паркда ишлаши бўйича шартнома тузиш, ТТЖда талабалар томонидан ҳунар ўргатиш тўгаракларини кўпайтириш, талаба алмашинув дастурлари, машҳур адиблар билан онлайн мулоқотлар ташкил этиш, талабалар ўзлари ишлайдиган электрон дарсликлар яратиш маркази ташкил этиш каби кўплаб таклифлар билдирилди.

Сафимизга қўшилинг:
👉 @davlattestmarkazi 👈

​​Давлат тест марказининг бир тийинга қиммат маълумотларидан нима фойда?

Абитуриентлар томонидан энг кўп берилаётган саволлар ТОП-5 рўйхатидаги бир саволни айтиб ўтмоқчимиз:

Қайси олийгоҳдаги қайси таълим йўналишига неча нафар абитуриент рўйхатдан ўтганини қаердан кўриш мумкин?

Ростдан ҳам, ДТМ сайтида нега бу маълумотлар бериб борилмаяпти? Олдинга қараб ривожланяпмизми ёки орқа кетяпмизми? Ахир аввалги йилларда бу имконият берилар эдику!

Қабулнинг деярли ярми тугаб бўлди. Лекин ҳалигача ДТМ қайси йўналишга неча нафар абитуриент рўйхатдан ўтганини ошкор қилишни истамаяпти? Нега?

Техник имкониятлар муаммо бўлмаса керак ҳар ҳолда. Ўтган йилги имкониятнинг наҳот бу йил иложи бўлмаса? Нима, шу даражада қийинми қайси йўналишга неча нафар абитуриент 1-таълим йўналиши, нечтаси 2,3,4,5 йўналиш қилиб рўйхатдан ўтганини очиқ эълон қилиш? ДТМни мақсади нима?

Имтиҳон топшириш учун ҳар бир "эски" абитуриентлардан 111,500 сўмни тийин тийинигача олишни билган ДТМ нега абитуриентлар учун бу борада қулайлик яратишни пайсалга солмоқда?

"Пулини олганингдан кейин техник имкониятларингни ҳам мукаммал қилиб қўй номард!" дейдиган одам йўқ! Бир тийинга қиммат ҳар куни умумий топширилган абитуриентлар сонини бошига урадими абитуриентлар? Нима фойда ундан?

"соат 18:00 ҳолатига кўра", деб эълон қилинаётган ҳисоботлар фақат ДТМга фойда, бошқага эмас! Ишлаяпмизми? Ишлаяпмиз! деб халқни оғзига уришдан бошқаси эмасми ёки?

Қайтариб айтамиз – абитуриентлар учун бу умумий рўйхатдан ўтганлар сони бир тийинга қиммат маълумот!

Безбет ташкилот деса ҳафа бўлади ва ҳеч қайси ижтимоий тармоқлардаги хабарга муносабат бермай қўяди. Керак бўлса, маънавий зарар етказдинг деб ўзингни судга беради. Расмий муносабат кутиш ҳам бефойда, лекин биз барибир абитуриентлар тарафидамиз ва бу қулайлик нега ҳамон яратиб берилмаётганини сабабига изоҳ кутамиз!

Пост тугади!

Сафимизга қўшилинг:
👉 @davlattestmarkazi 👈

Университетнинг янги филиалига хужжатлар қабул қилиш бошланди

Тошкент давлат юридик университетининг Ихтисослаштирилган филиали Тошкент шаҳри ва Тошкент вилояти абитуриентларини 2020/2021 ўқув йили учун ҳужжат топширишга таклиф этади. Бу ҳақда Адлия вазирлигининг "Ҳуқуқий ахборот" канали маълум қилди.

⚖️ Филиал Тошкент шаҳри ва Тошкент вилоятида ҳуқуқбузарликлар профилактикаси ва жамоат хавфсизлигини таъминлаш соҳасида Ички ишлар вазирлиги ва Миллий гвардия тизимига замонавий ва юқори малакали юридик кадрлар тайёрлаш мақсадида ташкил этилган.

