Grantlar.uz
79.2K subscribers
8.4K photos
50 videos
14 files
7.12K links
Grantlar.uz – butun dunyoda va barcha sohalarda ta'lim olish imkoniyatlari haqida ishonchli xabarlar.

👉 Shikoyat va takliflar: @grantlarsupportbot
👉 Reklama va hamkorlik: @hamidziyo

👉 Hamkor kanal: @grantlar_namuna

Facebook: fb.com/grantlar.uz
Download Telegram
Italiyada joylashgan Calabria universitetida magistraturada oʻqish uchun 120 ta toʻliq grant!

Bu grantlarning ingliz tilida oʻqitiladigan 2 yillik magistrlik kurslari uchun beriladi.

Grant imkoniyatlari:
– Oʻqish (kontrakt) toʻlovi toʻliq qoplab beriladi.
– Bepul yotoqxona va oziq-ovqat taʼminlanadi.
– 3600 yevrogacha mablagʻ beriladi.

Qabul uchun til sertifikati (IELTS, TOEFL va h.k.) topshirish majburiy emas.

Arizalar 2024-yil 10-aprelgacha qabul qilinadi.

Batafsil👇
https://grantlar.uz/university-of-calabria-italiyada-magistraturada-oqish-uchun-120-ta-grant/

@grantlar
👍52❤13
AYF Fellowship Program: Bakalavriat yoki magistraturani tamomlaganlar uchun Yaponiyada 9 oylik haq toʻlanadigan amaliyot!

Dasturda ingliz tilini taxminan IELTS 7.0 darajasida biladigan (til sertifikatiga ega boʻlish shart emas), kamida bakalavriatni bitirgan nomzodlar ariza topshirishi mumkin.

Qabul qilinganlar 2024-yil oktabr oyidan boshlab Yaponiyadagi Avaji orolida 9 oy davomida amaliyot oʻtaydi.

Iqtisodiy imtiyozlar:
– 197 000 JPY (1300 dollar) oylik ish haqi
– Bepul turarjoy (kommunal toʻlovlar a Wi-Fi haqi ham qoplanadi)
– Chegirmali narxlarda yapon tili kurslari
– Chegirmali narxlarda ovqatlar taklif qilinadi

Arizalar 2024-yil 31-maygacha qabul qilinadi.

Batafsil👇
https://grantlar.uz/awaji-youth-federation-fellowship-program-by/

@grantlar
👍45🔥7❤5
ServiceScape Short Story Award hikoyalar tanlovi; mukofot – 1000 AQSH dollari

Tanlovda hikoya yozishga qiziquvchi va kamida 18 yosh boʻlgan barcha qatnashishi mumkin. Hikoyalar 5000 soʻzdan oshmasligi va ingliz tilida boʻlishi kerak.

Mukofot: Gʻolib 1000 AQSH dollari bilan taqdirlanadi.

Hikoyalar 2024-yil 30-noyabrgacha qabul qilinadi.

Batafsil👇
https://grantlar.uz/servicescape-short-story-award-hikoyalar-tanlovi-mukofot-1000-aqsh-dollari/

@grantlar
👍25❤6🔥5
Anthem Essay Contest: Maktab, kollej va litsey oʻquvchilari uchun insholar tanlovi!

Tanlovda ishtirokchilar Ayn Rendning “Anthem (Madhiya)” asari asosida ingliz tilida insho yozishi kerak.

Kimlar qatnasha oladi?
Maktabning 8-12-sinf oʻquvchilari va kollej/litsey oʻquvchilari qatnashishi mumkin.

Mukofotlar quyidagicha:
– 1-oʻrin (1 nafar) – 2000 dollar;
– 2-oʻrin (3 nafar) – 500 dollar;
– 3-oʻrin (5 nafar) – 100 dollar.

Insholar 2024-yil 25-aprelgacha qabul qilinadi.

Batafsil👇
https://grantlar.uz/anthem-essay-contest-maktab-kollej-va-litsey-oquvchilari-uchun-insholar-tanlovi/

@grantlar
👍42❤7🔥2
The Fountainhead Essay Contest: insho yozib, 5000 dollargacha mukofot yutib oling!

Tanlovda ishtirokchilar Ayn Rendning “The Fountainhead (Favvorabosh)” asari asosida ingliz tilida insho yozishi kerak.

