Edu.uz
✔
144K subscribers
40.4K photos
7.74K videos
311 files
18.5K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
#jamoatchilik_muhokamasi #loyiha

“Oliy ta’lim tashkiloti laboranti” kasbiy standarti loyihasi vazirlik rasmiy veb-saytiga muhokama uchun joylandi


Mazkur hujjat Oliy taʼlim, fan va innovatsiyalar vazirligi tomonidan oliy taʼlim tashkilotlarida laboratoriya faoliyatini amalga oshiruvchi laborantlarning kasbiy faoliyatini tartibga solish, ularning bilim, koʻnikma va kompetensiyalariga qoʻyiladigan yagona talablarni belgilash maqsadida ishlab chiqildi.

Kasbiy standart loyihasida:

– laborantlarning mehnat funksiyalari va vazifalari;
– zarur bilim va ko‘nikmalar;
– xavfsizlik va sifat talablari;
– kasbiy faoliyatni baholash mezonlari aniqlashtirilgan.

Ushbu kasbiy standartni joriy etish natijasida laboratoriya faoliyati standartlashtiriladi, ta’lim va ilmiy tadqiqotlar sifati yaxshilanadi hamda mehnat bozori talablariga mos kadrlar tayyorlash imkoniyati kengayadi.

Fuqarolar loyiha muhokamasida o‘z fikr va mulohazalarini 2026-yil 12-mayga qadar (shu kuni ham) bildirishlari mumkin.

Loyiha matni 👉🏻bu yerda

Takliflaringizni Edu.uz orqali qoldiring.

Loyihani 📄 yuklab olish.

Bizni kuzating

Facebook | Instagram | YouTube | Telegram
Please open Telegram to view this post
VIEW IN TELEGRAM
❤5👍3
Media is too big
VIEW IN TELEGRAM
Prezident Shavkat Mirziyoyev Fargʻona viloyatini ijtimoiy-iqtisodiy rivojlantirish masalalari yuzasidan yigʻilish oʻtkazdi.

Unda soʻnggi yillarda viloyatda amalga oshirilgan keng koʻlamli islohotlar natijasida iqtisodiy koʻrsatkichlar sezilarli darajada oshgani taʼkidlandi.

Oxirgi oʻn yilda viloyatda 74 ming oʻrinli maktab, 145 ming oʻrinli bogʻcha va 3 ming koykali shifoxonalar ishga tushirildi. 167 ta xususiy maktab tashkil etilib, ularda 40 mingdan ortiq oʻquvchi taʼlim olmoqda.

Taʼlim sifati oshgani natijasida yoshlarning oliy taʼlim muassasalariga kirish koʻrsatkichi boʻyicha Fargʻona respublikada 3-oʻringa koʻtarildi.

Soʻnggi yillarda Fargʻonada IT xizmatlari 4 karra oʻsib, eksport 23 million dollardan oshdi.

Yangi oʻquv yilidan Quva tajribasi asosida yana 16 ta tumanda texnikumlar negizida dasturlash, robototexnika, grafik dizayn va xorijiy tillar boʻyicha kadrlar tayyorlash yoʻlga qoʻyiladi.

Fargʻona shahrida IT-Park universiteti, Margʻilonda INHA universitetining filialini ochib, sunʼiy intellekt, kiberxavfsizlik va dasturiy muhandislik yoʻnalishlarida yiliga 1 ming nafar talabani oʻqitish belgilandi.

“Besh million sunʼiy intellekt yetakchisi” dasturi boʻyicha sertifikat olgan yoshlarning eng koʻpi Fargʻona viloyatiga toʻgʻri keladi.

Qoʻqon adabiy muhiti antologiyasi va elektron platformasini yaratish, Adabiyot va ijod maktabini tashkil etish taklif qilindi.

Yoshlar oʻrtasida kitobxonlikni ommalashtirish maqsadida viloyatdagi 100 ta mahallada namunaviy mahalla kutubxonalari tashkil etiladi, buk-kafe ochgan tadbirkorlarga soliq va ijara toʻlovlari boʻyicha imtiyozlar beriladi.

“Burhoniddin Margʻinoniy” ilmiy-maʼrifiy va turizm majmuasida har ikki yilda Xalqaro kitobxonlik festivalini oʻtkazish, unga dunyoning mashhur yozuvchi va shoirlarini taklif qilish tashabbusi ilgari surildi.

