🏛 ТОШКЕНТ ДАВЛАТ ЮРИДИК УНИВЕРСИТЕТИ МАГИСТРАТУРАСИГА ЎҚИШГА КИРИШ УЧУН РЎЙХАТДАН ЎТГАН АБИТУРИЕНТЛАР ДИҚҚАТИГА!

⚖️ Тошкент давлат юридик университети магистратурасига ўқишга кириш бўйича Давлат тест маркази томонидан ўтказиладиган тест синовлари жорий йилнинг 19 сентябрь куни Тошкент шаҳри, Олмазор туманида жойлашган Талабалар шаҳарчаси хиёбонида ўтказилади.

👆 Қайси сектор ва сменада тест топширишингиз борасидаги маълумотларни ўзида акс эттирган абитуриент рухсатномасини tsul.dtm.uz платформаси орқали чоп этиб олишингиз мумкинлиги маълум қилинади.

👆 Тест синовлари жараёнида тегишли фан (мутахассислик фанлари ва чет тили)лардан 75 та саволни ечиш учун абитуриентларга 2 соат 30 дақиқа вақт ажратилади. Тест синовлари 2 смена (1-смена соат 08.00дан 10.30га қадар, 2-смена соат 16.00дан 18.30га қадар)да ташкил этилади.

Абитуриентлардан тегишли ҳудудга тест синовлари белгиланган вақтдан икки соат олдин келиш сўралади. Шахси тасдиқланмаган ва кечикиб келган абитуриентлар тест синовларига қўйилмайди.

Тест синовларида қатнашиш учун ўзингиз билан фуқаролик паспорти ва абитуриент рухсатномасини олиб келишингиз шарт.

Қабул жараёни ҳақидаги маълумотлар билан университетда ташкил этилган Call-марказ (71 2331395 ва 71 2336636 (ички 1185)), расмий веб-сайт (tsul.uz) ва ижтимоий тармоқлардаги саҳифалар орқали батафсил маълумотлар олишингиз мумкин.

🏛 Барча абитуриентларга тест синовларидан муваффақиятли ўтишларида омадлар тилаймиз!

каналга уланиш 👇👇
https://t.me/joinchat/AAAAAFLFypj1KkaGQU14Dg

#Академик_лицей

Тошкент давлат юридик университети қошидаги академик лицейга кириш имтиҳонлари санаси маълум қилинди

Тошкент давлат юридик университети қошидаги академик лицейга 2020/2021 ўқув йили учун ўқишга кириш бўйича Давлат тест маркази томонидан ўтказиладиган тест синовлари жорий йилнинг 18 сентябрь куни Тошкент шаҳри, Олмазор туманида жойлашган Талабалар шаҳарчаси сайилгоҳида ўтказилади.

Тест синовлари 2 сменада (1-смена соат 08.00 дан 11.00 га қадар, 2-смена соат 16.00 дан 19.00 га қадар) ташкил этилади.

Тест синовлари тарих ва хорижий тил фанларидан бўлиб ўтади.

❗️Абитуриентлар тест синовларига белгиланган вақтдан бир соат олдин етиб келишлари сўралади. Улар назорат пости орқали абитуриент рухсатномаси ва шахсни тасдиқловчи ҳужжат билан ҳудудга киритилади..

👆Тест синовлари ўтказилиш жараёнида:

- Тест варақасини буклаш, белгиланмаган жойларга ёзиш тақиқланади.

- Тест топшириш ҳудудига китоб, луғат, жадвал, уяли телефон, компьютер, телекомуникация қурилмалари ва бошқа воситалар, шпаргалкалар олиб кириш мумкин эмас.

- Тест материалларини бошқа абитуриентга узатиш, ёрдам бериш ҳамда бир-бири билан гаплашиш, тест материалларини ҳудуддан ташқарига олиб чиқиш, тест синовлари учун ажратилган вақт тугаганда тест материалларини топширишдан бош тортиш сизни тест синовларидан четлатишга асос бўлади.

❌ Шахси тасдиқланмаган ва кечикиб келган абитуриент тест синовига қўйилмайди!

