​​#Грант

Германия университетларида таҳсил олиш учун грантлар

Германиянинг Конрад-Aденауер-Стифтунг жамғармаси немис университетларида таҳсил олиш ва илмий тадқиқотлар олиб бориш учун чет эллик талабаларга стипендиялар дастурини тақдим этмоқда.

Хорижлик талабалар учун мўлжалланган стипендия дастури магистратура, докторантура ёки Германия университетида илмий-тадқиқот ишини якунлашга татбиқ этилади.

Дедлайн: 2020 йил 15 июл

Батафсил: @uzbbenelux

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

​​#ОТМ_янгиликлари

ҚарДУда энг яхши мақола ёзган талабалар тақдирланди

Қарши давлат университети “Талаба-ёшлар маънавиятини юксалтиришда илм-маърифатнинг ўрни" мавзусида онлайн мулоқот тарзида I-талаба-ёшлар конференцияси бўлиб ўтди.

ZOOM дастури орқали ташкил этилган онлайн конференцияда университети раҳбарияти, профессор-ўқитувчилар ва 200 нафарга яқин талабалар иштирок этди.

Давлатимиз раҳбарининг 2020 йил 24 январда Парламентга йўллаган Мурожаатномасини талаба-ёшлар ўртасида чуқурроқ ўрганишга қаратилган бўлиб, шу мақсадда университет талабалари ўртасида онлайн мақолалар танлови эълон қилинди.

Онлайн конференцияда талабалар томонидан янги ғоялар, қизиқарли ташаббуслар илгари сурилди. Ёшларнинг иқтидори ҳамда интеллектуал салоҳиятини юзага чиқаришга қаратилган онлайн танлов ва лойиҳаларни мунтазам ташкил этиб бориш каби таклифлар қўллаб-қувватланди.

Конференция якунида танловга юборилган 100 дан зиёд мақолалар орасидан ҳакамлар томонидан энг яхши деб топилган мақолалар аниқланиб, муаллифлар пул мукофоти ва сертификат билан тақдирланди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

Янгиликлар 24 | Тошкент ахборот технологиялари университети профессор-ўқитувчилари томонидан нутқ нуқсонларини бартараф этишда ёрдам берувчи дастур ишлаб чиқилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Қабул2020

Абитуриентларда учта таълим йўналишини танлаш имконияти сақланади

Куни кеча Ўзбекистон Республикаси Бош вазири ўринбосари Бехзод Мусаев раҳбарлигида 2020/2021 ўқув йили қабул жараёнини ташкил этиш юзасидан долзарб вазифаларга бағишланган брифинг бўлиб ўтди.

Унда Олий ва ўрта махсус таълим вазири И.Маджидов, Халқ таълими вазири Ш.Шерматов, Давлат тест маркази директори М.Каримов ва бошқа масъуллар иштирок этди.

Брифингда янги ўқув йилига қабул жараёнларини ташкил этиш ва тест синовларини ўтказишга оид барча саволларга аниқлик киритилди.

Жумладан, 2020/2021 ўқув йилида абитуриентлар учун тест блокидаги фанлар таркиби ва кетма-кетлиги бир хил бўлган 3 та таълим йўналишини танлаш имконияти сақланиб қолинади.

Алоҳида иқтидор талаб этиладиган ҳамда кириш имтиҳонлари таркибида касбий (ижодий) имтиҳон мавжуд таълим йўналишларига киришда абитуриентлар фақатгина битта таълим йўналишида танловда иштирок этиши мумкин бўлади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Қонунчилик_янгиликлари

Халқаро ислом академиясининг бакалавриатига ўқишга қабул қилиш тартиби белгиланди

Ўзбекистон Республикаси Вазирлар Маҳкамасининг 2020 йил 5 июнда "Ўзбекистон халқаро ислом академиясига ўқишга қабул қилиш тартибини янада такомиллаштириш чора-тадбирлари тўғрисида" 358-сонли қарори қабул қилинди.

