Grantlar.uz
79.2K subscribers
8.41K photos
50 videos
14 files
7.12K links
Grantlar.uz – butun dunyoda va barcha sohalarda ta'lim olish imkoniyatlari haqida ishonchli xabarlar.

👉 Shikoyat va takliflar: @grantlarsupportbot
👉 Reklama va hamkorlik: @hamidziyo

👉 Hamkor kanal: @grantlar_namuna

Facebook: fb.com/grantlar.uz
Download Telegram
Humphrey Fellowship Program: AQShda 10 oy malaka oshirish imkoniyati; barcha xarajatlar qoplanadi!

Bu dasturga kamida bakalavrlik darajasi va kamida 5 yillik ish tajribasiga ega, ingliz tilini biladigan nomzodlar ariza topshirishi mumkin.

Dastur imkoniyatlari:
– Universitetlarga qabul testlari xarajatlari qoplanadi.
– J-1 toifasidagi vizani olishda yordam.
– AQSHga borish-kelish uchun ekonom-klass toifasidagi aviachipta.
– Tibbiy sugʻurta.
– Oylik stipendiya.
– Kasbiy rivojlanish mablagʻi beriladi.
– Universitetda oʻqish toʻlovi va boshqa badallar qoplanadi.

Arizalar 2024-yil 7-iyungacha qabul qilinadi.

Batafsil👇
https://grantlar.uz/xyubert-x-xamfri-stipendiyalari/

@grantlar
👍61❤8🔥6
CV nima: qanday, qayerda tayyorlayman? Ko'rinishi qanaqa bo'ladi?

Koʻpgina dasturlarda nomzodlardan CV soʻraladi. Bunda nomzodlarda “CV nima oʻzi?”, “Uni qanday tayyorlayman?” va shu kabi boshqa savollar tugʻilishi mumkin.

Grantlar.uz jamoasi CV va uni EuroPass formatiga (eng ommabop formatlardan biri) tayyorlash haqida maqola tayyorlagan. Undan CVʼga oid eng muhim maʼlumotlarni topishingiz mumkin.

Maqola bilan quyida tanishing👇
https://grantlar.uz/blog/cv-nima-qanday-qayerda-tayyorlayman-korinishi-qanaqa-boladi/

@grantlar
👍44🔥6❤5
UCAS International Summer School 2024: Xitoyda barcha xarajatlari qoplanadigan 10 kunlik yozgi maktab!

Bu maktabga bakalavriatning oxirgi bosqichi, magistratura yoki doktoranturada (PhD) oʻqiyotgan talabalar ariza topshirishi mumkin.

Yozgi maktab mavzusi: Global Change and Ecological Health.

Dastur mashgʻulotlar 2024-yilning 18-iyulidan 27-iyuligacha oʻtkaziladi (ingliz tilida).

Imtyozlar:
– Ishtirok etish bepul
– Borish va kelish uchun mablagʻ ajratiladi
– Bepul turar joy va oziq-ovqat taʼminlanadi
– Tibbiy sugʻurta xarajatlari qoplanadi

Arizalar 2024-yil 31-maygacha qabul qilinadi.

Batafsil👇
https://grantlar.uz/ucas-international-summer-school/

@grantlar
👍68❤13🔥10
THIEL Fellowship: 22 yoshgacha bo’lgan, o’z biznes g’oyasiga ega yoshlar uchun 100 000 AQSH dollari!

Bu dastur OTMda oʻqish oʻrniga oʻz loyihasini amalga oshirmoqchi boʻlganlarga moʻljallangan. Agar gʻolib talaba boʻlsa, oʻqishni tashlashi kerak boʻladi.

Mukofot

Har yili 20-30 nafar gʻolib quyidagicha taqdirlanadi:
– 100 ming dollar mablagʻ
– Thiel jamgʻarmasing asoschilari, investorlari va olimlari yordami

Arizalar yil boʻyi qabul qilinadi.

