حابب أقولك على نصيحتين غاليين جدا هيساعدوك أثناء حفظ القرآن بشكل ملحوظ وحابب تعرفهم عشان أختصر عليك طريق طويل.

الأولى:
كثرة سماعك للقرآن في جوف الليل،
أثناء المواصلات، أثناء العمل، أثناء وقت الراحة بين المحاضرات، أثناء حزنك، أثناء فرحتك، قبيل نومك بعد يوم شاق طويل، والله العظيم كل السنين اللي قعدت تسمع فيها قرآن مش بتضيع هباءا
على سبيل المثال هتجد إن غالبية الشعب الطيب دا حافظ سورة يوسف بطلاقة بسبب كثرة سماع السورة لا أكثر.

فالشاهد من الأمر إنك لو من الناس اللي بتسمع قرآن كتير ولسه ماحفظتش القرآن فأنا حابب أبشرك إنك بأمر الله هتجد سهولة ويسر في حفظ القرآن
وياريت تتوكل على الله وتبدأ تحفظ في تلك الأيام المباركة وكفاك تسويفا.

الثانية:
لو حابب إن يكون حفظك للقرآن متين لا ينسى فأنا عاوزك تشتري كتاب جميل ومبسط لتفسير القرآن بحيث إنك قبل ماتحفظ صفحة القرآن اللي عليك تفهمها كويس وياسلام بقى لو تروح تشرحها لصديق ليك وبالمرة تاخد ثواب عظيم
على سبيل المثال قبل ماتروح المسجد عشان تسمع للشيخ السورة وانت قاعد بتحفظ.. افتح مصحفين المصحف الاول تقرأ منه والتاني للتفسير وتبدأ تشرح لنفسك بهدوء وبروقان فلما تقابلك آية زي دي: { وَكَم مِّن قَرْيَـةٍ أَهْلَكْنَٰـهَا فَجَـآءَهَا بَأْسُـنَا بَيَٰتًا أَوْ هُمْ قَآئِلُـونَ}
اقف شوية وافهمها.. ربنا بيقول هنا:
شوف كام قرية اهلكناها وجاءها العذاب "بياتا" يعني بالليل او "هم قائلون" يعني وقت القيلولة.. الظهر كدا

النصيحتين دول كافيين جدا وهيفرقوا معاك.. منهم نصيحة سهلة ويسيرة وهي الأولى ومنهم نصيحة هتاخد جهد ووقت ولكن هتجد فيها لذة وهي التانية
واللذة هنا إنك تكون حافظ للقرآن وكمان فاهم ومدرك لمعانيه بحيث يكون كتاب الله مرسخ في الذاكرة بأمر الله.

لما تموت وتبعث.. لازم يكون عندك علم إن يوم القيامة يقال لقارئ القرآن إقرأ وإرتق ورتل كما كنت ترتل في الدنيا، فإن منزلتك عند آخر آية تقرؤها
فأتمنى دايما من ربنا إنه يجعلك من حفظة كتاب الله المتقنين لأحكامه والعاملين به وأن يجعلنا من أهل القرآن ويجمعنا سويا به في الجنة ❤️

حذروا تاركي الصلاة يا جماعه.. حذروهم جامد اوي عشان الرؤى اللي اتشافت لتاركي الصلاة بعد موتهم وكلام المغسلين عن تاركي الصلاه يخلي الشعر يشيب
والأصعب والأصعب احاديث النبي عن تارك الصلاة

اوعوا تسيبوا صلاتكم.. الصلاة بالذات لأ.. الصلاه بالذات لأ.

المصلي الساهي عن صلاته، الناس اللي بتأخر الصلاه عن موعدها جزاؤها "وادي ويل" في جهنم.. وما ادراكم ما ويل

اما التارك للصلاة.. اهل الجنة يسألوهم "ما سلككم في سقر".. اول حاجه قالوها "لم نك من المصلين"
وسقر ربنا بيقول عنها "لا تبقي ولا تذر"
انتم متخيلين.. فوقوا

حتى الوادي التالت "الغي" للناس للي ضيعت صلاتها واتبعت شهواتها

الثلاث اوديه فيهم "ترك الصلاه" وعشان كدا من غيرها الموضوع صعب اوي لأنها حرفيا اول حاجه بتتسأل عنها واول حاجه بتحاوطك في قبرك

أحسن جِميل ممكن تقدمه لأي شخص وبالذات في الأوقات دي هو إنك تزرع جواه الأمل والتفاؤل

خلّيك دايماً من الناس اللي على لسانها علطول كلمات زي "أبشر" "أكيد خير" "ربك كريم" "ما ضاقت إلا ما فُرجت" "تفائلوا بالخير تجدوه" "اللي فيها ربنا مابتغرقش"

زرع التفاؤل والأمل والثقة بالله منهج نبوي
ومهما كان الوضع سئ والدنيا ضلمة لازم نفكر بعض بيه كلنا

علشان مافيش أمة بتنهض ولا حد بيشتغل ويتحرك بجدية ويفكر في حلول وهو مش شايف أمل في بكره

