📈 Энг талабгор йўналиш ёҳуд 1 ўрин учун 546 нафар абитуриент.

@Oliygohbot Telegram ботининг сўнгги маълумотларига кўра, Тошкент давлат педагогика университетининг "педагогика ва психология" таълим йўналишининг (ўзбек тили) сиртқи таълим шаклида 1 ўрин учун 546 нафар абитуриент давогарлик қилмоқда.

3 кун аввал бу рақам 417 кишини кўрсатган эди! Рақамлар соат сайин ортиб бормоқда. @Oliygohbot орқали бошқа йўналишларни ҳам ҳудди шу тарзда кузатиб бориш мумкин.

Сафимизга қўшилинг:
👉 @davlattestmarkazi 👈

⚡Дипломи ҳали берилмаганлиги сабаб магистратурага ҳужжат топшира олмаётган битирувчилар диққатига!

Олий ва ўрта махсус таълим вазирлиги томонидан олий таълим муассасасаларини 2019/2020 ўқув йили битирувчилари учун дипломнинг электрон нусхасини олиш имконияти яратилди.

Хизматдан фойдаланиш учун қуйидаги ҳаракатларни бажаринг:

👉 diplom.edu.uz (https://diplom.edu.uz/check) веб-сайтига киринг. Экранингиздаги пайдо бўлган саҳифанинг «JShShIR» қисмида паспортингиздаги тегишли маълумотни киритинг ва «Tekshirish» тугмачасини босинг.

👉 Кейинги саҳифада битирувчининг шахсий маълумотлари акс этади. Агарда мазкур саҳифанинг «Diplom raqami» қисмида маълумотлар мавжуд бўлса, «Diplom nusxasini ko’chirib olish» тугмачасини босинг.

⚠ Мабодо, «Diplom raqami» қисмида маълумотлар акс этмаса, ўзингиз тамомлаган олий таълим муассасасига мурожаат қилинг.

Сафимизга қўшилинг:
👉 @davlattestmarkazi 👈

ДТМ томонидан чоп этилган "Ахборотнома" журналининг 2017-2018 йиллардаги барча сонларини юклаб олинг, марҳамат:

1.Aхборотнома 2017 № 1
2.Aхборотнома 2017 № 2
3.Aхборотнома 2017 № 3
4.Aхборотнома 2017 № 4
5.Aхборотнома 2018 № 1
6.Aхборотнома 2018 2/1 (махсус сон)
7.Aхборотнома 2018 № 3
8.Aхборотнома 2018 2/2 (махсус сон)

Сафимизга қўшилинг:
👉 @davlattestmarkazi 👈

Олий ва ўрта махсус таълим вазирлиги томонидан ОТМ 2019-2020 ўқув йили битирувчилари учун дипломнинг электрон нусхасини олиш имконияти яратилди. Бу ҳақда вазирлик ахборот хизмати маълумот берди.

Сафимизга қўшилинг:
👉 @davlattestmarkazi 👈

​​Хотин-қизлар учун бериладиган тавсияномани дастурга киритиш шарт эмас!

ДТМ хабар беришича, Давлат комиссиясининг 1-сон баёни билан 2020-2021-ўқув йили учун хотин-қизларга ажратилган тўрт фоизли қўшимча давлат гранти асосидаги қабул кўрсаткичларининг ҳудудлар кесимидаги тақсимоти тасдиқланган.

Унга кўра, хотин-қизлар учун олий таълим муассасалари бакалавриатининг кундузги таълим шаклига қўшимча давлат гранти асосида ҳудудлар кесимида жами 940 та квота ажартилган.

Шунингдек, мазкур баён билан Маҳалла ва оилани қўллаб-қувватлаш вазирлиги томонидан 2020-йил 15-июлга қадар тегишли тавсияномаларни хотин-қизларга бериш ва 20-июлга қадар тавсиянома берилган талабгорларнинг якуний рўйхати Давлат тест марказига тақдим этилиши белгиланган.

