Азиз Санжар, Нобель мукофоти лауреати:

Мен Ота ватанда, айниқса, дунёга улуғ алломаларни етказиб берган Бухорои шарифда бўлганимдан жуда ҳам хурсандман. Ҳаммангизга бахт ва омад тилайман.

#асосий_кўрсаткичлар

Ўзбекистонда олий таълим муассасалари сони: 91 та

👉 2 та академия;
👉 1 та консерватория;
👉 1 та олий маҳорат мактаби;
👉 23 та университет;
👉 33 та институт;
👉 20 та маҳаллий ОТМлар филиаллари
👉 11 та хорижий олий таълим муассасалари ва филиаллар.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​Ўзбекистонда Австриянинг нуфузли университети билан ҳамкорликда туризм ва иқтисод бўйича мутахассислар тайёрланади

Тошкент давлат иқтисодиёт университетида Австриянинг Кремс амалий фанлар университети (IMC University Krems) билан ҳамкорликда иқтисодиёт ва туризм йўналишида кадрлар тайёрланадиган янги факультет очилди.

Ўзбек-австрия қўшма факультетида ўқув жараёнлари 2019 йилдан бошланиб, таълим инглиз тилида олиб борилади ва битирувчиларга Тошкент давлат иқтисодиёт университети ва IMC University Krems дипломи берилади.

Қўшма факультетнинг бакалавриатига 100 нафар талаба қуйидаги йўналишларда қабул қилинади:

- “Экспортга ихтисослаштирилган менежмент”;
- “Туризм ва кўнгил очиш масканлари менежменти”.

Шартномага кўра, талабалар магистратурада “Халқаро бизнес ва экспортни бошқариш”, “Рақамли бизнес инновацияси ва трансформация” мутахассисликлари бўйича таҳсил олиши мумкин бўлади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​#Хушхабар

Чеченистон пойтахти Грозний шаҳрида 12 мамлакатнинг 130 нафардан ортиқ вакиллари иштирокида Махмуд Эсамбаев номидаги Х Халқаро рақс танлов-фестивали бўлиб ўтди.

Фестивалда Тошкент давлат миллий рақс ва хореография олий мактаби иккинчи босқич магистранти, “Ниҳол-2017” давлат мукофоти совриндори Шерзод Кенжебоев ҳам иштирок этиб, ўз истеъдодини намойиш этди.

Қувонарлиси, Халқаро фестиваль ҳакамлар ҳайъати қарорига кўра Шерзод Кенжебоев “Яккахон рақс” номинациясида 3-ўринни қўлга киритди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

#эълон

Олий ва ўрта махсус таълим вазирлиги ҳузуридаги “Маънавият ва маърифат” маркази қуйидаги соҳаларда малакали мутахассисларни ишга таклиф қилади:

👉 веб-дизайнер;
👉 видеомонтаж устаси;
👉 видео тасвирчи;
👉 дастурчи;
👉 журналист;
👉 овоз оператори;
👉 таржимон.

Номзодлардан соҳа бўйича тегишли олий маълумотга эга бўлиш ва давлат тилини яхши билиш (рус ёки бошқа тилларни билиш устунлик беради) талаб этилади.

Ҳужжатлар шу йилнинг 5 ноябрига қадар қабул қилинади.

Манзил: Тошкент шаҳри Талабалар шаҳарчаси 70-уй
Мурожаат учун: +998 71 246-97-45, mm.markaz@edu.uz

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​​​#ташриф

2018 йил 25 октябрь куни АҚШнинг Вебстер университети вице-президенти Жулиан Шустер МБА дастури асосида магистрлар тайёрлаш бўйича лойиҳалар муҳокамаси учун Тошкентга ташриф буюради.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

Ўзбекистон Республикаси Президенти Шавкат Мирзиёев 2018 йил 24 октябр куни олий таълим соҳасини янада ривожлантириш, кадрлар тайёрлаш сифатини ошириш, илм-фан ва ишлаб чиқариш интеграциясини кенгайтириш масалаларига бағишланган йиғилиш ўтказди.

