#Талабага_эслатма

2019/2020 ўқув йилида олий таълим муассасалари бакалавриатига тўлов- контракт асосида талабаликка тавсия этилган ҳамда табақалаштирилган тўлов-контракт асосида ўқиш истагини билдирган абитуриентларга ўқув йилининг 1-ярми учун тўлов ҳақини ўтказишнинг сўнгги муддати:

✅ 15 октябрь – базавий тўлов-контракт асосида талабаликка тавсия этилган абитуриентлар учун;

✅ 1 ноябрь – табақалаштирилган тўлов-контракт асосида ўқиш истагини билдирган абитуриентлар учун.

Мазкур муддат Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2019 йил 17 сентябрдаги 7-сонли баёни билан тасдиқланган.

❗️Тўлов-контракт асосида таҳсил олаётган 2- ва ундан юқори курс талабалари учун ўқитиш ҳақини тўлашнинг белгиланган муддатларини узайтириш олий таълим муассасаси ректори (филиал директори) ваколатида.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Talaba_ijodxonasi

Сўз бўлиб тилидан савоблар учган,
Икки олам аро қисмати – эъзоз.
Ким бўлиб борсам ҳам бағрини очган
Келдим. Ассалому алайкум, Устоз!

Беҳзод Фазлиддин шеъри.

Гулшода Иброҳимова ўқиди (ЎзЖОКУ магистранти)

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Андижон машинасозлик институти талабалари юртимиздаги барча устоз ва мураббийларни касб байрами билан табриклайди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Эҳтиром

Тошкент молия институти талабалари: “Устозларни қутлаб қўйинг байрам билан!”

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Эҳтиром

Андижон давлат университети талабалари заҳматли ва шарафли касб эгаларини байрам билан табриклайди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Внимание!
Впервые в Центральной Азии!

Elsevier, совместно с Министерством высшего и среднего специального образования, запускает Первый портал рецензируемых научных журналов Uzbekistan Research Online!

Шестьдесят вузовских журналов международного калибра, с функцией двойного слепого рецензирования, соответствующие всем техническим стандартам Scopus по 24 предметным направлениям.

Хотите узнать, как повысить качество вашего научного журнала?
Приходите на торжественный запуск нашей платформы!

07.10.2019, 15.00
Webster University

📍Подписаться на официальный канал Elsevier:
https://t.me/ElsevierCentralAsia

#Қонунчиликдаги_янгиликлар

Ветеринария соҳаси учун кадрлар тайёрлайдиган ОТМ филиали иш бошлайди

Самарқанд ветеринария медицинаси институтининг Тошкент филиалини ташкил этиш тўғрисида Ҳукумат қарори (840-сон, 03.10.2019 й.) қабул қилинди.

Қарорга мувофиқ, Самарқанд ветеринария медицинаси институтининг Тошкент филиали институтнинг юридик шахс мақомига эга бўлган таркибий бўлинмаси ҳисобланади.

✅ Филиалда қуйидаги бакалавр йўналишлари бўйича кадрлар тайёрланади:
👉 Зооинженерия;
👉 Ветеринария медицинаси;
👉 Ветеринария-санитария экспертизаси;
👉 Ветеринария диагностикаси ва лаборатория ишлари.

Филиалда ўқув жараёни 2020/2021 ўқув йилидан бошланади ва қабул қилинадиган талабалар сони республика ОТМларига қабул қилиш параметрларидан келиб чиқиб белгиланади.

Эслатиб ўтамиз, Филиал Президентнинг 2019 йил 28 мартдаги ПҚ–4254-сонли қарорига асосан ташкил этилган.

Манба: Huquqiy axborot

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​СамДЧТИ ректори “Меҳробдан чаён” романини инглиз тилига таржима қилди

Самарқанд давлат чет тиллари институти ректори Илҳомжон Тўхтасинов адиб таваллудининг 125 йиллигига “Меҳробдан чаён” романини ўзбек тилидан инглиз тилига таржима қилди. Асар таржимаси АҚШлик мутахассис Питер Барсум томонидан таҳрир қилинди. Тез кунларда китобхонларга “Меҳробдан чаён” романи инглиз тилида тақдим қилинади.

