#Talaba_minbari

Илм учун қачон бирлашамиз?!

Ўзим талабаман. Контрактда ўқийман. Қарорни менга нимаси ёқди? Ойма-ой бўлиб тўлаш деган жойи ёқди. Сабаби, агар шу қарор кучга кирса, ота-оналарга ҳам анча енгиллик бўлар эди. Кеча телергамимга келган қизиқ бир “федбек”ни айтаман. Бир талаба агар стипендия берилмаса, биз қандай еб-ичамиз, қандай кийинамиз, деб ёзибди. Зўр! Сиз маза қилиб еб-ичинг. Кийининг! Ота-онангиз емай, ичмай, кийинмай сизга контракт тўласин! Мантиқ борми?

Қарорни нимаси менга маъқул эмас - бир хил стипендия. Аммо “лекин” дейиладиган жойи ҳам бор. Яхши ўқийдиганларга алоҳида фонддан пул ажратилар экан. Бу яхши. Сабаби, “5”га ёпадиган талабалар сони шундоғам кўп эмас. “3”га ёпадиганлар сони умумий талабалар сонини 70%ига яқин экан. Бундан ташқари давлат стипендиялари (Беруний, Президент, Навоий...) ўз кучида қолади. Уни бюджет таъминлайди.

Таклифим – масалан, биринчи курсларга биринчи семестр учун “3”лик баҳоси учун стипендиясиз тўлов амал қилсин. Математик жиҳатидан ёндашсак, ўртача 11 млн. контракт тўлайдиган талабанинг ярим семестрининг контракт нархи 5.5 млн. бўлади. “3”лик стипендия нархи эса 6 ойга ўртача 360 мингдан ҳисобланса 2.1 сўм бўлади. 5.5 млн.дан ушбу суммани айирсак, ўртача 3.4 млн. қолади ва шу пулни ойма ой тўласа бўлади. Иккинчи семестрда эса, масалан, ўша талаба “5”га ёпса ўртача 750 мингдан ҳисобласа 6 ойга 4.5 млн. бўлади.

Қолган 1 млн. сўммани қолган 2-семестрда бўлиб тўлашади. Яхши томони талабалар “5”га ёпишга ҳаракат қилишади. Соддароқ қилиб айтганда, баҳо учун ўқиш давом эта бошлайди.

Аммо бу вариант ОТМларга умуман тўғри келмайди!?

Биринчидан, ҳар ой талабалардан контракт тўлашини сўраш, контрактни тўлатиш факультет деканлари учун катта муаммо пайдо қила бошлайди. “Ведимость”дан қолган талабаларда тушунмовчиликлар пайдо бўлади. Шунингдек, бир қанча бошқа қийинчиликларни пайдо қилади. Стипендияни қаердан оламиз? Контрактимизданми? Ойнинг бешинчисида бир ойлик контрактимизни тўласак, шу ойнинг бешинчисида стипендия ололамизми? Университет буни қоплай олмайди. Қурби етмайди. Бундан ташқари, бешга ёпишга бўлган “иштиёқ” коррупцияни янада кучайтира бошлайди.

Иккинчидан, университет бюджети “минус”га кетади. Таълим ҳам хизмат кўрсатишни бир тури. Очиқроқ айтганда бизнес. Бу эса ўз-ўзидан шундоғам яхши кадрларни жалб қила олмаётган ОТМлар учун кадрлар муаммосини келтириб чиқаради. Негаки, бюджетида маблағи кам бўлган олий ўқув юрти қандай қилиб юқори малакали кадрларни жалб қила олади? Ўз-ўзидан эса таълим сифати пасайишда давом этади.

Учинчидан. Стипендияни кўтариш, контрактни тушириш жуда “идеал” таклиф, аммо бу фақат вазирликдагиларнинг ихтиёрида бўлмаса керак. Бу юқорида айтиб ўтилганидек молиявий масалаларни қамраб олади. Шундоғам молиявий қийинчиликлар гирдобида турган республикадаги университет ва институтлар бундай қарорни қўллаб-қувватламаслиги табиий ҳол. Қўлласа ҳам, фақат супер-контрактдаги талабалардан “нажот” кутишни бошлашади.