💼 Филиалда “Ҳуқуқбузарликлар профилактикаси ва жамоат хавфсизлигини таъминлаш” мутахассислиги бўйича олий юридик маълумотга эга бўлган кадрлар ҳам қайта тайёрланади.

🔰 Филиалда ўқиш:
▪️ кундузги таълим шаклида;
▪️ уч йил;
▪️ давлат гранти асосида амалга оширилади.

🌐 Қабул қилинган ҳужжатлар бўйича ҳар кунлик маълумот Филиалнинг www.sbtsul.uz расмий веб-сайтида эълон қилиб борилади.

Эслатиб ўтамиз, Филиал дипломи ички ишлар органларига Ички ишлар вазирлиги Академиясида махсус касбий тайёргарликни ўтмасдан, “лейтенант” махсус унвони берилган ҳолда хизматга қабул қилиш учун асос бўлади.

Сафимизга қўшилинг:
👉 @davlattestmarkazi 👈

❓Ногиронлиги бўлган шахсларнинг ота-оналарини ўқишга қабул қилишда имтиёзлар боми?

✅ Жавоб: Вазирлар Маҳкамаси томонидан 2018 йил 2 июндаги 417-сон қарори билан тасдиқланган Низомга мувофиқ ногиронлиги бўлган шахслар учун республика олий таълим муассасаларининг умумий қабул параметрларига нисбатан икки фоизли қўшимча (алоҳида) давлат гранти квоталари ажратилади.

❌ Қарорда ногиронлиги бўлган фарзандлари бор ота-оналар учун имтиёз назарда тутилмаган.

Сафимизга қўшилинг:
👉 @davlattestmarkazi 👈

Чин етимлар учун 1% қўшимча квота ажратилар экан. Кимлар чин етимлар тоифасига киради?

✅ Жавоб: Ўзбекистон Республикаси Вазирлар Маҳкамасининг 2017 йил 20 июндаги 393-сон қарори билан тасдикланган "Олий таълим муассасаларининг бакалавриатига талабаларни ўқишга қабул қилиш тартиби тўғрисида"ги Низомга мувофиқ тўлиқ давлат таъминотидаги чин етим болалар тоифасига отаси ҳам, онаси ҳам вафот этган ёки суд қарорига биноан вафот этган, деб эълон қилинган, 18 ёшга тўлмаган, «Меҳрибонлик» уйи ва Болалар шаҳарчаси тарбияланувчилари кириши белгиланган.

👉 Батафсил ўқиш

Сафимизга қўшилинг:
👉 @davlattestmarkazi 👈

Ҳозиргача 372 мингга яқин абитуриентлар рўйхатдан ўтди

3-июл 18:00 ҳолатига кўра, жами рўйхатдан ўтган абитуриентлар сони 371 930 нафар бўлиб, шундан, жорий йил битирувчилари 207 969 нафарни ташкил этади

✅ Таълим шакли бўйича:

👉 Кундузги таълим шакли – 242 075 нафар;
👉 Сиртқи таълим шакли – 124 145 нафар;
👉 Кечки таълим шакли – 5 710 нафар.

✅ Тиллар кесимида:

👉 Ўзбек тили – 325 425 нафар;
👉 Рус тили – 37 260 нафар;
👉 Қорақалпоқ тили – 8 084 нафар;
👉 Бошқа тиллар – 1 161 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 23 269 нафар;
👉 Aндижон давлат университети – 20 296 нафар;
👉 Тошкент давлат педагогика университети - 14 693 нафар;
👉 Термиз давлат университети – 14 445 нафар;
👉 Наманган давлат университети – 14 365 нафар.

Сафимизга қўшилинг:
👉 @davlattestmarkazi 👈

Абитуриентлар рўйхатдан ўтаётганда расмини юклай олмаса нима бўлади?

ДТМ бу вазиятга қуйидагича изоҳ бермоқда:

"Расмларни юклаш билан боғлиқ носозликлар туфайли абитуриентларни онлайн рўйхатга олиш тизими (
abitur.dtm.uz сайти)да баъзи абитуриентларнинг расми чиқмай қолиш ҳолатлари кузатилиши мумкин. Мазкур ҳолат абитуриентларнинг рўйхатдан ўтишига салбий таъсир кўрсатмайди. Расми чиқмай қолган абитуриентларнинг расмлари маълум вақтдан сўнг автоматик юкланади.