Kimlar qatnasha oladi?
Maktabning yuqori sinf o'quvchilari, kollej va litsey oʻquvchilari qatnashishi mumkin.

Mukofotlar quyidagicha:
– 1-oʻrin (1 nafar) – 5000 dollar;
– 2-oʻrin (3 nafar) – 1250 dollar;
– 3-oʻrin (5 nafar) – 250 dollar;

Insholar 2024-yil 25-aprelgacha qabul qilinadi.

Batafsil👇
https://grantlar.uz/the-fountainhead-essay-contest-insholar-tanlovi/

@grantlar
👍37❤2
Qozogʻiston: Bakalavriat, magistratura va PhD bosqichida oʻqish uchun Qozogʻiston hukumati grantlari; joy 550 ta!

Bu dastur doirasida Qozogʻistondagi 37 ta universitetda, istalgan bosqich va yoʻnalishda oʻqish uchun grant yutib olish mumkin.

Nomzod qaysi tilni bilishiga qarab, ingliz, rus yoki qozoq tilida oʻqitiladigan dasturni tanlay oladi.

Arizalarni ingliz, rus yoki qozoq tilida topshirish mumkin.

Grant imkoniyatlari:
– Kontrakt summasi toʻliq qoplanadi
– Oylik stipendiya beriladi

Arizalar 2024-yil 31-maygacha qabul qilinadi.

Batafsil👇
https://grantlar.uz/qozogiston-bakalavriat-magistratura-va-phd-bosqichida-oqish-uchun-qozogiston-hukumati-grantlari/

@grantlar
👍61🔥12❤8
ClimateScience Olympiad 2024: 25 yoshgacha boʻlganlar uchun onlayn olimpiada: mukofot jamgʻarmasi 15 000 dollar; gʻoliblar Bakuga bepul safar qiladi!

Olimpiada onlayn shaklda, 12 ta tilda (ingliz, rus, fransuz, nemis tillari ham bor) boʻlib oʻtadi.

Ishtirokchilar quyidagi 3 kategoriya boʻyicha baholanadi:
– 16 yoshgach boʻlganlar.
– 17-19 yoshlilar.
– 20-25 yoshlilar.

Mukofotlar:
– 1-oʻrin: 3000 dollar
– 2-oʻrin: 2500 dollar
– 3-oʻrin: 2000 dollar
– 4-5-oʻrinlarning har biri: 1500 dollar
– 6-10-oʻrinlarning har biri: 1000 dollar
– Final bosqichi ishtirokchilari mos ravishda oltin, kumush va bronza medali bilan taqdirlanadi.
– OLTIN, KUMUSH VA BRONZA MEDALLARI sohiblari Bakuda (Ozarbayjon) oʻtkaziladigan BMTning Iqlim sammitida qatnashadi
– Barcha ishtirokchilarga sertifikat beriladi

Ro'yxatdan o'tish uchun eng yaqin dedlayn: 2024-yil, 30-aprel

Batafsil👇
https://grantlar.uz/climatescience-olympiad/

Foydali

👉 Bu olimpiadaga qanday roʻyxatdan oʻtish haqida video

@grantlar
👍73🔥9❤6
14-30 yoshlilar uchun mukofot jamg‘armasi 60 million so‘m boʻlgan ijodiy ishlar tanlovi

“Yoshlar ovozi” gazetasining 100 yilligi munosabati bilan oʻtkazilayotgan bu tanlovda quyidagi 4 yoʻnalish boʻyicha qatnashish mumkin:
– Eng yaxshi maqola
– Eng yaxshi fotohikoya
– Eng yaxshi video
– Eng faol bloger

Tanlovda Oʻzbekistondagi barcha 14-30 yoshli nomzorlar qatnashishi mumkin.

Mukofotlar

Har bir yoʻnalish boʻyicha sovrindorlar quyidagicha taqdirlanadi:
– 1-oʻrin: noutbuk
– 2-oʻrin: smartfon
– Rag‘batlantiruvchi o‘rin: smart televizor

Ishlar 2024-yil 20-maygacha qabul qilinadi.

Batafsil👇
https://grantlar.uz/yoshlar-ovozi-gazetasining-100-yilligi/

@grantlar
👍85🔥15❤7
Writers of the Future: Fantastik va ilmiy fantastik hikoyalar (asarlar) tanlovi; bosh mukofot – 5000 AQSH dollari!

