​​⚡Сиртқидан кундузгига ўқишни кўчириш мумкин! Аризалар 5 августгача қабул қилинади.

Ўзбекистон Республикаси Вазирлар Маҳкамасининг 20.06.2017 йилдаги 393-сонли қарори билан тасдиқланган Низомга асосан, 15 июлдан бошлаб талабаларнинг ўқишини кўчириш ва қайта тиклаш бўйича аризалар қабул қилиш жараёни бошланди. Аризалар 5 августгача қабул қилинади.

Жорий йилги пандемия билан боғлиқ вазиятни ҳисобга олиб, талабалардан ўқишни кўчириш ва қайта тиклаш бўйича аризалар http://transfer.edu.uz портали орқали онлайн қабул қилинмоқда. Шу ўринда кўпчилик талабалар бир саволга ойдинлик киритишимизни сўраб, мурожаат қилишмоқда. Яъни сиртқи таълимда таҳсил олаётган талаба кундузги таълимга ўқишини кўчириши мумкинми?

✅ Жавоб: ҳа, мумкин.

Асос: Ўзбекистон Республикаси Вазирлар Маҳкамасининг 2020 йил 31 январдаги 59-сонли қарорининг 8-бандида Вазирлар Маҳкамасининг «Олий таълим муассасасида сиртқи (махсус сиртқи) ва кечки (сменали) таълимни ташкил этиш тартиби тўғрисидаги низомларни тасдиқлаш ҳақида» 2017 йил 21 ноябрдаги 930-сон қарорига 1-илованинг 12-банди қуйидаги таҳрирда баён этилиши бегиланган:

«12. Сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчисига кўчиришга рухсат берилади».

Мазмундан кўриниб турибдики, ушбу ўзгариш асосида жорий йилдан бошлаб сиртқи (махсус сиртқи) таълимдан кундузги таълимга кўчиришга рухсат берилган.

Муаммо: Таъкидлаш жоиз, юридик техника нуқтаи назаридан мазкур ўзгариш киритилаётганда қарор лойиҳасини тайёрлаганлар бир кичик жиҳатни унутиб қолдиришган. Талабаларнинг ўқишини кўчириш билан боғлиқ жараёнлар Вазирлар Маҳкамасининг мақоламиз аввалида эслаб ўтилган умуман бошқа бир қарори асосида тартибга солинади. Аммо сиртқи (махсус сиртқи) таълимдан кундузги таълим шаклига ўқишни кўчиришга рухсат берилганлигига оид ўзгариш ўша асосий қарорга киритилмай қолган. Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомнинг 9-бандига ҳалигача ўзгариш киритилмаган ва бу бандда сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчи таълим соҳасига ўқишни кўчириш ҳақидаги аризаларга рад жавоби берилиши белгиланган.

💡Ечим: Кўриб турганингиздек, Вазирлар Маҳкамасининг қарорларида 2 хил қоида белгиланган, бирида сиртқи (махсус сиртқи) таълимдан кундузги таълимга ўқишни кўчиришга мумкин дейилган, иккинчисида мумкин эмас, дейилган. Бунақа вазиятда ечим қандай бўлади? Яъни қайси қарор амалда қўлланилиши керак?
Бунинг жавобини «Норматив-ҳуқуқий ҳужжатлар тўғрисида»ги Қонундан топамиз.

Мазкур қонуннинг 16-моддасига кўра, тенг юридик кучга эга бўлган норматив-ҳуқуқий ҳужжатлар ўртасида тафовут бўлган тақдирда кейинроқ қабул қилинган ҳужжат қоидалари амал қилади. Биз кўриб чиқаётган масалада фарқ мавжуд бўлган иккала ҳужжат ҳам «тенг юридик кучга эга», яъни иккаласи ҳам Вазирлар Маҳкамасининг қарори. Агар мабодо бири Вазирлар Маҳкамасининг қарори, иккинчиси Президент қарори бўлганда, унда шубҳасиз Президент қароридаги қоида амал қилган бўлар эди. Бу шунчаки маълумот учун.
Қонун талабидан келиб чиқсак, кейинроқ қабул қилинган ҳужжат қоидалари амал қилишини билиб олдик. Демак, Вазирлар Маҳкамасининг 2020 йил 31 январдаги 59-сонли қарори билан белгиланган қоида кучга эга бўлади.