Тўртинчидан, маълумотларга кўра, битта талабани ўқитишга кетадиган харажат ўртача 6 млн. сўмни ташкил этади. Энди ўша талабага яна “5”лик стипендия берса ўртача 9 млн. сўм бўлади. 6+9=15 млн. Қарангки, биз ўқишимиз учун тўлайдиган контракт суммамиз ўз-ўзидан 15 млн. сўмга чиқади. Яхшиямки, молия вазирлиги 15 млн. сўмлик контракт белгиламади (бу ўртача балки ошади, балки камаяди). Бу учун вазирликка раҳмат! Агар стипендия оширилса-ю, контракт ўзгармаса. Талабани ўқитишга кетадиган харажат ўртача 6 млн. сўмни ОТМ ўзини ҳисобидан тўлайдими? Қандай?

Фикримни тугатишдан олдин яна кечаги сўзларини такрорлайман: Билим ва таълим сифати ҳақида ҳам шундай баҳслашамизми? Талабалар, билим учун бирлашайлик! Баҳо учун эмас!

Албатта, булар ИМҲО

Ғулом Назаров,
ТАТУ 2-босқич магистранти

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​#Соҳа_ислоҳотлари

Тошкентда Марказий Осиёлик талабалар учун мўлжалланган университет ташкил этилади

Олий ва ўрта махсус вазирлиги Шинхан университети (Корея Республикаси) билан Тошкент шаҳрида университетнинг филиалини ташкил этиш бўйича келишувга эришди.

Келишувга кўра, 2020/2021 ўқув йилидан бошлаб Тошкент шаҳрида Шинхaн университети филиали иш бошлайди. Биринчи босқичда университетда қуйидаги таълим йўналишларида кадрлар тайёрлаш йўлга қўйилади:

👉 Ҳамширалик иши;
👉 Халқаро туризм менежменти;
👉 Янги тўқимачилик материаллари технологияси.

Тошкент шаҳридаги Шинхан университетида дастлаб ўзбекистонлик ёшлар таҳсил олади. Кейинчалик университетга қўшни давлатлар, хусусан Марказий Осиёлик ёшларни ҳам қабул қилиш чоралари кўрилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

ҚарДУ талабаси Осиёнинг янги рекордини ўрнатди

Буюк Британия пойтахти Лондон шаҳрида пара-сузиш бўйича навбатдаги жаҳон чемпионати бўлиб ўтмоқда.

Жорий йилнинг 15 сентябрь куни баҳсларда қатнашган Қарши давлат университети Жисмоний маданият факультети 4-курс талабаси Шоҳсанам Тошпўлатова аёллар ўртасида 100 метрга баттерфляй усулида сузиш баҳсларида финишга биринчи бўлиб етиб келди ва терма жамоа ҳисобига ушбу жаҳон чемпионатидаги илк олтин медални олиб берди.

Шоҳсанам 1 дақиқа, 3,89 сония натижа билан Осиёнинг янги рекордини ўрнатди. Шоҳсанам Тошпўлатова бунгача 100 метрга эркин усулда сузиш бўйича бронза медалига сазовор бўлган эди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Тайинлов
Ҳукумат қарори (772-сон, 15.09.2019 й.) билан Юлбарсхон Набиевич Мансуров Тошкент шаҳридаги “Д.И.Менделеев” номидаги Россия кимё-технология университети” Федерал давлат бюджети олий таълим муассасаси филиалининг ижрочи директори этиб тайинланди.

Эслатиб ўтамиз, мазкур Филиал 2019 йил 7 июндаги Президент қарори билан ташкил этилган.