Tanlovga 17 000 soʻzgacha boʻlgan, ingliz tilidagi hikoyalar (asarlar) qabul qilinadi.

Tanlov har chorakda (3 oyda) bir marta oʻtkaziladi.

Mukofotlar

Har bir chorak gʻoliblari quyidagicha mukofotlanadi:
– 1-oʻrin: 1000 dollari va kubok.
– 2-oʻrin: 750 dollar va kubok.
– 3-oʻrin: 500 dollar va kubok.

Yil yakunida yilning bosh sovrini gʻolibi aniqlanadi va u 5000 dollar bilan mukofotlanadi.

Hozirgi qabul 2024-yil 30-iyungacha davom etadi.

Batafsil👇
https://grantlar.uz/writers-of-the-future-fantastik-va-ilmiy-fantastik-hikoyalar-asarlar-tanlovi/

@grantlar
👍37🔥8❤5
The Illustrators Of The Future: Fantastika va ilmiy fantastika janridagi illustratsiyalar tanlovi; bosh sovrin – 5000 dollar!

Tanlov yiliga 4 marta (har chorakda bir marta) oʻtkaziladi. Tanlovda havaskor ijodkorlar qatnashishi mumkin.

Mukofotlar:
– Har chorakda 3 nafar gʻolib aniqlanadi va ularning har biri 500 dollar mukofot bilan taqdirlanadi.
– Yil gʻolibi 5000 dollar bilan mukofotlanadi.

Hozir ochiq boʻlgan tanlovga ishlar 2024-yil 30-iyungacha qabul qilinadi.

Batafsil👇
https://grantlar.uz/the-illustrators-of-the-future-fantastika-va-ilmiy-fantastika-janridagi-illustratsiyalar-tanlovi/

@grantlar
👍35🔥5❤3
Korean Language Speaking Contest: Koreys tilida nutq soʻzlash tanlovida 1500 dollargacha yutib oling!

Tanlovda koreys tilini biluvchi koreyalik boʻlmagan barcha xorijlik nomzodlar va xorijda yashayotgan koreyslar qatnashishi mumkin.

Nomzodlardan berilgan mavzulardan biri boʻyicha koreys tilida nutq soʻzlab, uni videoga olish (maksimal 3 daqiqa) va uni YouTubeʼga joylash talab etiladi.

Mukofotlar:
– Bosh mukofot (1 nafar): 1480 dollar
– Oltin mukofoti (2 nafar): 740 dollar
– Kumush mukofoti (2 nafar): 370 dollar
– Bronza mukofoti (3 nafar): 222 dollar
– “Korean Humanities Research Group” mukofoti: 740 dollar

Arizalar 2024-yil 28-aprel, 19:59 gacha qabul qilinadi.

Batafsil👇
https://grantlar.uz/korean-language-speaking-contest/

@grantlar
👍47❤7🔥5
PURE: Turkiyaning Sabachi universitetida 8 haftalik amaliyot – xarajatlar toʻliq qoplanadi!

Bu dasturga hozirda bakalavriat talabalari ariza topshirishi mumkin. Ishtirokchilar mavjud 54 ta tadqiqot loyihasidan birda faoliyat olib boradi, seminarlar, ijtimoiy va madaniy tadbirlarda qatnashadi.

Dastur mashgʻulotlari 2024-yil 8-iyuldan 29-avgustgacha davom etadi (ingliz tilida).

Imtiyozlari:
– Barcha ishtirokchilar bepul turar joy va maxsus sertifikat bilan taqdirlanadi
– Eng sara ishtirokchilar uchun 200 dollar oylik stiepndiya, borish-kelish uchun bepul chipta bilan taʼminlanadi

Arizalar 2024-yil, 22-aprel soat 18:00 gacha qabul qilinadi.

Batafsil👇
https://grantlar.uz/program-for-undergraduate-research-pure/

@grantlar
👍56❤16🔥9
Bucharest Summer University: Barcha bosqich talabalari uchun Ruminiyada 2 haftalik yozgi maktab; 100% gacha grantlar mavjud!

Bu yilgi yozgi maktab mavzusi – Digital Transformation For New Business Models. Yozgi maktab 2024-yil 11-25-avgust kunlari boʻlib oʻtadi (ingliz tilida).

Yozgi maktab toʻlovi uchun toʻliq yoki qisman grantlar takif etiladi. Oʻz hisobidan qatnashish ham mumkin.