✅ Хулоса: талабалар жорий йилдан бошлаб белгиланган тартибларга амалга қилган ҳолда сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчисига ўқишини кўчириши мумкин.

Хушнудбек Худойбердиев

Сафимизга қўшилинг:
👉 @davlattestmarkazi 👈

⚡Ўқишини кўчирмоқчи бўлган талабалар диққатига!

Олий ва ўрта махсус таълим вазирлиги ўқишни кўчиришга оид маълумот эълон қилди. Ушбу жадвалда қайси таълим шаклидан қайси таълим шаклига ўқишни кўчириш мумкин ёки мумкин эмаслиги келтирилган.

❌ Айтилишича, хорижий олий таълим муассасаларида масофавий таълим шаклида ўқиган талабалар ўқишини ҳеч қанақасига Ўзбекистонга кўчира олишмайди!

Сафимизга қўшилинг:
👉 @davlattestmarkazi 👈

​​⚡Самарқанд иқтисодиёт ва сервис институтига ўқишга киритиб қўймоқчи бўлган фирибгар ўз жазосини олди

Жиноят ишлари бўйича Самарқанд шаҳар судининг очиқ суд мажлиси ҳужжатларига кўра, судланувчи Ғафур Жавлонов (исм, фамилиялар шартли) 1993 йил Булунғур туманида туғилган.
Вақтинча ишсиз бўлган бу фуқаро ўзганинг мулкини фирибгарлик йўли билан қўлга киритишни мақсад қилганди. У шу мақсадда 2019 йил июль ойида Ситора Ҳамидованинг ишончига кириб, уни ва қариндоши Лола Ҳамидовани Самарқанд иқтисодиёт ва сервис институтига ўзининг мансабдор танишлари орқали ўқишга киритиб қўйишини айтиб, ишонтиради.
Яъни, Ғ.Жавлонов янги танишларини мансабдор танишларига моддий қимматликларни беришга қизиқтириб қўяди. Шу орқали 2019 йил 30 июль куни С.Ҳамидовадан 100 миллион 222 минг 500 сўмга тенг бўлган кўп миқдордаги 11 минг 500 долларни фирибгарлик йўли билан қўлга киритган.

Бироқ бу “фараҳбахш лаҳзалар” узоққа чўзилмади. У ҳуқуқни муҳофаза қилувчи орган ходимлари томонидан ашёвий далиллар билан қўлга олинди.
Суд ишида Ғафур Жавлонов С.Ҳамидова ва унинг қариндошини институтга ўқишга киритиш борасида бирон-бир мансабдор шахсга учрашмаганлигини ва гаплашмаганлигини, шу вақтларда пулга муҳтож бўлганлиги сабабли жабрланувчи ўз билими билан ўқишга кириб кетса, ёрдам қилганлигини айтиб, пулларини қўлга киритмоқчи бўлганлигини билдирган. У жабрланувчиларни ишонтириш мақсадида танишлари орқали ўқишга киритишини айтиб алдаганлигини, бу қилмишидан чин кўнгилдан пушаймон эканлигини, унга қонуний енгиллик беришликни сўраган.

Суд ҳукми билан унга 4 (тўрт) йил 6 (олти) ой муддатга озодликни чеклаш жазоси тайинланиб, яшаш жойидан кечқурун соат 22:00дан эрталаб соат 06:00га қадар чиқиши чекланди.

Сафимизга қўшилинг:
👉 @davlattestmarkazi 👈

📈 1.2 млн нафарга яқинлашди!

17-июл 18:00 ҳолатига кўра, жами рўйхатдан ўтган абитуриентлар сони 1 193 169 нафар бўлиб, шундан, жорий йил битирувчилари 482 011 нафар (40,4 %).

✅ Таълим шакли бўйича:

👉 Кундузги таълим шакли – 673 450 нафар;
👉 Сиртқи таълим шакли – 493 296 нафар;
👉 Кечки таълим шакли – 26 423 нафар.

✅ Тиллар кесимида:

👉 Ўзбек тили – 1 046 442 нафар;
👉 Рус тили – 109 554 нафар;
👉 Қорақалпоқ тили – 34 629 нафар;
👉 Бошқа тиллар – 2 544 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 61 587 нафар;
👉 Aндижон давлат университети – 49 008 нафар;
👉 Қарши давлат университети – 46 957 нафар;
👉 Наманган давлат университети – 42 916 нафар;
👉 Термиз давлат университети - 42 426 нафар.