Yigʻilishda yoshlarni zamonaviy bilim va kasblarga oʻrgatish, taʼlim tizimini raqamlashtirish hamda innovatsion yondashuvlarni keng joriy etish boʻyicha ustuvor vazifalar belgilandi.

#Prezident #Fargʻona #yigʻilish

Bizni kuzating

Facebook | Instagram | YouTube | Telegram
❤11👍1
Jizzax viloyatida energiya samaradorligini oshirish bo‘yicha o‘rganishlar olib borilmoqda

Jizzax politexnika instituti 3–4-bosqich talabalari joriy yilning 20-aprelidan 30-mayiga qadar 6 haftalik dual ta’lim jarayoniga jalb etildi. Ularga professor-o‘qituvchilar hamda “Hududiy elektr tarmoqlari” AJning Jizzax hududiy filiali malakali mutaxassislari biriktirilib, hududlarda energiya samaradorligini oshirish bo‘yicha aniq vazifalar yuklatildi.

O‘rganishlar davomida podstansiyalar, transformatorlar, elektr tarmoqlari hamda ishlab chiqarish korxonalarining texnologik jarayonlari va energiya uskunalarida energiya resurslarini tejash, yo‘qotishlarni kamaytirish bo‘yicha ilmiy-texnik tadqiqotlar amalga oshirilmoqda.

Shu bilan birga, talabalar o‘z nazariy bilimlarini amaliyotda qo‘llash imkoniyatiga ega bo‘lib, bu ularning kasbiy ko‘nikmalarini yanada mustahkamlashga xizmat qilmoqda.

Batafsil: https://jizpi.uz/uz/yangiliklar/591/

👉 На русском
👉 In English

Bizni kuzating

Facebook | Instagram | YouTube | Telegram
❤7👍5🤩1
#jamoatchilik_muhokamasi #loyiha

“Oliy taʼlim tashkiloti psixologi” kasbiy standarti loyihasi vazirlik saytiga muhokama uchun joylandi


Mazkur hujjat Oliy taʼlim, fan va innovatsiyalar vazirligi tomonidan oliy taʼlim tizimida psixologik xizmatni zamonaviy talablar asosida tashkil etish, uning sifatini oshirish hamda psixologlarning kasbiy faoliyatini yagona tizimga solish maqsadida ishlab chiqildi.

Kasbiy standart loyihasida:

– maxfiy maʼlumotlar bilan ishlash masʼuliyati.
– kadrlarni baholash va attestatsiya qilish;
– malaka oshirish tizimi;
– psixologik xizmat markazlari;
– talabalarga maslahat berish tizimi aniqlashtirilgan.

Umuman olganda, mazkur kasbiy standartni joriy etish oliy taʼlim tizimida psixologik xizmatni rivojlantirish, talabalarning ruhiy salomatligini mustahkamlash va taʼlim sifatini oshirishga xizmat qiluvchi muhim omil boʻlib xizmat qiladi.

Fuqarolar loyiha muhokamasida o‘z fikr va mulohazalarini 2026-yil 12-mayga qadar (shu kuni ham) bildirishlari mumkin.

Loyiha matni 👉🏻bu yerda

Takliflaringizni Edu.uz orqali qoldiring.

Loyihani 📄 yuklab olish.

Bizni kuzating

Facebook | Instagram | YouTube | Telegram
Please open Telegram to view this post
VIEW IN TELEGRAM
❤6
#Kelajak_muhandislari
#ochilish

“Kelajak muhandislari” xalqaro festivaliga ramziy start berildi

Bugun Toshkent shahridagi “Alpomish” muz saroyida nufuzli xorijiy mehmonlar, xalqaro ekspertlar hamda soha mutaxassislari ishtirokida “Kelajak muhandislari” xalqaro festivaliga start berildi.

Shuningdek, “Kelajak muhandislari” ilmiy konsorsiumini tashkil etilishi tantanali e’lon qilindi. Bu O‘zbekiston, Rossiya, Qozog‘iston, Tojikiston va Qirg‘izistonning yetakchi texnika oliy ta’lim tashkilotlari o‘rtasida hamkorlik aloqalarini yanada mustahkamlashga qaratilgan muhim qadamdir.

👉 На русском
👉 In English

Bizni kuzating

Facebook | Instagram | YouTube | Telegram
👍8❤4