Яъни, тавсияномага эга хотин-қизлар ҳақидаги маълумотлар Маҳалла ва оилани қўллаб-қувватлаш вазирлиги томонидан Давлат тест марказига тақдим этилади ва мазкур маълумотлар асосида абитуриентларга имтиёз қўлланилади.

Шунинг учун, бундай тавсияномага эга абитуриентлар онлайн рўйхатдан ўтишда тавсиянома маълумотларини дастурга киритмайди.

Давлат тест марказининг эслатиб ўтишича, хотин-қизлар учун қўшимча квота фақат кундузги таълим шакли учун ажратилган бўлиб, сиртқи ва кечки таълим шакллари учун татбиқ этилмайди.

Сафимизга қўшилинг:
👉 @davlattestmarkazi 👈

​​⚡ДХХ ўқишга олиб кириб қўймоқчи бўлганларни 40 минг доллардан ортиқ пора билан ушлади

👉 Самарқанд вилоят ДХХ бошқармаси ҳамда Ички ишлар бошқармаси ҳамкорлигида ўтказилган тезкор тадбир жараёнида Самарқанд иқтисодиёт ва сервис институти доценти фуқарони ушбу ОТМга ўқишга олиб киришни ваъда қилиб, 10 минг АҚШ доллари олаётган вақтда ашёвий далиллар билан қўлга олинган. Бу ҳақда ЎзА хабар берди.

👉 Шунингдек, Самарқанд вилояти Ургут тумани Марказий кўп тармоқли поликлиникаси шифокори ўзининг юқори мартабали танишлари орқали 3 нафар фуқарони Самарқанд тиббиёт институтига ўқишга олиб киришни ваъда қилиб, 18 минг АҚШ доллари олаётган вақтда ашёвий далиллар билан қўлга олинган. Тадбир давомида унинг ҳамкори бўлган Шошилинч ёрдам кўрсатиш Республика илмий маркази Самарқанд вилоят бўлими шифокори ҳам қўлга олинган.

👉 Қорақалпоғистон ДХХ бошқармаси томонидан ўтказилган тезкор тадбирда Нукус давлат педагогика институти декани ўринбосари Кегайли туманида яшовчи фуқарони ўзи ишлайдиган ОТМга ўқишга олиб кириб қўйишни ваъда қилиб, 3 минг АҚШ доллари олаётган вақтда ашёвий далиллар билан қўлга олинган.

👉 Нукус давлат педагогика институтининг яна бир ходими Беруний туманида яшовчи 4 нафар фуқарони ўқишга олиб киришни ваъда қилиб, 8 минг АҚШ доллари олаётган вақтда ашёвий далиллар билан қўлга олинган.

👉 Бухоро давлат университетининг ўқитувчиси Жондор туманида яшовчи фуқарони ўзи ишлайдиган ОТМга ўқишга олиб кириб қўйишни ваъда қилиб, 4 минг АҚШ доллари олаётган вақтда ДХХ ҳамда прокуратура органлари томонидан ашёвий далиллар билан қўлга олинган.

Юқоридаги барча фактлар юзасидан (жами 43 минг АҚШ доллари) жиноят ишлари қўзғатилган ҳамда ишга алоқадор бўлган бошқа шахсларни аниқлаш жараёнлари олиб борилмоқда.

Сафимизга қўшилинг:
👉 @davlattestmarkazi 👈

📈 1 млн 100 минг нафарга яқинлашди! Қабул тугашига яна 4 кун бор.

16-июл 18:00 ҳолатига кўра, жами рўйхатдан ўтган абитуриентлар сони 1 090 397 нафар бўлиб, шундан, жорий йил битирувчилари 459 061 нафар (42,10 %).