Сафимизга қўшилинг:
👉 @davlattestmarkazi 👈

111.500 сўм тўловни қайси кунгача амалга ошириш мумкин?

Сафимизга қўшилинг:
👉 @davlattestmarkazi 👈

Коронавирус пандемияси шароитида хориж давлатларида имтиҳонлар қандай амалга оширилмоқда?

Ушбу видеода 🇰🇷 Жанубий Кореядаги суғурта агентликлари ходимлари қайта аттестациядан ўтиш учун қатъий санитария қоидалари асосида имтиҳон топширишаёгани акс этган.

Имтиҳон футбол майдонида, ҳимоя ниқобларида ва бир-биридан белгиланган оралиқ масофа сақлаган ҳолда олиб борилмоқда.

Сафимизга қўшилинг:
👉 @davlattestmarkazi 👈

​​⚡Магистратурага киролмаганлар учун ҳам супер контракт борми?

Ўзбекистон Республикаси Президентининг 2019 йил 17 июндаги ПҚ-4359-сон қарорига мувофиқ "2019/2020 ўқув йилидан бошлаб: олий таълим муассасалари магистратурасига қўшимча қабул олий таълим муассасаларининг мавжуд қувватлари, моддий-техник базаси ҳамда профессор-ўқитувчилари таркибидан келиб чиқиб, бўйсунувига кўра вазирлик ва идоралар билан келишган ҳолда олий таълим муассасалари томонидан мустақил равишда белгиланадиган магистратура мутахассисликларига базавий тўлов-контракт бўйича қўшимча қабул параметрлари асосида амалга оширилади.".

✅ Соддароқ айтганда, ҳа бор!

Фақат бу бакалаврдаги каби табақалаштирилган, бир нечa баробар оширилган супер контракт эмас, стандарт базавий тўлов-контракт асосида бўлади.

❌ Ҳеч қандай оширилган миқдор йўқ. Ўқишга кирганлар қаторида бир хил сумма тўланади!

Нега ундай дейсизми? Балки, магистратурада талаб юқори эмаслиги учундир. Бакалавриятда ҳужжат топшириш ҳам пул. Магистратурада эса бепул. Четдан қараганда, ҳукумат фақат бакалавриятга ўқишга кирмоқчи бўлган абитуриентлардан кўпроқ даромад қилишни истайдиганга ўхшайди.

Ушбу хабарни магистратурага ўқишга топширмоқчи бўлган яқинларингизга юборинг

Сафимизга қўшилинг:
👉 @davlattestmarkazi 👈

Абитуриентлар диққатига!

2020/2021 ўқув йили учун республика ОТМларига абитуриент сифатида фуқаролик паспорти (паспорт олиш ёшига етмаганлиги ва бошқалар) билан боғлиқ муаммолар туфайли рўйхатдан ўта олмаётган фуқароларга яшаб турган манзилига яқин бўлган ОТМларига мурожаат этишларини тавсия этамиз.

Маълумот учун: республика ОТМлари бакалавриатига ўқишга кириш учун абитуриент сифатида рўйхатдан ўтишнинг сўнги муддати 2020 йил 20 июль.

Олий ва ўрта махсус таълим вазирлиги

Сафимизга қўшилинг:
👉 @davlattestmarkazi 👈

❗Олий ва ўрта махсус таълим вазирлигининг хабар беришларича техник ишлар олиб борилаётганлиги муносабати билан 18 июль куни соат 14.00 дан 16.00 га қадар magistr.edu.uz веб платформасида ариза тўлдиришда узилишлар бўлиши мумкин.

Сафимизга қўшилинг:
👉 @davlattestmarkazi 👈

​​Нега ДТМ рўйхатдан ўтган имтиёзли абитуриентлар ҳақидаги статистикани эълон қилмаяпти?

Абитуриентлардан аризалар қабул қилинаётган qabul.dtm.uz сайтида қабул режаси, қайси йўналишга қанча абитуриент топширгани ва танлов кўрсаткичига оид статистик рақамлар бериб борилмоқда. Аммо қайси йўналишга қанча имтиёзли абитуриент ҳужжат топширгани ҳақида маълумот олиш имконсиз.