Сафимизга қўшилинг:
👉 @davlattestmarkazi 👈

​​⚡АНА ҲОЛОС! ОТМга киришда 5 та эмас, 18 та фандан имтиҳон қилишни таклиф қилишмоқда

«Маърифат» газетасида Чортоқ туманидаги 5-давлат ихтисослаштирилган мактаб-интернати ўқитувчиси Қобилжон Қосимов номидаги мақола чоп этилди. Ҳусусан, таклифда шундай дейилган:

"Ўсиб келаётган ёш авлоднинг келажакда қандай касбни эгаллашига қараб, Республикамиз келажагини тасаввур қилса бўлади. Худди шу маънода ёшларнинг таълим-тарбияси ҳар бир ота-она, ўқитувчи-тарбиячининг Ватан олдидаги муқаддас бурчидир.

Замонавий шахс — чуқур, уму­мий билим, кенг дунёқараш ва юқори касб тайёргарлигига эга, замонавий ахборот-коммуникация технологиялари бўйича етарли саводхон, ўз билимини тезлик билан янгилаш ва тўлдира олиш қобилиятига эга шахс сифатида қаралади. Шулар қатори унда интизомлилик, маъсулиятлилик, зиёлилик, мамлакат мустақиллигига, Ватан ва жаҳон тараққиёти йўлида эзгулик ва адолатга садоқат туйғулари мавжуд бўлиши зарур. Соҳасидан қатъи назар, жамоада ишлай олиш қобилиятига, менежмент ва маркетинг борасида тайёргарликка эга бўлиши, янги технологияларни жорий этишнинг ижтимоий, сиёсий ва маданий жиҳатларини аниқ тасаввур қила олиши керак. Чунки жамиятимизда содир бўладиган туб ўзгаришлар, бозор муносабатларига кириб боришимиз шахсдан нафақат касб билимларини, балки иқтисодий, сиёсий, ҳуқуқий, техникавий, ҳаётий билимлардан ҳам хабардор бўлишни талаб қилмоқда. Демак, таълим-тарбиянинг сифати, самарадорлиги биринчи навбатда сифатли таълимга боғлиқ.

Бу борада ўз тажрибамга асосланган ҳолда қуйидаги таклифларни Сиз билан ўртоқлашмоқчиман: олий ўқув юртлари­га кириш имтиҳонларида тестлар мактабда ўтиладиган асосий 18 та фандан тенг миқдорда, масалан 6 тадан саволлар асосида (6 х 18 = 108 та) тузилиши керак. Олий маълумотга даъвогар ўқувчи географияни ҳам, биологияни ҳам, математикани ҳам, хорижий тилларни ҳам, информатикани ҳам, қўйингки мусиқани ҳам билсин. Барча фанлардан минимал талабларга жавоб берсин. Aна шунда ўқувчи ёшликдан барча фанларни мукаммалроқ ўқишга, ўзлаштиришга ҳаракат қилади. Сиз нима дейсиз, азиз замондош?"

👉 @davlattestmarkazi

Фикрларингизни изоҳларда қолдиринг!

Сафимизга қўшилинг:
👉 @davlattestmarkazi 👈

#ижодий_имтиҳон

Миллий рассомлик ва дизайн институтининг 2020-2021 ўқув йили қабулида касбий (ижодий) имтиҳонлар ўтказиш режа-графиги

Сафимизга қўшилинг:
👉 @davlattestmarkazi 👈

👨‍🦯 Ногиронлар учун қайси олийгоҳларда нечтадан қўшимча грант квоталар ажратилган?

Ногиронлиги бўлган шахслар учун қўшимча икки фоизли давлат гранти асосидаги қабул кўрсаткичларининг ОТМ ва таълим шакллари кесимидаги тақсимоти билан танишинг.