✅ Қарор билан Ўзбекистон халқаро ислом академиясининг бакалавриатига қабул қилиш тартиби тўғрисидаги низом тасдиқланди. Унга кўра,

👉 2020/2021 ўқув йилидан бошлаб Академиянинг бакалавриатига ўқишга кириш учун ҳужжат топширган абитуриентлар учун дастлабки имтиҳондан ўтиш тартиби жорий этилади;

👉 дастлабки имтиҳон натижаларига кўра абитуриентларни кириш имтиҳонларининг кейинги босқичларига (касбий (ижодий) имтиҳон ва тест синовлари) ўтказиш ёки ўтказишни рад этиш тўғрисида тегишли қарор қабул қилинади;

👉 дастлабки имтиҳон ҳар йили Академиянинг қабул комиссияси белгилайдиган муддатларда ўтказилади;

👉 имтиҳонни ўтказиш жадвали имтиҳондан камида 10 кун аввал Академиянинг расмий веб-сайтида жойлаштирилади;

👉 ҳужжатларни қабул қилиш, абитуриентлар билан суҳбатлашиш, дастлабки имтиҳонни топшириш жараёни видео ва аудио воситалар ёрдамида ёзиб олинади;

👉 дастлабки имтиҳон ёзма шаклда ўтказилади. Имтиҳон учун ажратилган вақт, шу жумладан ташкилий қисм ва ишларни топшириш вақти 3 соатни ташкил этади;

👉 дастлабки имтиҳонни қайта ўтказишга йўл қўйилмайди;

👉 имтиҳон ўтказилгандан кейин 2 кун давомида натижалари эълон қилинади.

Академияга қабул давлат гранти ҳамда тўлов-контракт асосидаги қабул параметрлари асосида амалга оширилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Президент

Жанубий Корея олий таълим тажрибаси ўрганиб чиқилади

Президент Шавкат Мирзиёев Фарғона шаҳридаги Ўзбекистон-Корея халқаро университетида бўлди.

Мазкур таълим муассасаси Ўзбекистон Республикаси Вазирлар Маҳкамасининг 2019 йил 23 августдаги қарорига мувофиқ ташкил этилган. Бу ерда ўқитиш тўлов-контракт асосида илғор ўқув режалари ва дастурлари бўйича ўзбек, корейс ва инглиз тилларида олиб борилади.

Университет 4000 талабани қабул қилиш имкониятига эга. Тугаётган ўқув йилида биринчи курсда 720 нафар йигит-қиз таълим олди. Корея Республикасидан 11 нафар тажрибали педагог жалб қилинган бўлиб, келгусида 43 нафарга етади.

Шавкат Мирзиёев университет ректори Пак Жун Ху ва кореялик ўқитувчилар билан суҳбатлашди. Ўқув дастури ва мазмуни, ёшларнинг фанларни ўзлаштириши билан қизиқди.

Муассасада гуманитар ҳамда техник-муҳандислик йўналишларида таълим берилади. Хусусан, туризм менежменти, мактабгача таълим, менежмент ва компьютерлаштирилган бухгалтерия ҳисоби, корейс тили ва адабиёти фанлари ўқитилади.

Шунингдек, машинасозлик муҳандислиги, келажак автомобилсозлиги инжиниринги, электротехника ва электроника муҳандислиги, архитектура муҳандислиги, компьютер муҳандислиги, энергетика ва кимё муҳандислиги бўйича малакали мутахассислар тайёрланади.

Мутасаддиларга Жанубий Корея университетларидаги ўқув дастурлари ва соатларини ўрганиб, мамлакатимиз олий таълим тизимини қайта кўриб чиқиш, талабаларни амалиётга максимал йўналтириш бўйича кўрсатмалар берилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

📹 Иномжон МАЖИДОВ: Кореяликларнинг таълим технологиялари ва педагогик ёндашувларини ўрганиб чиқамиз

Бугун, 7 июнь куни Халқаро пресс-клубнинг Фарғонада бўлиб ўтган сессиясида Олий ва ўрта махсус таълим вазири Иномжон Мажидов иштирок этди ва ОАВ вакилларининг саволларига батафсил жавоб берди.

Вазир олий таълим муассасаларининг биринчи курсидан бошлаб талабаларга мутахассислик фанларидан амалий билимларни беришга эътибор кучайтирилишини таъкидлаб ўтди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

📹 Вазир: ўқиш даврийлигини белгилашда соҳага қараб дифференциаллашган ҳолда ёндашилади

Бугун, 7 июнь куни Халқаро пресс-клубнинг Фарғонада бўлиб ўтган сессиясида Олий ва ўрта махсус таълим вазири Иномжон МАЖИДОВ иштирок этди ва журналистларнинг саволларига батафсил жавоб берди.

