ថៃ បន្តផ្លោងចូលទិសព្រះវិហារ មិនស្រាកស្រាន្ត
23/12/25

ដូណាល់ត្រាំមើលឃើញថា«ថៃ»ជាចាប់ផ្តើមសង្រ្គាមឈ្លានពានលើប្រទេសកម្ពុជាមុន

អាម៉េរិក៖ ប្រធានាធិបតីអាម៉េរិក ដូណាល់ ត្រាំ នៅថ្ងៃទី ២២ ធ្នូ បានថ្លែងចំៗដោយចាត់ទុកប្រទេសថៃ គឺជាប្រទេសចាប់ផ្តើមជម្លោះព្រំដែនជាមួយកម្ពុជាជាថ្មី។ ការថ្លែងរបស់លោកដូណាល់ត្រាំ ធ្វើឡើងក្នុងពិធីប្រកាស ការផលិតនាវាចម្បាំងខ្នាតយក្សថ្មីជាមួយរដ្ឋមន្ត្រីក្រសួងសង្គ្រាម និង រដ្ឋមន្ត្រីកងទ័ពជើងទឹក។

ឆ្លើយសំណួររបស់អ្នកសារព័ត៌មាន លោកត្រាំបានថ្លែងថា "ថៃបានចាប់ផ្តើមបញ្ចេញរូបរាងសង្រ្គាមជាថ្មីម្តងទៀតជាមួយប្រទេសកម្ពុជា ខ្ញុំបានប្រាប់ទៅកាន់រដ្ឋមន្រ្តីការបរទេសលោក ម៉ាកូ រូប៊ីអូ លោកកំពុងតែធ្វើយ៉ាងណាបញ្ចប់សង្រ្គាមមួយនេះលោកថាលោកបានបញ្ចប់សង្រ្គាម ៨ ហើយសង្រ្គាមមួយនេះ ថៃ-កម្ពុជា គឺជានៅកណ្តាលគេ។ លោកថាពេលនេះរវាងប្រជាជនទាំងពីរមានការស្អប់ និងគុំគួនគ្នាជាខ្លាំង។យោងតាម។ សុីសុីថាមស៏

‼️🚁🇹🇭ឧទ្ធម្ភាគចក្រយោធាថៃកំពុងបំពេញបេសកកម្មឈ្លានពានកម្ពុជា ធ្លាក់នៅខេត្តសុរិន្ទ!
👇🏻
https://youtube.com/shorts/hP43HCSgoSc?si=BwG62YLDIgmIAbJe

BREAKING: លោក ដូណាល់ ត្រាំ អះអាងថា ថៃជាអ្នកចាប់ផ្តើមសង្រ្គាមឡើងវិញជាមួយកម្ពុជា

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បាននិយាយថាលោកបានដោះស្រាយបញ្ចប់សង្រ្គាមចំនួន៨ ក្នុងនោះរួមមានទាំងរវាងថៃ និងកម្ពុជា។ ឆ្លើយតបទៅនឹងសំណួរបស់ អ្នកសារព័ត៌មាន លោក ត្រាំ បានគូសបញ្ជាក់ដូច្នេះថា «ខ្ញុំបានដោះស្រាយបញ្ចប់សង្រ្គាមចំនួន៨។ ឥរិយាបថរបស់ថៃចាប់ផ្ដើមល្អប្រសើរឡើងវិញ។ ដូចដែលអ្នកទាំងអស់គ្នាដឹងបន្ទាប់ពីពួកគេ (ថៃ) បានចាប់ផ្ដើមសង្រ្គាមឡើងវិញជាមួយកម្ពុជា។ ពួកគេ (ថៃ និងកម្ពុជា) បានចាប់ផ្ដើមសង្រ្គាមជាថ្មី។ ប៉ុន្តែខ្ញុំគិតថាលោក Marco យើងត្រៀមខ្លួនជាស្រេចដើម្បីបញ្ចប់សង្រ្គាមរវាងថៃ និងកម្ពុជា។ ដូច្នេះយើងបានដោះស្រាយបញ្ចប់សង្រ្គាមចំនួន៨៕