Каналга уланиш👇👇👇
https://t.me/huquqiyaxborot

#Тайинлов
Ҳукумат қарори (771-сон, 15.09.2019 й.) билан Хожакбар Султанович Далиев Тошкент шаҳридаги “МЭИ” миллий тадқиқот университети” Федерал давлат бюджети олий таълим муассасаси филиалининг ижрочи директори этиб тайинланди.

Эслатиб ўтамиз, мамлакатимиз энергетика тармоғи учун малакали муҳандис-техник кадрлар тайёрлаш мазкур Филиалнинг асосий вазифаларидан бири ҳисобланади.

Каналга уланиш👇👇👇
https://t.me/huquqiyaxborot

​​#Double_degree

НамДУда Россия университети билан ҳамкорликда қўшма тиббиёт факультети очилди

Наманган давлат университети тарихида илк маротаба хорижий давлат ОТМ билан ҳамкорликда қўшма факультет ташкил этилди. Россиянинг Свердловск вилояти Екатеринбург шаҳри Урал давлат тиббиёт университети билан ҳамкорликда қўшма тиббиёт факультети очилди.

Тантанали очилиш маросимда Урал давлат тиббиёт университети ректори Ольга Ковтун, вилоят ҳокими Хайрулла Бозоров, университет жамоаси иштирок этди. Янги қўшма факультетда қуйидаги таълим йўналишларида малакали мутахассислар тайёрланади:

👉 Даволаш иши;
👉 Педиатрия;
👉 Стоматология;
👉 Фармацевтика.

Қўшма тиббиёт факультетида талабалар 5 йил таҳсил олишади. Ўқишнинг дастлабки икки босқичи Наманган давлат университетида, қолган 3 та босқич Урал давлат тиббиёт университетида олиб борилади.

Битирувчиларга иккита давлатда ҳам тан олинадиган икки ҳамкор университетнинг дипломи берилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​Чирчиқ давлат педагогика институтида “Қатағон қурбонлари хотираси” музейи очилди

Тошкент вилояти Чирчиқ давлат педагогика институтида Ўзбекистон ва Тошкент вилояти тарихига оид қўлёзмалар, осори-атиқалар, тарихий ҳужжатлар ўрин олган “Қатағон қурбонлари хотираси” музейи ташкил этилди.

Музей саккиз бўлимдан иборат бўлиб, ҳар бир бўлимда тарихий далилларга асосланган ҳужжатлар, фактлар ўрин олган. Музейидаги барча тарихий манбалар халқ орасидан, қатағон қурбонлари оиласи, авлодлари томонидан тақдим этилган ва музейда архив ҳужжатларидан олинган тарихий манбалар билан бойитилган.

Музейнинг Совет ҳокимиятининг коллективлаштириш ва “қулоқлаштириш” сиёсати, унинг фожиали оқибатлари бўлимида Тошкент вилоятига сургун қилинган “қулоқ”лар ҳақида маълумотлар келтирилган. 1980 йиллардаги қатағонлар. “Пахта иши” компанияси бўлимида “пахта иши” бўйича ноҳақ жабрланган шахслар ҳақида маълумотлар берилган. Мазкур бўлимдан Тошкент вилоятига оид айрим маълумотлар, экспонатлар ўрин олган.

Жумладан, Ислиддин Ҳайдаров (Тошкент вилояти Пискент туманида “Гулистон” жамоа хўжалигида 1951-1986 йилларда раислик қилганлиги, “Пахта иши” туфайли ноҳақ қамалганлиги); Турсуной Ҳабибуллаева (Тошкент вилояти, Пискент тумани “Охунбобоев” хўжалигида агроном бўлиб ишлаганлиги ва озодликдан маҳрум этилганлиги); Тузали Мусаев (Тошкент вилояти, Янгийўл тумани “Ҳамроқул Турсунқулов” хўжалигида ғазначи вазифасида ишлаганлиги) 8 йил муддатга озодликдан маҳрум этилгани тўғрисидаги маълумотлар келтирилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​#Халқаро_ҳамкорлик

Наманган муҳандислик-технология институти Покистон миллий енгил саноат университети билан ҳамкорлик ўрнатди

Айни кунларда Наманган шаҳар ҳокимлиги, тадбиркор-ишбилармон доиралар вакиллари ва Наманган муҳандислик-технология институтининг профессор-ўқитувчиларидан иборат делегация Покистонда бўлиб турибди.