Batafsil👇
https://grantlar.uz/thiel-fellowship-22-yoshgacha-bolgan-oz-biznes-goyasiga-ega-yoshlar-uchun-100-000-aqsh-dollari/

@grantlar
👍58❤14🔥12
14-18-yoshlilar uchun Shukur Xolmirzayev xotirasiga bagʻishlangan insholar tanlovi!

Bu tanlovda 14-18 yoshili nomzodlar Shukur Xolmirzayev asarlariga bagʻishlangan insholari bilan qatnashishi mumkin. Insholar oʻzbek, rus yoki ingliz tilida qabul qilinadi.

Mukofotlar:
– 1-oʻrin – diplom va maxsus sovgʻa.
– 2-oʻrin – diplom, va telefon quvvatlagich.
– 3-oʻrin – diplom va kitoblar jamlanmasi.
– 5 tagcha ragʻbatlantiruvchi ishtirokchi faxriy yorliq va hamkor esdalik sovgʻalari bilan taqdirlanadi.

Insholar 2024-yil 15-aprel, soat 23:59 gacha qabul qilinadi.

Batafsil👇
https://grantlar.uz/shukur-xolmirzayev-xotirasiga-bagishlangan-insholar-tanlovi/

@grantlar
👍69❤9🔥5
Schwarzman Scholars: Dunyoning 12-raqamli universitetida magistraturani toʻliq grant asosida oʻqing; joy 200 tagacha!

Mazkur grantni qoʻlga kiritganlar Xitoyning Tsinghua universitetida magistratura bosqichida oʻqiydi.

Grant imkoniyatlari:
– Kontrakt puli va boshqa universitet badallari qoplanadi.
– Turar joy va oziq-ovqat.
– Pekinga borish-kelish xarajatlari qoplanadi.
– Xitoydagi tadqiqot turi va uning xarajatlari qoplanadi.
– Kerakli kitoblar va boshqa materiallar ta’minlanadi.
– Sog’liq sug’urtasi to’lab beriladi.
– Yashash xarajatlari uchun stipendiya ajratiladi.
– Har bir talabaga Lenovo noutbuki beriladi.

Bu dasturga har yili butun dunyodan 200 tagacha talaba qabul qilinadi. Qabul qilinganlarning barchasiga avtomatik tarzda grant beriladi.

Bu yilgi qabul 2024-yil 12-sentabrgacha davom etadi.

Batafsil👇
https://grantlar.uz/schwarzman-scholars/

@grantlar
👍44❤10🔥6
Transversalidades – Photographs without Frontiers: bosh mukofot 1500 yevroni tashkil qiluvchi fototanlov!

Tanlovda belgilangan 4 ta mavzu boʻyicha dunyoning istalgan davlatidan boʻlgan nomzodlar qatnashishi mumkin.

Mukofotlar:
– 1 nafar gʻolib 1500 yevro;
– Har bir mavzu boʻyicha eng yaxshi portfolio egasi 750 yevro;
– Yana eng munosib 12 tagacha ishtirokchi 150 yevrodan pul mukofoti bilan taqdirlanadi.

Tanlovga rasmlar 2024-yil 12-maygacha qabul qilinadi.

Batafsil👇
https://grantlar.uz/transversalidades-photographs-without-frontiers/

@grantlar
👍38🔥3❤2
The Global Undergraduate Awards: bakalavrlar va bakalavriat bitiruvchilari uchun kurs/diplom ishlari tanlovi; bosh mukofot – Irlandiyaga bepul sayohat!

Tanlovda bakalavriatni 2024- yoki 2025-yil bitiradiganlar yoki 2023-yil bitirganlar qatnashishi mumkin.

Istalgan yoʻnalish boʻyicha va istalgan bosqichda yozilgan kurs, tadqiqot yoki diplom ishi qabul qilinadi (ingliz tilida yoki ingliz tiliga tarjima qilingan holda).

Bosh mukofot (25 ta):
– Oltin medal;
– Sertifikat;
– UA Global sammitiga bepul chipta (Irlandiya, Dublin);
– Sammitga qatnashish (safar xarajatlari ham) toʻliq moliyalashtiriladi.