កម្ពុជា ស្នើប្រជុំ GBC នៅម៉ាឡេស៊ីវិញ

រដ្ឋមន្រ្តីការពារជាតិកម្ពុជា បានស្នើផ្លាស់ប្ដូរទីតាំងកិច្ចប្រជុំគណៈកម្មាធិការព្រំដែនទូទៅ (GBC) នៅទឹកដីម៉ាឡេស៊ីវិញ ក្រោមហេតុផលសន្តិសុខ។ នេះបើតាមការផ្សាយរបស់ទីភ្នាក់ងារព័ត៌មាន AFP ដែលយោងលិខិតរបស់កម្ពុជា។
កម្ពុជា និងថៃ សម្រេចរៀបចំកិច្ចប្រជុំគណៈកម្មាធិការព្រំដែនទូទៅនៅថ្ងៃទី២៤ ខែធ្នូ ដែលនឹងជជែកពីការអនុវត្តបទឈប់បាញ់ ស្របពេលដែលជម្លោះព្រំដែននៅតែបន្ត។ រដ្ឋមន្រ្តីការបរទេសថៃ និយាយនៅថ្ងៃទី២២ ខែធ្នូថា កិច្ចប្រជុំនេះ នឹងរៀបចំនៅខេត្តច័ន្ទបុរី។
យ៉ាងណាមិញ ទីភ្នាក់ងារព័ត៌មាន AFP រាយការណ៍ថា ក្នុងលិខិតផ្ញើទៅកាន់រដ្ឋមន្រ្តីការពារជាតិថៃ Nattaphon Narkphanit នៅល្ងាចថ្ងៃទី២២ ខែធ្នូ ប្រមុខការពារជាតិកម្ពុជា ទៀ សីហា ស្នើប្ដូរទៅប្រជុំនៅគូឡាឡាំពួវិញ។ ឧបនាយករដ្ឋមន្រ្តី ទៀ សីហា អះអាងថា យោងតាមកត្តាសន្តិសុខអំឡុងពេលប្រយុទ្ធគ្នានេះ កិច្ចប្រជុំគួររៀបចំនៅទីតាំងកណ្ដាលដែលមានសុវត្ថិភាព។
រដ្ឋមន្រ្តីការពារជាតិកម្ពុជា អះអាងដែរថា ម៉ាឡេស៊ីដែលជាប្រធានអាស៊ាន យល់ព្រមទទួលរៀបចំរួចហើយ។
អំឡុងខែសីហា ថៃ ក៏ធ្លាប់ស្នើប្ដូរទីតាំងកិច្ចប្រជុំគណៈកម្មាធិការព្រំដែនទូទៅដែលគ្រោងធ្វើនៅកម្ពុជា ទៅម៉ាឡេស៊ីដូចគ្នាដែរ៕

នាយតឿ! រដ្ឋមន្ត្រីក្រសួងការពារជាតិ ប្រកាសថា
ប្រសិនបើ (GBC) មិនអាចឈានដល់កិច្ចព្រមព្រៀងបានទេ លោកមិនទៅចូលរួមកិច្ចប្រជុំហើយក៏មិនចុះហត្ថលេខាលើកិច្ចព្រមព្រៀងនោះដែរ។

២៣/១២/២៥ ឧត្តមសេនីយ៍ ណាត់ថាពល ណាក់ផានិច្ច រដ្ឋមន្ត្រីក្រសួងការពារជាតិ បានថ្លែង នៅថ្ងៃទី២៣នេះថា ទាក់ទងនឹងកិច្ចប្រជុំគណៈកម្មាធិការព្រំដែនទូទៅថៃ-កម្ពុជា (GBC) នៅថ្ងៃទី២៤ស្អែកនេះ នៅខេត្តច័ន្ទបុរី វាគឺជាកិច្ចប្រជុំរបស់លេខាធិការដ្ឋាន ហើយប្រសិនបើលេខាធិការដ្ឋាន មិនបំពេញតាមការរំពឹងទុករបស់លោកទេ លោកនឹងមិនចូលរួមកិច្ចប្រជុំ ឬចុះហត្ថលេខាលើកិច្ចព្រមព្រៀងនោះទេ។