Абитуриентлар қайси сменада тест топширишларини билиш ва тест синовларига кириш учун зарур бўладиган номзод рухсатномасини tsul.dtm.uz сайти орқали онлайн ҳужжат топширилганида рўйхатдан ўтган телефон рақамни киритган ҳолда олишлари мумкин.

☎️ Номзод рухсатномасини олиш бўйича муаммолар юзасидан Call-марказ (71) 241-72-44, (71) 241-75-54, (71) 241-57-44 рақамлари орқали академик лицей қабул комиссияси ходимлари билан боғланиб, барча зарур маълумотларни олиш мумкин.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#OTM_янгиликлари

Янгиликлар 24 | Тошкент давлат техника университети томонидан пойтахтимиздаги адиблар хиёбонида навбатдаги очиқ дарс ва ижодий учрашув ташкил этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#adiblar_xiyoboni

Aдиблар хиёбонида ўтказилган навбатдаги тадбир Низомий номидаги Тошкент давлат педагогика университети томонидан ташкил этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

​​#ОТМ_янгиликлари

Абдулла Қаҳҳор - етук сўз санъаткори

17 сентбярь Ўзбекистон халқ ёзувчиси, бетакрор сўз устаси Абдулла Қаҳҳор таваллуд топган кун. Шу муносабат билан бугун Адиблар хиёбонида Тошкент молия институти жамоаси томонидан адиб таваллудининг 113 йиллигига бағишлаб хотира тадбири ўтказилди.

Хотира тадбирида институт ректори в.в.б. Султонали Меҳмонов, Республика Маънавият ва маърифат маркази раҳбарининг биринчи ўринбосари Муҳаммаджон Қуронов, Ўзбекистон Ёзувчилар уюшмаси аъзолари шоира Фароғат Худойқулова, Ҳулкар Ҳамроева, Ўзбекистонда хизмат кўрсатган артист Меҳмонали Салимов ҳамда институт профессор-ўқитувчилари ва талаба-ёшлари иштирок этдилар.

Ташриф буюрган меҳмонлар Абдулла Қаҳҳорни ўзбек адабиёти жонкуяри, ёш қаламкашларнинг қаттиққўл, талабчан ва ғамхўр мураббийи, доно маслаҳатгўйи сифатида ҳамиша халқ билан ҳамнафас бўлган адиб сифатида ёд этиб, асарлари борасида ўз мулоҳазаларини билдириб ўтдилар.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

​​#Muhim_xabar

Тўлов-шартнома асосида ўқийдиган талабаларга бериладиган 10 фоизлик чегирма барча давлат олий таълим муассасаларида амал қилади

Олий ва ўрта махсус таълим вазирлиги томонидан Молия вазирлиги билан биргаликда пандемия шароитида аҳолининг тўлов қобилияти пасайишини ҳисобга олиб, фарзанди тўлов-шартнома асосида ўқийдиган оилаларга енгиллик яратиш ва уларни қўллаб-қувватлаш мақсадида янги ўқув йилида амалдаги базавий тўлов-контракт миқдори учун 10 фоиз чегирма берилиши ҳақида хабар берган эдик.

Мазкур таклиф Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан маъқулланди ва барча давлат олий таълим муассасаларига вазифа сифатида юборилди.

Янги 2020/2021 ўқув йилида республика олий таълим муассасаларининг бакалавриат ва магистратурасида кундузги таълим шаклида тўлов-контракт асосида таҳсил оладиган БАРЧА талабаларга шартнома шартларини бажаришда амалдаги базавий тўлов-контракт (стипендиясиз қисмидан) миқдорига 10 фоиз чегирма берилади.

Ҳурматли талабалар ва ота-оналар!

Агар сизда ушбу масала юзасидан тушунмовчиликлар юзага келса, аниқ фактларни кўрсатган ҳолда телеграмдаги @otvmurojaat_bot боти орқали бизга маълум қилинг. Ҳеч бир мурожаат эътиборсиз қолдирилмайди!

👉 Мурожаат учун - @otvmurojaat_bot

ОЎМТВ Ахборот хизмати

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#Эълон

Магистратурага ўқишга кириш учун рўйхатдан ўтган аммо асосланган узрли сабабларга кўра тест синовларида иштирок эта олмаган (ариза билан мурожаат қилган) абитуриентлар ДИҚҚАТИГА!

