Grantlar.uz
79.2K subscribers
8.41K photos
50 videos
14 files
7.12K links
Grantlar.uz – butun dunyoda va barcha sohalarda ta'lim olish imkoniyatlari haqida ishonchli xabarlar.

👉 Shikoyat va takliflar: @grantlarsupportbot
👉 Reklama va hamkorlik: @hamidziyo

👉 Hamkor kanal: @grantlar_namuna

Facebook: fb.com/grantlar.uz
Download Telegram
RIPS: Bakalavrlar uchun AQSHning Kaliforniya universitetida 1 oylik amaliyot; barcha xarajatlar qoplanadi!

RIPS dasturi bakalavriat talabalariga Kaliforniya universiteti tarkibidagi IPAMda 1 oy davomida amaliyot oʻtash imkonini beradi.

Amaliyot ingliz tilida, 2024-yil 24-iyundan 23-avgustgacha boʻlib oʻtadi hamda kompyuter fanlari, matematika, ma'lumotlar tahliliga oid hisoblash ishlarini o'zi ichiga oladi.

Dastur imkoniyatlari:
– 4200 dollar stipendiya.
– Bepul turar joy va oziq-ovqat.
– AQSHga borish-kelish uchun mablagʻ.
– Viza olishga yordam.

Arizalar 2024-yil 12-fevralgacha qabul qilinadi.

Batafsil👇
https://grantlar.uz/rips-bakalavrlar-uchun-kaliforniya-universitetida-1-oylik-amaliyot-barcha-xarajatlar-qoplanadi/

@grantlar
👍80❤17🔥15
KNB Scholarship: Indoneziyada istalgan bosqichda oʻqish uchun toʻliq grantlar!

Bu grantlar rasman Indoneziya hukumati tomonidan taqdim etiladi. Talabalar ushbu grant asosida bakalavriat, magistratura yoki PhD bosqichida tahsil olishi mumkin.

Grant imtiyozlar:
– 1 yillik bepul indonez tili kursi
– Kontrakt toʻlovi toʻliq qoplanadi
– Oylik stipendiya
– Borish-kelish uchun aviachipta
– Joylashib olish uchun bir martalik moddiy yordam
– Sugʻurta xarajatlari qoplanadi

Arizalar 2024-yil 23-fevralgacha qabul qilinadi.

Batafsil👇
https://grantlar.uz/knb-scholarship-indoneziyada-toliq-grant/

@grantlar
👍69🔥11❤9
The Global Undergraduate Awards: bakalavrlar va bakalavriat bitiruvchilari uchun kurs/diplom ishlari tanlovi; bosh mukofot – Irlandiyaga bepul sayohat!

Tanlovda bakalavriatni 2024- yoki 2025-yil bitiradiganlar yoki 2023-yil bitirganlar qatnashishi mumkin.

Istalgan yoʻnalish boʻyicha va istalgan bosqichda yozilgan kurs, tadqiqot yoki diplom ishi qabul qilinadi (ingliz tilida yoki ingliz tiliga tarjima qilingan holda).

Bosh mukofot (25 ta):
– Oltin medal;
– Sertifikat;
– UA Global sammitiga bepul chipta (Irlandiya, Dublin);
– Sammitga qatnashish (safar xarajatlari ham) toʻliq moliyalashtiriladi.

Ishlar 2024-yil 7-iyungacha qabul qilinadi.

Batafsil👇
https://grantlar.uz/the-global-undergraduate-awards-bakalavrlar-va-bakalavriat-bitiruvchilari-uchun-kurs-diplom-ishlari-tanlovi/

@grantlar
👍74❤16🔥5
Ruminiya hukumatining stipendiya dasturi: bakalavriat, magistratura va doktoranturada oʻqish uchun toʻliq grant!

Dastur Ruminiya universitetlarida toʻliq grant asosida tahsil olish imkonini beradi.

Grantga ingliz, rumin yoki fransuz tilida ariza topshirish mumkin.

Dastur imkoniyatlari:
– Kontrakt summasi, universitetga roʻyxatdan oʻtish va boshqa shu kabi toʻlovlardan toʻliq ozod qilidi.
– 1 yillik rumin tili kursi kontraktidan toʻliq ozod qiladi.
– Oylik stipendiya beriladi.
– Bepul yotoqxona taʼminlanadi.
– Favqulodda tibbiy yordam xizmatlari qoplanadi.
– Mahalliy jamoat transportlaridan foydalanishda imtiyozlar beriladi.

