ដ្រូនខ្នាតធំមួយគ្រឿងទៀតរបស់ទាហានឈ្លានពានសៀម ធ្លាក់នៅឃុំស្លក្រាម ស្រុកស្វាយចេក ខេត្តបន្ទាយមានជ័យ នៅវេលាម៉ោង៨ព្រឹកថ្ងៃទី២១ ខែធ្នូ ឆ្នាំ២០២៥។ ធ្លាក់នេះមិនមែនចៃដន្យឡើយ

យន្តហោះចម្បាំងថៃបន្តទម្កាក់គ្រាប់បែកពីរគ្រាប់ទៀតនៅស្រុកស្វាយចេកខេត្តបន្ទាយមានជ័យ
ក្រសួងការពារជាតិម្ពុជា បានឱ្យដឹងប៉ុន្មានម៉ោងមុននេះថា យន្តហោះចម្បាំងថៃ F-16 បានទម្លាក់គ្រាប់បែបចំនួន២គ្រាប់ទៀត ចូលស្រុកស្វាយចេក ខេត្តបន្ទាយមានជ័យ ដែលធ្វើឱ្យខេត្តជាប់ព្រំដែនរបស់កម្ពុជាយ៉ាងតិច៤ រងការវាយប្រហារជាបន្តបន្ទាប់ពីយន្តហោះចម្បាំងនេះ ខណៈកម្ពុជាមិនប្រើអាវុធ ដើម្បីប្រឆាំងទៅនឹងសត្រូវឈ្លានពានតាមជើងអាកាស ។
ក្រសួងការពារជាតិកម្ពុជានិយាយថា នៅម៉ោង ១៣:០១នាទី ថ្ងៃទី២១ខែធ្នូនេះ យោធាថៃបានប្រើប្រាស់យន្តហោះចម្បាំង ទម្លាក់គ្រាប់បែកចំនួន២គ្រាប់ ចូលភូមិសាស្ត្រ ឃុំផ្គាំ ស្រុកស្វាយចេក ខេត្តបន្ទាយមានជ័យ។ ក្រសួងមិនបានបញ្ជាក់ពីចំនួនអ្នករងគ្រោះពីការទម្លាក់គ្រាំបែក នៅស្រុកស្វាយចេកនេះ នៅឡើយទេ។
ប៉ុន្តែថា កងកម្លាំងកម្ពុជា កំពុងតាមដានយ៉ាងយកចិត្តទុកដាក់ និងឈរជើងយ៉ាងរឹងមាំ តស៊ូប្រយុទ្ធយ៉ាងស្វិតស្វាញ តតាំងជាមួយសត្រូវឈ្លានពាន ដើម្បីការពារបូរណភាពទឹកដីរបស់កម្ពុជាទោះក្នុងតម្លៃ ណាក៏ដោយ។
លើសពីនេះ នៅព្រឹកថ្ងៃអាទិត្យនេះដែរ អ្នកនាំពាក្យក្រសួងការពារជាតិ អ្នកស្រី ម៉ាលី សុជាតា បានឱ្យដឹងថាយោធាថៃ កំពុងបើកការប្រយុទ្ធបុកចូលតំបន់ប្រាសាទតាមមាន់ធំ និងថ្មដូន ក្នុងខេត្តឧត្តរមានជ័យ ដោយប្រើអាវុធធុនធ្ងន់ និងអាវុធបំពាក់លើរថក្រោះ ។
អ្នកស្រីសង្កត់ធ្ងន់ថា ទង្វើឈ្លានរបស់យោធាថៃមកលើកម្ពុជា ជាង្វើឃោរឃៅ រួមទាំងការប្រើប្រាស់អាវុធយុទ្ធោបករណ៍ធុនធ្ងន់ និងមានកម្រិតបំផ្លាញខ្ពស់ដូចជាយន្តហោះចម្បាំងF-16 នាវាចម្បាំង កាំភ្លើងធំគ្រប់ប្រភេទ គ្រាប់បែកចង្កោម ផ្សែងពុល មកវាយប្រហារកម្ពុជា និងជនស៊ីវិល រំលោភធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងច្បាប់អន្តរជាតិមួយចំនួនទៀត។