✅ Таълим шакли бўйича:

👉 Кундузги таълим шакли – 624 895 нафар;
👉 Сиртқи таълим шакли – 442 297 нафар;
👉 Кечки таълим шакли – 23 205 нафар.

✅ Тиллар кесимида:

👉 Ўзбек тили – 956 892 нафар;
👉 Рус тили – 100 574 нафар;
👉 Қорақалпоқ тили – 30 585 нафар;
👉 Бошқа тиллар – 2 346 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 57 118 нафар;
👉 Aндижон давлат университети – 45 472 нафар;
👉 Қарши давлат университети – 42 888 нафар;
👉 Наманган давлат университети – 39 577 нафар;
👉 Тошкент давлат педагогика университети - 39 047 нафар.

Сафимизга қўшилинг:
👉 @davlattestmarkazi 👈

Савол. Онлайн ҳужжат топшириб, эртаси куни тўловни амалга оширдим. Расман рўйхатга олинган ёки олинмаганимни қандай билсам бўлади?

20-июлдан кейин ҳам тўловни амалга ошириш мумкин?

Давлат тест маркази масъул вакили Диёрбек Қўчқоров иштирокидаги брифингда жавоб берилди

Сафимизга қўшилинг:
👉 @davlattestmarkazi 👈

Хабарингиз бор, @Oliygohbot тизимидан ўзбек ва рус тилида кундузги, сиртқи, кечки таълим шакли бўйича Қабул-2020 статистикаларини кузатиб бориш мумкин.

Маълумотлар Давлат тест марказининг qabul.dtm.uz маълумотлари билан синҳрон тарзда ишлайди ва ҳар соатда янги статистика билан янгиланиб боради.

Шундан 1 ўрин учун курашаётган абитуриентлар сони бу рақобатни англатади. Яъни ҳужжат топширган абитуриентлар сонининг қабул квотасига нисбати.

Ҳозироқ синаб кўринг!
👉 @Oliygohbot

Сафимизга қўшилинг:
👉 @davlattestmarkazi 👈

Магистратурага ҳужжат топширган абитуриентлар учун 2 та муҳим тавсия:

👉 1. Ҳозирги кундаги пандемия шароитини ҳисобга олинг. Ҳужжатларингизни magistr.edu.uz веб-сайти орқали рўйхатдан ўтказиш жараёнида ТЕСТ СИНОВЛАРИ топшириладиган ҳудуд сифатида бугунги кунда ЯШАБ ТУРГАН ҲУДУДИНГИЗНИ белгиланг.

👉 2. Ўқишга кириш учун тегишли мутахассислик ва олий таълим муассасасини танлашда яхшилаб ўйлаб бир қарорга келинг. Шошилманг, магистратурага ўқишга кириш учун magistr.edu.uz веб-сайти орқали рўйхатдан ўтганингиздан сўнг танловингизга ЎЗГАРТИРИШ КИРИТА ОЛМАЙСИЗ!

Олий ва ўрта махсус таълим вазирлиги ахборот хизмати

Сафимизга қўшилинг:
👉 @davlattestmarkazi 👈

​​⚡Сиртқидан кундузгига ўқишни кўчириш мумкин! Аризалар 5 августгача қабул қилинади.

Ўзбекистон Республикаси Вазирлар Маҳкамасининг 20.06.2017 йилдаги 393-сонли қарори билан тасдиқланган Низомга асосан, 15 июлдан бошлаб талабаларнинг ўқишини кўчириш ва қайта тиклаш бўйича аризалар қабул қилиш жараёни бошланди. Аризалар 5 августгача қабул қилинади.

Жорий йилги пандемия билан боғлиқ вазиятни ҳисобга олиб, талабалардан ўқишни кўчириш ва қайта тиклаш бўйича аризалар http://transfer.edu.uz портали орқали онлайн қабул қилинмоқда. Шу ўринда кўпчилик талабалар бир саволга ойдинлик киритишимизни сўраб, мурожаат қилишмоқда. Яъни сиртқи таълимда таҳсил олаётган талаба кундузги таълимга ўқишини кўчириши мумкинми?

