Edu.uz
✔
144K subscribers
40.4K photos
7.75K videos
311 files
18.5K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
Forwarded from Hilola Umarova
#Prezident_qarori
#ilm_fan

Prezidentimiz “O‘zbekiston Respublikasi Fanlar akademiyasi faoliyatini takomillashtirish chora-tadbirlari to‘g‘risida”gi qarorni imzoladi.
 
Ushbu muhim, tarixiy hujjat bilan Fanlar akademiyasining asosiy maqsad va ustuvor yo‘nalishlari belgilandi. Fanlar akademiyasida 2030-yilga qadar belgilangan ustuvor yo‘nalishlar bo‘yicha ilmiy tadqiqotlar yo‘lga qo‘yiladi. 2030-yilga qadar FA va uning tizim tashkilotlarida yangi ilmiy ishlanmalar soni va tijoratlashtirishdan olinadigan mablag‘lar hajmi 3 baravarga; ilmiy xodimlar tarkibida yoshlar ulushi 60 foizgacha; nufuzli xalqaro ilmiy nashrlarda chop etilgan maqolalar soni 4 baravarga; akademiklar va professorlarning ta’lim jarayonidagi ishtiroki 5 baravarga; xalqaro hamkorlikda amalga oshirilgan ilmiy tadqiqotlar soni 3 baravarga oshiriladi.

Xorijiy mamlakatlarda faoliyat ko‘rsatayotgan ilmiy diasporani O‘zbekiston ilm-faniga reintegratsiya qilinib, FA ilmiy muassasalarini raqobat tamoyili asosida moliyalashtirish tizimiga o‘tadi, yoshlarning akademik fanlarda ishtirokini kuchaytirish uchun ularni rag‘batlantirish tizimini yaratiladi.

Akademiyaning yangi ishlanmalarini tijoratlashtirish tizimini tubdan takomillashtirish maqsadida Fan va sanoat integratsiyasi kengashi tashkil etiladi va uning tarkibi O‘zbekiston Respublikasi Prezidenti Administratsiyasi rahbari tomonidan tasdiqlanadi.

Shuningdek, hujjat bilan FA faoliyatini takomillashtirish bo‘yicha chora-tadbirlar dasturi, 2030-yilgacha maqsadli ko‘rsatkichlari, ilmiy xodimlari sonini bosqichma-bosqich oshirish rejasi tasdiqlandi.

Fanlar akademiyasi boshqaruv apparati xodimlarining umumiy cheklangan soni 50 nafar etib belgilandi. Oliy ta’lim, fan va innovatsiyalar vazirligi huzuridagi Ilg‘or texnologiyalar markazi hamda Innovasion rivojlanish agentligining Xalqaro molekulyar allergologiya markazini Fanlar akademiyasi tizimiga o‘tkaziladi.

Namangan, Samarqand va Termiz shaharlarida Fanlar akademiyasining hududiy bo‘limlari tashkil etiladi.
Xalqaro ilm-fan kengashining Markaziy Osiyo mintaqaviy ofisi tashkil etiladi.

Yana bir muhim yangilik – ilmiy tadqiqotlarni qo‘llab-quvvatlash, yosh olimlarni jalb qilish va strategik ahamiyatga ega ilmiy yo‘nalishlarni barqaror moliyalashtirish maqsadida Fanlar akademiyasi jamg‘armasi tashkil etiladi va davlat byudjetidan har yili 80 milliard so‘m miqdoridagi mablag‘ ajratiladi.

Endi tizim oldida turgan eng muhim vazifa – mazkur qaror ijrosini samarli tashkil etish, belgilangan vazifa, marralarni bajarish. Davlatimiz rahbari tomonidan sharoit yaratilmoqda, imkoniyat berildi undan foydalanish, birgalikda mamlakat ilm-fani kuchini yuqori darajaga olib chiqishimiz lozim!

@hilola_umarova
❤24👍15🔥2👏1🤔1
Forwarded from Kasbiy ta’lim agentligi
Hurmatli tadbirkorlar!

Kasbiy ta’lim agentligi tomonidan yoshlar bandligini ta’minlash bo‘yicha xususiy sektordagi ish beruvchilarning takliflarini o‘rganish maqsadida maxsus so‘rovnoma ishlab chiqildi.

Sizdan ushbu so‘rovnomada ishtirok etib, yoshlar bandligini ta’minlash va ish o‘rinlari yaratishga hissa qo‘shishingizni so‘raymiz:
👉https://forms.gle/4mFT8FeD7eSozhM49

So‘rovnomani to‘ldirishga 5 daqiqa vaqt ketadi. Yangi tizimni ishlab chiqishda sizning yordamingiz biz uchun muhim!

Bizni kuzating

Telegram | Instagram
👍11❤5
Media is too big
VIEW IN TELEGRAM
#Sarhisob

2025-yil — Yoshlar akademiyasi uchun tarixiy natijalar yili


Yakunlanayotgan yilda Oliy ta’lim, fan va innovatsiyalar vazirligi huzuridagi Yoshlar akademiyasi tomonidan g‘oyalar ilmga, ilm esa real natijalarga aylandi.

➖ minglab yoshlar o‘z g‘oyalarini real loyihaga,
➖ loyihalarni amaliy natijaga,
➖ natijalar bilan esa yurt taraqqiyotiga hissa qo‘shdi.

2026-yil — navbat SIZGA!