Imkoniyatlari

Qabul qilingan 40 dan ortiq ishtirokchi quyidagi sharoitlar bilan taʼminlanadi:
– Turar joy
– Kuniga 3 mahal ovqat
– Aerorportdan maktab manziliga borish va qaytish uchun transport
– Dam olish kunlarida barcha xarajatlari qoplanadigan ekskursiya
– Kurslar va qoʻshimcha mashgʻulotlar

Arizalar 2024-yil 20-maygacha qabul qilinadi.

Batafsil👇
https://grantlar.uz/bucharest-summer-university-ruminiya/

@grantlar
👍46❤8🔥7
JASNA Essay Contest: Maktab, kollej/litsey oʻquvchilari va barcha bosqich talabalari uchun insholar tanlovi!

Bu tanlov adiba Jeyn Ostin ijodiga bagʻishlangan boʻlib, quyidagi 3 kategoriya boʻyicha oʻtkaziladi:
– Maktabning yuqori sinf oʻquvchilar, kollej/litsey oʻquvchilari
– Bakalavriat talabalari
– Magistratura va doktorantura talabalari

Insholar ingliz tilida yozilishi kerak.

Mukofotlar

Har bir kategoriya boʻyicha 3 nafar gʻolib (jami 9 nafar) quyidagicha taqdirlanadi:
– 1-oʻrin: 1000 dollar.
– 2-oʻrin: 500 dollar.
– 3-oʻrin: 250 dollar.
– JASNA tizimiga 1 yillik bepul obuna (barcha gʻoliblar uchun).
– Barcha gʻoliblarga Jeyn Ostin romanlari toʻplami beriladi.
– 1-oʻrin sohiblari AQSHda oʻtkaziladigan JASNA yillik uchrashuvida bepul qatnashish imkoniga ega boʻladi. Turar joy xarajati qoplanadi.

Insholar 2024-yil 1-iyungacha qabul qilinadi.

Batafsil👇
https://grantlar.uz/jasna-essay-contest-jeyn-ostin-ijodi-boyicha-insholar-tanlovi/

@grantlar
👍43❤9🔥6
Dunyoning 22-raqamli universitetida tibbiyot sohasida magistratura kurslarini onlayn oʻqish uchun toʻliq grant!

Britaniyadagi Edinburg universiteti onlayn magistratura kurslarida oʻqishni xohlovchilarga Edinburgh Surgery Online Global Scholarships grantlarini taklif qiladi.

Bu grantlar quyidagi magistrlik kurslarini onlayn tarzda oʻqish uchun ajratiladi:
– MSc in Surgical Sciences
– ChM in General Surgery
– ChM in Trauma & Orthopaedics
– ChM in Urology
– ChM in Vascular & Endovascular

Grant imkoniyati: Grantni qoʻlga kiritganlar kontrakt toʻlovini (tuition fee) toʻlashdan toʻliq ozod qilinadi.

Arizalar 2024-yil 1-maygacha qabul qilinadi.

Batafsil👇
https://grantlar.uz/edinburgh-surgery-online-global-scholarships/

@grantlar
👍38❤4🔥4
Birgina suhbat orqali KANGWON MILLIY UNIVERSITETI talabasi boʻling!

Kangwon milliy universiteti (KNU) vakili LEE MIN HEE shu universitetga qabul suhbatlarini oʻtkazish uchun Oʻzbekistonga tashrif buyurmoqda. Suhbatlar 2024-yil kuzgi semestrdan boshlab bakalavriat, magistratura va PhD bosqichi, shuningdek, til kursida oʻqish uchun oʻtkaziladi.

KNU Koreyada nufuzli universitetlardan biri boʻlib, viza chiqish darajasi va taʼlim sifati yuqori hisoblanadi.

Tashrif sanalari: 2024-yil 11-apreldan 19-aprelgacha

Suhbat bu tillardan birida o'tkaziladi:
– Ingliz tilida (kamida IELTS 5.5)
– Koreys tilida (Kamida TOPIK 3)
– FAQAT til kursi uchun: koreys yoki oʻzbek tilida ham boʻlishi mumkin

Suhbat oʻtkaziladigan manzillar:
1. Toshkent
2. Samarqand
3. Buxoro
4. Andijon
5. Namangan
6. Farg'ona

Grantlar: 20-100% gacha grantlar mavjud (GKS, HEAT, Campus Asian AIMS, KOICA)

Talaba boʻlishni istaganlar, shuningdek, biz bilan hamkorlik qilmoqchi boʻlgan konsalting agentliklari va til markazlari suhbat uchun roʻyxatdan oʻtishi mumkin.