✅ Жавоб: ҳа, мумкин.

Асос: Ўзбекистон Республикаси Вазирлар Маҳкамасининг 2020 йил 31 январдаги 59-сонли қарорининг 8-бандида Вазирлар Маҳкамасининг «Олий таълим муассасасида сиртқи (махсус сиртқи) ва кечки (сменали) таълимни ташкил этиш тартиби тўғрисидаги низомларни тасдиқлаш ҳақида» 2017 йил 21 ноябрдаги 930-сон қарорига 1-илованинг 12-банди қуйидаги таҳрирда баён этилиши бегиланган:

«12. Сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчисига кўчиришга рухсат берилади».

Мазмундан кўриниб турибдики, ушбу ўзгариш асосида жорий йилдан бошлаб сиртқи (махсус сиртқи) таълимдан кундузги таълимга кўчиришга рухсат берилган.

Муаммо: Таъкидлаш жоиз, юридик техника нуқтаи назаридан мазкур ўзгариш киритилаётганда қарор лойиҳасини тайёрлаганлар бир кичик жиҳатни унутиб қолдиришган. Талабаларнинг ўқишини кўчириш билан боғлиқ жараёнлар Вазирлар Маҳкамасининг мақоламиз аввалида эслаб ўтилган умуман бошқа бир қарори асосида тартибга солинади. Аммо сиртқи (махсус сиртқи) таълимдан кундузги таълим шаклига ўқишни кўчиришга рухсат берилганлигига оид ўзгариш ўша асосий қарорга киритилмай қолган. Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомнинг 9-бандига ҳалигача ўзгариш киритилмаган ва бу бандда сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчи таълим соҳасига ўқишни кўчириш ҳақидаги аризаларга рад жавоби берилиши белгиланган.

💡Ечим: Кўриб турганингиздек, Вазирлар Маҳкамасининг қарорларида 2 хил қоида белгиланган, бирида сиртқи (махсус сиртқи) таълимдан кундузги таълимга ўқишни кўчиришга мумкин дейилган, иккинчисида мумкин эмас, дейилган. Бунақа вазиятда ечим қандай бўлади? Яъни қайси қарор амалда қўлланилиши керак?
Бунинг жавобини «Норматив-ҳуқуқий ҳужжатлар тўғрисида»ги Қонундан топамиз.

Мазкур қонуннинг 16-моддасига кўра, тенг юридик кучга эга бўлган норматив-ҳуқуқий ҳужжатлар ўртасида тафовут бўлган тақдирда кейинроқ қабул қилинган ҳужжат қоидалари амал қилади. Биз кўриб чиқаётган масалада фарқ мавжуд бўлган иккала ҳужжат ҳам «тенг юридик кучга эга», яъни иккаласи ҳам Вазирлар Маҳкамасининг қарори. Агар мабодо бири Вазирлар Маҳкамасининг қарори, иккинчиси Президент қарори бўлганда, унда шубҳасиз Президент қароридаги қоида амал қилган бўлар эди. Бу шунчаки маълумот учун.
Қонун талабидан келиб чиқсак, кейинроқ қабул қилинган ҳужжат қоидалари амал қилишини билиб олдик. Демак, Вазирлар Маҳкамасининг 2020 йил 31 январдаги 59-сонли қарори билан белгиланган қоида кучга эга бўлади.

✅ Хулоса: талабалар жорий йилдан бошлаб белгиланган тартибларга амалга қилган ҳолда сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчисига ўқишини кўчириши мумкин.

Хушнудбек Худойбердиев

Сафимизга қўшилинг:
👉 @davlattestmarkazi 👈

⚡Ўқишини кўчирмоқчи бўлган талабалар диққатига!