Arizalar 2024-yil 16-martgacha qabul qilinadi.

Batafsil👇
https://grantlar.uz/romanian-government-scholarship-ruminiyada-bakalavr-magistratura-va-doktorantura-kurslari-uchun-toliq-grant/

@grantlar
👍98❤17🔥10
Taiwan International Internship Program: Tayvanda haq toʻlanadigan amaliyot!

Bu dasturda quyidagilar qatnasha oladi:
– Bakalarviatning oxirgi bosqich talabalari
– Magistratura talabalari
– Bakalavr yoki magistr diplomiga ega boʻlganlar

Amaliyot oʻtash uchun 10 dan ortiq yoʻnalishlar mavjud boʻlib, nomzodlar oʻziga mos sohani tanlaydi. Amaliyot ingliz tilida oʻtaladi.

Iqtisodiy imtiyozlari:
– Oyiga 1000 dollar stipendiya
– Safar xarajatlari uchun 500 dollargacha mablagʻ
– Hamyonbop narxda turarjoy tashkillashtiriladi

Arizalar 2024-yil 28-fevralgacha qabul qilinadi.

Batafsil👇
https://grantlar.uz/taiwan-international-internship-program-haq-tolanadigan-amaliyot/

@grantlar
👍54❤6🔥6
Yaponiyaning 1-raqamli universitetiga o'qishni stipendiya asosida ko'chirish imkoniyati!

Global Science Course dasturi Tokio universitetining bakalavriat bosqichiga (3-kursga) stipendiya asosida oʻqishni koʻchirish imkonini beradi.

Dastur ingliz tilida, yapon tilini bilish talab qilinmaydi. Bakalavriatning 2, 3 va 4-kursida oʻqiyotganlar ariza topshirishi mumkin.

Faqat kimyo sohasiga oʻqishni koʻchirish mumkin. Lekin hozirda aynan kimyo sohasi boʻyicha oʻqiyotgan boʻlish talab etilmaydi.

Imkoniyatlari:
– 1050 dollar oylik stipendiya
– Bepul turar joy
– Bepul yapon tili kursi
– Doimiy yordam

Arizalar 2024-yil 23-yanvardan 21-martgacha qabul qilinadi.

Batafsil👇
https://grantlar.uz/japan-utokyo-transfer/

@grantlar
👍83❤14🔥9
Yenching Global Symposium: Xitoyda barcha xarajatlari qoplanadigan xalqaro simpozium!

2024-yilgi simpozium mavzusi: Equilibrium: Our World in Balance.

Istalgan sohada bakalavriatning oxirgi kursida oʻqiyotgan yoki bakalavrlik darajasiga ega hamda 1993-yil 11-apreldan keyin tugʻilganlar qatnashishi mumkin.

Jami 100 nafar ishtirokchi qabul qilinadi. Simpozium 2024-yil 11-14-aprel kunlari Pekinda boʻlib oʻtadi.

Iqtisodiy imtiyozlar:
– Borish va kelish xarajatlari qoplanadi
– Turarjoy va oziq-ovqat xarajatlari qoplanadi
– Mahalliy transport xarajatlari qoplanadi

Arizalar 2024-yil 31-yanvar, soat 20:59 gacha qabul qilinadi.

Batafsil👇
https://grantlar.uz/yenching_simpozium/

@grantlar
👍59❤12🔥5
ISTernship: Avstriyada bakalavr va magistrlar uchun haq toʻlanadigan amaliyot; joy – 40 tagacha!

Dasturga 2024-yil yozida bakalavriatning 2-kursini tamomlovchi yoki magistraturaning istalgan bosqichida oʻqiyotgan, shuningdek, bakalavriat yoki magistraturani butirganiga 1 yildan oshmagan nomzodlar ariza topshirishi mumkin.

Amaliyot 2024-yil yozda boʻlib oʻtadi va 2-3 oy davom etadi. Mashgʻulotlar toʻliq ingliz tilida olib boriladi, lekin til bilish sertifikati talab etilmaydi.

Dasturga har yili 30-40 ta talaba qabul qilinadi.