Йиғилишда:

👉 Президент қарорлари асосида 2017-2021 йилларда ОТМни ривожлантириш бўйича дастурларнинг амалга оширилиши;

👉 Вазирлар Маҳкамаси ҳузурида “Эл-юрт умиди” жамғармаси ташкил этилгани;

👉 22 та ОТМда махсус сиртқи, 51 тасида сиртқи, 9 тасида кечки таълимнинг жорий этилгани;

👉 қабул квоталари ўтган йилгига нисбатан 30 фоизга оширилгани;

👉 талабаликка қабул қилишнинг шаффоф ва очиқ тизими жорий этилгани;

👉 жорий йилда мамлакатда 13 та янги ОТМ фаолият бошлагани;

👉 халқаро тажрибалар асосида ОТМнинг миллий рейтинги яратилгани эътироф этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

Президенти Шавкат Мирзиёев раислигида 24 октябрь куни олий таълим соҳасини янада ривожлантириш, кадрлар тайёрлаш сифатини ошириш, илм-фан ва ишлаб чиқариш интеграциясини кенгайтириш масалаларига бағишлаб ўтказилган йиғилишда тизимдаги қуйидаги хато ва камчиликлар танқид қилинди:

➖ ОТМлар қабул квотаси қамрови умумтаълим мактаблари, академик лицей ва касб-ҳунар коллежлари битирувчиларига нисбатан 7-9 фоизни ташкил этиши;

➖ ОТМларнинг нуфузи, профессор-ўқитувчиларнинг илмий салоҳияти халқаро илмий ҳамжамиятда муносиб ўринга эга эмаслиги;

➖ректор ва проректорларни тайинлашда профессор-ўқитувчиларнинг фикри ўрганилмаслиги оқибатида жамоа билан ишлаш самарадорлиги етарлича эмаслиги;

➖ илмий фаолият натижадорлигини ошириш, иқтидорли талабалар илмий изланишлар олиб бориши учун зарур шароитлар яратилмагани;

➖ таълим жараёнига инновацион методикаларни жорий этиш, профессор-ўқитувчилар малакасини ошириш ишлари қониқарсиз эканлиги;

➖ ОТМлар фаолиятини ўрганиш, уларни аттестациядан ўтказиб, аккредитациялаш, ҳужжатларни нострификация қилиш тартиблари бугунги кун талабларига мутлақо жавоб бермаслиги қайд этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

Ўзбекистон Республикаси Президенти Шавкат Мирзиёев раислигида 24 октябр куни олий таълим соҳасини янада ривожлантириш, кадрлар тайёрлаш сифатини ошириш, илм-фан ва ишлаб чиқариш интеграциясини кенгайтириш масалаларига бағишланган йиғилишда қуйидаги вазифаларни бажариш юзасидан топшириқлар берилди:

талабалар қабулининг соддалашган тизимини жорий этиш орқали қабул жараёнини квота тизимидан давлат буюртмаси ва табақалашган тўлов-контракт тизимига ўтказиш;

ОТМларнинг халқаро нуфузини ошириш, педагог кадрларни рағбатлантириш мақсадида марказлашган молиялаштиришдан ўз-ўзини молиялаштириш ва иқтисодий мустақил тизимга ўтиш;

Ректорлар ва проректорларни тайинлашни соддалаштириш, профессор-ўқитувчилар фаолиятини доимий баҳолаш, манзилли рағбатлантириш, масъулият ва жавобгарлигини ошириш тизимини яратиш;

Ўзбекистон ректорлар кенгаши фаолиятини ҳам тубдан такомиллаштириш, ректорлар малакасини баҳолашда уларнинг маънавий-маърифий ва илмий салоҳиятига алоҳида эътибор қаратиш;

талабалар билимини баҳолаш, ўқув дастурлари ҳамда мавжуд таълим-тарбия тизимини такомиллаштириш;

хорижий олий таълим муассасалари дипломларини тан олиш ва нострификация қилиш тартибини янада соддалаштириш;

ОТМни аттестациядан ўтказиш ва аккредитациялаш жараёнини такомиллаштиришга қаратилган ҳукумат қарори лойиҳасини тайёрлаш вазифалари берилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

Президенти Шавкат Мирзиёев раислигида 24 октябрь куни олий таълим масалаларига бағишлаб ўтказилган йиғилишда Ўзбекистон – Россия таълим форуми натижаларига ҳам эътибор қаратилди.