«Имтиёзлилар ўзлари учун ажратилган квоталарга қанча абитуриент ҳужжат топширганини била олмасдан, кўр-кўрона ҳужжат топширяпти. Ўтган йили ҳам шундай бўлгани сабабли айрим ОТМларга керагидан кўп, айримларига эса анча кам имтиёзли абитуриент ҳужжат топширган ҳоллар ҳам бўлган», – дейилади мурожаатчиларнинг бирида.

ДТМ вакили изоҳи

Kun.uz мухбири масала юзасидан Давлат тест маркази матбуот хизмати ходими Жамшидбек Одилов билан боғланди. Унинг айтишича, ҳужжат топширган ҳар бир абитуриентнинг маълумоти текшириб чиқилади. Агар унда қайсидир турдаги имтиёз бўлса, ўша имтиёзнинг ҳақиқийлиги текширувдан ўтказилади.

«Бу маълум вақт ичида амалга ошириладиган жараён. Шунинг учун қанча абитуриентнинг имтиёзга эга экани ҳақида автоматик тарзда маълумот бера олмаймиз. Масалан, чет тили сертификатига эга абитуриентлар ҳам имтиёзли ҳисобланади. Улар тақдим этган тил сертификати ҳам текширилади ва ҳақиқий эмас деб топилганлари ҳам кўп бўлади. 13 июль ҳолатига кўра, абитуриентлар тақдим этган 6 мингдан ортиқ сертификатлар текширилган ва 450дан ортиғи ҳақиқий эмас деб топилган», – дея изоҳ берди Жамшидбек Одилов.

ДТМ ходими бошқа имтиёзлар ҳам худди шундай тарзда текширилишини, агар зарур бўлса, вазирлик ва идоралардан маълумотлар аниқлаштирилишини айтди.
«Мисол учун, ногиронлиги бор шахслар ҳақидаги маълумотлар рўйхатдан ўтиш якунланганидан сўнг Соғлиқни сақлаш вазирлигига юборилади ва вазирлик томонидан маълумотлар текширилиб, тасдиқланади. Бу жараёнда айрим абитуриентларнинг маълумотлари ўз тасдиғини топмайди.

Навоий вилоятининг олис чўл туманларида камида 3 йилдан буён истиқомат қилаётган абитуриентларнинг маълумотлари Навоий вилояти ҳокимлиги томонидан текширилиб, тасдиқланади.

Имтиёзлардан яна бири: тавсияномага эга хотин-қизлар ҳақида электрон маълумотлар эса айни пайтда Маҳалла ва оилани қўллаб қувватлаш вазирлиги томонидан шакллантирилмоқда ва якуний рўйхат 20 июлгача тақдим этилади», – деди у.

Эслатиб ўтамиз, аризалар қабули 20 июлгача давом этади. Қабул-2020 статистикаларини @Oliygohbot Telegram боти ёрдамида ҳам кузатиб бориш мумкин.

Сафимизга қўшилинг:
👉 @davlattestmarkazi 👈

Имтиҳонлар онлайн бўлмайди

Aгар карантин ҳолатлари ёмонлашиб борса ёки стабил ҳолатга ўтган тақдирда ҳам имтиҳонлар яна чўзилиши мумкинми?

Кўпчилик абитуриентлар орасида имтиҳонлар сентябр ойида бўлиб ўтаркан деган миш-мишлар авжига чиқмоқда.

Сафимизга қўшилинг:
👉 @davlattestmarkazi 👈

Фарғона вилоятининг Сўх тумани ёшлари учун 2020/2021 ўқув йилида республика олий таълим муассасалари бакалавриатининг кундузги таълим шакли бўйича давлат гранти асосидаги қўшимча қабул кўрсаткичларининг олий таълим муассасалари кесимида тақсимоти белгиланди

Рўйхатда Фарғона давлат университетидан тортиб, Тошкент давлат юридик университети ва Ўзбекистон Республикаси ички ишлар вазирлиги академиясигача олийгоҳлар келтирилган.

Сўҳлик абитуриентларнинг даври келди!

Сафимизга қўшилинг:
👉 @davlattestmarkazi 👈

📈 1.3 млн нафарга яқинлашиб қолди

18-июл 18:00 ҳолатига кўра, жами рўйхатдан ўтган абитуриентлар сони 1 262 551 нафар бўлиб, шундан, жорий йил битирувчилари 498 377 нафар (39,47 %).

