Edu.uz
✔
144K subscribers
40.4K photos
7.75K videos
311 files
18.5K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
Oʻzbekiston–Turkiya hamkorligida oila institutini mustahkamlashga bagʻishlangan xalqaro konferensiya boʻlib oʻtdi

Turkiya Respublikasi Oila va ijtimoiy xizmatlar vazirligi, Oʻzbekiston Respublikasi Oliy taʼlim, fan va innovatsiyalar vazirligi, Oʻzbekiston Oila va xotin-qizlar qoʻmitasi, Oʻzbekiston Xotin-qizlar huquqlarini himoya qilish jamiyati hamda Turkiya Ayollar va demokratiya jamgʻarmasi (KADEM) hamkorligida "1-Xalqaro Oilani mustahkamlash konferensiyasi" tashkil etildi.

Mazkur xalqaro anjumanda Turkiya Ayollar va demokratiya jamgʻarmasi (KADEM) boshqaruv kengashi raisi Sumeye Erdogʻan Bayraktar, Turkiya Respublikasi Oila va ijtimoiy xizmatlar vaziri Mahinur Ozdemir Goktash, Buxoro davlat texnika universiteti rektori Sadoqat Siddiqova hamda sohaning boshqa masʼul vakillari ishtirok etdilar.

Konferensiya doirasida oila institutini mustahkamlash, xotin-qizlarning jamiyatdagi oʻrnini yanada yuksaltirish, mazkur yoʻnalishda ilmiy tadqiqotlar va innovatsion yondashuvlarni qoʻllab-quvvatlash masalalari muhokama qilindi. Chiqishlarda oila barqarorligini taʼminlashda taʼlim va ilmiy asoslangan yondashuvlarning ahamiyati alohida qayd etildi.


Tadbir doirasida Ikkinchi "Yil ayoli" dasturi boʻyicha Buxoro davlat texnika universiteti rektori Sadoqat Siddiqova hamda Oliy taʼlim, fan va innovatsiyalar vazirligi huzuridagi Talaba va oʻquvchilarning ijtimoiy faolligini oshirish markazi boʻlim boshligʻi Muhabbat Mirsoliyeva "Yil ayoli" mukofoti bilan taqdirlandilar.

Bizni kuzating

Facebook | Instagram | YouTube | Telegram
👍21❤16🔥1
“Strategiyalash konsepsiyasi” kitobining taqdimoti o‘tkazildi

Mirzo Ulug‘bek nomidagi O‘zbekiston Milliy universitetida Rossiya Fanlar akademiyasining xorijiy a’zosi, akademik, iqtisodiyot fanlari doktori, professor Vladimir Lvovich Kvintning ikki jildli “Strategiyalash konsepsiyasi” kitobining taqdimoti hamda universitet huzuridagi Strategiya markazining ochilish marosimi bo‘lib o‘tdi.

Tadbirni universitet rektori Inom Madjidov kirish so‘zi bilan ochib berdi. U o‘z nutqida mazkur anjuman zamonaviy strategiyalash nazariyasi va metodologiyasining asoschisi, dunyo miqyosida tan olingan yirik olim Vladimir Kvintning ilmiy merosini keng jamoatchilikka taqdim etishga bag‘ishlanganini ta’kidladi.

Nashr korporativ, davlat, mahalliy va harbiy boshqaruv sohalari rahbarlari, strategiyalash bo‘yicha nazariyachi va amaliyotchilar, shuningdek, professor-o‘qituvchilar va talabalar uchun mo‘ljallangan.

Batafsil: nuu.uz

Bizni kuzating

Facebook | Instagram | YouTube | Telegram
❤13👍4