وزي ما قولناها قبل كده
إذا أردت النجاح فالتفاؤل شرط وليس رفاهية

فتفائل مهما كان العُسر لإن ربنا طمّنا بإن مع العُسر يسرا ❤️

المصحف فيه ٦٠٠ صفحه صح ؟
قول صح !
صح
٦٠٠ ÷ ٣٠ = ٢٠ صفحه
يعني في اليوم ٢٠ صفحه
واحنا عندنا ٥ صلوات
يعني ٢٠ ÷ ٥ = ٤
يعني تقرأ ٤ صفحات بعد كل صلاه
يعني تختم القرآن في الشهر وأنت مستريح
طبطب على قلبك بالقرآن؛ فإنه خير سفير في الدنيا والآخره
الدال على الخير.. له أجر فاعله ❤️

‏طريقة ختم القرآن في رمضان خلال "٩ ايام"
الفجر: ٢٠ صفحه
الظهر: ١٠ صفحات
العصر: ١٠ صفحات
المغرب: ٥ صفحات
العشاء: ١٠ صفحات
السحور: ١٠ صفحات

ممكن واحد يختم قراءة القرآن بسببك وليك الأجر
اللهم سلمنا لرمضان وسلم رمضان لنا وتسلمه منا متقبلًا يارب العالمين ❤️🤲

• الصلاة على النبي - صلى الله عليه وسلم - بعشر حسنات

• يرفع المصلي على النبي - صلى الله عليه وسلم - عشر درجات

• يغفر للمصلي على النبي - صلى الله عليه وسلم - عشر سيئات
• سبب في شفاعة الرسول - صلى الله عليه وسلم - له يوم القيامة

• يكفي الله العبد المصل على رسول الله ما أهمه

• تصلي الملائكة على العبد إذا صلى على رسول الله - صلى الله عليه وسلم

• الصلاة على النبي تعتبر آمتثالا لأوامر الله تعالى

• سبب من اسباب إستجابة الدعاء إذا إختتمت وإستفتحت به

• تنقذ المسلم من صفة البخل
• سبب من اسباب طرح البركة

* إن الله وملائكته يصلون على النبي
يا أيها الذين آمنوا.. صلوا عليه وسلموا تسليما ❤️🤲

الليالي الوترية - رمضان ١٤٤٣ | ٢٠٢٢

ليلة ٢١ رمضان - يوم الخميس ٢١ | أبريل
ليلة ٢٣ رمضان - يوم السبت ٢٣ | أبريل
ليلة ٢٥ رمضان - يوم الإثنين ٢٥ | أبريل
ليلة ٢٧ رمضان - يوم الأربعاء ٢٧ | أبريل
ليلة ٢٩ رمضان - يوم الجمعة ٢٩ | أبريل

كل عام وأنتم بخير،
اللهم بلغنا ليلة القدر،
اللهم إنك عفو كريم تحب العفو فأعفو عنا ❤️🤲

"جايز أكون في سباق مع نفسي.. بس أنا مش في سباق مع حد"

شوفت بوست لبنت بتقول فيه إنها مشيت في المذاكرة على طريقة ال ٣٠ دقيقة " ٢٥ دقيقة مذاكرة + ٥ دقايق قرآن "
وقد إيه الطريقة دي سفاحة وأنجزت معاها كم رهيب من المذاكرة

وبما إن ده تطبيق عملي ل " ما زاحم القرآن شيئا إلا باركه "

ف أنا شايف إن دي فرصة كويسة جدا لي ولكل اللي بيذاكر وبيمتحن إننا نبدأ خطة ال " ٣٠ دقيقة "

ونشوف النتيجة بنفسنا.. ليه لأ !

"أضاعت الجنة أم أخبرت بعدم القبول.. ف كل مادون الجنة دون"

ليلة الامتحان بالليل، ووانت رايح الامتحان الصبح ماتنساش:
١- تجديد النية انك بتعمل كده عبادة لله وارضاءً له سبحانه
٢- اقرأ سورة الإخلاص تلت مرات
٣- اقرأ سورة الفلق تلت مرات
٤- اقرأ سورة الناس تلت مرات
٥- الصلاة على النبي صلى الله عليه وسلم

* النبي صلى الله عليه وسلم قال: "قُلْ هُوَ اللهُ أَحَدٌ" والمَعُوذَتَيْنِ، حين تُصْبِحُ وحين تُمْسِي ثلاثَ مراتٍ ؛ تَكْفِيكَ من كلِّ شيءٍ!

* وعن أُبي بن كعب قال: قلتُ يا رسولَ اللهِ ! إني أُكثِرُ الصلاةَ عليك، فكم أجعلُ لك من صلاتي ؟ فقال: ما شئتَ، قلت: الربعَ ؟ قال: ما شئتَ، فإن زدتَ فهو خيرٌ لك، قلتُ: النصفَ ؟ قال: ما شئتَ، فإن زدتَ فهو خيرٌ لك، قلت: فالثُّلُثَيْنِ ؟ قال: ما شئتَ، فإن زدتَ فهو خيرٌ لك، قلتُ: أجعلُ لك صلاتي كلَّها ! قال: إذًا تُكْفَى همَّك، ويُكَفَّرُ لك ذنبَك

واقرأ باقي أذكار الصباح والمساء كلها، كل ده له أثر كبير معاك في اللجنة وفي اليوم كله عامة، ولو ضاقت خالص ومالحقتش تقرأ كل الأذكار، ماتنساش الأربعة اللي فوق دول بالذات

☑️ تكفيك من كل شيئ
☑️ تُكفَي همَّك

ماتفرطش فيهم أبدا حتى لو مذاكر كويس
ربنا يوفقكم كلكم إن شاء الله يا حبايبي

#الساخر_الهادف