И.Тўхтасинов ўзбек-инглиз таржима амалиёти билан шуғулланиб, шу кунга қадар Алишер Навоий ғазаллари, Абдулла Қодирий, Примқул Қодиров, Одил Ёқубов, Тоҳир Малик романлари ҳамда Ғафур Ғулом қиссаларини инглиз тилига таржима қилган.

Маълумот учун, айни кунларда юртимизда ўзбек адабиётининг ХХ асрдаги таниқли намояндаси, ўзбек романчилигининг асосчиси Абдулла Қодирий таваллудининг 125 йиллиги кенг нишонланмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Талабалар учун ижодий танлов!

Ижодий ишингиз билан 1000 АҚШ доллари ёки Ўмон султонлигига 5 кунлик саёҳатни ютишингиз мумкин

Жорий йилнинг 21-25 октябрь кунлари Ўзбекистон халқаро ислом академияси ҳамда Ўмон Султонлигининг мамлакатимиздаги элчихонаси томонидан “Диний бағрикенглик — ўзаро тушуниш, тинч-тотув яшаш!” мавзусида кўргазма ташкил этилмоқда.

Кўргазма доирасида турли тадбирлар режалаштирилган:

- Ўмон Султонлиги ҳақидаги расмлар кўргазмаси;
- Соя санъати намойиши;
- Араб хаттотлик санъати кўргазмаси;
- Ўмон Султонлиги маданияти китоблар кўргазмаси;
- Амалий санъат намойиши;
- “Бағрикенглик учун мен нима қилдим?” мавзусида талабалар викторинаси;
- Диний қўшиқлар оҳанги;
- Қум билан расм чизиш санъати намойиши;
- Ўмон Султонлиги маданияти фотолар кўргазмаси.

Кўргазмада талабалар ўртасида ижодий ишлар танлови ўтказилади. Унда талабалар “Биз сизларни ўзаро танишишингиз учун халқлар ва қабилалар қилиб яратдик”, “Ота-онангга мулойим ва дўстона муносабатда бўл!”, “Инсонларга одоб билан муносабатда бўлинг!”, “Ўзингизга раво кўрган нарсани бошқаларга ҳам раво кўр!”, “Сенга ишонганларнинг ишончига муносиб бўл!” каби эзгу ғояларни акс эттирган муаллифлик сурат, бир дақиқалик видеоролик ёки ҳар қандай замонавий санъат асари билан иштирок этишлари мумкин.

Ғолиб 1000 АҚШ доллари миқдоридаги ютуққа эга бўлади. Шунингдек, кўргазманинг энг фаол 4 нафар иштирокчиси 16 ноябрь — “Халқаро бағрикенглик куни” муносабати билан Ўмон Султонлигига 5 кунлик саёҳатга бориш имкониятини қўлга киритади.

Танловда юртимиздаги исталган ОТМ талабаси ўзининг ижодий ишлари билан иштирок этиши мумкин.

Батафсил: www.iiau.uz

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

#Ilmfan2020

Uzbekistan Research Online – ОТМ илмий журналлари дунёга юз тутмоқда

Бугун, 7 октябрь куни Олий ва ўрта махсус таълим вазирлиги ташаббуси билан яратилган Ўзбекистон Республикаси илмий журналлари рецензиядан ўтказилувчи рақамли платформа – Uzbekistan Research Online`нинг тақдимот маросими бўлиб ўтди.

Олий ва ўрта махсус таълим вазирлиги ва Elsevier компанияси (Нидерландия) ўртасида тузилган битимга кўра, компания мутахассислари томонидан юртимиз ОТМлари илмий журналларни бирлаштирган ҳамда икки марта аноним рецензиядан ўтказиш (double-blind peer review) конфигурациясини қўллаш имкони мавжуд бўлган ноёб платформа яратилди.

