សេចក្តីថ្លែងការណ៍របស់ប្រធានអាស៊ាន
កិច្ចប្រជុំពិសេសរដ្ឋមន្ត្រីការបរទេសអាស៊ាន ស្តីពីស្ថានភាពបច្ចុប្បន្នរវាងកម្ពុជា និងថៃ
ថ្ងៃទី ២២ ខែធ្នូ ឆ្នាំ ២០២៥ ទីក្រុងគូឡាឡាំពួ
១. រដ្ឋមន្ត្រីការបរទេសអាស៊ាន បានកោះប្រជុំពិសេសមួយ ដើម្បីដោះស្រាយស្ថានភាពបច្ចុប្បន្នរវាងកម្ពុជា និងថៃ នៅទីក្រុងគូឡាឡាំពួ នៅថ្ងៃទី ២២ ខែធ្នូ ឆ្នាំ ២០២៥ តាមការសម្រេចរបស់នាយករដ្ឋមន្ត្រីម៉ាឡេស៊ី កម្ពុជា និងថៃ កាលពីថ្ងៃទី ១១ ខែធ្នូ ឆ្នាំ ២០២៥។
២. ម៉ាឡេស៊ីបានជម្រាបជូនអង្គប្រជុំអំពីកិច្ចខិតខំប្រឹងប្រែងដែលបានធ្វើឡើងដោយនាយករដ្ឋមន្ត្រី អាន់វ៉ា អ៊ីប្រាហ៊ីម (Anwar Ibrahim) ជាប្រធានអាស៊ាន ដើម្បីលើកទឹកចិត្តទាំងកម្ពុជា និងថៃឱ្យបញ្ឈប់អរិភាព។ អង្គប្រជុំក៏ត្រូវបានជម្រាបជូនដោយក្រុមអ្នកសង្កេតការណ៍អាស៊ាន (AOT) ដោយផ្អែកលើអាណត្តិរបស់ AOT ផងដែរ។ កម្ពុជា និងថៃ បានចែករំលែកជំហររៀងៗខ្លួន។
៣. អង្គប្រជុំបានកោតសរសើរចំពោះតួនាទីសកម្ម និងការបន្តចូលរួមរបស់នាយករដ្ឋមន្ត្រី អាន់វ៉ា អ៊ីប្រាហ៊ីម និងប្រធានាធិបតី ដូណាល់ ជេ. ទ្រាំប (Donald J. Trump) ជាមួយនឹងការចូលរួមយ៉ាងសកម្មរបស់រដ្ឋសមាជិកអាស៊ាន និងចិន ក្នុងការលើកកម្ពស់ដំណោះស្រាយដោយសន្តិវិធីចំពោះស្ថានភាពដែលកំពុងបន្ត។ អង្គប្រជុំមានការលើកទឹកចិត្តដោយឆន្ទៈ និងការត្រៀមខ្លួនរបស់នាយករដ្ឋមន្ត្រី ហ៊ុន ម៉ាណែត និងនាយករដ្ឋមន្ត្រី អនុទិន ឆានវីរកុល (Anutin Charnvirakul) ក្នុងការបន្តចូលរួមជាមួយប្រធានអាស៊ានឆ្ពោះទៅរកការបន្ធូរបន្ថយភាពតានតឹង និងទប់ស្កាត់ការយល់ច្រឡំដែលអាចធ្វើឱ្យស្ថានការណ៍កាន់តែធ្ងន់ធ្ងរ។
៤. អង្គប្រជុំបានបញ្ជាក់ជាថ្មីនូវការប្តេជ្ញាចិត្តចំពោះឯកភាព និងសាមគ្គីភាពអាស៊ាន ក៏ដូចជាមជ្ឈភាពអាស៊ានក្នុងការធានាសន្តិភាព សន្តិសុខ ស្ថិរភាព និងវិបុលភាពក្នុងតំបន់ ស្របតាមធម្មនុញ្ញអាស៊ាន។