Aбитуриентлар томонидан энг кўп танланаётган ОТМлар:

👉 Самарқанд давлат университети – 64 723 нафар;
👉 Aндижон давлат университети – 50 818 нафар;
👉 Қарши давлат университети – 49 541 нафар;
👉 Наманган давлат университети – 44 791 нафар;
👉 Термиз давлат университети - 44 505 нафар.

Сафимизга қўшилинг:
👉 @davlattestmarkazi 👈

​​ТЕСТГА КИРИШ ОЛДИ АБИТУРИЕНТЛАРГА БЕПУЛ ЯНГИ ТИББИЙ ҚЎЛҚОП ВА НИҚОБ БЕРИЛАДИ!

ДТМ абитуриентларнинг соғлиғи биринчи ўринда туришини айтиб, буни имконлари борича таъминлашга ҳаракат қилишларини айтишмоқда.

2020-йилда ҳам тест синовларини катта сиғимли биноларда видеокузатув остида онлайн транслация қилинган ҳолда ўтказиш режалаштирилган ва ҳозирги кунда жараённи санитария-гигиена талабларига риоя этилган ҳолда ўтказиш бўйича тайёргарлик ишлари олиб борилмоқда.

Жумладан:

👉 тест синови ўтказиладиган ҳудудларга кириш қисмида антисептик воситалар билан жиҳозланган столлар ва бино ичкарисида биринчи тиббий муолажа пункти ташкил этилади;

👉 ҳар бир ҳудуд навбатчи тез тиббий ёрдам машинаси билан таъминланади;

👉 тест синовлари ўтказиладиган бинолар ҳар бир сменадан олдин ва кейин шамоллатилади ҳамда Санитария-эпидемиологик осойишталик агентлиги ходимлари томонидан дезинфекция қилинади;

👉 бинога киришдан олдин абитуриентлар дезинфекция йўлагидан ўтказилади;

👉 уларнинг тана ҳарорати ўлчаниб, ҳар бир абитуриент алоҳида янги тиббий қўлқоп ва ниқоб билан таъминланади;

👉 тест синови ўтказиладиган ҳудудга киритишда тана ҳарорати 37°C дан юқорилиги аниқланган абитуриентлар тест синовларига киритилмасдан далолатнома тузилиб, тиббий текширув ўтказиш учун ҳудудга бириктирилган тиббиёт ходимига топширилади;

👉 Санитария-эпидемиологик осойишталик агентлиги тиббий текширувидан ўтказилган ва коронавирус касаллиги аниқланмаган абитуриентлар учун республика бўйича тест синовлари тўлиқ якунлангандан сўнг тўртинчи куни тест синовлари ўтказилади.

Расмдаги ҳолат эса, ушалмас орзу!)

Сафимизга қўшилинг:
👉 @davlattestmarkazi 👈

​​09-ШАКЛ МАЪЛУМОТНОМА ҚАЙСИ АБИТУРИЕНТЛАРГА КЕРАК?

Паспорт ёшига етмаган, паспорт олишга улгурмаган ҳамда паспортини яқинда олган, аммо абитуриент сифатида рўйхатдан ўта олмаётган абитуриентлар диққатига!

2020/2021 ўқув йили учун республика олий таълим муассасаларига киришда фуқаролик паспорти олиш ёшига етмаган, фуқаролик паспорти олиш ёшига етган, аммо паспорт олишга улгурмаган абитуриентлар яшаш жойларига яқин бўлган олий таълим муассасаларига рўйхатдан ўтиш учун мурожаат қилганда ички ишлар бўлимлари томонидан берилган 09-шакл маълумотнома бўлиши шарт.

✅ Фуқаролик паспортини яқинда олган, аммо Давлат тест марказининг дастуридан абитуриент сифатида рўйхатдан ўта олмаётган фуқаролар мазкур фуқаролик паспортлари билан яшаш жойларига яқин бўлган олий таълим муассасаларига мурожаат қилишлари сўралади.

Сафимизга қўшилинг:
👉 @davlattestmarkazi 👈

Мақсадли қабул ўзи нима дегани? Рўйхатдан ўтаётганда қайси бирини танлаш керак?

ДТМ буни қуйидагича изоҳламоқда:

👉 Мақсадли қабулни танламаган абитуриентга мазкур таълим йўналиши бўйича фақат умумий танловда иштирок этиш ҳуқуқи берилади.