Agar siz:

➖ ilm-fanga qiziqsangiz,
➖ yangilik yaratishni xohlasangiz,
➖O‘zbekiston kelajagiga o‘z hissangni qo‘shmoqchi bo‘lsangiz,

Yoshlar akademiyasiga qo‘shiling!

🇺🇿 2026-yilda biz bilan bo‘ling — Uchinchi Renessans tarixini yarating!

Bizni kuzating

Facebook | Instagram | YouTube | Telegram
❤14👍4
Aholi va qishloq xoʻjaligini roʻyxatga olishga tayyorgarlik koʻrilmoqda

Oliy ta’lim, fan va innovatsiyalar vazirligida O‘zbekiston Respublikasi Prezidentining PF-173-son Farmoni ijrosini ta’minlash maqsadida o‘quv seminari tashkil etildi.

Tadbirda Milliy statistika qo‘mitasi mutaxassislari ishtirokida Vazirlik markaziy apparati, tizim tashkilotlari hamda oliy ta’lim muassasalari xodimlariga 2026-yilda o‘tkaziladigan aholini ro‘yxatga olish tadbirining mazmun-mohiyati tushuntirildi.

Seminar davomida quyidagi masalalarga alohida e’tibor qaratildi:

➖ 2026-yil 15-yanvardan 31-yanvarga qadar barcha tizim xodimlarini census.stat.uz portali orqali onlayn ro‘yxatdan o‘tish jarayonlariga tayyorlash;
➖ Asosiy tadbir 2026-yil 15-yanvardan 28-fevralga qadar davom etishi;
➖ Jarayonni samarali tashkil etishda statistik ko‘rsatkichlarni shakllantirish bo‘yicha tushuntirishlar berish.

Uchrashuv yakunida barcha oliy ta’lim muassasalarida mazkur tadbirga tayyorgarlik ko‘rish va xodimlarning xabardorligini oshirish bo‘yicha tegishli topshiriqlar berildi.

Bizni kuzating

Facebook | Instagram | YouTube | Telegram
❤18🔥2👏1
Tarixiy qaror: Fanlar akademiyasi faoliyati takomillashtiriladi

Bugungi globallashuv va jadal taraqqiyot sharoitida ilm-fan har bir davlatning barqaror rivojlanishi va raqobatbardoshligini ta’minlovchi muhim omil hisoblanadi. Shu bois Oʻzbekistonda ilmiy salohiyatni yuksaltirish, fan sohasini zamon talablari asosida rivojlantirish va innovatsion faoliyatni qoʻllab-quvvatlash davlat siyosatining ustuvor yoʻnalishlaridan biri etib belgilangan. Mazkur jarayonda Oʻzbekiston Respublikasi Fanlar akademiyasi faoliyatini takomillashtirishga qaratilgan qaror ilm-fan rivojida yangi bosqichni boshlab beruvchi muhim hujjat sifatida alohida ahamiyat kasb etadi.

Bugun, 29-dekabr Oʻzbekiston Respublikasi Fanlar akademiyasida Davlatimiz Rahbarining “Oʻzbekiston Respublikasi Fanlar akademiyasi faoliyatini takomillashtirish chora-tadbirlari toʻgʻrisida”gi qarori ijrosiga bagʻishlangan tadbir boʻlib oʻtdi. Tadbirni Fanlar akademiyasi prezidenti, akademik Shavkat Ayupov olib bordi.

Unda Oʻzbekiston Respublikasi Prezidenti Administratsiyasi rahbari oʻrinbosari Hilola Umarova, Maktabgacha va maktab ta’limi vaziri E’zoza Karimova, Oliy ta'lim, fan va innovatsiyalar vaziri Qo‘ng‘irotboy Sharipov, akademik va olimlar, ilmiy-tadqiqot muassasalari direktorlari va tadqiqotchilari ishtirok etdi.


Muloqot davomida mamlakatimiz ilm-fani sohasi oldiga qoʻyilgan muhim strategik maqsadlar hamda Davlatimiz Rahbarining Fanlar akademiyasi faoliyatini rivojlantirishga qaratilgan qarori ijrosining ustuvor vazifalari muhokama qilindi.
Mazkur tarixiy qaror Oʻzbekiston ilm-fani rivojida mutlaqo yangi bosqichni boshlab berishi bilan alohida ahamiyat kasb etadi. Unda Fanlar akademiyasi faoliyatini tubdan takomillashtirishga qaratilgan aniq istiqbolli yoʻnalishlar va samarali mexanizmlar belgilab berilgan.


Davlat taraqqiyotida ilm-fanning oʻrni beqiyos ekanini inobatga olgan holda, qarorda ilmiy-tadqiqot muassasalarining salohiyatini oshirish, zamonaviy infratuzilmani shakllantirish, ilmiy kadrlar tayyorlash tizimini rivojlantirish, yosh olimlarni qoʻllab-quvvatlash hamda fan–ta’lim–ishlab chiqarish integratsiyasini kuchaytirish masalalariga alohida e’tibor qaratilgan. Bu esa Fanlar akademiyasi zimmasiga yanada katta mas’uliyat yuklaydi.

Xulosa qilib aytganda, mazkur qaror Fanlar akademiyasini zamon talablariga mos, raqobatbardosh va natijaga yoʻnaltirilgan yetakchi ilmiy markazga aylantirishga xizmat qiladigan muhim strategik hujjat hisoblanadi.

😎Telegram |🌐Websayt
😎Facebook |😎YouTube |😎Instagram
Please open Telegram to view this post
VIEW IN TELEGRAM
❤13👍6🔥2🎉1