Uzbekistan Research Online ташкил этилиши Ўзбекистон илм-фанининг жаҳонга юз тутишида стратегик муҳим қадам ҳисобланади, – деди Олий ва ўрта махсус таълим вазири Иномжон Мажидов. – Бу имконият олий таълим муассасалари илмий салоҳиятини оширишга ҳисса қўшади, илмий журналларнинг рақобатбардошлигини таъминлайди, қолаверса, маҳаллий олимларни бутун дунёга кўрсатиш имкониятини беради.

Bepress Президенти Жан-Габриель Банкиер www.uzjournals.edu.uz платформасининг ишга тушиши билан ўзбек олимларнинг илмий ишлари дунёнинг йигирмадан ортиқ давлатларида тўрт юз мартага яқин юклаб олинди. Бу бошланиши, холос дея қайд этди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

​​“Стартап-ташаббуслари” танлови – ўз ғоянгизни амалга оширинг!

Ёшларнинг интеллектуал ва ижодий салоҳиятини рўёбга чиқариш имкониятларини янада яҳшилаш, уларнинг инновацион ғоялари ва бизнес лойиҳаларини қўллаб қувватлаш, ёшларни, академик лицей, касб-хунар коллежлари ва олий таълим муассасалари битирувчиларининг бандлигини таъминлашга кўмаклашиш мақсадида “Стартап-ташаббуслари” ёшларнинг инновацион ғоялари ва стартап лойиҳаларини қўллаб-қувватлаш дастурининг тўртинчи даври амалга оширилади.

Қўллаб-қувватлаш дастурида иштирок этиш учун ташаббускор ва изланувчан ёшлар, тадбиркорлар, ихтирочилар, олий таълим муассасалари талабалари, академик лицей ҳамда касб-хунар коллежлари битирувчилари таклиф этиладилар.

Энг муваффақиятли лойиҳалар жамоалари рағбатлантирувчи совғалар ҳамда 50 миллион сўмгача мақсадли беғараз пул мукофотлари билан тақдирланадилар.

Қўллаб-қувватлаш дастурида иштирок этиш учун аризалар жорий йилнинг 13 октябрига қадар қабул қилинади.

Батафсил: http://startup.mehnat.uz

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Сиз Европа Иттифоқи ва Эрасмус+ дастурини биласизми? Унда ФМ 87.9 - “Ўзбекистон 24” радиоканалида 8 октябрь куни 11.05 дан 12.00 гача бўлиб ўтадиган "Радиоаспект" дастурини тингланг ва викторинада иштирок этинг! Викторина баҳонасида Европа Иттифоқи олий таълим муассасалари, индивидуал таьлим учун имкониятлар, таьлим жараени ва бугунги Кунда амалга оширилаетган лойиҳалар борлигини ҳам билиб оласиз. Викторина Ўзбекистонда ўтказилаётган ЭРАЗМУС+ ҳафталиги доирасида ташкил этилмокда.

​​Qo‘qon universitetiga kirish test sinovlari natijalari 9-oktabr kuni e'lon qilinadi

2019-yil 30-sentabr kuni Toshkent shahrida, 3-4 oktabr kunlari Fargʻona viloyatida Qo‘qon universitetiga qabul test sinovlari bo'lib o'tdi.
Test sinovlari 8 ta ta'lim yo'nalishi doirasida 9 261 nafar abituriyent uchun o'tkazildi.

Test sinovlari natijalariga ko'ra ta'lim yo‘nalishlari bo‘yicha eng yuqori ballar:

✅ "Xorijiy til va adabiyoti: ingliz tili" ta'lim yo'nalishi - 167,5 ball;
✅ "Menejment" ta'lim yo'nalishi - 147,9 ball;
✅ "Moliya" ta'lim yo'nalishi - 145,1 ball;
✅ "Tadbirkorlik" ta'lim yo'nalishi - 141,3 ball;
✅ "Iqtisodiyot" ta'lim yo'nalishi - 137,1 ball;
✅ "Mehmonxona va turizimni boshqarish" ta'lim yo'nalishi - 136,6 ball;
✅ "Maktabgacha ta’lim" ta'lim yo'nalishi - 135,6 ball;
✅ "Boshlang‘ich ta’lim" ta'lim yo'nalishi - 133,4 ball.