Делегация аъзолари ташриф давомида Покистоннинг текстиль маркази ҳисобланган Файсалобод шаҳрига бордилар. Қайд этиш жоизки, мамлакат экспортининг салкам 70 фоизини айнан текстиль маҳсулотлари ташкил этади.

Делегациянинг Файсалобод шаҳрига сафари давомида амалий натижага эришилди, яъни Наманган муҳандислик-технология институти ҳамда Покистон миллий енгил саноат университети ўртасида ҳамкорлик меморандуми имзоланди.

Унга кўра Наманган муҳандислик-технология институтида Покистондаги университет билан ҳамкорликда Ўзбекистонда ишлаб чиқарилган текстиль маҳсулотларини жаҳон стандартлари даражасида синовдан ўтказиш ва сертификациялаш лабораторияси ташкил этилади. Иккала олий таълим муассасаларининг педагоглар ва талабаларининг ўзаро тажриба алмашинуви йўлга қўйилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​#Долзарб_мавзу

Ином Мажидов: Олий таълим ижтимоий-иқтисодий тараққиёт локомотивига айланиши керак

Бугун, 18 сентябрь куни Ўзбекистон Республикаси Президентининг “Ўзбекистон Республикаси олий таълим тизимини 2030 йилгача ривожлантириш концепциясини тасдиқлаш тўғрисида”ги Фармони лойиҳаси муҳокама қилинди.

Муҳокамада Ўзбекистон Республикаси Президенти Администрацияси, олий ва ўрта махсус таълим вазирлиги раҳбарияти ва жамоаси, барча олий таълим муассасалари ректорлари, филиаллар директорлари иштирок этди.

- Амалдаги малака талаблари, ўқув режа ва дастурлари мазмун жиҳатидан битирувчиларда амалий кўникмаларни шакллантиришга йўналтирилмаган,
ўқув режаларида номутахассислик фанлари улуши юқорилигича қолмоқда, бу эса талабаларнинг ҳақли эътирозини келтириб чиқармоқда, - деди Иномжон Мажидов.

Вазир олий таълим муассасалари ҳамда кадрлар буюртмачилари ўзаро ҳамкорликда кадрлар тайёрлаш бўйича ишлар қониқарсиз аҳволдаги экани танқид қилди ва иш берувчилар кадрлар тайёрлаш жараёнига қизиқмаса, ОТМ ректорлари ташаббус кўрсатиши кераклигини қайд этди.

- Чунки халқимиз ва Президент олий таълимдан жамият тараққиёти локомотиви бўлишини талаб қилмоқда, - деди вазир. – Ишга ҳозиргидек муносабат билан мақсадга эришолмаймиз. Замон шиддат билан ривожланяпти, биз тараққиёт ортидан эмас, балки уни белгилаб беришимиз керак.

Шунингдек, янги тузилган республика олий таълим кенгаши олдида турган долзарб вазифалар, унинг истиқбол-режалари ҳам муҳокама қилинди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​#Rektor_minbari

Бизга қандай магистратура керак?

Рустам ХОЛМУРОДОВ, Самарқанд давлат университети ректори:

✅ Умумкасбий маълумотгагина эга бакалаврлар ва умумилмий маълумотга эга магистр мутахассислар билан истеъмолчилар талаб-эҳтиёжини қондиролмаймиз. Магистрларни тайёрлашнинг амалдаги мақоми сифатли мутахассисни бера олмаяпти.

