Edu.uz
✔
144K subscribers
40.4K photos
7.75K videos
311 files
18.5K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
Surxondaryo oliygohlari: taʼlim sifati, imkoniyatlar va zamonaviy infratuzilma

Xizmat safari bilan Surxondaryo viloyatida boʻlib turgan Oʻzbekiston Respublikasi Prezidenti Administratsiyasi rahbari oʻrinbosari Hilola Umarova Termiz davlat universiteti va Termiz iqtisodiyot va servis universiteti faoliyati bilan yaqindan tanishdi.

H. Umarova Termiz davlat universiteti infratuzilmasi koʻzdan kechirarkan, talabalarning boʻsh vaqtini mazmunli tashkil etishga qaratilgan toʻgaraklar faoliyati, shuningdek, Ilmiy tadqiqot markazida yaratilgan shart-sharoitlar hamda amalga oshirilayotgan yirik ilmiy loyihalar bilan tanishdi. Olima ayollar va talaba-yoshlar bilan oʻtkazilgan ochiq muloqotda yoshlarga yaratilayotgan keng imkoniyatlar samarasi alohida taʼkidlandi.

Shuningdek, Hilola Umarova hamda Maktabgacha va maktab taʼlimi vaziri Eʼzoza Karimova Termiz iqtisodiyot va servis universitetida ham boʻlib, oliygohda yaratilgan shart-sharoitlar bilan tanishdi. Zamonaviy jihozlangan oʻquv xonalari, multimedia texnologiyalari bilan taʼminlangan auditoriyalar faoliyati koʻzdan kechirildi.

Tashrif doirasida talaba-yoshlar bilan ochiq suhbat oʻtkazilib, davlatimiz rahbari tomonidan yoshlarga yaratilayotgan keng imkoniyatlar, grantlar, xorijiy taʼlim dasturlari hamda ilmiy loyihalarni qoʻllab-quvvatlash tizimi haqida soʻz yuritildi. Shuningdek, universitetda ingliz tilini oʻqitish sifatini oshirish boʻyicha olib borilayotgan ishlar, xususan, Kembrij metodikasi asosida ishlab chiqilayotgan yangi oʻquv tizimi va xalqaro standartlarga mos dasturlar joriy etilayotgani qayd etildi.


Uchrashuvlar davomida Hilola Umarova oliygohlarda amalga oshirilayotgan islohotlar va yoshlar salohiyatini qoʻllab-quvvatlashga qaratilgan tashabbuslarni kengaytirish, taʼlim sifatini yanada oshirish, innovatsion yondashuvlarni ommalashtirish va targʻibot ishlarini kuchaytirish boʻyicha masʼullarga tegishli koʻrsatmalar berildi.

Bizni kuzating

Facebook | Instagram | YouTube | Telegram
3👍21❤13🔥5
TURKSOYda Alisher Navoiy tavalludining 585 yilligi nishonlandi

2026-yil 13-fevral kuni Anqara shahridagi Xalqaro turkiy madaniyat tashkiloti — TURKSOY Bosh qarorgohida buyuk shoir va mutafakkir Alisher Navoiy tavalludining 585 yilligiga bag‘ishlab “Alisher Navoiy — turkiy adabiyotning buyuk namoyondasi” mavzusida anjuman o‘tkazildi.

Nufuzli anjumanda turkiy dunyo mamlakatlarining ilm-fan, adabiyot va diplomatiya sohasi vakillari ishtirok etdi. Xususan, Qozog‘istonning Anqaradagi elchisi Yerkebulan Sapiyev, Turkmanistonning Anqaradagi elchisi Mekan Ishanguliyev, O‘zbekiston Yozuvchilar uyushmasi raisi, O‘zbekiston xalq shoiri Sirojiddin Sayyid, Alisher Navoiy nomidagi Toshkent davlat o‘zbek tili va adabiyoti universiteti rektori, akademik Shuhrat Sirojiddinov, O‘zbek adabiyoti tarixi kafedrasi mudiri, O‘zbekiston xalq shoiri Usmon Azim, professor Nurboy Jabborov, Anqara Ijtimoiy fanlar universiteti rektori, Turkiya Yozuvchilar uyushmasi raisi Musa Kazım Arijan hamda Ozarbayjon Milliy fanlar akademiyasi professori Seadet Drixiyeva shular jumlasidandir.

