យន្តហោះវាយប្រហារថៃធ្លាក់ក្នុងខេត្តឈៀងម៉ៃ បណ្តាលឱ្យពីឡុត ២ នាក់បាត់បង់ជីវិត
បាងកក — ថ្ងៃទី ២៩ ខែមករា ឆ្នាំ ២០២៦៖ កងទ័ពអាកាសភូមិន្ទថៃបានប្រកាសថា យន្តហោះវាយប្រហារធុន AT-6TH មួយគ្រឿង បានធ្លាក់ក្នុងអំឡុងពេលបំពេញបេសកកម្មហ្វឹកហ្វឺនក្នុងខេត្តឈៀងម៉ៃ (Chiang Mai) ដែលបណ្តាលឱ្យពីឡុតទាំង ២ នាក់នៅលើនោះបាត់បង់ជីវិត។
លោកឧត្តមសេនីយ៍ទោ Chakrit Thammavichai អ្នកនាំពាក្យកងទ័ពអាកាស បានមានប្រសាសន៍ថា យន្តហោះដែលមកពីកងអនុសេនាធំលេខ ៤១១ នៃកងពលតូចលេខ ៤១ បានធ្លាក់នៅវេលាម៉ោង ១០:២០ ព្រឹក ក្នុងអំឡុងពេលហោះហើរហ្វឹកហ្វឺនស្វែងរក និងសង្គ្រោះក្នុងសមរភូមិ នៅស្រុក Chom Thong ខេត្តឈៀងម៉ៃ ដែលមានចម្ងាយប្រហែល ៦០ គីឡូម៉ែត្រ ភាគនិរតីនៃព្រលានយន្តហោះឈៀងម៉ៃ។ លោក Chakrit បានបញ្ជាក់ថា គ្រោះថ្នាក់នេះមិនបានប៉ះពាល់ដល់អ្នកស្រុកក្បែរនោះ ឬខូចខាតទ្រព្យសម្បត្តិស៊ីវិលឡើយ។
អត្តសញ្ញាណរបស់ពីឡុតទាំង ២ រូបត្រូវបានកំណត់ថាជា៖
* អនុសេនីយ៍ឯក Sammacha Khunmas (គ្រូបង្ហាត់ពីឡុត)
* អនុសេនីយ៍ត្រី Korawit Jenkit
អ្នកទាំងពីរបានពលីជីវិតក្នុងខណៈពេលបំពេញភារកិច្ច។