#城大人麻煩入嚟睇下
【Hall莊搵校媒幫手不果最後疑似以錄音威脅校媒】
話說早幾日SRO出email話會用Hall 6（李兆基堂）作為「緊急應變中心」（即係作隔離用途），於是CBC就出左篇新聞講呢件事。到今日，Hall 6某位Hall莊就走嚟搵我地，表示希望CBC可以出個post或者update琴日個post同FM講以下呢幾點：
// 1. 今年所有新生的入宿時間皆暫定為10月1日，不論獲派之舍堂，包括 Hall6
2. 有意申請Hall6 宿位的同學，可以照常申請，與其他舍堂宿位之申請安排並無分別。換言之，獲派 Hall6宿位之新生，同樣能夠在10月1日登記入宿。
3. 校方於電郵內明確表示，於重開 Hall6 前，將根據衛生署及政府的指引，舍堂範圍內將進行徹底清潔工作，以確保宿生安全。//
咁我當然明白佢地都擔心校方咁樣拎左Hall 6做隔離用途，會搞到冇新生reg Hall6。但基於我地本身淨係focus喺同學對hall 6會被SRO拎嚟做隔離營一事嘅意願同SRO後續嘅response，加上SRO同城大資訊個page已經講左呢樣野，所以我就叫莊員forward左一篇我嘅message去拒絕（語氣平和，都有講到希望hall莊會明白我地）。畢竟CBC一向都係編綵自主，我地會自己決定寫啲咩，我地係一個校園媒體並非一個平台比各society/各hall宣傳。再甚，我地向來都好少修改我地嘅報導，除非打錯字或者係報導內容有錯。
過多陣，某hall莊成員（俗稱「K」）就打比我某一個莊員，內容大意都係希望CBC可以幫hall莊出個post/edit返琴晚個po。咁我嘅莊員都好耐心解釋左點解我地唔會咁做，主要都係講返校媒係編綵自主、唔希望成為左一個幫hall莊宣傳嘅平台、校方官方渠道已經清晰傳遞左reg hall嘅資訊比新生。
我莊員耐心地講左20分鐘之後，K同學突然彈左一句：「啊，想講返比你地知，我係有錄到音。」
當然你可以解釋話錄音係有其他原因，而並非想威脅校媒去幫你手。但成個感覺睇落就係，校媒拒絕幫手於是hall莊用錄音嚟恐嚇校媒。其實講真呢個恐嚇都幾無聊，即使錄音流出我地都係會企硬唔修改報導/要幫hall莊額外出個po，因為道理喺我地度。大家都係大學生成年人，中學都有教落咩都編採自主。再講，呢啲時候好明顯就係「幫你係人情，唔幫係道理」，絕對唔應該因為人地拒絕就發爛渣，繼而仲要出言威脅。K同學更一味用我地喺報導上偏頗唔客觀呢點繼而指控我地，的確我地喺報導上面唔係客觀會有添加個人色彩嘅詞語，亦多次數校方嘅不是。但係其實大家都知呢個世界根本就冇絕對中立同客觀嘅媒體，即使蘋果、立場都係主觀同有既有立場，不過同官媒唔同嘅位就係冇報導啲不實嘅內容。城市廣播同樣地都唔係客觀、中立，但同樣地都係唔會報一啲不準確的資訊。
校媒都係冇收錢做野，唔係想吸光環要大家就曬我地，只係希望大家可以都比啲尊重同態度好返啲。宣傳新生reg hall同吸引新生呢啲suppose都應該係hall莊應該要做嘅野，並非校媒嘅責任，而我地嘅責任就係將準確嘅資訊傳遞返比城大嘅同學。
食完呢粒花生，希望大家可以focus返學生會會費單野，希望大家9月21號前都一齊交會費。
最後，尊重是好東西，希望人人都會。
Lee Shau Kee Hall - Hall 6, City University of Hong Kong
【Hall莊搵校媒幫手不果最後疑似以錄音威脅校媒】
話說早幾日SRO出email話會用Hall 6（李兆基堂）作為「緊急應變中心」（即係作隔離用途），於是CBC就出左篇新聞講呢件事。到今日，Hall 6某位Hall莊就走嚟搵我地，表示希望CBC可以出個post或者update琴日個post同FM講以下呢幾點：
// 1. 今年所有新生的入宿時間皆暫定為10月1日，不論獲派之舍堂，包括 Hall6
2. 有意申請Hall6 宿位的同學，可以照常申請，與其他舍堂宿位之申請安排並無分別。換言之，獲派 Hall6宿位之新生，同樣能夠在10月1日登記入宿。
3. 校方於電郵內明確表示，於重開 Hall6 前，將根據衛生署及政府的指引，舍堂範圍內將進行徹底清潔工作，以確保宿生安全。//
咁我當然明白佢地都擔心校方咁樣拎左Hall 6做隔離用途，會搞到冇新生reg Hall6。但基於我地本身淨係focus喺同學對hall 6會被SRO拎嚟做隔離營一事嘅意願同SRO後續嘅response，加上SRO同城大資訊個page已經講左呢樣野，所以我就叫莊員forward左一篇我嘅message去拒絕（語氣平和，都有講到希望hall莊會明白我地）。畢竟CBC一向都係編綵自主，我地會自己決定寫啲咩，我地係一個校園媒體並非一個平台比各society/各hall宣傳。再甚，我地向來都好少修改我地嘅報導，除非打錯字或者係報導內容有錯。
過多陣，某hall莊成員（俗稱「K」）就打比我某一個莊員，內容大意都係希望CBC可以幫hall莊出個post/edit返琴晚個po。咁我嘅莊員都好耐心解釋左點解我地唔會咁做，主要都係講返校媒係編綵自主、唔希望成為左一個幫hall莊宣傳嘅平台、校方官方渠道已經清晰傳遞左reg hall嘅資訊比新生。
我莊員耐心地講左20分鐘之後，K同學突然彈左一句：「啊，想講返比你地知，我係有錄到音。」
當然你可以解釋話錄音係有其他原因，而並非想威脅校媒去幫你手。但成個感覺睇落就係，校媒拒絕幫手於是hall莊用錄音嚟恐嚇校媒。其實講真呢個恐嚇都幾無聊，即使錄音流出我地都係會企硬唔修改報導/要幫hall莊額外出個po，因為道理喺我地度。大家都係大學生成年人，中學都有教落咩都編採自主。再講，呢啲時候好明顯就係「幫你係人情，唔幫係道理」，絕對唔應該因為人地拒絕就發爛渣，繼而仲要出言威脅。K同學更一味用我地喺報導上偏頗唔客觀呢點繼而指控我地，的確我地喺報導上面唔係客觀會有添加個人色彩嘅詞語，亦多次數校方嘅不是。但係其實大家都知呢個世界根本就冇絕對中立同客觀嘅媒體，即使蘋果、立場都係主觀同有既有立場，不過同官媒唔同嘅位就係冇報導啲不實嘅內容。城市廣播同樣地都唔係客觀、中立，但同樣地都係唔會報一啲不準確的資訊。
校媒都係冇收錢做野，唔係想吸光環要大家就曬我地，只係希望大家可以都比啲尊重同態度好返啲。宣傳新生reg hall同吸引新生呢啲suppose都應該係hall莊應該要做嘅野，並非校媒嘅責任，而我地嘅責任就係將準確嘅資訊傳遞返比城大嘅同學。
食完呢粒花生，希望大家可以focus返學生會會費單野，希望大家9月21號前都一齊交會費。
最後，尊重是好東西，希望人人都會。
Lee Shau Kee Hall - Hall 6, City University of Hong Kong