☝️Imkon qadar ertaroq roʻyxatdan oʻting. Roʻyxatdan oʻtish uchun oxirgi sana: 2024-yil, 19-aprel.

Roʻyxatdan oʻtish👇
@SilkRoad_Academy1
@SilkRoad_Academy3

Tel.
+998902839806
+998932849806

Telegram | Instagram
👍59❤8🔥3
Imagine 2200 hikoyalar tanlovi: 12 nafar gʻolib 300 dollardan 3000 dollargacha mukofotni qoʻlga kiritadi!

Tanlovda kamida 18 yosh boʻlgan barcha qatnashishi mumkin. Hikoyalar ingliz tilida boʻlishi yoki inglizchaga tarjima qilingan holda topshirilishi kerak.

Mukofotlar:
– 1-o’rin: 3000 dollar.
– 2-o’rin: 2000 dollar.
– 3-o’rin: 1000 dollar.
– Qolgan 9 nafar finalistlarning har biriga 300 dollardan.
– Gʻolib boʻlgan 12 ta hikoya tanlov tashkilotchisining onlayn to’plamida chop etiladi.
– Gʻolib AQSHdagi 4 haftalik rezindensiya dasturida qatnashish imkoniga ega boʻladi (3000 dollar gonorar beriladi).

Hikoyalar 2024-yil 24-iyungacha qabul qilinadi.

Batafsil👇
https://grantlar.uz/imagine-2200-tanlovi-kelajak-haqida-hikoyalar-uchun-3-000-aqsh-dollarigacha-pul-mukofoti/

@grantlar
👍33❤6🔥4
Ocean Awareness Contest: 11-18 yoshli maktab, litsey va kollej oʻquvchilari uchun ijodiy ishlar tanlovi!

Tanlov 6 nominatsiya boʻyicha oʻtkaziladi: vizual san’at asarlari, sheʼriyat, ijodiy yozma ish, video (film), musiqa va raqs, interaktiv va multimedia ishlari.

Tanlovga ishlar 2 kategoriya boʻyicha qabul qilinadi:
– Junior divison – 11-14 yoshlilar kategoriyasi.
– Senior division – 15-18 yoshlilari kategoriyasi.

Mukofot: Har ikkala kategoriyada 6 nominatsiya boʻyicha 5 ta sovrinli oʻrin mavjud boʻlib, gʻoliblar 100 dollardan 1000 dollargacha pul mukofoti bilan taqdirlanadi.

Tanlovga ishlar 2024-yil 10-iyungacha qabul qilinadi.

Batafsil👇
https://grantlar.uz/aqsh-ocean-awareness-contest-18-yoshgacha-bolgan/

@grantlar
👍39❤4🔥3
Kanada: dunyoning 30-raqamli universitetida toʻliq grant va oylik stipendiya asosida oʻqish imkoniyati!

McCall MacBain Scholarships dasturi Kanadada joylashgan McGill universitetining magistratura va 2-kasbiy bakalavriat dasturlarida oʻqish uchun toʻliq grantlarni taklif qiladi.

Grantlar universitetdagi turli sohalarda, jumladan, huquq, musiqa, informatika, moliya, biznes boshqaruvi, taʼlim va oʻqitish hamda boshqa koʻplab sohalarda oʻqish uchun ajratiladi.

Moddiy imtiyozlari:
– Kontrakt summasi toʻliq qoplanadi
– 1500 dollar oylik stipendiya
– Monrealga borib, joylashish uchun mablagʻ
– Yozgi tajriba uchun 3700 dollargacha grant

Arizalar 2024-yil iyun oyi boshidan 24-avgustgacha qabul qilinadi (oʻqish 2025-yil yozgi yoki kuzgi semestrdan boshlanadi).

Batafsil👇
https://grantlar.uz/mccall-macbain-scholarships-kanadada-oqish-uchun-toliq-grant-va-oylik-stipendiya/

P.S. Hozirdan tayyorgarlik koʻrilishi uchun ertaroq maʼlumot berilmoqda.

@grantlar
👍100🔥15❤12