Олий ва ўрта махсус таълим вазирлиги ўқишни кўчиришга оид маълумот эълон қилди. Ушбу жадвалда қайси таълим шаклидан қайси таълим шаклига ўқишни кўчириш мумкин ёки мумкин эмаслиги келтирилган.

❌ Айтилишича, хорижий олий таълим муассасаларида масофавий таълим шаклида ўқиган талабалар ўқишини ҳеч қанақасига Ўзбекистонга кўчира олишмайди!

Сафимизга қўшилинг:
👉 @davlattestmarkazi 👈

​​⚡Самарқанд иқтисодиёт ва сервис институтига ўқишга киритиб қўймоқчи бўлган фирибгар ўз жазосини олди

Жиноят ишлари бўйича Самарқанд шаҳар судининг очиқ суд мажлиси ҳужжатларига кўра, судланувчи Ғафур Жавлонов (исм, фамилиялар шартли) 1993 йил Булунғур туманида туғилган.
Вақтинча ишсиз бўлган бу фуқаро ўзганинг мулкини фирибгарлик йўли билан қўлга киритишни мақсад қилганди. У шу мақсадда 2019 йил июль ойида Ситора Ҳамидованинг ишончига кириб, уни ва қариндоши Лола Ҳамидовани Самарқанд иқтисодиёт ва сервис институтига ўзининг мансабдор танишлари орқали ўқишга киритиб қўйишини айтиб, ишонтиради.
Яъни, Ғ.Жавлонов янги танишларини мансабдор танишларига моддий қимматликларни беришга қизиқтириб қўяди. Шу орқали 2019 йил 30 июль куни С.Ҳамидовадан 100 миллион 222 минг 500 сўмга тенг бўлган кўп миқдордаги 11 минг 500 долларни фирибгарлик йўли билан қўлга киритган.

Бироқ бу “фараҳбахш лаҳзалар” узоққа чўзилмади. У ҳуқуқни муҳофаза қилувчи орган ходимлари томонидан ашёвий далиллар билан қўлга олинди.
Суд ишида Ғафур Жавлонов С.Ҳамидова ва унинг қариндошини институтга ўқишга киритиш борасида бирон-бир мансабдор шахсга учрашмаганлигини ва гаплашмаганлигини, шу вақтларда пулга муҳтож бўлганлиги сабабли жабрланувчи ўз билими билан ўқишга кириб кетса, ёрдам қилганлигини айтиб, пулларини қўлга киритмоқчи бўлганлигини билдирган. У жабрланувчиларни ишонтириш мақсадида танишлари орқали ўқишга киритишини айтиб алдаганлигини, бу қилмишидан чин кўнгилдан пушаймон эканлигини, унга қонуний енгиллик беришликни сўраган.

Суд ҳукми билан унга 4 (тўрт) йил 6 (олти) ой муддатга озодликни чеклаш жазоси тайинланиб, яшаш жойидан кечқурун соат 22:00дан эрталаб соат 06:00га қадар чиқиши чекланди.

Сафимизга қўшилинг:
👉 @davlattestmarkazi 👈

📈 1.2 млн нафарга яқинлашди!

17-июл 18:00 ҳолатига кўра, жами рўйхатдан ўтган абитуриентлар сони 1 193 169 нафар бўлиб, шундан, жорий йил битирувчилари 482 011 нафар (40,4 %).

✅ Таълим шакли бўйича:

👉 Кундузги таълим шакли – 673 450 нафар;
👉 Сиртқи таълим шакли – 493 296 нафар;
👉 Кечки таълим шакли – 26 423 нафар.

✅ Тиллар кесимида:

👉 Ўзбек тили – 1 046 442 нафар;
👉 Рус тили – 109 554 нафар;
👉 Қорақалпоқ тили – 34 629 нафар;
👉 Бошқа тиллар – 2 544 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 61 587 нафар;
👉 Aндижон давлат университети – 49 008 нафар;
👉 Қарши давлат университети – 46 957 нафар;
👉 Наманган давлат университети – 42 916 нафар;
👉 Термиз давлат университети - 42 426 нафар.