Dastur imkoniyatlari:
– Oyiga 1000 yevro stipendiya
– Borish va kelish uchun mablagʻ
– Arzonlashtirilgan turar joy
– Hamyonbop tibbiy sugʻurta
– Viza olish va safarni rejalashtirishda yordam

Arizalar 2024-yil 15-fevral, 19:00 gacha qabul qilinadi.

Batafsil👇
https://grantlar.uz/ista-isternship-summer-internship-program/

@grantlar
👍56🔥9❤8
Juru kompaniyasidan bakalavlar, magistrlar va OTMni bitirganiga 2 yildan oshmaganlar uchun Toshkentda haq toʻlanadigan amaliyot!

Bu dasturda bakalavriatning 3-4-bosqichida oʻqiyotgan talabalar, magistrlar, shuningdek, OTMni bitirganiga 2 yildan oshmagan bitiruvchilar ariza topshirishi mumkin.

Amaliyot oʻtash uchun 20 dan ortiq soha mavjud. Amaliyot davomiyligi – 3 oy.

Nomzodlardan ingliz tilini yaxshi bilish talab etiladi.

Manfaatli tomonlari:
– Amaliyot davomida haq toʻlanadi
– Amaliyotni muvaffaqiyatli yakunlagandan keyin ishda qolish imkoniyati
– Amaliyotni muvaffaqiyatli yakunlagandan keyin tavsiyanoma beriladi
– Turli trening va kurslar

Arizalar 2024-yil 29-fevralgacha qabul qilinadi.

Batafsil👇
https://grantlar.uz/juru-energy-paid-internship/

@grantlar
👍69❤13🔥8
16-25 yoshlilar uchun “Mirzo Ulugʻbek vorislari” respublika tanloviga arizalar qabuli boshlandi!

Tanlovda ilmiy g‘oyalari, innovatsion ishlanmalari hamda ratsionalizatorlik takliflari mavjud 16 yoshdan 25 yoshgacha boʻlgan barcha Oʻzbekiston Respublikasi fuqarolari ishtirok etishi mumkin.

Mukofotlar:
– 1-bosqich gʻoliblari: 1 mln 700 ming soʻm pul mukofoti va diplom
– 2-bosqich gʻoliblari: 3 mln 400 ming soʻm pul mukofoti va diplom
– 3-bosqich gʻoliblari: 6 mln 800 ming soʻm pul mukofoti va diplom
– Respublika bosiqichi gʻoliblari maxsus oʻquv kurslarda bepul oʻqiydi

Qatnashmoqchi boʻlganlar 2024-yil 15-fevrlagacha roʻyxatdan oʻtishi lozim.

Batafsil👇
https://grantlar.uz/16-25-yoshlilar-uchun-mirzo-ulugbek-vorislari-respublika-tanlovi/

@grantlar
👍94❤22🔥14
Magistratura, PhD talabalari, tadqiqotchi va yetakchilar uchun Tayvanda yozgi maktab – xarajatlar qoplanadi!

Bu dasturda siyosiy partiya, saylov, vakillik demokratiyasi va boshqa aloqador sohalardagi magistratura va PhD tadqiqotchilari, amaliyotchilar va fuqarolik jamiyati yetakchilari oʻzlarining imliy maqolalari bilan qatnashishi mumkin (ingliz tilida).

Dastur mashgʻulotlari 2024-yil 20-26-may kunlari Tayvandagi National Chengchi universitetida boʻlib oʻtadi.

Manfaatli jihatlar:
– Qatnashish bepul
– Bepul turarjoy
– Safar, sugʻurta va viza xarajatlari qoplanadi

Arizalar 2024-yil 26-fevralgacha qabul qilinadi.

Batafsil👇
https://grantlar.uz/asian-summer-school-on-political-parties-and-democracy/

@grantlar
👍67❤10🔥5
The Fountainhead Essay Contest: insho yozib, 5000 dollargacha mukofot yutib oling!

Tanlovda ishtirokchilar Ayn Rendning “The Fountainhead (Favvorabosh)” asari asosida ingliz tilida insho yozishi kerak.

Kimlar qatnasha oladi?
Maktabning yuqori sinf o'quvchilari, kollej va litsey oʻquvchilari qatnashishi mumkin.

Mukofotlar quyidagicha:
– 1-oʻrin (1 nafar) – 5000 dollar;
– 2-oʻrin (3 nafar) – 1250 dollar;
– 3-oʻrin (5 nafar) – 250 dollar;

Insholar 2024-yil 25-aprelgacha qabul qilinadi.