✅ Республика олий таълим муассасалари магистратурасига ўқишга кириш учун рўйхатдан ўтган (ариза берган) аммо узрли сабабларга кўра онлайн тест синовларида иштирок эта олмаган абитуриентларнинг мурожаатларига асосан (ариза билан мурожаат қилган ҳамда аризалари асосли деб топилган) улар учун 2020 йил 22 сентябрь куни соат 10:00 да онлайн тест синовлари ўтказилади.

👉 Мазкур онлайн тест синовларида иштирок этишга рухсат этилган (ариза билан мурожаат қилган ҳамда аризалари асосли деб топилган) абитуриентлар 2020 йил 21 сентябрь куни соат 10:00 дан бошлаб ўзларининг шахсий кабинетларидан логин ва пароли орқали онлайн тест синовларида иштирок этиш рухсатномасини олишлари мумкин.

⏰ Ушбу тоифадаги абитуриентлардан рухсатномаларида белгиланган манзилларга (ҳудуд, бино) фуқаролик паспорти ҳамда тестда иштирок этиш рухсатномаси билан 22 сентябрь куни соат 09:30 га қадар етиб келишлари талаб этилади.

❗️Белгиланган муддатдан кеч келган абитуриентлар тест синовларига киритилмайди!

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#Халқаро_ҳамкорлик

Олий ва ўрта махсус таълим вазирлиги QS халқаро рейтинг агентлиги билан 2020-2021 йилларда ҳамкорлик бўйича шартнома имзолади

Олий ва ўрта махсус таълим вазирлиги юртимиздаги олий таълим муассасаларининг халқаро рейтингга киришини қўллаб-қувватлаш бўйича Quacquarelli Symonds (QS) компанияси билан 2020-2021 йилларда ҳамкорлик бўйича стратегик шартнома имзолади.

Имзоланган шартномага кўра, вазирлик QS халқаро рейтинг агентлиги билан Ўзбекистонда олий таълимнинг глобал рақобатбардошлигини ошириш, халқаро академик жамиятида ва дунёнинг энг яхши университетлари рейтингида маҳаллий олий таълим муассасаларининг эътироф этилишини таъминлашда ҳамкорлик қилади.

– Ўзбекистон олий таълимининг нуфузини мустаҳкамлаш ва унинг халқаро миқёсда тан олинишини янада ошириш - олдимизда турган энг муҳим масалалардан бири, – деди Олий ва ўрта махсус таълим вазири Ином Мажидов шартнома имзолаш жараёнида. – Шу нуқтаи назардан, ўз йўналишида дунёнинг етакчиларидан ҳисобланган QS компанияси билан ҳамкорлигимиз узоқ муддатли стратегик характерга эга бўлиб, мамлакатимиз олий таълим тизими, шунингдек, алоҳида ҳар бир олий таълим муассасаси фаолиятини халкаро мезонларга мосллаштиришга ёрдам беради.

✅ Вазирлик ва халқаро рейтинг агентлиги ўртасидаги ҳамкорлик қуйидаги йўналишларда олиб борилади:

➖ Ўзбекистоннинг етакчи олий таълим муассасалари тўғрисида, уларнинг ҳозирги ҳолати ва библиометрик кўрсаткичлари, онлайн-муҳитда фаоллиги ҳақидаги маълумотларини қиёсий таҳлил қилиш;

➖ Етакчи олий таълим муассасалари учун халқаро стандартларга мувофиқ тадқиқотлар стратегиясини шакллантириш;

➖ Олий таълим муассасаларининг компетенция ва салоҳиятлари асосида етакчи олий таълим муассасалари учун халқаро коллоборация стратегияларини шакллантириш.

– Компания Ўзбекистон олий таълим муассасалари билан ўзаро ҳамкорлик қилишдан манфаатдор ва улар билан профессионал мулоқотни ривожлантиришга алоҳида аҳамият қаратади, - деди QS компаниясининг Марказий Осиё ва Шарқий Европа бўйича минтақавий директори Сергей Христолюбов. – Ўзбек университетларининг QS предмет ва институционал рейтингларига кириши, Европа ва Марказий Осиёда ривожланаётган мамлакатлар минтақавий рейтингида мавқеи ошишига ёрдам беришни истаймиз.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#OTM_янгиликлари

ТАТУ Нукус филиали жамоаси мўйноқлик ёшларга веб-технологиялари бўйича бепул машғулотлар олиб бормоқда

2019 йил декабрь ойида Қорақалпоғистоннинг Мўйноқ туманида ТАТУ Нукус филиали «Future Muynak» ўқув-амалиёт маркази ташкил қилинган эди.

