Samarqandda Yosh parlament aʼzolarining XII global konferensiyasi boshlandi

Bugun Samarqand shahrida O‘zbekiston Respublikasi Prezidenti Shavkat Mirziyoyev tashabbusi bilan Yosh parlament aʼzolarining XII global konferensiyasi o‘z ishini boshladi.

Dunyoning turli mamlakatlaridan xalqaro vakillar va yosh parlamentariylar ishtirok etayotgan nufuzli anjumanda Oliy taʼlim, fan va innovatsiyalar vaziri o‘rinbosari O‘ktam Salomov, shuningdek, bir qator oliy taʼlim muassasalari rektorlari ham ishtirok etdi.

Konferensiya avvalida O‘zbekiston Respublikasi Prezidenti Shavkat Mirziyoyevning tadbir qatnashchilariga yo‘llagan tabrigi o‘qib eshittirildi. Shundan so‘ng Oliy Majlis Senati Raisi Tanzila Norboyeva anjumanni kirish so‘zi bilan ochib, ishtirokchilarni qutladi.

Ochiq muloqot va qizg‘in muhokamalarga boy tadbirda raqamli dunyoda yoshlar huquqlari, munosib mehnat va iqtisodiy imkoniyatlar, iqlim o‘zgarishi hamda siyosiy jarayonlarda yoshlarning o‘rni va ishtiroki kabi muhim masalalar keng muhokama qilinmoqda.

Batafsil: https://gov.uz/oz/edu/news/view/215067

👉 На русском
👉 In English

#XalqaroKonferensiya

Facebook | Instagram | YouTube|Telegram

Tibbiyot va farmatsevtika sohasida kadrlar tayyorlash tizimi takomillashtiriladi

Prezident Shavkat Mirziyoyev tibbiyot va farmatsevtika sohasida kadrlar tayyorlash, ularni davlat roʻyxatidan oʻtkazish hamda uzluksiz kasbiy taʼlim tizimini takomillashtirish boʻyicha takliflar taqdimoti bilan tanishdi.

Yangi yondashuvlar asosida:

➖ tibbiyot oliygohlariga qabul parametrlari hududlar va tibbiyot muassasalarining real ehtiyoji hamda kadrlar yetishmovchiligi asosida shakllantiriladi. Davlat buyurtmasi yoʻnalishlar kesimida Sogʻliqni saqlash vazirligi tomonidan tasdiqlanadi;

➖ 2027/2028 o‘quv yilidan “Davolash ishi” yo‘nalishi o‘rniga 6 yillik “Umumiy tibbiyot” bakalavriat dasturi joriy etish taklif qilinmoqda. Besh yillik ta’limdan so‘ng talabalar bir yil to‘liq amaliy tayyorgarlikdan o‘tadi;

➖ dasturni muvaffaqiyatli tamomlagan bitiruvchilarga oilaviy shifokor sifatida ishlash imkoniyati beriladi;

➖ tor soha mutaxassislarini tayyorlash bosqichma-bosqich rezidenturaga o‘tkaziladi, magistratura esa asosan ilmiy-pedagogik kadrlar tayyorlashga yo‘naltiriladi;

➖ rezidentlarning oilaviy poliklinikalarda bir vaqtning o‘zida ta’lim olishi va amaliyot o‘tashi yo‘lga qo‘yiladi;

➖ farmatsevtika ta’limi ishlab chiqarish bilan yanada yaqinlashtirilib, dual ta’lim kengaytiriladi va talabalarning amaliy tayyorgarligi kuchaytiriladi;

➖ barcha tibbiyot va farmatsevtika xodimlarini qamrab oladigan yagona elektron reyestr shakllantiriladi;

➖ mutaxassislarning bilim va amaliy ko‘nikmalarini mustaqil baholash tizimi joriy etiladi;

➖ 2027-yildan davlat ro‘yxatidan o‘tish ixtiyoriy, 2030-yildan majburiy tartibda amalga oshirilishi taklif qilinmoqda;

➖ tibbiyot va farmatsevtika xodimlari uchun uzluksiz kasbiy ta’limning kredit-modul tizimi joriy etiladi. Oliy ma’lumotli xodimlar har yili kamida 50 kredit, o‘rta tibbiyot va farmatsevtika xodimlari esa 28 kredit to‘playdi;

➖ mutaxassislarga ta’lim provayderi, dastur va o‘qish shaklini mustaqil tanlash imkoniyati beriladi. Onlayn kurslar, masofaviy ta’lim, ish joyida malaka oshirish, seminar va treninglar kabi shakllardan foydalanish mumkin bo‘ladi;

➖ xalqaro akkreditatsiyadan o‘tgan xorijiy dastur va tadbirlarda olingan kreditlarni tan olish mexanizmi joriy etiladi.

#Mirziyoyev #taqdimot #tibbiyot #taʼlim

Facebook | Instagram | YouTube|Telegram

Milliy yuksalish davri: 7 ta milliy dastur boʻyicha oliy taʼlim tizimidagi vazifalar muhokama qilindi
 
Oliy taʼlim, fan va innovatsiyalar vaziri Qoʻngʻirotboy Sharipov hamda Respublika Maʼnaviyat va maʼrifat markazi direktori Otabek Hasanov raisligida respublika oliy taʼlim muassasalari rektorlari va prorektorlari ishtirokida yigʻilish boʻlib oʻtdi.
 

Yigʻilishda Oʻzbekiston Respublikasi Prezidentining Davlat mustaqilligining 35 yilligiga bagʻishlangan tantanali marosimdagi nutqida belgilangan mamlakat taraqqiyotining yangi bosqichi, kelgusi oʻn yillikning Milliy yuksalish davri boʻlishi, shu maqsadda inson qadrini yanada yuksaltirishga qaratilgan 7 ta milliy dasturni amalga oshirish vazifalari muhokama qilindi.

  
Oliy taʼlim muassasalarida “Har bir talaba — eʼtiborda” tamoyili asosida yoshlar bilan individual ishlash, ularning bilim va kasbiy koʻnikmalarini rivojlantirish, iqtidor va tashabbuslarini qoʻllab-quvvatlash masalalariga alohida eʼtibor qaratildi.
  
Batafsil: https://gov.uz/edu/news/view/215144

👉 На русском
👉 In English

Facebook | Instagram | YouTube|Telegram