Форум якунларида россиялик ҳамкорлар билан жами 114 та шартнома ва битимлар имзоланди:

👉 6 та нуфузли ОТМ филиали ва 2 та факультет очиш;
👉 52 та қўшма таълим дастурини жорий этиш.

Ҳар бир келишув юзасидан “йўл харита”си тузилиб, уларда белгиланган филиал, факультет ва қўшма дастурлар бўйича тегишли ҳуқуқий ҳужжатлар тайёрлаш ва ижросини таъминлаш зарурлиги таъкидланди.

Ташкил этилаётган ушбу факультетларни келажакда филиалга айлантириш вазифа этиб белгиланди.

Йиғилишда келаси йил Россияда ўтадиган навбатдаги форумга пухта тайёргарлик кўриш мақсадида ҳозирдан аниқ режалар белгилаб олиш зарурлиги қайд этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​Ўзбекистонда илк маротаба Муҳаммад ал-Хоразмий номидаги халқаро олимпиада ўтказилади

Шу йилнинг 28-30 октябр кунлари Урганч шаҳрида илк маротаба талабалар ўртасида математика бўйича Муҳаммад ал-Хоразмий номидаги халқаро олимпиада ўтказилади.

Ушбу нуфузли халқаро олимпиадани ташкил этиш ташаббуси Президентимиз Шавкат Мирзиёев томонидан 2017 йилнинг сентябрида Остона шаҳрида бўлиб ўтган Ислом ҳамкорлик ташкилотининг Фан ва технологиялар бўйича биринчи саммитида илгари сурилган эди.

Вазирлар Маҳкамасининг 2018 йилнинг 26 августида қарори билан олий таълим муассасалари талабалари ўртасида ҳар икки йилда бир марта математика бўйича Муҳаммад Хоразмий номидаги халқаро олимпиада ташкил этилиш белгиланди.

Мазкур нуфузли халқаро олимпиадада дунёнинг 20 та давлати 58 та университетининг жамоалари иштирок этади. Унда 334 нафар талабалар ўзаро беллашадилар, уларга 100 нафар жамоа раҳбарлари ҳамроҳлик қилади.

Халқаро олимпиадада ғолибликликни қўлга киритган ўзбекистонлик талабаларга математика, физика, ахборот технологиялари йўналишлари бўйича магистратурага квотадан ташқари давлат гранти асосида ўқишга кириш ҳуқуқи берилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

Ўзбекистон Республикаси давлат стипендияларига номзодларни саралаш бўйича танлов комиссиясининг баёни билан 2018/2019 ўқув йили учун республика олий таълим муассасалари бакалавриатининг охирги икки курсида таҳсил олаётган иқтидорли талабаларга олти хил Давлат стипендиялари тайинланди.

186 нафар иқтидорли талаба Ўзбекистон Республикаси Давлат стипендияларига сазовор бўлишди:

👉 55 нафари Навоий Давлат стипендияси;
👉 56 нафари Беруний Давлат стипендияси;
👉 9 нафари Улуғбек Давлат стипендияси;
👉 9 нафари Ибн Сино Давлат стипендияси;
👉 2 нафари Имом ал-Бухорий Давлат стипендияси;
👉 55 нафари Ислом Каримов Давлат стипендияси.

Совриндор талабаларга 2018 йил 1 сентябридан бошлаб жорий ўқув йили давомида Давлат стипендияси тайинланади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

2018/2019 ўқув йили учун Ўзбекистон Республикаси Давлат стипендияларига сазовор бўлган талабалар рўйхати.

