ليلة الامتحان بالليل، ووانت رايح الامتحان الصبح ماتنساش:
١- تجديد النية انك بتعمل كده عبادة لله وارضاءً له سبحانه
٢- اقرأ سورة الإخلاص تلت مرات
٣- اقرأ سورة الفلق تلت مرات
٤- اقرأ سورة الناس تلت مرات
٥- الصلاة على النبي صلى الله عليه وسلم

* النبي صلى الله عليه وسلم قال: "قُلْ هُوَ اللهُ أَحَدٌ" والمَعُوذَتَيْنِ، حين تُصْبِحُ وحين تُمْسِي ثلاثَ مراتٍ ؛ تَكْفِيكَ من كلِّ شيءٍ!

* وعن أُبي بن كعب قال: قلتُ يا رسولَ اللهِ ! إني أُكثِرُ الصلاةَ عليك، فكم أجعلُ لك من صلاتي ؟ فقال: ما شئتَ، قلت: الربعَ ؟ قال: ما شئتَ، فإن زدتَ فهو خيرٌ لك، قلتُ: النصفَ ؟ قال: ما شئتَ، فإن زدتَ فهو خيرٌ لك، قلت: فالثُّلُثَيْنِ ؟ قال: ما شئتَ، فإن زدتَ فهو خيرٌ لك، قلتُ: أجعلُ لك صلاتي كلَّها ! قال: إذًا تُكْفَى همَّك، ويُكَفَّرُ لك ذنبَك

واقرأ باقي أذكار الصباح والمساء كلها، كل ده له أثر كبير معاك في اللجنة وفي اليوم كله عامة، ولو ضاقت خالص ومالحقتش تقرأ كل الأذكار، ماتنساش الأربعة اللي فوق دول بالذات

☑️ تكفيك من كل شيئ
☑️ تُكفَي همَّك

ماتفرطش فيهم أبدا حتى لو مذاكر كويس
ربنا يوفقكم كلكم إن شاء الله يا حبايبي

#الساخر_الهادف

هلحق أذاكر ؟ هلحق ألم المنهج ؟

المهندس أيمن عبد الرحيم لُه مقولة عظيمة بتقول: ‏
بس أنا ضيّعت وقت، مش هلحق أنجح.!

= المسلم في أي وقت إذا استدرك فهو يستدرك عند كريم
والله عز وجل كريم "لو رأى منك خيرًا أعانك" 💛
إذا أريته من قلبك صدق النيّة.. يسّر لك أسباب الإستقامة ويسّرها عليك،
في أي وقت إذا تمّ سحب منك ورقة الإجابة ف أنت هتُحاسب على "النية"

وجملة د. حازم شومان:
"أنا نجحت بكلمة يا رَبّ" 💛

وجملة د. أحمد عبد المنعم :
"بعض المشاكل حلَّها النظر إلى السَّماء" 💛

"هى أصلًا عمرها ما كانت بشطارِتنا" 💛

بسبب هذا العمل.. دخل د. حازم شومان كلية الطب 🤍

"شجعوا بعض يا جماعة.. ماحدش بياخد رزق حد"

انت عارف ان السيده حليمه السعديه اللي نالت شرف ارضاع النبي - صلى الله عليه وسلم -
لما ذهبت إلى قريش هي ومرضعات بني سعد.. كانت راكبه حماره ضعيفه وهزيله وعشان كدا كل المرضعات سبقوها ولما عرفوا ان النبي يتيم مارضيوش ياخدوه لأنهم عايزين طفل ابوه عايش عشان يجزل لهم العطاء
ولما وصلت السيده حليمه السعديه متأخره ظنت انها مش هتلاقي طفل ترجع بيه خصوصا ان المرضعات سبقوها
ولكنها رغم تأخرها.. فازت الفوز العظيم وعادت بأشرف خلق الله ونالت من بركاته ما هو اشبه بالمعجزات

ربما يؤخرك الله.. ليقدمك او ليحميك من شر لا تعلمه؛ فالله يعلم وأنتم لا تعلمون ❤️

كل ما أحس إني قلقان من أي حاجة أفتكر تفسير سورة الكوثر

لما واحد كان بيعاير النبي - صلى الله عليه وسلم - علشان ماعندوش صُبيان وكل ذريته بنات فلما كان يشوف النبي بيضحك بسُخرية ويقوله: يا أبتر.. عارف إنت لو حد لاقدر الله عمل عملية بتر يعني قطع لجزء من جسمه..

فكان المقصود من أبتر اللي هو نسلُه هيتقطع بمجرد وفاته لأن ماحدش هيشيل إسمه من بعده.. النبي وقتها إكتئب والحُزن سيطر على مشاعره.. ربنا يسيبه؟
طبعًا لأ

فورًا بعتله سيدنا جبريل برسالة طمأنينة إتسجلت في القرآن، وكانت عبارة عن سورة قصيرة، سطر واحد بس.. لكنها كانت زي المرهم اللي داوى جرح النبي وطيب خاطره.. ربنا قاله: "إنا أعطيناك الكوثر".. يا مُحمد ماتزعلش نفسك.. إنت ليك نهر في الجنة بتاعك لوحدك، خلقته علشانك وسمتهولك الكوثر

"فصل لربك وإنحر".. قوم إتوضى وصلي ونفض تُراب الزعل وإدبح الدبايح ووزعها على الفقراء وإطعمهم وعبر عن شُكرك وفرحتك بكرمي.. "إن شانئك هو الأبتر"

الشخص اللي شتمك دا هو اللي هيتقطع اسمه من الدُنيا وهيجي يوم القيامة مالهوش عيل ولا تيل.. إنما إنت يامحمد هيموت جسمك لكن سيرتك هتفضل عايشة وإسمك موجود، وكل مايتذكر في مكان هيتصلى عليك

وقتها إطمن النبي وإتبسط وطمن كل مؤمن بالله إن ربنا لا هيكسفه ولا هيسيبه من غير ما يخرجه من محنته ويفرجها عليه.. لأن ربنا مابيرضهوش يسيب عبد من عباده مخنوق أو شايل هم غير لما يريح باله ويخفف عنه.