Сафимизга қўшилинг:
👉 @davlattestmarkazi 👈

​​⚡ДТМ чет тилини билиш ва эгаллаш даражасини аниқлаш бўйича тест синовларини давом эттиради!

✅ Чет тилини билиш ва эгаллаш даражасини аниқлаш тест синовларида қатнашиш мақсадида март ва апрел ойлари учун рўйхатдан ўтган ҳамда тўловни амалга оширган талабгорлар учун тест синовлари 2020-йил 7-8-июл кунлари бўлиб ўтади. Бу ҳақда ДТМ хабар бермоқда.

Тест жойи, куни ва вақтини “Шахсий кабинет”ингиз орқали билиб олишингиз мумкин.

Эслатма: Тест синови топшириладиган бино ҳудудига белгиланган вақтдан камида ярим соат олдин шахсингизни тасдиқловчи ҳужжат (паспорт ёки туғилганлик ҳақида гувоҳнома) билан келишингиз сўралади. Тест синовига кечиккан ёки келмаган талабгорлар учун қўшимча тест синови ўтказилмайди.

Сафимизга қўшилинг:
👉 @davlattestmarkazi 👈

​​Ўзбекистон Республикадаги нодавлат олий таълим муассасалари сони нечта?

Республикада амалдаги қонунчилик бўйича ўрнатилган тартибда ташкил этилган нодавлат олий таълим муассасалари рўйхати:

1. Тошкент шаҳридаги Ёджу техника институти;
2.Акфа университети;
3.Қўқон университети;
4.Фарғона шаҳридаги Корея халқаро университети;
5. «Tashkent International University» халқаро университети;
6. TEAM университети;
7. Тошкент шаҳридаги Британия менежмент университети;
8. «Tashkent International University of Education» халқаро университети.

Эслатма: мазкур рўйхатда хорижий олий таълим муассасаларининг республикамиздаги ўрнатилган тартибда ташкил этилган филиаллари келтирилмаган.

Сафимизга қўшилинг:
👉 @davlattestmarkazi 👈

Рўйхатдан ўтган абитуриентлар сони 400 мингдан ошиб кетди

4-июл 18:00 ҳолатига кўра, жами рўйхатдан ўтган абитуриентлар сони 400 989 нафар бўлиб, шундан, жорий йил битирувчилари 222 344 нафарни ташкил этади.

✅ Таълим шакли бўйича:

👉 Кундузги таълим шакли – 259 638 нафар;
👉 Сиртқи таълим шакли – 135 164 нафар;
👉 Кечки таълим шакли – 6 187 нафар.

✅ Тиллар кесимида:

👉 Ўзбек тили – 350 871 нафар;
👉 Рус тили – 39 980 нафар;
👉 Қорақалпоқ тили – 8 908 нафар;
👉 Бошқа тиллар – 1 230 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 24 748 нафар;
👉 Aндижон давлат университети – 21 432 нафар;
👉 Тошкент давлат педагогика университети - 15 789 нафар;
👉 Наманган давлат университети – 15 565 нафар;
👉 Термиз давлат университети – 15 458 нафар.

Сафимизга қўшилинг:
👉 @davlattestmarkazi 👈

​​🤦🏻‍♂Шарманда! Қорақалпоқ тиббиёт институти Call–марказ рақамимиз дея қоровулхона телефон рақамини бериб юборган

Бугун олий ва ўрта махсус таълим вазирлиги томонидан Сall-марказлар фаолиятини ўрганиш мақсадида «сирли қўнғироқ» усули қўлланилибди. Кўпгина олийгоҳларда ҳодимларнинг ўз ишига совуққонлик билан ёндашаётгани аниқланган.

Ҳусусан, Олий ва ўрта махсус таълим вазирлиги ходимлари томонидан ОТМларда ташкил этилган Call-марказларига ўрганиш учун қўнғироқ қилинганда АнДУ, ТДШУ, ТошДЎТАУ, ЎзХИА, ЎзХА, МРДИ, ТКТИ Янгиер филиали, ТДИУ, ТАТУ Самарқанд филиали, СамВМИ Тошкент филиали, БухТИда қўнғироқларга жавоб берилмаган бўлса, Қорақалпоқ тиббиёт институти ходимлари «Қоровулхонага тушдингиз» деб жавоб берганлиги аниқланган.