Tadbirni ochib bergan TURKSOY Bosh kotibi Sultan Rayev Navoiy shaxsini turkiy dunyoning umumiy vijdoni va sivilizatsiyaviy timsoli sifatida e’tirof etdi. U O‘zbekistonda ajdodlar merosiga ko‘rsatilayotgan yuksak e’tiborni alohida ta’kidlab, mamlakatimizda adabiyot va madaniyatni qo‘llab-quvvatlash, Navoiy merosini yosh avlodga yetkazish borasida olib borilayotgan siyosat muhim ahamiyat kasb etayotganini qayd etdi.

Yalpi majlisda so‘zga chiqqan akademik Shuhrat Sirojiddinov Navoiy asarlarining O‘zbekistonda va xalqaro miqyosda o‘rganilishi, qo‘lyozmalarni ilmiy tadqiq etish, nashr va tarjima ishlari haqida ma’lumot berdi. U Navoiy merosini zamonaviy ilmiy yondashuvlar asosida tadqiq etish hamda yosh avlod ongiga singdirish masalalariga alohida e’tibor qaratdi. Shuningdek, Alisher Navoiy merosining umumbashariy ahamiyatini ta’kidlab, uni nafaqat turkiy xalqlarning, balki butun insoniyatning ma’naviy dahosi sifatida e’tirof etdi.

Anjumanda Toshkent davlat o‘zbek tili va adabiyoti universiteti vakillari tomonidan Navoiy merosini o‘rganish yo‘nalishida amalga oshirilayotgan ilmiy loyihalar va xalqaro hamkorlik ishlari yuzasidan ham маълумот berildi.

Tadbir davomida Navoiy asarlarining turli turkiy lahja va adabiyotlarga tarjima qilinayotgani alohida qayd etildi. Xususan, “Xamsa” asarining ozarbayjon tiliga to‘liq tarjima qilinib Bokuda nashr etilgani, “Mahbub ul-qulub” asarining ozarbayjon, qoraqalpoq va qozoq tillariga tarjima etilgani, shuningdek, Navoiy hayoti va ijodiga bag‘ishlangan ilmiy va badiiy asarlar chop etilayotgani ta’kidlandi.


Anjuman yakunida akademik Shuhrat Sirojiddinov hamda O‘zbekiston xalq shoiri, professor Usmon Azim turkiy dunyo madaniyati va adabiyoti rivojiga qo‘shgan munosib hissasi uchun TURKSOYning Oltin medali bilan taqdirlandi. O‘zbekiston Yozuvchilar uyushmasi raisi Sirojiddin Sayyid va professor Nurboy Jabborov esa TURKSOY medali bilan mukofotlandi.

Bizni kuzating

Facebook | Instagram | YouTube | Telegram
❤9👍9😁1🤔1😱1
Forwarded from Kelajak soati
Media is too big
VIEW IN TELEGRAM
“Akademik halollikni oʻzingizga qonun sifatida qabul qilib oling” – Qoʻngʻirotboy Sharipov

“Kelajak soati” loyihasining navbatdagi mehmoni – oliy ta’lim, fan va innovatsiyalar vaziri Qoʻngʻirotboy Sharipov. Vazir talabalarga murojaat qildi va akademik halollik nima ekanligi, ilmiy ish yozishda uning qoidalariga amal qilish lozimligiga toʻxtaldi.

Videoning sifatli variantini mana bu yerda koʻrishingiz mumkin.

Eslatma: Videokontent OTM talabalari uchun tayyorlandi.

Bizni kuzatib boring:
Instagram | Telegram | Youtube | Facebook
2👍33❤19🔥5🤔3😁2
Edu.uz pinned a video
Media is too big
VIEW IN TELEGRAM
Xizmat safari bilan Surxondaryo viloyatida bo‘lgan O‘zbekiston Respublikasi Prezidenti Administratsiyasi rahbari o‘rinbosari Hilola Umarova TerDU faoliyati bilan yaqindan tanishdi.

Bizni kuzating

Facebook | Instagram | YouTube | Telegram
👍50❤19🔥4😱2🎉1