Сафимизга қўшилинг:
👉 @davlattestmarkazi 👈

111.500 сўм тўловни қайси кунгача амалга ошириш мумкин?

Сафимизга қўшилинг:
👉 @davlattestmarkazi 👈

Коронавирус пандемияси шароитида хориж давлатларида имтиҳонлар қандай амалга оширилмоқда?

Ушбу видеода 🇰🇷 Жанубий Кореядаги суғурта агентликлари ходимлари қайта аттестациядан ўтиш учун қатъий санитария қоидалари асосида имтиҳон топширишаёгани акс этган.

Имтиҳон футбол майдонида, ҳимоя ниқобларида ва бир-биридан белгиланган оралиқ масофа сақлаган ҳолда олиб борилмоқда.

Сафимизга қўшилинг:
👉 @davlattestmarkazi 👈

​​⚡Магистратурага киролмаганлар учун ҳам супер контракт борми?

Ўзбекистон Республикаси Президентининг 2019 йил 17 июндаги ПҚ-4359-сон қарорига мувофиқ "2019/2020 ўқув йилидан бошлаб: олий таълим муассасалари магистратурасига қўшимча қабул олий таълим муассасаларининг мавжуд қувватлари, моддий-техник базаси ҳамда профессор-ўқитувчилари таркибидан келиб чиқиб, бўйсунувига кўра вазирлик ва идоралар билан келишган ҳолда олий таълим муассасалари томонидан мустақил равишда белгиланадиган магистратура мутахассисликларига базавий тўлов-контракт бўйича қўшимча қабул параметрлари асосида амалга оширилади.".

✅ Соддароқ айтганда, ҳа бор!

Фақат бу бакалаврдаги каби табақалаштирилган, бир нечa баробар оширилган супер контракт эмас, стандарт базавий тўлов-контракт асосида бўлади.

❌ Ҳеч қандай оширилган миқдор йўқ. Ўқишга кирганлар қаторида бир хил сумма тўланади!

Нега ундай дейсизми? Балки, магистратурада талаб юқори эмаслиги учундир. Бакалавриятда ҳужжат топшириш ҳам пул. Магистратурада эса бепул. Четдан қараганда, ҳукумат фақат бакалавриятга ўқишга кирмоқчи бўлган абитуриентлардан кўпроқ даромад қилишни истайдиганга ўхшайди.

Ушбу хабарни магистратурага ўқишга топширмоқчи бўлган яқинларингизга юборинг

Сафимизга қўшилинг:
👉 @davlattestmarkazi 👈

Абитуриентлар диққатига!

2020/2021 ўқув йили учун республика ОТМларига абитуриент сифатида фуқаролик паспорти (паспорт олиш ёшига етмаганлиги ва бошқалар) билан боғлиқ муаммолар туфайли рўйхатдан ўта олмаётган фуқароларга яшаб турган манзилига яқин бўлган ОТМларига мурожаат этишларини тавсия этамиз.

Маълумот учун: республика ОТМлари бакалавриатига ўқишга кириш учун абитуриент сифатида рўйхатдан ўтишнинг сўнги муддати 2020 йил 20 июль.

Олий ва ўрта махсус таълим вазирлиги

Сафимизга қўшилинг:
👉 @davlattestmarkazi 👈

❗Олий ва ўрта махсус таълим вазирлигининг хабар беришларича техник ишлар олиб борилаётганлиги муносабати билан 18 июль куни соат 14.00 дан 16.00 га қадар magistr.edu.uz веб платформасида ариза тўлдиришда узилишлар бўлиши мумкин.

Сафимизга қўшилинг:
👉 @davlattestmarkazi 👈

​​Нега ДТМ рўйхатдан ўтган имтиёзли абитуриентлар ҳақидаги статистикани эълон қилмаяпти?

