Edu.uz
✔
145K subscribers
40.3K photos
7.74K videos
311 files
18.4K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
#ichkiturizm #sayohat

O‘zMU Jizzax filiali jamoasining Islom sivilizatsiyasi markaziga navbatdagi tashrifi

Bugungi kunda mamlakatimizda milliy merosni asrab-avaylash, uni chuqur o‘rganish va yoshlar ongiga singdirish davlat siyosatining ustuvor yo‘nalishlaridan biri sifatida belgilangan. Shu maqsadda O‘zbekiston Respublikasi Prezidentining tashabbusi bilan barpo etilgan Islom sivilizatsiyasi markazi ilmiy-ma’rifiy maskan sifatida muhim ahamiyat kasb etmoqda.

Tashrif davomida O‘zMU Jizzax filiali jamoasi markaz faoliyati bilan yaqindan tanishdi. Mazkur tashrif yurtimizda asrlar davomida shakllangan boy ilmiy va ma’naviy merosni chuqurroq anglash, uni zamonaviy ta’lim jarayoniga uyg‘unlashtirish hamda milliy qadriyatlarni keng targ‘ib etish yo‘lida muhim qadamlardan biri bo‘ldi.

Ishtirokchilar markazning boy ekspozitsiyasi bilan yaqindan tanishib, unda namoyish etilgan noyob qo‘lyozmalar, tarixiy manbalar hamda ilm-fan rivojiga ulkan hissa qo‘shgan allomalar merosi orqali islom sivilizatsiyasining beqiyos o‘rni haqida atroflicha ma’lumotlarga ega bo‘lishdi.

Ayniqsa, Qur’on qo‘lyozmalari, qadimiy kitoblar va interaktiv ko‘rgazmalar orqali taqdim etilgan materiallar tashrif buyuruvchilarda katta taassurot qoldirib, ularning ilmiy dunyoqarashini kengaytirishga xizmat qildi.

Tashrif yakunida jamoa Toshkent shahrining diqqatga sazovor maskanlariga sayohat qilib, poytaxtning zamonaviy qiyofasi va boy tarixiy muhitidan bahramand bo‘lishdi.


Bunday ma’rifiy tashriflar talaba-yoshlarning intellektual salohiyatini oshirish, tarixiy xotirani mustahkamlash va milliy o‘zlikni anglashda muhim o‘rin tutadi.

Bizni kuzating

Facebook | Instagram | YouTube | Telegram
❤9🔥2😱2👍1🎉1
#Buxoro

BuxDUda “Bitiruvchi–2026” tantanali diplom topshirish marosimi bo‘lib o‘tdi


THE agentligining Sustainability Impact Ratings – 2026 xalqaro reytingida dunyoning TOP-400 taligidan o‘rin olib, O‘zbekiston OTMlari orasida 5-o‘rinni egallagan Buxoro davlat universitetida “Bitiruvchi–2026” tantanali diplom topshirish marosimi bo‘lib o‘tdi.

Joriy o‘quv yilida universitetni 3 986 nafar bitiruvchi tamomladi. Shundan 331 nafari magistr bo‘lib, magistratura bitiruvchilarining 75 foizini xotin-qizlar tashkil etdi.

Batafsil

👉На руcском
👉In English

Bizni kuzating

Facebook | Instagram | YouTube | Telegram
👍8❤6👏2
#Oʻzbekiston2030_strategiyasi

🇺🇿 “Oʻzbekiston — 2030”  strategiyasining 10-maqsadi iqtisodiyotning eng tez rivojlanayotgan tarmoqlarida amaliy tadqiqotlarni kuchaytirish va “korxona – oliy taʼlim muassasasi – ilmiy tashkilot” klaster tizimini joriy etishga qaratilgan!
 
2030-yilga qadar asosiy koʻrsatkichlar:

📊 Davlat byudjeti hisobidan moliyalashtiriladigan amaliy tadqiqot loyihalari — 1 600 taga;
🔬 Innovatsion mahsulot turlari — 850 taga;
🤝 Ulushli moliyalashtirish orqali tadqiqot loyihalari — 400 taga;
🚀 Spin-off ishlab chiqarish korxonalari — 8 taga oshiriladi!

Bizni kuzating

Facebook | Instagram | YouTube | Telegram
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
❤8👍3
🚘 Yosh ixtirochi qizga Prezident sovg‘asi — Volkswagen elektromobili topshirildi!

30-iyun — Yoshlar kuni munosabati bilan Olimpiya shaharchasida tashkil etilgan bayram tadbiri doirasida Yoshlarning tashabbuslarini qo‘llab-quvvatlash ofisi tomonidan bir qator innovatsion loyihalar O‘zbekiston Respublikasi Prezidentiga taqdim etildi.

Taqdimot davomida iqtidorli yoshlar o‘zlarining innovatsion g‘oyalari, muhandislik loyihalari va ilmiy tashabbuslari bilan ishtirok etdi.

Jumladan, Ibrohimov No‘monjon “Kelajak muhandislari” xalqaro festivalining natijalari hamda mamlakatimizda muhandislik sohasida amalga oshirilayotgan ishlar haqida ma’lumot berdi.

Ismoilov Biloliddin 2024–2025-yillarda FPV dronlar poygasi bo‘yicha O‘zbekiston Respublikasi chempioni sifatida “Shunqor-8” va “X1” antidron tizimlarini yaratish hamda takomillashtirish ishlaridagi ishtiroki haqida taqdimot qildi.

Kurmayeva Diyora oliy ta’lim muassasalarida “Fudomika va metabolomika” ta’lim yo‘nalishi hamda maxsus laboratoriyani tajriba tariqasida tashkil etish bo‘yicha taklifini ilgari surdi.

Asanova Ayzada — “Kelajak muhandislari” xalqaro festivalining “Yangi avlod avtomobillari” yo‘nalishi g‘olibasi bo‘lib, Belgiyada bo‘lib o‘tadigan xalqaro tanlov yo‘llanmasini qo‘lga kiritgan.

✨ Tadbirning eng hayajonli lahzalaridan biri esa Asanova Ayzadaning Prezident sovg‘asi — Volkswagen elektromobili bilan taqdirlanishi bo‘ldi.

Bu e’tirof yurtimizda yosh ixtirochilar, innovatorlar va kelajak muhandislariga berilayotgan yuksak ishonch hamda qo‘llab-quvvatlovning yorqin namunasidir.

Bizni kuzating

Facebook | Instagram | YouTube | Telegram
❤37🔥9👍6🥰2