- Узлуксиз таълим босқичлари ўртасида ўзаро узвийликни таъминлаш орқали айрим фанлар ва мавзулар такрорланишининг олдини олишда муҳим қадам ташланади, - деди вазир.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

​​#ОТМ_янгиликлари

Тошкент давлат стоматология институти битирувчилар билан онлайн хайрлашди

Тошкент давлат стоматология институтида бу йилги магистратура битирувчиларини тантанали қутлаш маросими онлайн тарзда бўлиб ўтди.

Жорий ўқув йилида институтнинг магистратура босқичини 6 та мутахассислик бўйича 34 нафар йигит-қизлар тамомлади.

Битирувчилар орасида Ибн Сино стипендияси ғолиби, стартап лойиҳалар совриндорлари, хорижий ва республика миқёсида ўтказилган танлов ғолиблари, рационализаторлик таклифлар ва патентлар ҳаммуалифлари бор.

Шунингдек, Франция, Германия, Жанубий Корея, Россиянинг етакчи олийгоҳларида ўз билим ва малакаларини ошириб қайтган магистрлар ҳам мавжуд.

Институт мавқеини кўтаришга ўз ҳиссасини қўшган, ўқишда ва жамоат ишларида фаол иштирок этган 3 нафар битирувчининг ота-онасига институт жамоаси номидан “Ташаккурнома” тақдим этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Масофавий_таълим

Монтеррей технология университети бепул онлайн курс: музокаралар ўтказиш ва самарали суҳбат қуриш кўникмалари

Лотин Aмерикасидаги нуфузли нодавлат университетларидан бири Монтеррей технология университети томонидан музокаралар ўтказиш ва самарали суҳбат қуриш кўникмалари бўйича бепул онлайн курс ўтказилмоқда.

Курсда замонавий музокаралар ўтказиш кўникмаларини ривожлантиришдаги сўнгги эришилган ютуқлар, оддий, аммо фаол таълим механизмларини қўллаган ҳолда муҳокама қилинади.

Батафсил: @uzbbenelux

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

Янгиликлар 24| Тошкент давлат техника университетида Абдулла Қодирий ҳаёти, ижодий мероси ва фаолиятини талабалар ўртасида тарғиб қилиш ишлари олиб борилмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

​​#ОТМ_янгиликлари

АДУ ўқитувчиси Хитойда докторлик диссертациясини муваффақиятли ҳимоя қилди

Андижон давлат университети Ахборот технологиялари кафедраси ўқитувичси Аҳмадалиев Дониёрбек Хитой Халқ Республикасининг Northeast Normal Universityда профессор Chen Xiaohui раҳбарлигида ўзининг фалсафа доктори диссертациясини муваффақиятли ҳимоя қилди.

Дониёрбек Аҳмадалиев “Research on Adaptive Content Delivering in Learning Management Systems: Focusing on User Preferences and Knowledge Level” (Таълимни бошқариш тизимларида мослашувчан контентни етказиб бериш бўйича тадқиқотлар: фойдаланувчи учун афзалликлар ва билим даражасига эътибор қаратиш) мавзусида тадқиқот олиб борди.

Ҳимоя карантин сабаб онлайн тарзда ўтказилиб, унда докторант ўзининг уч йиллик тадқиқот натижаларини эълон қилган. Муҳокамалардан сўнг, иш белгиланган талабларга тўла жавоб бериши эътироф этилиб, юз фоизлик натижа билан информатика фанлари ва технологияларини ўқитиш ихтисослиги бўйича фалсафа доктори илмий даражасига лойиқ деб топилди.

Д.Аҳмадалиев 2016 йил сентябрда Олий ва ўрта махсус таълим вазирлигининг тегишли буйруғи билан Хитойга PhD дастурида ўқишга юборилган.

Northeast Normal Universityнинг Компьютер фанлари ва ахборот технологиялари мактабида информатика фанлари ва технологияларини ўқитиш ихтисослиги бўйича илмий раҳбари профессор Chen Xiaohui раҳбарлигида тадқиқот ишларини олиб борди.