Batafsil👇
https://grantlar.uz/the-fountainhead-essay-contest-insholar-tanlovi/

@grantlar
👍48❤6🔥2
Jurnalist, bloger va tadqiqotchilar uchun Germaniyada 2 haftalik bepul yozgi maktab; transport, turar joy va oziq-ovqat xarajatlari qoplanadi!

Yozgi maktab Germaniyadagi Dortmund shahrida 2024-yil 14-27-iyul kunlari boʻlib oʻtadi. Dastur mashgʻulotlari rus va ingliz tilida olib boriladi.

Dasturga kamida 18 yosh boʻlgan jurnalist, bloger va siyosiy fanlar, jurnalistika, sotsiologiya kabi sohalardagi tadqiqotchilar qatnashishi mumkin.

Moddiy imtiyozlar:
– Ishtirok etish bepul
– Transport, turar joy, oziq-ovqat va tibbiy sugʻurta xarajatlari qoplanadi

Arizalar 2024-yil 16-martgacha qabul qilinadi.

Batafsil👇
https://grantlar.uz/the-summer-school-of-journalism-and-socio-cultural-research/

@grantlar
👍75🔥8❤7
Anthem Essay Contest: Maktab, kollej va litsey oʻquvchilari uchun insholar tanlovi!

Tanlovda ishtirokchilar Ayn Rendning “Anthem (Madhiya)” asari asosida ingliz tilida insho yozishi kerak.

Kimlar qatnasha oladi?
Maktabning 8-12-sinf oʻquvchilari va kollej/litsey oʻquvchilari qatnashishi mumkin.

Mukofotlar quyidagicha:
– 1-oʻrin (1 nafar) – 2000 dollar;
– 2-oʻrin (3 nafar) – 500 dollar;
– 3-oʻrin (5 nafar) – 100 dollar.

Insholar 2024-yil 25-aprelgacha qabul qilinadi.

Batafsil👇
https://grantlar.uz/anthem-essay-contest-maktab-kollej-va-litsey-oquvchilari-uchun-insholar-tanlovi/

@grantlar
👍63❤10
Dunyoning 32-raqamli universitetida magistraturani oʻqish uchun toʻliq grant!

Britaniyadagi Manchester universiteti buxgalteriya va moliya hamda biznes va boshqaruvga oid 15 ta magistrlik kurslarida oʻqish uchun Alliance MBS grantini taqdim etadi.

Bu grant har yili kuzgi semestrdan oʻqish uchun taklif etiladi va tegishli magistrlik kurslariga ariza topshirganlar avtomatik tarzda ushbu grantda talabgor sifatida koʻrib chiqiladi.

Grant imkoniyati: Grantni qoʻlga kiritganlar kontrakt toʻlovini toʻlashdan toʻliq ozod qilinadi.

Navbatdagi eng yaqin qabul 2024-yil mart-aprel oylarida boshlanadi (2024-yil kuzidan boshlab oʻqish uchun).

Batafsil👇
https://grantlar.uz/university-of-manchester-magistratura-uchun-toliq-grant/

@grantlar
👍55🔥7❤6
Bruney hukumatining stipendiya dasturi: diplom kurslari, bakalavriat va magistratura uchun toʻliq grant va stipendiya!

Bruney hukumatining stipendiya dasturi xorijlik talabalarga Bruneydagi 5 ta nufuzli oliygohning diplom kurslari, bakalavriat va magistratura bosqichida oʻqish imkonini beradi.

Aksariyat dasturlar ingliz tilida, ayrim dasturlar malay yoki arab tilida oʻqitiladi.

Grant imkoniyatlari:
– Kontrakt toʻlovi toʻliq qoplanadi.
– 379 dollar oylik stipendiya.
– Oziq-ovqat xarajatlari uchun 113 dollar oylik mablagʻ.
– Oʻquv qurollar uchun 454 dollar yillik mablagʻ.
– Borish-kelish uchun aviachipta.
– Yotoqxonadan turar joy.
– Toʻliq sugʻurta.
– Qaytishda yuklarni yuborish uchn 379 dollargacha mablagʻ.

Arizalar 2024-yil 15-fevralgacha qabul qilinadi.