Абитуриентлардан аризалар қабул қилинаётган qabul.dtm.uz сайтида қабул режаси, қайси йўналишга қанча абитуриент топширгани ва танлов кўрсаткичига оид статистик рақамлар бериб борилмоқда. Аммо қайси йўналишга қанча имтиёзли абитуриент ҳужжат топширгани ҳақида маълумот олиш имконсиз.

«Имтиёзлилар ўзлари учун ажратилган квоталарга қанча абитуриент ҳужжат топширганини била олмасдан, кўр-кўрона ҳужжат топширяпти. Ўтган йили ҳам шундай бўлгани сабабли айрим ОТМларга керагидан кўп, айримларига эса анча кам имтиёзли абитуриент ҳужжат топширган ҳоллар ҳам бўлган», – дейилади мурожаатчиларнинг бирида.

ДТМ вакили изоҳи

Kun.uz мухбири масала юзасидан Давлат тест маркази матбуот хизмати ходими Жамшидбек Одилов билан боғланди. Унинг айтишича, ҳужжат топширган ҳар бир абитуриентнинг маълумоти текшириб чиқилади. Агар унда қайсидир турдаги имтиёз бўлса, ўша имтиёзнинг ҳақиқийлиги текширувдан ўтказилади.

«Бу маълум вақт ичида амалга ошириладиган жараён. Шунинг учун қанча абитуриентнинг имтиёзга эга экани ҳақида автоматик тарзда маълумот бера олмаймиз. Масалан, чет тили сертификатига эга абитуриентлар ҳам имтиёзли ҳисобланади. Улар тақдим этган тил сертификати ҳам текширилади ва ҳақиқий эмас деб топилганлари ҳам кўп бўлади. 13 июль ҳолатига кўра, абитуриентлар тақдим этган 6 мингдан ортиқ сертификатлар текширилган ва 450дан ортиғи ҳақиқий эмас деб топилган», – дея изоҳ берди Жамшидбек Одилов.

ДТМ ходими бошқа имтиёзлар ҳам худди шундай тарзда текширилишини, агар зарур бўлса, вазирлик ва идоралардан маълумотлар аниқлаштирилишини айтди.
«Мисол учун, ногиронлиги бор шахслар ҳақидаги маълумотлар рўйхатдан ўтиш якунланганидан сўнг Соғлиқни сақлаш вазирлигига юборилади ва вазирлик томонидан маълумотлар текширилиб, тасдиқланади. Бу жараёнда айрим абитуриентларнинг маълумотлари ўз тасдиғини топмайди.

Навоий вилоятининг олис чўл туманларида камида 3 йилдан буён истиқомат қилаётган абитуриентларнинг маълумотлари Навоий вилояти ҳокимлиги томонидан текширилиб, тасдиқланади.

Имтиёзлардан яна бири: тавсияномага эга хотин-қизлар ҳақида электрон маълумотлар эса айни пайтда Маҳалла ва оилани қўллаб қувватлаш вазирлиги томонидан шакллантирилмоқда ва якуний рўйхат 20 июлгача тақдим этилади», – деди у.

Эслатиб ўтамиз, аризалар қабули 20 июлгача давом этади. Қабул-2020 статистикаларини @Oliygohbot Telegram боти ёрдамида ҳам кузатиб бориш мумкин.

Сафимизга қўшилинг:
👉 @davlattestmarkazi 👈

Имтиҳонлар онлайн бўлмайди

Aгар карантин ҳолатлари ёмонлашиб борса ёки стабил ҳолатга ўтган тақдирда ҳам имтиҳонлар яна чўзилиши мумкинми?

Кўпчилик абитуриентлар орасида имтиҳонлар сентябр ойида бўлиб ўтаркан деган миш-мишлар авжига чиқмоқда.

Сафимизга қўшилинг:
👉 @davlattestmarkazi 👈