Тартиб бўйича Call-марказга тажрибали ва масъулиятли ходимлар бириктириш белгиланган. Аммо берилган саволларга баъзи олий таълим муассасаларидан тўлиқ жавоб олинмади ва айрим ОТМларда берилган оддий саволларга ҳам жавоб бериш ўрнига сансалорликка йўл қўйилиб, Олий ва ўрта махсус таълим вазирлигига ёки Давлат тест марказига қўнғироқ қилишни маслаҳат бериш билан чекланмоқда.

Бундай ҳолатлар ТДПУ, ЎзМУ, ТМИ, СамДТИ, ТАҚИ, НукДПИ, ТошДСИ, СамДУ, СамДЧТИ, СамИСИ, ЎзЖОКУ, ТошДТУ Олмалиқ филиали, НавДКИ Нукус филиаларида кузатилди.

Тегишли ОТМлари раҳбарлари охирги марта огоҳлантирилиб, жамоатчилик эътирозларини келтириб чиқарётган омиллар сабабларини аниқлаш ва юқорида қайд этилган камчиликларни зудлик билан бартараф этиш юзасидан аниқ вазифалар белгиланди.

Сафимизга қўшилинг:
👉 @davlattestmarkazi 👈

Абитиуриентман, ҳужжатларни онлайн топшириш имконим мавжуд эмас, Давлат хизматлари марказига борган ҳолда ҳужжат топширсам бўладими?

Давлат хизматлари агентлиги ахборот хизмати раҳбари Севара Зокирова жавоб беради.

Сафимизга қўшилинг:
👉 @davlattestmarkazi 👈

​​⚡ДОЛЗАРБ! Магистратура қабул имтихонларини умумий павильонларда онлайн трансляция орқали ўтказиш таклифига сиз ҳам овоз беринг!

Петиция муаллифи мақсадини қуйидагича изоҳлайди:

«Ҳозирги кунда магистратурага кириш синови олий таълим муассасаларида амалга оширилмоқда. Бакалавриат битирувчилари ва уларнинг ота-оналари томонидан кириш синовлари олий таълим муассасаларида ўтказилиши сабабли кўплаб коррупциоген ҳолатлар юз бераётганлиги ҳақида кўплаб эътирозлар билдирилмоқда. Шу сабабли, магистратура босқичига қабул жараёнини жамоатчилик муҳокамаси асосида қайтадан кўриб чиқиш зарур. Қабул жараёнини олий таълим муассасасида эмас, балки умумий павильонларда, видеокамера кузатуви асосида онлайн трансляция қилиш орқали амалга ошириш мақсадга мувофиқ деб уйлайман.»

Юртдошлар, ушбу таклифни қўллаб қувватлайлик. Барчамиз магистратура кириш имтиҳонлари шаффофлигини таъминлаш учун ўз ҳиссамизни қўшайлик. Шу кунга қадар 321 киши ушбу таклифни ёқлаб овоз берган. 10.000 овоз йиғилсагина таклиф кўриб чиқилади. Петиция муддати тугашига эса атиги 65 кун қолди.

Овоз бериш ҳаволаси👇
https://petition.gov.uz/uz/petitions/view/4236

Сафимизга қўшилинг:
👉 @davlattestmarkazi 👈

🤦🏻‍♂ЎЗБЕКИСТОНДА ИШЛАБ ЧИҚАРИЛГАН

Таълим тизимимиз шу даражага етиб келдики, мана энди карра жадвалини билмайдиган саводсиз авлодлар етишиб чиқиб, аллақачон карра жадвали ёзилган дафтарларни ишлаб чиқариб сотишни бошлашди.

Сафимизга қўшилинг:
👉 @davlattestmarkazi 👈

​​❓Тестда абитуриент ўқимаган дарсликдан савол тушиши мумкинми?

— Ҳа, мумкин!