✅ Магистр ва бакалавр дипломи соҳибларининг меҳнат мақомини ҳам тегишли қонунлар билан белгилаб олиш зарур. Негаки, бундан 20 йил муқаддам олий таълимнинг икки босқичли тизимини қабул қилганмизу, аммо бу икки тур диплом соҳибларининг эгаллаши мумкин бўлган лавозимлари ёки маошлари фарқини тасдиқламаганмиз (олий таълим бундан мустасно).

✅ Магистратура таълимининг ўзимизга муносиб моделини қабул қилмасдан туриб, таълим-тарбиянинг барча босқичларида қўйилган мақсадга эришиш мушкул. Афсуски, шу пайтгача олий таълимнинг бу босқичини асл моҳиятига муносиб аҳамият бермай, унга енгил-елпи қараб келинмоқда.

Батафсил: http://edu.uz/uz/news/view/1623

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Юксалаётган миллат орзуси: "мен"лардан "БИЗ" пайдо бўлади. Биз – бу миллатимиз, дегани

➡ https://bit.ly/2ks0uDt

Каналга қўшилиш ⬇
https://t.me/joinchat/AAAAAEHi_Tk-4p_xI26gIw

2020 йил учун давлат бюджети маблағлари ҳисобидан Т.Н.Қори Ниёзий номидаги Ўзбекистон Педагогика фанлари илмий тадқиқот институтига таянч докторантура ва докторантура учун ҚАБУЛ КВОТАСИ тасдиқланди.

Маълумот учун: (71) 245-94-55, (97) 433-02-59, (97) 926-46-68

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Тошкент давлат юридик университетига янги ректор тайинланди

Ўзбекистон Республикаси Президентининг қарори билан Хакимов Рахим Расулжонович Тошкент давлат юридик университети ректори этиб тайинланди.

Рахим Хакимов шу кунга қадар Ўзбекистон Республикаси Олий Мажлиси Қонунчилик палатаси Мудофаа ва хавфсизлик масалалари қўмитасининг раиси лавозимида ишлаб келган.

Маълумоти олий, Наманган давлат университети (2003 йил) ва Тошкент давлат юридик институти (2005 йил)да таҳсил олган. Мутахассислиги - ҳуқуқшунос, юридик фанлари доктори.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​Бугун Халқаро талабалар спорт куни. Беш ташаббус амалда

Бирлашган Миллатлар Ташкилотининг Таълим, фан ва маданият масалалари бўйича ташкилоти ЮНЕСКО ҳамда Халқаро талабалар спорти федерацияси томонидан 20 сентябрь – Халқаро талабалар спорти куни деб белгиланган.

Бугун вазирлик ташаббуси билан олий таълим таълим муассасаларида Президентимиз томонидан илгари сурилган бешта муҳим ташаббус ижросини таъминлаш ҳамда Халқаро талабалар спорт куни муносабати билан спорт мусобақалари бўлиб ўтди.

Ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратишга йўналтирилган иккинчи ташаббус доирасида Тошкент давлат иқтисодиёт университетида талабалар ўртасида спорт турларида мусобақалар ўтказилиб, ғолиб талабалар тақдирланди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Иқтидор

2019/2020 ўқув йили учун 31 та ОТМнинг 66 нафар иқтидорли талабаси Навоий давлат стипендияси соҳиби бўлди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Иқтидор

2019/2020 ўқув йили учун 29 та ОТМдан 61 нафар иқтидорли талаба Беруний давлат стипендияси соҳиби бўлди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Иқтидор

2019/2020 ўқув йили учун 9 нафар иқтидорли талаба Улуғбек давлат стипендияси соҳиби бўлди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Иқтидор

2019/2020 ўқув йили учун 10 нафар иқтидорли талаба Ибн Сино давлат стипендияси соҳиби бўлди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Иқтидор

2019/2020 ўқув йили учун 3 нафар иқтидорли талаба Имом ал-Бухорий давлат стипендияси соҳиби бўлди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