Ушбу PhD дастури бўйича барча харажатлар Хитой стипендиялар кенгаши томонидан тўлиқ молиялаштирилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Қабул2020

Касбий (ижодий) имтиҳонлар дастурлари ва баҳолаш мезонлари соддалаштирилади

Иномжон МАЖИДОВ, Олий ва ўрта махсус таълим вазири:

Касбий (ижодий) имтиҳонлар карантин, санитария-гигиена талабларига қатъий риоя этилган ҳолда:

👉 тест синовлари билан бир қаторда касбий (ижодий) имтиҳон ўтказиладиган таълим йўналишлари учун 11 июлдан 20 июлгача;

👉 алоҳида иқтидор талаб этиладиган таълим йўналишлари учун 25 июлдан 10 августгача ўтказилади.

❗️Карантин чекловлари давом этган тақдирда касбий (ижодий) имтиҳонларни ўтказиш муддатларига ўзгартириш киритилиши мумкин.

✅Касбий (ижодий) имтиҳонлар дастурлари ва баҳолаш мезонлари соддалаштирилган тарзда тузилади. Бунда:

👉 бир абитуриентга имтиҳонда бир соатдан ортиқ вақт сарфламаслик;

👉 абитуриентнинг олий таълим муассасасига бир марта келиб кетишини таъминлаш инобатга олинади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Қонунчилик_янгиликлари

Геология фанлари университети ташкил этилди

Ўзбекистон Республикаси Президентининг “Давлат геология ва минерал ресурслар қўмитаси тизимида Геология фанлари университети фаолиятини ташкил этиш чора-тадбирлари тўғрисида”ги қарори эълон қилинди.

Президент қарори билан геология соҳасида юқори малакали ва замонавий фикрловчи олий маълумотли кадрларни тайёрловчи Геология фанлари университети ташкил этилди.

Университет Давлат геология қўмитаси, тоғ-кон саноати корхоналари ва иқтисодиётнинг бошқа тармоқлари учун геология йўналишидаги малакали кадрлар тайёрлаш ҳамда илмий-тадқиқот ишларини бажариш бўйича республиканинг ихтисослашган олий таълим ва илмий-тадқиқот муассасаси ҳисобланади.

Ҳ.М.Абдуллаев номидаги Геология ва геофизика институти, Минерал ресурслар институти, Гидрогеология ва муҳандислик геологияси институти, Нефть-газ конлари геологияси ва қидируви институти, Геология соҳаси кадрлари малакасини ошириш ва қайта тайёрлаш институти ҳамда Давлат геология музейи Университет таркибига киради.

Университетга талабалар ҳар йили тасдиқланадиган республика олий таълим муассасаларига ўқишга қабул қилиш параметрларидан келиб чиққан ҳолда давлат буюртмаси ҳамда тўлов-контракт асосида қабул қилинади.

Университетда талабалар Ўзбекистон Республикасининг давлат таълим стандартлари асосида геология ва кончилик йўналишидаги етакчи хорижий олий таълим муассасалари, шу жумладан, Санкт-Петербург кончилик университетининг қўшма таълим дастурлари бўйича, улар билан эришиладиган келишувларга мувофиқ ўқитилади.

2020 йил 1 сентябрга қадар Давлат геология қўмитаси, Олий ва ўрта махсус таълим вазирлиги ҳамда Вазирлар Маҳкамаси ҳузуридаги Давлат тест маркази билан биргаликда 2020/2021 ўқув йили учун Университетга талабаларни қабул қилиш жараёни талабга мувофиқ ўтказилади.

Университет ҳузурида етакчи геология ва кончилик йўналишидаги хорижий олий таълим муассасаларининг, шу жумладан, Санкт-Петербург кончилик университетининг махсус умумтаълим ва базавий техник фанларини ўқитишга ихтисослашган Бошланғич муҳандислик тайёрлаш марказини ташкил этилади.

Университет 2020-2021 ўқув йилида И.Каримов номидаги Тошкент давлат техника университети биносига текин фойдаланиш ҳуқуқи асосида жойлаштирилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

​​#Президент

Талабаларнинг дастурий таъминот бўйича малакасини ошириш вазифаси белгиланди

Ўзбекистон Республикаси Президенти Шавкат Мирзиёев ҳузурида 8 июнь куни ахборот технологиялари ва рақамли иқтисодиётни ривожлантириш борасидаги ислоҳотлар ижроси бўйича тақдимот ўтказилди.