Ishlar 2024-yil 7-iyungacha qabul qilinadi.

Batafsil👇
https://grantlar.uz/the-global-undergraduate-awards-bakalavrlar-va-bakalavriat-bitiruvchilari-uchun-kurs-diplom-ishlari-tanlovi/

@grantlar
👍52❤12🔥7
Fulbright Foreign Student Program dasturi bo'yicha bepul vebinar

EducationUSA tomonidan AQSHda magistraturani to'liq grant o'qish imkonini beruvchi Fulbright Foreign Student Program dasturi bo'yicha onlayn vebinar tashkil etilmoqda.

Vebinarda ushbu dastur, unga ariza topshirish va hujjatlarni tayyorlash bo'yicha batafsil ma'lumot beriladi.

O'tkazilish vaqti:
2024-yil 18-aprel 16:00
O'tkazilish joyi: ZOOM platformasi

AQSHda magistraturani davom ettirmoqchi bo'lgan barcha, qolaversa, barcha qiziquvchilar ishtirok etishi mumkin. Qatnashish uchun onlayn ro'yxatdan o'tish lozim:

👉 RO'YXATDAN O'TISH 👈

👉 Dastur haqida BU YERDAN batafsil ma'lumot olishingiz mumkin.

@grantlar_namuna
👍51❤10🔥7
Dunyoning 22-raqamli universitetida onlayn magistratura kurslarini toʻliq grant asosida oʻqish imkoniyati!

Britaniyadagi Edinburg universiteti onlayn magistratura kurslarida oʻqishni xohlovchilarga Edinburgh Global Online Learning Masters Scholarships grantlarini taklif qiladi.

Dastur doirasida 20 nafar talabaga grant ajratiladi.

Grant imkoniyati: Grantni qoʻlga kiritganlar kontrakt toʻlovini (tuition fee) toʻlashdan toʻliq ozod qilinadi.

Arizalar 2024-yil 3-iyungacha qabul qilinadi.

Batafsil👇
https://grantlar.uz/edinburgh-global-online-learning-masters-scholarships/

@grantlar
👍54❤19🔥6
AUC Excellence Scholarship Program: bakalavriatni Misrda oʻqish uchun 100% gacha grantlar!

Qohiradagi Amerika universiteti bir qancha yoʻnalishlar boʻyicha bakalavriat bosqichida oʻqish uchun grantlar taklif qiladi. Darslar ingliz tilida olib boriladi.

Grant miqdori: Talabalarga iqtidori va moliyaviy holatiga qarab, kontrak summasi uchun 20-100% lik grantlar taqdim etiladi.

Arizalar 2024-yil 1-iyungacha qabul qilinadi.

Batafsil👇
https://grantlar.uz/auc-excellence-scholarship-program-bachelors/

@grantlar
👍47❤11🔥4
Grantga hujjat topshirishdagi muhim qoida: qabulning oxirgi kunini kutmang

Biror grant yoki dasturga ariza topshirishni oxirgi kun/daqiqaga taqash bir qancha koʻngilsiz oqibatlarga sabab boʻlishi mumkin.

Batafsil:

👉 Video shaklida tanishish

👉 Matn shaklida tanishish

@grantlar
👍47🔥16❤12
Shape the future challenge: 15-20 yoshlilar uchun 3 haftalik bepul onlayn kurs va bellashuv; mukofot – Silikon vodiysiga (AQSH) xarajatlari qoplanadigan sayohat!

Dastur ishitrokchilari 2024-yil 15-maydan 4-iyungacha onlayn mentorlik seanslari, seminarlarda qatnashadi va 2-6 kishilik jamoa sifatida iqlim oʻzgarishi muammosi yuzasidan yechim ishlab chiqadi (ingliz tilida).

Eng yaxshi gʻoya (yechim) taklif qilgan jamoa aʼzolari Silikon vodiysiga (AQSH) taʼlim sayohati uchun borish imkonini qoʻlga kiritadi.