៥. អង្គប្រជុំបានរំលឹកពីកិច្ចព្រមព្រៀងបទឈប់បាញ់នៅថ្ងៃទី ២៨ ខែកក្កដា ការសម្រេចចិត្តនៃកិច្ចប្រជុំគណៈកម្មាធិការព្រំដែនទូទៅវិសាមញ្ញ (GBC) នៅថ្ងៃទី ៧ ខែសីហា ក៏ដូចជាសេចក្តីប្រកាសរួមទីក្រុងគូឡាឡាំពួ ដែលបានចុះហត្ថលេខានៅថ្ងៃទី ២៦ ខែតុលា ឆ្នាំ ២០២៥ និងជំរុញឱ្យទាំងកម្ពុជា និងថៃ អនុវត្តឱ្យបានពេញលេញ និងមានប្រសិទ្ធភាព។
៦. អង្គប្រជុំបានសម្តែងការព្រួយបារម្ភយ៉ាងខ្លាំងចំពោះភាពតានតឹង និងអរិភាពជាបន្តបន្ទាប់ ដែលបណ្តាលឱ្យមានការបាត់បង់ជីវិតយ៉ាងសំខាន់ ការខូចខាតហេដ្ឋារចនាសម្ព័ន្ធស៊ីវិល និងការផ្លាស់ទីលំនៅរបស់ជនស៊ីវិលនៅតាមបណ្តោយព្រំដែនទាំងសងខាង ហើយបានអំពាវនាវឱ្យភាគីទាំងពីរធានាថាជនស៊ីវិលដែលរស់នៅក្នុងតំបន់ព្រំដែនដែលរងផលប៉ះពាល់អាចត្រឡប់មកវិញដោយគ្មានការរារាំង ប្រកបដោយសុវត្ថិភាព និងសេចក្តីថ្លៃថ្នូរ ទៅកាន់លំនៅឋាន និងជីវភាពរស់នៅធម្មតារបស់ពួកគេដូចដែលមានពីមុនការផ្ទុះអរិភាព។
៧. អង្គប្រជុំបានបញ្ជាក់ឡើងវិញនូវការប្តេជ្ញាចិត្តរួមគ្នាក្នុងការបដិសេធការគំរាមកំហែង ឬការប្រើប្រាស់កម្លាំង ការដោះស្រាយវិវាទដោយសន្តិវិធី និងការគោរពព្រំដែនអន្តរជាតិ និងច្បាប់អន្តរជាតិ សម្រាប់ការលើកកម្ពស់សន្តិភាព សន្តិសុខ ស្ថិរភាព និងវិបុលភាពក្នុងតំបន់ដោយឈរលើមូលដ្ឋាននៃការគោរពគ្នាទៅវិញទៅមកសម្រាប់ឯករាជ្យ អធិបតេយ្យភាព សមភាព បូរណភាពទឹកដី និងអត្តសញ្ញាណជាតិ ស្របតាមធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ (TAC)។
៨. អង្គប្រជុំបានជំរុញឱ្យកម្ពុជា និងថៃ អនុវត្តការអត់ធ្មត់ជាអតិបរមា និងចាត់វិធានការជាបន្ទាន់ឆ្ពោះទៅរកការបញ្ឈប់រាល់ទម្រង់នៃអរិភាព។ អង្គប្រជុំបានអំពាវនាវឱ្យប្រទេសទាំងពីរស្តារទំនុកចិត្ត និងជំនឿគ្នាទៅវិញទៅមក និងត្រឡប់ទៅការសន្ទនាវិញ រួមទាំងតាមរយៈយន្តការទ្វេភាគី ក៏ដូចជាការប្រើប្រាស់ការិយាល័យល្អរបស់ប្រធានអាស៊ាន ធ្វើឱ្យកិច្ចសហប្រតិបត្តិការលើការបោសសម្អាតមីនមនុស្សធម៌រស់ឡើងវិញ និងអនុវត្តការកាត់បន្ថយភាពតានតឹងផ្នែកយោធានៅតាមបណ្តោយព្រំដែនរួមគ្នារបស់ពួកគេក្រោមការសង្កេតរបស់ AOT និងដើម្បីគាំទ្រគោលការណ៍នៃច្បាប់អន្តរជាតិ ការរួមរស់ដោយសន្តិវិធី និងកិច្ចសហប្រតិបត្តិការពហុភាគីក្នុងការស្វែងរកដំណោះស្រាយដោយសន្តិវិធី និងយូរអង្វែងចំពោះស្ថានការណ៍។
៩. រដ្ឋមន្ត្រីការបរទេសអាស៊ានបានស្វាគមន៍ចំពោះការពិភាក្សាលើការបន្តបទឈប់បាញ់ និងការបញ្ឈប់អរិភាព។ GBC នឹងកោះប្រជុំនៅថ្ងៃទី ២៤ ខែធ្នូ ឆ្នាំ២០២៥ ដើម្បីពិភាក្សាអំពីការអនុវត្ត និងការផ្ទៀងផ្ទាត់បទឈប់បាញ់។ រដ្ឋមន្ត្រីការបរទេសអាស៊ានបានសម្តែងក្តីសង្ឃឹមសម្រាប់ការកាត់បន្ថយភាពតានតឹងនៃអរិភាពឱ្យបានឆាប់តាមដែលអាចធ្វើទៅបាន។
១០. រដ្ឋមន្ត្រីការបរទេសអាស៊ានបានប្តេជ្ញាចិត្តបន្តតាមដានបញ្ហានេះ។

‼️🚁🇹🇭ឧទ្ធម្ភាគចក្រយោធាថៃកំពុងបំពេញបេសកកម្មឈ្លានពានកម្ពុជា ធ្លាក់នៅខេត្តសុរិន្ទ!

👉នៅវេលាម៉ោង ៥:១៩ នាទីល្ងាច ថ្ងៃទី២២ ខែធ្នូម្សិលមិញនេះ ឧទ្ធម្ភាគចក្រកងទ័ពមួយគ្រឿង ប្រភេទ HT.212 របស់បញ្ជាការដ្ឋានយោធភូមិភាគទី២ របស់ថៃ បានបាត់បង់ការគ្រប់គ្រង និងត្រូវបានបង្ខំចិត្តចុះចតជាបន្ទាន់ នៅឯព្រលានយន្ត ហោះ Surin Phakdi ក្នុងខេត្តសុរិន្ទ នាំអោយឧទ្ធម្ភាគចក្រនោះបុកប៉ះនឹងផ្លូវរត់ បណ្តាលអោយដាច់កង់ បាក់កន្ទុយ និងខូចខាតជាទម្ងន់។

សេចក្តីរាយការណ៍បឋមពីសារព័ត៌មានបានផ្សាយអោយដឹងថា ក្នុងហេតុការណ៍នេះ បណ្តាលអោយទាហានថៃ ៣ នាក់ ខ្លះថា ៤នាក់ បានរងរបួសស្រាល ហើយត្រូវបានបញ្ជូនទៅសម្រាកព្យាបាលនៅមន្ទីរពេទ្យជំរុំ Weerawat Yothin។

តែបើយោងតាមរូបភាព ដែលបានផ្សព្វផ្សាយបង្ហាញថា ទាហានថៃ ទាំង៣ ដែលជិះលើ ឧទ្ធម្ភាគចក្រ ដែលធ្លាក់នោះ មិនមែនរបួសស្រាលទេ ព្រោះមានខ្លះខ្ទាត់ចេញ ឬខ្លះហក់ចុះ ធ្លាក់ចូលក្នុងគុម្ពស្មៅ។ តាមរូបភាពដែលក្រុមសង្គ្រោះ បានរំ អាចទៅរួចថា មានទាហានខ្លះ បាក់ដៃ បាក់ភ្លៅ ឬក៏បាក់ ក ផងក៏មិនដឹង ។
ប្រភព : 60Buzz