Марказ январь ойидан бугунги кунга қадар мўйноқлик ёшларни анимация-дизайни, Web-дизайни, видео ва кино маҳсулотларини, компьютер ўйинларини ишлаб чиқариш йўналишлари бўйича бепул ўқитмоқда.

Батафсил: https://edu.uz/uz/news/view/2266

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#OTM_янгиликлари

Янгиликлар 24 | Тошкент давлат стоматология институтида форум бўлиб ўтди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

​​#ijodiy_imtihon

ЎзДЖТСУда касбий (ижодий) имтиҳонлар якунланди

Ўзбекистон давлат жисмоний тарбия ва спорт университетининг Спорт фаолияти (фаолият турлари бўйича) бакалавриат таълим йўналишларига кириш касбий (ижодий) имтиҳонлари якунланди

Касбий (ижодий) имтиҳонлар 3 сентябрдан бошланди. Имтиҳонлар ҳудудлар кесимида 16 сентябргача ўтказилди. Белгиланган муддатларда айрим сабабларга кўра қатнашмаган абитуриентларга 17-18 сентябрь кунлари касбий (ижодий) имтиҳонларни топширишга рухсат берилди.

Касбий (ижодий) имтиҳонларда иштирок этиши белгиланган 15 минг 5 нафар абитуриентдан 12 минг 444 нафари (83,2 %) иштирок этди. 2 минг 515 нафари эса (16,8 %) турли сабабларга кўра имтиҳонларда иштирок этмади.

Абитуриентлар ўз натижаларини университетининг касбий (ижодий) имтиҳон натижалар базаси http://natija.uzdjtsu.uz/ саҳифаси орқали билиб олишлари мумкин.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

​​#OTM_янгиликлари

Ректорлар масофадан таҳсил олаётган талабалар муаммоларини ўрганиш ва уларни ҳал қилиш учун ҳудудларга сафар уюштирмоқда

Тошкент давлат иқтисодиёт университети ректори, профессор Қўнғиротбой Шарипов COVID-19 пандемияси даврида масофадан туриб таҳсил олаётган талабалар билан учрашиш, уларнинг муаммоларини ўрганиш ва ҳал қилиш мақсадида Жиззах вилоятига борди.

Бахмал туманининг Мўғол қишлоғида жойлашган Иқтисодиёт ва туризм техникумида бўлиб ўтган учрашувда даставвал, университет томонидан онлайн таълим сифатини ошириш борасида олиб борилаётган ишлар ҳақида маълумот бериб ўтилди.

Сафар давомида ижтимоий ҳимояга муҳтож, онлайн таълим олишда қийинчиликка дуч келаётган талабалар уйларига ташрифлар уюштирилди. Университет имкониятларидан келиб чиқиб ва ҳамкорларнинг кўмаги билан ижтимоий ёрдам кўрсатилди.

— Албатта, бу жараёнлар шахсан ўзим, проректорлар ва деканлар назоратида. Сизларнинг муаммоларингизни ҳар куни, керак бўлса ҳар соатда ўрганиб бораяпмиз, таҳлил қиляпмиз, ечим излаяпмиз. Лекин, бу масаланинг бир томони, иккинчи томони ва энг асосийси эса, профессор-ўқитувчиларнинг профессионаллиги, Сизларнинг мустақил таълим олишга бўлган интилишларингизга боғлиқ. Онлайн таълим сифатини таъминлашда бу муҳим жиҳат эканлигини унутманг, - деди Қўнғиротбой Шарипов талабалар билан учрашувда.

Шундан сўнг бугун юзага келган вазиятдан келиб чиқиб таҳсил олиш муаммолари юзасидан талабалар ҳам ўз фикрлари ва таклифлари билан ўртоқлашдилар. Ректор ва талабалар дарс ўтиш жараёнларини бевосита кузатиш мақсадида реал вақт режимида онлайн дарс соатида иштирок этдилар.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#Эълон

Магистратурага ўқишга кириш учун рўйхатдан ўтган аммо асосланган узрли сабабларга кўра тест синовларида иштирок эта олмаган (ариза билан мурожаат қилган) абитуриентлар ДИҚҚАТИГА!

✅ Республика олий таълим муассасалари магистратурасига ўқишга кириш учун рўйхатдан ўтган (ариза берган) аммо узрли сабабларга кўра онлайн тест синовларида иштирок эта олмаган абитуриентларнинг мурожаатларига асосан (ариза билан мурожаат қилган ҳамда аризалари асосли деб топилган) улар учун 2020 йил 22 сентябрь куни соат 10:00 да онлайн тест синовлари ўтказилади.

👉 Мазкур онлайн тест синовларида иштирок этишга рухсат этилган (ариза билан мурожаат қилган ҳамда аризалари асосли деб топилган) абитуриентлар 2020 йил 21 сентябрь куни соат 10:00 дан бошлаб ўзларининг шахсий кабинетларидан логин ва пароли орқали онлайн тест синовларида иштирок этиш рухсатномасини олишлари мумкин.

⏰ Ушбу тоифадаги абитуриентлардан рухсатномаларида белгиланган манзилларга (ҳудуд, бино) фуқаролик паспорти ҳамда тестда иштирок этиш рухсатномаси билан 22 сентябрь куни соат 09:30 га қадар етиб келишлари талаб этилади.

❗️Белгиланган муддатдан кеч келган абитуриентлар тест синовларига киритилмайди!

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

​​#Эълон

Бугун, 21 сентябрь куни соат 16:00да Ўзбекистон Миллий матбуот марказида Олий ва ўрта махсус таълим вазирлиги раҳбар-ходимлари ҳамда ОТМ ректорлари иштирокида матбуот анжумани бўлиб ўтади.

Матбуот анжуманида ёшларни олий таълим билан қамраб олиш даражасини оширишга қаратилган чора-тадбирлар ҳақида батафсил маълумот берилади.

Тадбирга мавзу юзасидан қизиқиш билдирган барча оммавий ахборот воситалари вакиллари таклиф этилади.

Манзил: Тошкент шаҳри Навоий кўчаси 16-уй

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

Абитуриентлар диққатига!

Андижон давлат университетида хорижий давлатлар олий таълим муассасалари билан ҳамкорликдаги қўшма таълим дастурларига қабул давом этмоқда

🇧🇾🇺🇿Беларусь Республикасининг Полоцк давлат университети билан ҳамкорликда:

🎓Бакалавриатура:

Технологик таълим йўналиши. Квота 25 та.
Туризм таълим йўналиши. Квота 20 та.
Мактабгача таълим йўналиши. Квота 25 та.

👉 Талабалар (2+2) 2 йил АндДУ да, 2 йил Полоцк давлат университетида ўқийди

🇷🇺🇺🇿Россия Федерациясининг Томск давлат университети билан ҳамкорликда:

🎓Бакалавриатура:

Биология (турлар бўйича) таълим йўналиши. Квота 30 та.
Бизнесни бошқариш (тармоқлар бўйича) таълим йўналиши. Квота 30 та.
Архившунослик таълим йўналиши. Квота 25 та.

👉 Талабалар (2+2) 2 йил АндДУ да, 2 йил Томск давлат университетида ўқийди.

🇷🇺🇺🇿Россия Федерациясининг Н.П.Огарёв номидаги Мордовия давлат миллий тадқиқот университети билан ҳамкорликда:

🎓Бакалавриатура: Филология ва тилларни ўқитиш: рус тили таълим йўналиши. Квота 25 та;

✅Ўқиш (2+2) 2 йил АндДУ да, 2 йил Мордовия давлат миллий тадқиқот университетида.

🎓Магистратура: Биология (фан йўналиши бўйича) мутахассислиги бўйича. Квота 4 та.

✅Магистрантлар (1+1) 1 йил АндДУ да, 1 йил Мордовия давлат миллий тадқиқот университетида.