ការណ៍នេះ កម្ពុជាទាមទារ ឱ្យសហគមន៍អន្តរជាតិចាត់វិធានការ ដើម្បីឱ្យថៃទទូលខុសត្រូវ ចំពោះការរំលោភបំពានដែនអធិបតេយ្យកម្ពុជាងទាំងកំរោលនេះ។ ហើយបញ្ជាក់ឡើងវិញ នូវសិទ្ធិស្វ័យការពារដែនអធិបតេយ្យកម្ពុជា ដូចដែលមានចែងនៅក្នុងច្បាប់អន្តរជាតិ ដើម្បីការពារបូរណភាពទឹកដី និងប្រជាជនរបស់យើងទោះក្នុងតម្លៃណាក៏ដោយ។
អ្នកស្រីថា៖«ទង្វើឈ្លានរបស់យោធាថៃមកលើកម្ពុជាបានបញ្ជាក់យ៉ាងច្បាប់ថា ថៃបានបំពានច្បាប់អន្តរជាតិជារដ្ឋដែលបំផ្លាញសន្តិភាពនិងសន្តិសុខ មិនត្រឹមតែជាមួយកម្ពុជាប៉ុណ្ណោះទេប៉ុន្តែតំបន់ទាំងមូល ដើម្បីមហិច្ឆិតាឈ្លានពានរបស់ខ្លួនមិនចេះឆ្អែតឆ្អន់មកលើប្រទេសដែលតូចជាងនឹងខ្សោជាងខ្លួនប៉ុណ្ណោះ»។
ប្រតិបត្តិការឈ្លានពាននេះ យោធាថៃ បានប្រើយន្តហោះចម្បាំង F-16 កម្ទេចហេដ្ឋារចនាសមន្ព័របស់កម្ពុជារាប់សឹបកន្លែងតាមទំនើងចិត្ត ខណៈកម្ពុជាមិនប្រើអាវុធប្រឆាំងយន្តហោះ ដើម្បីឆ្លើយតបទៅនឹងការឈ្លានតាមដែនអាកាសដ៏កំរោលនេះ។
ការណ៍នេះ ធ្វើឱ្យកងទ័ពជើងអាកាសថៃ ពង្រីកទីតាំងឈ្លានពាន ចូលកាន់តែជ្រៅ ក្នុងដែនដីកម្ពុជា ដូចជាថៃ បានជាទម្លាក់គ្រាប់បែកចង្កោម និងបាញ់ផ្សែងពុល ចូលតំបន់ប្រាសាទព្រះវិហារ។
យោធាថៃទម្លាក់គ្រាប់ផ្តាច់ស្ពាន អូរជីក ព្រំប្រទល់ស្រុកចុងកាល់ ខេត្តឧត្តរមានជ័យ និងព្រំប្រទល់ស្រុកស្រីស្នំ ខេត្តសៀមរាប។ ទម្លាក់គ្រាប់ផ្តាច់ស្ពានមេទឹកមួយកន្លែងទៀត នៅខេត្តពោធិ៍សាត់ និងកាលពីម្សិលមិញ យន្តហោះចម្បាំង F-16 ថៃ បានទម្លាក់គ្រាប់ ចំនួន៥គ្រាប់បន្ថែមទៀត នៅខេត្តពោធិ៍សាត់ កម្ទេចអគារពាណិជ្ជកម្មឯកជន និងសាលាបឋមសិក្សនៅឃុំថ្មដា ស្រុកវាលវែង។
ការឈ្លានពានជាប់គ្នា១៥ថ្ងៃមកនេះ បណ្តាលឱ្យជនស៊ីវិលខ្មែរ ស្លាប់កើនដល់១៩នាក់ របួស៧៩នាក់ ខូចខាតផ្ទះសំបែងចំនួន៧៦ខ្នង សាលារៀន មណ្ឌលសុខភាព ប្រាសាទបុរាណ និងហេដ្ឋារចនាសម្ព័ន្ធមួយចំនួនទៀត។
ចំណែក ជនភៀសសឹកកើនខ្មែរ កើនដល់ជិត៥២ម៉ឺននាក់(៥១៨.៦១១) ក្នុងនោះស្ត្រី ជាង២៧ម៉ឺនាក់(២៧០.០៦៩) និងកុមារជាង១៦ម៉ឺននាក់(១៦៥.៣៨៥)។

សេវាកម្មទទួលធ្វើលិខិឆ្លងដែន
https://t.me/engineer_cambodia