Вазирлик расмий телеграм каналига уланиш
👉 https://t.me/joinchat/AAAAAEX5-AsU274vnAfc0Q

​​Муҳаммад ал-Хоразмий олимпиадаси тантанали равишда очилди.

Талабалар ўртасидаги математика фанидан Муҳаммад ал-Хоразмий номидаги I халқаро олимпиаданинг тантанали очилиш маросими бўлиб ўтди.

Тадбирда Олий ва ўрта махсус таълим вазири Иномжон Мажидов, Ўзбекистон Республикаси Фанлар Академияси институти директори , академик Шавкат Аюповлар барчани табриклади ва иштирокчиларга омад тилади.

Пиза университети профессори Бартолоцци мукофоти соҳиби Марко Абате халқаро олимпиада қатнашчиларига онлайн табрик йўллади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​Талабалар ўртасидаги математика фанидан Муҳаммад ал-Хоразмий номидаги I халқаро олимпиаданинг асосий қисми бошланди.

Урганч шаҳрида жойлашган Ёшлик спорт комплексида халқаро олимпиада иштирокчилари математика фанидан топшириқларни бажаришга киришишди.

Қатнашчилар соат 9:00 дан 14:00 га қадар олимпиада вазифаларини бажаришади.

Эслатиб ўтамиз, мазкур олимпиада юртимизда биринчи маротаба ташкил этилиб, унда дунёнинг 20 та давлатидан 58 та университетнинг 334 нафар талабалари иштирок этмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​Каримов Фонди Ўзбекистоннинг иқтидорли ва истеъдодли йигит-қизлари ўртасида хорижий олий таълим муассасаларида таҳсил олиш учун учинчи грантлар танловини эълон қилади.

Каримов Фондининг янги таълим грантлари қуйидаги мутахассисликлар бўйича Европанинг олий таълим муассасаларида магистратура босқичида таҳсил олиш имконини беради:

👉 Қайта тикланувчан энергия манбалари;
👉 Кимё. Кимё технологияси;
👉 Сув ва ер ресурсларини бошқариш;
👉 Машинасозлик технологиялари;
👉 Архитектура. Бино ва иншоотларни қуриш;
👉 Автомобиль йўллари, кўприклар, тоннеллар, йўл ўтказгичлар ва аэродромларни лойиҳалаш ва қуриш;
👉 Текстиль саноати технологиялари ва ускуналари;
👉 Туризм хизматларини ташкил этиш ва бошқариш;
👉 Ахборот хизматлари ва жамоатчилик билан алоқалар;

Танловда инглиз, немис ёки француз тилларини аъло даражада билган, Ўзбекистон ёки чет эл олий таълим муассасасини битирган ёки унинг сўнгги курсида таҳсил олаётган, ёши 35дан ошмаган Ўзбекистон фуқаролари иштирок этиши мумкин.

Грант совриндорларининг чет элда таҳсил олиш ва яшаш харажатлари (2 йилгача) Фонд томонидан молиялаштирилади.

Танловда иштирок этиш учун ҳужжатлар 2018 йил 5 ноябрдан - 24 ноябргача қабул қилинади.

Каримов Фондининг таҳсил грантлари ҳақидаги қўшимча маълумотга қуйидаги ҳавола ва манбалар орқали эга бўлишингиз мумкин:
http://fondkarimov.uz/uz/projects/granty-na-obuchenie-za-rubezhom/

Фонднинг грантлар танловига бағишланган махсус телеграм-каналида:
https://t.me/GrantFondKarimov

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​“Талабалар кубоги - 2018” бўлиб ўтмоқда

Олий ва ўрта махсус таълим вазирлиги Ўзбекистон касаба уюшмалари Федерацияси ҳамда Халқаро меҳнат ташкилоти билан ҳамкорликда талабалар ўртасида “Заковат” интеллектуал ўйини доирасида “Талабалар кубоги” турнирини ўтказмоқда.