Битирувчиларга Ўзбекистон ва ҳамкор давлатда тан олинадиган 2 та диплом берилади;

Таълим шакли: кундузги (тўлов шартнома асосида);
Ўқитиш тили: рус тили

Кириш имтиҳонлари:
Хорижий ҳамкор олий таълим муассасаси вакиллари томонидан ўтказиладиган имтиҳон (рус тилида) дан иборат.

Абитуриентдан талаб этилувчи ҳужжатлар:
ўрта ёки ўрта махсус таълими дипломи/шаҳодатномаси (сертификат);
паспорт нусхаси (асли ўқишга киргандан сўнг кўрсатилади)

Ҳужжатлар Телеграмм ижтимоий тармоғи орқали +998902172076 рақамига СКАНЕР қилинган ҳолатда юборилади

Ҳужжатларни қабул қилиш муддати: 2020 йил 20 июлдан 30 сентябргача.

Қўшимча маълумот учун телефонлар:
(74) 223 83 79,
(90) 217 20 76,

E-mail:
wolffar7@mail.ru

Каналга уланиш: 👇👇👇
https://t.me/joinchat/AAAAAEj41EOgo4JF8DB1sQ

#Қабул2020

Ўқишга қабул давом этади: Ўзбекистонда хориж таълимини олиш имконияти кенгаймоқда

Ўзбекистонда олий таълим муассасалари сони сўнгги уч йил ичида 47 тага кўпайиб, бугунги кунда 125 та олий таълим муассасаси фаолият юритади. Ўз йўналишида таянч олий ўқув юрти ҳисобланган барча етакчи университет ва институтларнинг республика бўйлаб филиаллари ташкил этилган. Филиаллар нафақат вилоят марказлари ва йирик шаҳарларда, балки чекка туманларда ҳам иш бошлаган.

Бу йил ОТМ бакалавриатига кундузги, сиртқи ва кечки таълим шаклларида жами 162 364 нафар абитуриент талабаликка қабул қилинади. Натижада ёшларни олий таълим билан қамраб олиш 9 фоиздан 25 фоизгача кўтарилди.

Шундай бўлса-да, ёшларда олий маълумот олишга бўлган қизиқишнинг юқорилиги ва қабул квоталари ҳозирча уларнинг эҳтиёжини тўлиқ қоплай олмаётганини ҳисобга олиб, Олий ва ўрта махсус таълим вазирлиги томонидан улар учун янги имкониятлар яратиб берилмоқда.

Жумладан, ОТМларда МДҲ, АҚШ ва Европанинг қатор нуфузли олий ўқув юртлари билан ҳамкорликдаги double degree таълим дастурлари асосида ўқитиш қамрови кенгаймоқда. Биргина ўтган ўқув йилининг ўзида АҚШ, Германия, Франция Италия, Финляндия, Нидерландия, Туркия, Индонезия, Исроил ва бошқа 22 та давлатнинг 104 та етакчи университетлари билан ҳамкорликда қўшма таълим дастурларида кадрлар тайёрлаш йўлга қўйилди.

2020/2021 ўқув йилида ҳам хорижий ҳамкор университетлар ва қўшма таълим дастурлари давом эттирилиб, ҳозирда қатор ОТМларда қабул давом этмоқда. Жумладан, Андижон давлат университети, Тошкент давлат иқтисодиёт университети, Ўзбекистон давлат жаҳон тиллари университети, Урганч давлат университети, Ўзбекистон давлат жисмоний тарбия ва спорт университети, Наманган давлат университети, Қўқон давлат педагогика институти, Наманган муҳандислик-қурилиш институти, Самарқанд ветеринария медицинаси институти, Жиззах политехника институти ҳамда Андижон қишлоқ хўжалиги ва агротехнологиялар институтида қўшма таълим дастурларига қабул давом этмоқда.

Бугунги кунда юртимизда АҚШ, Буюк Британия, Корея Республикаси, Россия, Ҳиндистон, Сингапур, Малайзия ва бошқа давлатлар билан ҳамкорликда 22 та хорижий ОТМ ва филиаллари фаолият кўрсатмоқда.

