Edu.uz
✔
144K subscribers
40.4K photos
7.74K videos
311 files
18.5K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
Talabalar mikrokoʻkatlar va manzarali oʻsimliklarni yetishtirish boʻyicha tadqiqotlar olib bormoqda

Buxoro davlat pedagogika instituti va “Greenis” MCHJ hamkorligida tashkil etilgan innovatsion agrolaboratoriyada mikrokoʻkatlar va manzarali oʻsimliklar yetishtirish boʻyicha ilmiy-amaliy tadqiqotlar olib borilmoqda.

Laboratoriya sharoitida ozuqaviy qiymati yuqori boʻlgan mikrokoʻkatlarning yangi turlari parvarishlanib, ular asosida biologik faol ozuqaviy qoʻshimchalar ishlab chiqish imkoniyatlari oʻrganilmoqda. Barcha jarayonlar zamonaviy agrotexnologik uskunalar asosida amalga oshirilmoqda.

Shuningdek, Xitoydan olib kelingan atirgul navlarini mahalliy iqlim sharoitiga moslashtirish va ularni koʻpaytirish boʻyicha seleksiya ishlari yoʻlga qoʻyilgan. Bu esa manzarali oʻsimliklar bozorini sifatli koʻchatlar bilan taʼminlashga xizmat qilishi kutilmoqda.

Laboratoriyada veshenka zamburugʻini mitseliy asosida yetishtirish texnologiyasi ham amaliyotga joriy etilgan boʻlib, yil davomida barqaror hosil olish imkoniyati yaratilgan.


Mazkur tadqiqotlarda institut professor-oʻqituvchilari bilan birga talabalar ham faol ishtirok etmoqda. Bu ularga nazariy bilimlarni amaliyot bilan uygʻunlashtirish va zamonaviy agrotexnologiyalar bilan yaqindan tanishish imkonini bermoqda.

Batafsil: https://buxdpi.uz/

👉 На русском
👉
In English

Bizni kuzating

Facebook | Instagram | YouTube | Telegram
👍11❤9🔥3👏2😁1
Eximbank bilan kasbiy taʼlimni modernizatsiya qilish boʻyicha qoʻshma loyiha amalga oshiriladi


2026-yil 1-aprel kuni Oʻzbekiston Respublikasi Oliy taʼlim, fan va innovatsiyalar vaziri Qoʻngʻirotboy Sharipov hamda Koreya Eksport-Import banki (Eximbank)ning Toshkentdagi vakolatxonasi rahbari Sangjing Kang ikki tomonlama hamkorlikning bugungi holati va istiqbollarini atroflicha muhokama qildilar.

Muloqot markazida kasbiy taʼlim muassasalarini modernizatsiya qilishga qaratilgan qoʻshma loyihaning amalga oshirilishi, uning amaliy bosqichlarini jadallashtirish masalalari turdi.

Batafsil: https://gov.uz/oz/edu/news/view/148553

#xalqaro_hamkorlik

👉 На русском
👉
In English

Bizni kuzating

Facebook | Instagram | YouTube | Telegram
❤9👍5👏2
#Eʼlon

Oliy taʼlim, fan va innovatsiyalar vaziri Nukusda sayyor qabul oʻtkazadi


Fuqarolar muammolari bilan ishlashni samarali tashkil etish, taʼlim sohasida yechimini kutayotgan masalalarni oʻrgangan holda joyida va tezkor hal etish maqsadida Qoraqalpogʻiston Respublikasida Oliy taʼlim, fan va innovatsiyalar vaziri Qoʻngʻirotboy Sharipovning sayyor qabuli boʻlib oʻtadi.

Ushbu qabulda professor-oʻqituvchilar, talaba-yoshlar va ota-onalar sohaga doir oʻz muammo hamda takliflari bilan murojaat qilishlari va ularga javob olishlari mumkin.

🗓 Sana: 3-aprel.
⏰ Vaqti: 10:30.
🏢 Moʻljal: Nukus davlat texnika universiteti majlislar zali.
📍 Manzil: Qoraqalpog‘iston Respublikasi, Nukus shahri, A.Do‘snazarov ko‘chasi, 74-uy.
—

Joqarı bilimlendiriw, ilim hám innovaciyalar ministri Nókiste kóshpeli qabıllaw ótkeredi

Puqaralar mashqalaları menen islesiwdi nátiyjeli shólkemlestiriw, bilimlendiriw tarawında sheshimin kútip atırǵan máselelerdi úyrengen halda ornında hám tez arada sheshiw maqsetinde Qaraqalpaqstan Respublikasında Joqarı bilimlendiriw, ilim hám innovaciyalar ministri Qońıratbay Sharipovtıń kóshpeli qabıllawı bolıp ótedi.

Usı qabıllawda professor-oqıtıwshılar, student-jaslar hám ata-analar tarawǵa tiyisli óz mashqala hám usınısları menen múrájat etiwi hám olarǵa juwap alıwı múmkin.

🗓 Sáne: 3-aprel
⏰ Waqtı: 10:30
🏢 Ornı: Nókis mámleketlik texnika universiteti májilisler zalı
📍 Mánzil: Qaraqalpaqstan Respublikası, Nókis qalası, A.Dosnazarov kóshesi, 74-jay.

Bizni kuzating

Facebook | Instagram | YouTube | Telegram
👏12❤8👍6🔥2