Test sinovlari natijalarini Davlat test markazining rasmiy veb saytidan 9-oktabr kuni soat 10:00 dan boshlab http://qoqon.dtm.uz/ havola orqali ko'rish mumkin bo'ladi.

Qo'qon universitetiga oid barcha ma'lumotlar bilan universitetning rasmiy veb sahifasi http://kokanduni.uz/ orqali tanishishingiz mumkin.

Davlat test markazi barcha abituriyentlarga muvaffaqiyatlar tilaydi!

Davlat test markazining ijtimoiy tarmoqlardagi sahifalari:
Telegram | Facebook | Instagram

Ўзбекистон Республикаси Президенти фармони билан Ўзбекистон Республикаси олий таълим тизимини 2030 йилгача ривожлантириш концепциясини тасдиқланди.

Концепциясида қуйидаги асосий стратегик вазифалар кўзда тутилган:

✅ олий таълим соҳасида давлат-хусусий шерикликни ривожлантириш, ҳудудларда давлат ва нодавлат олий таълим муассасалари фаолиятини ташкил этиш асосида олий таълим билан қамров даражасини 50 фоиздан ошириш, соҳада соғлом рақобат муҳитини яратиш;

✅ Ўзбекистон Миллий университети ва Самарқанд давлат университетини мамлакатимиз олий таълим муассасаларининг флагманига айлантириш;

✅ республикадаги камида 10 та олий таълим муассасасини халқаро эътироф этилган ташкилотлар (Quacquarelli Symonds World University Rankings, Times Higher Education ёки Academic Ranking of World Universities) рейтингининг биринчи 1 000 та ўриндаги олий таълим муассасалари рўйхатига, шу жумладан, Ўзбекистон Миллий университети ва Самарқанд давлат университетини биринчи 500 та ўриндаги олий таълим муассасалари рўйхатига киритиш;

✅ олий таълим муассасаларида ўқув жараёнини босқичма-босқич кредит-модуль тизимига ўтказиш;

✅ олий таълим муассасаларида таълим, фан, инновация ва илмий-тадқиқотлар натижаларини тижоратлаштириш фаолиятининг узвий боғлиқлигини назарда тутувчи “Университет 3.0” концепциясини босқичма-босқич жорий этиш;

✅ хорижий инвестицияларни кенг жалб қилиш, пуллик хизматлар кўламини кенгайтириш ва бошқа бюджетдан ташқари маблағлар ҳисобига олий таълим муассасаларида технопарк, форсайт, технологиялар трансфери, стартап, акселератор марказларини ташкил этиш ҳамда уларни тегишли тармоқ, соҳа ва ҳудудларнинг ижтимоий-иқтисодий ривожланишини тадқиқ қилувчи ва прогнозлаштирувчи илмий-амалий муассасалар даражасига олиб чиқиш;

✅ Ўзбекистон олий таълим тизимини Марказий Осиёда халқаро таълим дастурларини амалга оширувчи “хаб”га айлантириш;

✅ олий таълимнинг инвестициявий жозибадорлигини ошириш, хорижий таълим ва илм-фан технологияларини жалб этиш.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Ўзбекистон Республикаси олий таълим тизимини 2030 йилгача ривожлантириш концепциясига кўра:

➡️ олий таълим муассасаларининг академик мустақиллиги таъминланади;

➡️ халқаро тажрибалардан келиб чиқиб, олий таълимнинг илғор стандартларини жорий этиш, жумладан, ўқув дастурларида назарий билим олишга йўналтирилган таълимдан амалий кўникмаларни шакллантиришга йўналтирилган таълим тизимига босқичма-босқич ўтилади;