Хорижий олий таълим муассасаларидан Сингапур менежментни ривожлантириш институти, Астрахань давлат техника университетининг Тошкент вилоятидаги филиалида ҳамда TEAM университети, Фарғона шаҳрида Корея халқаро университети каби нодавлат олий таълим муассасаларида абитуриентлардан ҳужжатларни қабул қилиш давом этмоқда.

Шунингдек, юртимиздаги қатор ОТМлар ҳузурида тайёрлов курслари фаолияти йўлга қўйилиб, қулай шартлар ва қатор имтиёзлар асосида абитуриентларни ўқишга тайёрлаш ишлари олиб борилмоқда. Мисол учун, Тошкент ахборот технологиялари университетида Беларусь давлат информатика ва радиоэлектроника университети билан ҳамкорликда тайёрлов курслари ташкил этилган. Ўқув курсини муваффақиятли тамомлаган ва сертификатни қўлга киритган тингловчилар қўшма дастурга ўқишга тўғридан тўғри қабул қилинади.

Қолаверса, 2020/2021 ўқув йилидан бошлаб юртимизда янги профессионал таълим тизими ташкил этилиб, уларда таҳсил олувчиларга ҳам қатор имтиёзлар берилди. Мисол учун, техникумларда икки йиллик таҳсилдан сўнг фанларни ўзлаштиришда алоҳида муваффақиятларга эришган битирувчилар олий таълим муассасасида ўқиган касби бўйича суҳбат асосида ўқишга қабул қилинади. Ҳозирда юртимиздаги 201 та коллеж ва 185 та техникумга қабул жараёни давом этмоқда. Ҳужжатлар шу йилнинг 25 сентябрига қадар қабул қилинади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#Матбуот_анжумани

Бугун, 21 сентябрь куни Олий ва ўрта махсус таълим вазирлиги томонидан Ўзбекистон Миллий матбуот марказида матбуот анжумани ўтказилди.

✅ Вазирлик бош бошқарма бошлиғи Абдували Холиқов ва Ахборот хизмати раҳбари Фархад Бабашев иштирок этган тадбирда қуйидаги ва бошқа саволларга аниқлик киритилди:

👉 ОТМларда анъанавий таълимга қачон қайтилади?

👉 Ўқишга киролмаган абитуриентларга қандай имкониятлар мавжуд?

👉 Магистратура имтиҳонларининг жавоблари қачон эълон қилинади?

👉 Мутахассислик фанидан 55 фоиздан кам тўплаганлар магистратурага қабул қилинадими?

👉 Иккинчи мутахассисликка кириш имтиҳонлари қачон ўтказилади.

💾 Матбуот анжуманининг тўлиқ видеоси – 121 МБ.

⏰ Давомийлиги – 48 дақиқа 50 сония.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

#Президент

Бугун, 22 сентябрь куни соат 21:30да “O‘zbekiston24” телеканали ва Президент матбуот хизматининг Facebook'даги расмий саҳифаси орқали "Янги Ренессанс сари" фильмини томоша қилинг.
—
Смотрите сегодня, 22 сентября, в 21:30 фильм "Янги Ренессанс сари" на телеканале “O‘zbekiston24” и на официальной странице пресс-службы Президента в Facebook.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g

​​#Muloqot

Вазирнинг биринчи ўринбосари Қорақалпоғистон ОТМларида таҳсил олаётган хорижлик талабалар билан учрашди

Олий ва ўрта махсус таълим вазирининг биринчи ўринбосари Ўктам Саломов Қорақалпоқ давлат университети талабалар турар жойига ташриф буюрди.

Вазирнинг биринчи ўринбосари Ў.Саломов вазирлик бошқарма бошлиғи О.Базаров билан бирга ушбу университет талабалар турар жойида истиқомат қилаётган хорижлик талабалар билан учрашди.

Қўшни Туркманистон ва Қозоғистондан келган талабалар билан суҳбат самимий руҳда ўтди. Мулоқот давомида Ўктам Саломов уларнинг яшаш шароитлари билан танишди, мавжуд муаммолар тўғрисидаги фикрлари ва таклифларини тинглади.

Ўз ўрнида, хорижлик талабалар пандемия шароитида кўрсатилаётган эътибор ва ғамхўрликдан мамнун эканликларини билдиришди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AsADEDumdCB6g