រដ្ឋមន្ត្រីក្រសួងការពារជាតិដដែលបន្តថា ចំណុចទាំង៥ ទាក់ទងនឹងឥរិយាបថកន្លងមករបស់កម្ពុជារួមមាន៖

១. កងទ័ពកម្ពុជាបានរំលោភលើអនុសញ្ញាអូតាវ៉ា
ជាពិសេសក្នុងករណីបីយ៉ាង៖ កាន់កាប់មីនប្រឆាំងមនុស្ស។
២.ទាហានកម្ពុជាកំពុងប្រើប្រាស់ទីតាំងប្រវត្តិសាស្ត្រចំនួនបីជាបន្ទាយយោធា៖ ក្នុងនោះមានប្រាសាទតាក្របី ប្រាសាទព្រះវិហារ និងប្រាសាទខ័ណ្ឌ។
៣.ទាហានកម្ពុជាកំពុងប្រើប្រាស់សហគមន៍ជាមូលដ្ឋានសម្រាប់បាញ់អាវុធធុនធ្ងន់ ជាពិសេស BM-21s។
៤.កម្ពុជាកំពុងប្រើប្រាស់អគារស៊ីវិលជាមូលដ្ឋានយោធា និងអាវុធ។
៥. កម្ពុជាកំពុងប្រើប្រាស់ជនស៊ីវិលជាខែលមនុស្ស រួមទាំងការប្រើប្រាស់ជនស៊ីវិលដើម្បីប្រយុទ្ធប្រឆាំងនឹងយោធាថៃ

លោកបានបន្តថា «ចំណុចទាំង៥នេះគឺជាគោលការណ៍មូលដ្ឋានរបស់លោក។ រីឯ ជំហានជាបន្តបន្ទាប់ គឺជាដំណើរការអាច ៣លក្ខខណ្ឌដែលថៃដាក់ទៅកាន់ខាងកម្ពុជាយូរមកហើយ។

សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃនៅតែបន្តធ្វើសកម្មភាពវាយប្រហារឈ្លានពានមកលើដែនអធិបតេយ្យកម្ពុជា នៅយោធភូមិភាគទី៤ ក្នុងភូមិសាស្រ្តគោល៨ ឃុំស្រអែម ស្រុកជាំក្សាន្ត ខេត្តព្រះវិហារ នាថ្ងៃទី២៣ ខែធ្នូ ឆ្នាំ២០២៥៖

-ចាប់ពីម៉ោង ១៤:៣០នាទី ដល់ម៉ោង ១៥:១០នាទី យោធាថៃបានប្រើប្រាស់យន្តហោះចម្បាំង F-16 ទម្លាក់ចំនួន ៦គ្រាប់នៅភូមិសាស្ត្រគោល៨ ឃុំស្រអែម ស្រុកជាំក្សាន្ត ខេត្តព្រះវិហារ។

កងកម្លាំងកម្ពុជាបាននឹងបន្តតាមដានយ៉ាងយកចិត្តទុកដាក់ និងឈរជើងយ៉ាងរឹងមាំ ស្វាហាប់ មោះមុត និងនៅតែប្រុងប្រយ័ត្នខ្ពស់ជានិច្ច ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា និងសេចក្តីថ្លៃថ្នូររបស់យើងដោយអង់អាចក្លាហាន ដោយមិនងាករេជាដាច់ខាតទោះក្នុងតម្លៃ ណាក៏ដោយ។