Йиғилишда жорий йил якунига қадар 100 мингта ва 2021 йилнинг биринчи ярмида яна 150 мингта ўқувчини ўқитиш, талабаларнинг дастурий таъминот бўйича малакасини ошириш вазифаси белгиланди.

Бугунги кунда рақамли иқтисодиёт, “Электрон ҳукумат” хизматларига талаб кундан-кунга ошиб бормоқда. Лекин ҳозирда 780 тур давлат хизматидан бор-йўғи 185 тасидан “электрон портал” орқали фойдаланиш имкони мавжуд.

Аксарият ташкилотларда иш жараёнини рақамлаштириш фақат ҳужжат алмашинувини электронлаштириш билан чекланиб қолмоқда.

Шу боис “Электрон ўқитиш дастури” орқали ўқиб, диплом олган дастурчиларни давлат ва хўжалик муассасаларига IT мутахассис сифатида ишга олиш зарурлиги таъкидланди.

Барча ҳудудларда рақамли технологиялар бўйича камида 100 та ўқув маркази очиш вазифаси қўйилди. Бу даргоҳларда дастурлаш асослари, электрон савдо ва графикли дизайн каби йўналишлар бўйича қисқа муддатли ўқув курслари ташкил этилади.

Жорий йил якунига қадар Гулистон, Бухоро, Наманган, Нукус, Самарқанд, Урганч ва Жиззах шаҳарларида IT паркнинг филиаллари ташкил этиш режалаштирилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

#Қонунчилик_янгиликлари

И.М. Губкин номидаги университетнинг Тошкент филиалига қабул квоталари тасдиқланди

Ўзбекистон Республикаси Вазирлар Маҳкамасининг "2020/2021 ўқув йили учун И.М. Губкин номидаги Россия давлат нефть ва газ университетининг Тошкент шаҳридаги филиалига қабул тўғрисида"ги ВМ-363-сонли қарори қабул қилинди. (08.06.2020 й.)

Қарор билан 2020/2021 ўқув йили учун И.М. Губкин номидаги Россия давлат нефть ва газ университетининг Тошкент шаҳридаги филиалига талабаларнинг қабул квотаси белгиланди.

✅ Унга кўра жами 345 ўрин қабул квотаси ажратилди:

👉 225 та – кундузги таълим шакли бўйича;

👉 120 та – кечки таълим шакли бўйича.

Филиалга қабул кундузги таълим шакли йўналишлари бўйича 40 фоизи – давлат гранти, 60 фоизи – тўлов-контракт, кечки таълим йўналишлари бўйича эса тўлиқ тўлов-контракт асосида амалга оширилади.

Университетнинг Қашқадарё вилоятидаги ҳудудий тайёрлов бўлинмаси битирувчиларини Филиалга мақсадли қабул қилиш, тайёрлов бўлинмаси битирувчилари ўртасида ўтказиладиган алоҳида танлов натижалари бўйича амалга оширилади.

Танловдан ўтмаган тайёрлов бўлинмаси битирувчилари Филиалга кириш учун умумий талаблар асосида имтиҳон топшириш ҳуқуқига эга.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg

​​#Ахборот_хати

Саид Аҳмад таваллудининг 100 йиллигига бағишланган онлайн конференция

2020 йилнинг 10 июнь куни Муҳаммад ал-Хоразмий номидаги Тошкент ахборот технологиялари университети ташаббуси билан Ўзбекистон халқ ёзувчиси, Ўзбекистон Қаҳрамони Саид Аҳмад таваллудининг 100 йиллигига бағишланган онлайн конференция ўтказилади.

Унда Ўзбекистон ёзувчилар уюшмаси аъзолари, адиблар, адабиётшунос олимлар, адибнинг шогирдлари ва замондошлари, кенг жамоатчилик вакиллари ҳамда Саид Аҳмаднинг оиласи ва фарзандлари иштирок этиши кўзда тутилган.

Конференцияда оммавий ахборот воситалари, ёш ижодкорлар ва адабиёт мухлислари иштирок этиши мумкин.

- Ўтказиш санаси: 10 июнь соат 11:00-13:00
- Онлайн-форум платформаси: ZOOM.
- Боғланиш учун: +99897-745-12-21, +99893-500-59-55
- Идентификатор: 86048163441
- Пароль: 898528

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Auoam-U-_mjXg