«Masofaviy ta'lim» саҳифаси ҳозир кўпчилик эътибор бермаётган ва оқибати адолатсизликка сабаб бўлувчи муаммо бор, дея қуйидагича ёзмоқда:

Хабарингиз бор, яқин йилларда мактаблар 11 йиллик тизимга қайтди. Ўтган йилларда ёки ҳозир ҳам академик лицейлар ва коллежларни тамомлаб, ўқишга топширадиган абитуриентлар бор. Яъни абитуриентлар икки тоифага бўлиниб қолди: мактабни битирганлар, лицей ёки коллежни битириб ўқишга топширувчилар.

Aниқ айтишимиз мумкинки, мактабнинг 10- ва 11-синф дарсликлари ҳамда лицей ёки коллеж дарсликларида фарқли жиҳатлар, биттасида бор маълумот иккинчисида мавжуд бўлмаган ҳолатлар мавжуд.

Aфсуски, бу муаммо ўтган йили ҳам бор эди. Давлат тест маркази мактаб дарслигида ҳам, лицей ва коллеж дарслигида ҳам бор умумий маълумотлардан тест тушади, дейишига қарамасдан, мактабни битириб борган абитуриентга коллеж ёки лицей дарслигидан тестлар тушди ва ушбу тест олинган маълумот мактаб дарслигида йўқ эди. Ёки бунинг акси бўлди.

Яқинда ДТМ билан боғланиб бу борада маълумот сўраганимизда ўтган йилги гапни такрорлади: мактаб дарслигида ҳам, лицей ёки коллеж дарслигида ҳам бўлган, умумий маълумотлардан тест тушаркан. Бу йил ҳам ўтган йилги муаммо такрорланмаслигига ҳеч ким кафолат бермайди.

Давлат тест маркази жорий йилда шу ҳолатга жиддий эътибор беришини, озгина эътиборсизлик сабаб адолатсизлик юзага келиб қолмаслигни сўраган бўлардик. Ҳар ҳолда гап минглаб абитуриентлар ва уларнинг тақдири ҳақида кетяпти. Балки, ДТМ бунга жиддий эътибор бергандир. Aммо яна бир карра эътиборлироқ бўлиш зарар қилмайди ва адолатсизликнинг олди олинади, назаримизда.

Сафимизга қўшилинг:
👉 @davlattestmarkazi 👈

Рўйхатдан ўтган абитуриентлар сони 422 мингдан ошди

5-июл 18:00 ҳолатига кўра, жами рўйхатдан ўтган абитуриентлар сони 422 032 нафар бўлиб, шундан, жорий йил битирувчилари 231 696 нафарни ташкил этади.

✅ Таълим шакли бўйича:

👉 Кундузги таълим шакли – 272 135 нафар;
👉 Сиртқи таълим шакли – 143 301 нафар;
👉 Кечки таълим шакли – 6 596 нафар.

✅ Тиллар кесимида:

👉 Ўзбек тили – 369 012 нафар;
👉 Рус тили – 42 257 нафар;
👉 Қорақалпоқ тили – 9 497 нафар;
👉 Бошқа тиллар – 1 266 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 25 793 нафар;
👉 Aндижон давлат университети – 22 109 нафар;
👉 Тошкент давлат педагогика университети - 16 677 нафар;
👉 Наманган давлат университети – 16 253 нафар;
👉 Термиз давлат университети – 16 030 нафар.

Сафимизга қўшилинг:
👉 @davlattestmarkazi 👈

​​САЙИЛ ЎТГАНДАН КЕЙИН ҲИНАНИ (КЕРАГИ ЙЎҚ)

Айтишларича, қайси таълим йўналишига неча нафар абитуриент рўйхатдан ўтганини кўрсатиб турадиган сайт яқин кунларда ишга тушади. (ҳозир 2019-йил базасини кўрсатяпти)

Қачонлиги номаълум. Балки барча абитуриентлар тўлиқ ҳужжат топшириб бўлгандан кейин, балки ундан аввалроқ.

Сабр!

Сафимизга қўшилинг:
👉 @davlattestmarkazi 👈