2018 йил 29 октябр куни Самарқанд шаҳрида турнирнинг илк минтақавий саралаш босқичи бўлиб ўтди. Унда Самарқанд, Қашқадарё, Сурхондарё ва Жиззах вилоятларидан жами 18 та олий таълим муассасаси жамоалари иштирок этди.

Мазкур минтақада қуйидаги жамоалар ғолибликни қўлга киритди:

1-ўрин - Самарқанд давлат архитектура-қурилиш институти;
2-ўрин - Самарқанд ветеринария медицинаси институти;
3-ўрин - Самарқанд давлат университети.

Турнир 31 октябрь куни Бухоро, 2 ноябрь - Фарғона ва 4 ноябрда Тошкент шаҳрида давом этади.

Минтақавий босқич ғолиблари шу йилнинг 16 ноябрь куни бўлиб ўтадиган республика босқичида иштирок этади.

“Талабалар кубоги” турнирининг республика босқичида ғолибликни қўлга киритган жамоа Италиянинг Турин шаҳрида бўлиб ўтадиган бир ҳафталик ўқув-семинарида иштирок этади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

#Асосий_кўрсаткичлар

ОТМлардаги талабалар сони (йиллар кесимида):

👉 2011/2012- ўқув йилида – 272 046 нафар;
👉 2014/2015-ўқув йилида – 251 874 нафар;
👉 2018/2019-ўқув йилида – 337 929 нафар.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

Муҳаммад ал-Хоразмий олимпиадаси якунланди

Биринчи маротаба ўтказилган ушбу халқаро олимпиадада 20 та мамлакатнинг 58 та университетидан 334 нафар (225 нафар талаба ва 109 нафар раҳбар) вакиллари қатнашди.

Олимпиадада Буюк Британия, Чехия, Россия, БАА, Эрон, Болгария, Эстония, Словения, Малайзия, ва бошқа бир қатор Осиё давлатлари ҳамда МДҲ мамлакатларидан талабалар иштирок этишди.

Олимпиада якунларига кўра, 66 нафар иштирокчи медаллар билан тақдирланди (14 та олтин, 23 та кумуш ва 29 та бронза).

Халқаро олимпиадада шахсий ҳисобда энг яхши натижа қайд этган талабалар:

1-ўрин: Хао Ран Ванг, Пекин университети (Хитой);
2-ўрин: Али Даэи Наби, Шариф Технология университети (Эрон);
3-ўрин: Минг Хуиоу Янг, Пекин университети (Хитой);
4-ўрин: Толибжон Исмоилов, ЎзМУ (Ўзбекистон).

Олимпиада олий таълим муассасалари ўртасида ўтказилиб, умумжамоа ҳисобида қуйидаги университетлар ғолибликни қўлга киритишди:

👉 Пекин университети – 4 нафар талаба 4 та медаль (3 та олтин, 1 та кумуш);
👉 Ўзбекистон Миллий университети – 4 нафар талаба 4 та медаль (3 та олтин, 1 та бронза);
👉 Тарту университети (Эстония) – 4 нафар талаба 4 та медаль (1 та олтин 3 та кумуш);
👉 Махтумқули номидаги Туркман давлат университети – 4 нафар талаба 4 та медаль (1 та олтин 3 та кумуш).

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q

​​#Тайинлов

Ўзбекистон Республикаси Президентининг 2018 йил 5 ноябрдаги қарорига мувофиқ Олий ва ўрта махсус таълим вазирининг ўринбосари лавозимига Бузрукхонов Сарвархон Мунавархонович тайинланди.

Сарвархон Бузрукхонов 1969 йилда туғилган, маълумоти олий. 1993 йилда Тошкент молия институтини тамомлаган. Иқтисод фанлари номзоди, доцент.

Ушбу лавозимга тайинланишидан олдин Олий ва ўрта махсус таълим вазирлигининг Молиялаштириш ва бухгалтерия ҳисоби бошқармаси бошлиғи лавозимида фаолият кўрсатган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsU274vnAfc0Q