➡️ олий таълим мазмуни сифат жиҳатидан янги босқичга кўтарилади, ижтимоий соҳа ва иқтисодиёт тармоқларининг барқарор ривожланишига муносиб ҳисса қўшадиган, меҳнат бозорида ўз ўрнини топа оладиган юқори малакали кадрлар тайёрлаш тизими йўлга қўйилади;

➡️ олий таълим муассасалари профессор-ўқитувчилари, илмий изланувчилари, докторантлари, бакалавриат ва магистратура талабаларининг юқори импакт-факторга эга нуфузли халқаро илмий журналларда мақолалар чоп этиши, мақолаларга иқтибослик кўрсаткичлари ошиши, шунингдек, республика илмий журналларини халқаро илмий-техник маълумотлар базасига босқичма-босқич киритилиши таъминланади;

➡️ талаба-ёшлар таълим-тарбияси учун қўшимча шароитлар яратишга қаратилган комплекс чора-тадбирларни ўз ичига олган бешта ташаббус амалиётга татбиқ этилади;

➡️ олий таълим муассасаларининг инфратузилмаси ва моддий-техник базаси, шу жумладан, халқаро молия институтларининг имтиёзли маблағларини кенг жалб қилиш ҳисобига яхшиланади, улар босқичма-босқич ўзини ўзи молиялаштириш тизимига ўтказилади ва молиявий барқарорлиги таъминланади;

➡️ таълимнинг ишлаб чиқариш корхоналари ва илмий-тадқиқот институтлари билан ўзаро манфаатли ҳамкорлиги йўлга қўйилади;

➡️ аҳолининг ижтимоий ҳимояга муҳтож қатламлари, шу жумладан, имконияти чекланган шахсларнинг олий таълим билан қамров даражасини оширилади, улар учун инфратузилмага оид шароитлар яхшиланади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Ўзбекистон Республикаси олий таълим тизимини 2030 йилгача ривожлантириш концепциясини тасдиқлаш тўғрисидаги Ўзбекистон Республикаси Президентининг фармони шарҳига бағишланган махсус лавҳа.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ

Республика илмий - амалий конференциясининг
ахборот хати

Ўзбекистон Республикаси Олий ва ўрта махсус таълим вазирлиги томонидан 2019 йил 20 ноябрь куни “Маънавий таҳдидларга қарши курашиш механизмларини такомиллаштириш хавфсизликни таъминлаш омили сифатида” мавзусидаги илмий-амалий конференция ўтказилади.

Конференция йўналишлари:

1️⃣ Маънавий таҳдидларга қарши курашнинг замонавий механизмлари;
2️⃣ Глобаллашув даврида миллий маънавиятимизга қарши қаратилган таҳдидлар;
3️⃣ Талаба-ёшларда фаол фуқаролик позициясини шакллантириш механизмлари;
4️⃣ Олий таълим тизимида ижтимоий-гуманитар фанларни ўқитиш самарадорлигини ошириш маънавий таҳдидларга қарши курашиш омили.

Конференцияда иштирок этиш учун мақола ва тезисларни ўзбек, рус ёки инглиз тилида шу йилнинг 1 ноябригача a.utamuradov@umail.uz электрон почтасига юбориш лозим.

Тўпламга профессор-ўқитувчилар, докторантлар, мустақил изланувчилар, магистрантлар, иқтидорли талабалар, таълим муассасалари ўқитувчи ва тарбиячилари ҳамда амалиётчи психологлар тезис топширишлари мумкин.

Конференция якунида фаол иштирокчилар турли номинациялар бўйича вазирлик фахрий ёрлиқ билан тақдирланади.

Манзил: Ўзбекистон Миллий университети, Ижтимоий фанлар факультети, Фуқаролик жамияти ва ҳуқуқ таълими кафедраси.
Масъуллар: Ж.Акрамов, Ж.Мирзахалилов (+99893-592-52-59, +99894-278-00-79 телеграм)

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