👉 Мақсадли қабулни танлаган абитуриентга эса мазкур таълим йўналишида умумий танловда ҳам иштирок этиш ҳуқуқи берилади.

Мақсадли қабул квоталари:
Тиббиёт
Халқ таълими
Ветеринария

Сафимизга қўшилинг:
👉 @davlattestmarkazi 👈

⚡​​​​Хушхабар! Академик лицей ўқувчилари кимё бўйича 54-халқаро Менделеев олимпиадасида муваффақият қозонди

2020 йил 13-18 июль кунлари 27 та давлат ўқувчилари ва талабалари ўртасида кимё фанидан 54-халқаро Менделеев олимпиадаси масофавий шаклда ўтказилди, дея Олий ва ўрта махсус таълим вазирлиги хабар бермоқда.

Австрия, Хитой, Туркия, Россия, Саудия Арабистони ва бошқа мамлакатлар жамоалари билан бирга юртимиз академик лицей ва мактаб ўқувчиларидан иборат Ўзбекистон жамоаси ҳам иштирок этди.

Иккита назария турда ўтказилган 54-халқаро Менделеев олимпиадасида ўзбекистонлик ёшлар муносиб қатнашиб, ғолиблар қаторидан ўрин олди.

Жумладан, Тошкент педиатрия тиббиёт институти қошидаги академик лицейи ўқувчиси Мирумид Миракбаров халқаро олимпиадада ғалаба қозониб, шу кунга қадар кимё фанидан юртимиз жамоаси қўлга киритган медаллар қаторига 10-олтин медални олиб келди.

Қолаверса, ушбу лицей ўқувчилари Дилшодахон Исаева, Рустам Тўхтабоев ва ТДАУ академик лицей ўқувчиси Собиржон Омоновлар бронза медални қўлга киритишди.

Лицей ўқувчиларига омад тилаймиз. Низомга мувофиқ, ушбу ғолиблар кимё фанидан максимал балл берувчи имтиёз эгаси бўлишади.

Сафимизга қўшилинг:
👉 @davlattestmarkazi 👈

Карантин 31 августгача узайдими?

Ижтимоий тармоқларда «Карантин 31 августгача узайтирилди» деган ёзув акс этган телевизион лавҳа сурати тарқалмоқда. Ва одамлар буни Ўзбекистонда деб ўйлашяпти.

Аммо ундай эмас. Бу ёзув Озарбайжон ҳақидаги репортаждан олинган ва бу хабарнинг Ўзбекистонга алоқаси йўқ.

Ҳозирча мамлакатимизда карантин узайтирилиш бўйича ҳеч қанақа гап-сўз йўқ, дея блоггер Хушнудбек Худойбердиев ёзмоқда.

Каналга уланиш:
👉 @davlattestmarkazi 👈

⚡️Айтишларича, УзЭкспомарказ кўргазма зали госпиталга айлантирилмоқда (kun.uz)

Маълумот учун эслатиб ўтамиз, УзЭкспомарказ павилионларида ДТМ кириш тест синовлари ўтказиладиган 7 та биноси мавжуд эди.

Фото: Эхо Узбекистана

Батафсил маълумот:
👉 @davlattestmarkazi 👈

📈 1.3 млн нафардан ошиб кетди!

19-июл 18:00 ҳолатига кўра, жами рўйхатдан ўтган абитуриентлар сони 1 323 384 нафар бўлиб, шундан, жорий йил битирувчилари 510 572 нафар (38,58 %).

✅ Таълим шакли бўйича:

👉 Кундузги таълим шакли – 733 951 нафар;
👉 Сиртқи таълим шакли – 558 124 нафар;
👉 Кечки таълим шакли – 31 309 нафар.

✅ Aбитуриентлар томонидан энг кўп танланаётган ОТМлар:

👉 Самарқанд давлат университети – 67 405 нафар;
👉 Aндижон давлат университети – 52 300 нафар;
👉 Қарши давлат университети – 51 733 нафар;
👉 Термиз давлат университети - 46 251 нафар;
👉 Наманган давлат университети – 46 223 нафар.

Қайси йўналишга неча нафар абитуриент рўйхатдан ўтганини @Oliygohbot орқали онлайн кузатиш имкони мавжуд!

Батафсил маълумот:
👉 @davlattestmarkazi 👈