Batafsil👇
https://grantlar.uz/bruney-oliygohlarda-oqish-uchun-toliq-grantlar/

@grantlar
👍68❤6🔥5
Fulbright TEA: Maktab, kollej va litsey o’qituvchilari uchun AQSHda 6 haftalik malaka oshirish dasturi; barcha xarajatlar qoplanadi!

Dasturga ingliz tili, xorijiy til sifatida ingliz tili, matematika, tabiiy fanlar va ijtimoiy fanlardan dars beruvchi oʻqituvchilar qatnashishi mumkin. Nomzodlar ingliz tilini bilishi kerak, lekin ariza topshirish uchun til sertifikati talab etilmaydi.

Dastur imkoniyatlari:
– J-1 viza olishda yordam.
– AQSHga borish va kelish, AQSH ichida harakatlanish uchun aviachiptalar.
– Akademik dasturga qatnashish haqlari toʻliq qoplanadi.
– Bepul turar joy va oziq-ovqat.
– Sugʻurta xarajatlari qoplanadi.
– Qoʻshimcha xarajatlar uchun kunlik mablagʻ.
– Kitob/kasbiy rivojlanish uchun mablagʻ.
– Yuk uchun mablagʻ.
– Dastur yakunlangach kichik grantlarga ariza berish imkoniyati.

Arizalar 2024-yil 20-fevral, 18:00 gacha qabul qilinadi.

Batafsil👇
https://grantlar.uz/fulbright-tea/

@grantlar
👍78❤4
Woods Hole: Bakalavriat talabalari uchun AQSHda 12 haftagacha haq toʻlanadigan tadqiqot dasturi!

Dasturda oxirgi kursdan bitta oldingi kursda oʻqiyotgan bakalavriat talabalari qatnashishi mumkin. Talabalar tabiiy fanlar va muhandislikka oid loyihalarda ilmiy xorim boshchiligida tadqiqot olib boradi.

Dastur imtiyozlari:
– Haftasiga 680 dollar stipendiya
– Bepul turar joy
– Safar xarajati uchun 700 dollar mablagʻ
– Viza uchun yordam

Arizalar 2024-yil 5-fevralgacha qabul qilinadi.

Batafsil👇
https://grantlar.uz/woods-hole-bakalavriat-talabalari-uchun-aqshda-12-haftagacha-haq-tolanadigan-tadqiqot-dasturi/

@grantlar
👍58❤5🔥3
Erasmus Mundus EPS – Yevropaning bir nechta davlatlarida magistraturani oʻqish to’liq grant, oylik 1000 yevro stipendiya va safar xarajatlari uchun mablagʻ!

Bu dastur doirasida har yili 20 nafar talabaga grant ajratiladi. Talabalar Chexiya, Polsha, Gollandiya va Ispaniya davlatlarida joylashgan universitetlarda oʻqishi mumkin.

Grant imkoniyatlari:
– Kontrakt toʻlovi toʻliq qoplanadi
– Oylik 1000 yevro stipendiya
– Safar xarajatlari uchun yiliga 4000-6000 yevro
– Joylashib olish uchun 1000 yevro
– Sugʻurta xarajati qoplanadi

Arizalar 2024-yil 29-fevralgacha qabul qilinadi.

Batafsil👇
https://grantlar.uz/erasmus-mundus-eps/

@grantlar
👍74❤15
Teknofest 2024: maktab oʻquvchilari, universitet talabalari bitiruvchilar uchun xalqaro tanlov!

Bu tanlov Turkiya tomonidan 2018-yildan beri oʻtkazib kelinadi. Tanlov doirasida 40 dan ortiq yoʻnalish boʻyicha turli musobaqalarda qatnashish mumkin.

Tanlovda boshlangʻich va oʻrta maktab oʻquvchilari, kollej/akademik litsey oʻquvchilari, bakalavr va magistratura talabalari hamda bitiruvchilar qatnasha oladi.

Manfaatli jihatlar:
– Ishtirokchilarning loyihalarini moddiy jihatdan dastaklash uchun jami 1 mln 825 ming dollar ajratiladi
– Tanlovda sovrindor jamoalarga 995 ming dollar mukofot puli taqsimlab beriladi
– Final bosqichi Turkiyada boʻladi – qatnashish uchun transport va turarjoy xarajatlari qoplanadi

Arizalar 2024-yil 20-fevralgacha qabul qilinadi.

Batafsil👇
https://grantlar.uz/teknofest-technology-competitions/

@grantlar
👍72🔥15❤14