- أحمد أيمن

انت مش متاخر ولا بدري على اي حاجة، نصيبك هيصيبك كده كده وكلها فكرة وقت.. خليك واثق في حكمة ربنا
طريقك غير طريق غيرك بس المهم انك هتوصل في الاخر، متقارنش نفسك بحد.

لما حد يطلب منك المساعدة، ابقى فكر إنه طلبها من ربنا الأول، وربنا أعطى له عنوانك. 💙

خايف وزعلان من التأخير ليه، خايف من المستقبل ليه
خايف من اللي جاي ليه دا السيناريو اللي انت راسمُه لنفسك بعقلك البشري المحدود مش هيوصل ل ١٪ من جمال تدابير ربنا ليك ف خايف ليه وهو أكرم من سُئل واعظم من اعطى
خايف ليه، تاعب نفسك ومعذب روحك معاك ليه دا الدنيا باللي فيها وعليها في ايد ربنا

ارحم نفسك وطمن قلبك وسلمها لله دا انت هتتراضى كل الرضا وكل اللي اتمنيته.. هتلاقيه قدام عينك قريب

اليُسر على الأبواب، أصلها معروفه
"ما ضاقت إلا ما فُرجت"

أنا عارف إنك تعبت وعايز تسيب كل حاجه وتمشي بس هانت خلاص فرحتك على بُعد خطوات منك <3

لازم تسمع الدقيقه ونص دي <3

تخيل ان ربنا استجاب دعوة ابليس لما قال لربنا "انظرني إلى يوم يبعثون"
ربنا اجاب دعوته على الفور "قال فإنك من المنظرين إلى يوم الوقت المعلوم"
وانت بتفكر يا ترى ربنا هيستجيب دعوتك ولا لأ!

شوف كدا سيدنا النبي ﷺ بيقول ايه؟
قال المصطفي ﷺ "ما من مسلم يدعو بدعوة ليس فيها اثم ولا قطيعة رحم الا وله بها احدي ثلاث: إما ان يعجل الله له دعوته، وإما أن يدخرها الله له في الاخره، وإما ان يصرف عنه من السوء مثلها"

اما ان يعجل له دعوته
يعني ربك يستجيب على الفور ليك زي ما وعدك في قرآن يُتلى إلى يوم الدين "وقال ربكم ادعوني استجب لكم"

اما ان يدخرها لك في الاخره
يُؤتى بالعبد يوم القيامه ف يقول الله له اتذكر يوم دعوت كذا واستجبت لك يقول
نعم يارب ف يقول له اتذكر يوم دعوة كذا ولم استجب لك فيقول نعم يارب فيقول انظر فينظر العبد فيجد ما يجعله يتمنى ان لو كان غير مستجاب الدعوه من نعيم
ما رأى

ان يصرف عنه من السوء مثلها
يعني تدعي ربنا كدا.. تقول يارب انا عايز مليون جنيه ف ربك ما يعطيكش المليون جنيه ولكن يبعد عنك حادث او مرض كان
ممكن يحصلك ويكلفك المليون جنيه دا

ومسك الختام بقى سيدنا عمر بن الخطاب بيقول: "كل عمل بين الرفض والقبول الا الدعاء الذي يسبقه صلاة على الرسول وآخره صلاة على الرسول لان الله اكرم من ان يقبل صلاتين على الرسول ويرد ما بينهما وهو دعاءك" ❤️

أنت هتموت في يوم من الأيام، ف خد الأمور ببساطة، ركز على الحاجات المهمة، ماتنساش إنك في امتحان والورقة بتاعتك ممكن تتسحب في أي لحظة، ف خليك جاهز وركز على الأسئلة الإجباري وخلي لها الأولوية.

البوصلة بتاعتنا أحياناً بتبوظ بسبب الزحمة اللي حوالينا،
لازم كل فترة تقعد وتظبط بوصلتك.

الثانويه العامه مش نهاية العالم
ايا كانت النتيجة.. انت عملت اللي عليك، دا جهدك ودي قدراتك ودي طاقتك
كل اللي مطلوب منك تعمل اللي عليك وتشد حيلك على آخر حاجه
ماتضغطش نفسك، بلاش تدوس على نفسك نفسيآ، بلاش تمسع لكلام حد ايا كانت من مقارنات او ضغط او انك تحسبها حتى بينك وبين نفسك

ربنا عارف انت تعبت قد ايه وعارف كل لحظه انهارت وجيبت قاع فيها وصدقني هو مش شايلك غير الخير وبس، صدقني انت لسه قدامك الطريق، حتى لو فشلت في الثانويه العامه هتنجح في ١٠٠ الف مجال.. شغل دماغك بس
هانت ياجميل احنا جمبك وبندعمك ومستنيينك تفرحنا. ❤️