Bunda:
– AQSHga borish va kelish chiptalari olib beriladi
– Bepul turar joy taʼminlanadi
– Sayohat davomida seminarlar, Google, Apple, Instagram kabi kompaniyalarga tashriflar uyushtiriladi

Qatnashish uchun 2024-yil 4-maygacha roʻyxatdan oʻtish lozim.

Batafsil👇
https://grantlar.uz/moonshot-pirates-shape-the-future-challenge/

@grantlar
👍61❤18🔥6
Tom Howard/Margaret Reid Poetry Contest she'rlar tanlovi: mukofot – 3500 AQSh dollarigacha!

Tanlovga istalgan yoshdagi havaskor yoki professional shoirlar 250 qatordan oshmagan sheʼrini topshirishi mumkin. Sheʼrlar ingliz tilida boʻlishi kerak.

Mukofotlar:
– Tom Howard Prize mukofoti gʻolibiga 3500 AQSh dollari.
– Margaret Reid Prize mukofoti gʻolibiga ham 3500 AQSh dollari.
– Ikkala gʻolibga Duotrope platformasiga 2 yillik obuna sertifikati.
– 10 ta eʼtiborga sazovor she’rlar mualliflarining har biriga 300 AQSh dollaridan pul mukofoti.

Sheʼrlar 2024-yil 15-apreldan 1-oktabrgacha qabul qilinadi.

Batafsil👇
https://grantlar.uz/tom-howard-margaret-reid-poetry-contest-tanlovi/

@grantlar
👍27❤2
Tabiatdagi oʻzgarishlar aks etgan fotosuratlar tanlovida ishritok etib, 1000 funt sterlinggacha mukofot yutib oling!

Tanlov 2 kategoriya boʻyicha oʻtkaziladi:
– 18 yosh va undan kattalar
– 18 yoshdan kichiklar

Ishtirokchilar sayyoramizda tabiat bilan bogʻliq oʻzgarishlar aks etgan fotosuratlar bilan qatnashishi mumkin.

Mukofotlar
– 18 yosh va undan kattalar kategoriyasi gʻolibiga 1000 GBP (1275 AQSH dollari)
– 18 yoshdan kichiklar kategoriyasi gʻolibiga 500 GBP (637 AQSH dollari)

Arizalar 2024-yil 20-iyungacha qabul qilinadi.

Batafsil👇
https://grantlar.uz/tabiatni-suratga-tushirishni-yoqtirasizmi-fotosuratlaringiz-bilan-tanlovda-ishtirok-etib-1000-funt-sterling-yutib-oling/

@grantlar
👍40❤8🔥1
Global Peace Photo Award: Bosh sovrin 7 ming yevro va Avstriyaga bepul sayohat boʻlgan fototanlov!

Tanlovga tinch va osuda hayotni aks ettirgan fotosuratlar qabul qilinadi.

Tanlovda 2 kategoriya boʻyicha qatnashish mumkin:
– Bolalar (15 yoshgacha boʻlganlar)
– Kattalar (15 yosh va undan kattalar)

Mukofotlar:
– Kattalar kategoriyasida “Yil surati” egasi 7000 yevro, bolalar kategoriyasi gʻolibi 1000 yevro bilan taqdirlanadi.
– Kattalar kategoriyasida yana 4 nafar sovrindorning har biri 1000 yevrodan pul mukofoti bilan taqdirlanadi
– Barcha gʻoliblar 2024-yil sentabrda Avstriya parlamentida boʻlib oʻtadigan taqdirlash marosimiga taklif etiladi. Borish-kelish va turar joy xarajatlari qoplanadi.

Suratlar 2024-yil 19-maygacha qabul qilinadi.

Batafsil👇
https://grantlar.uz/global-peace-photo-award/

@grantlar
👍52❤9🔥2
Deutschland Scholarship: Germaniyada bakalavriat yoki magistraturada oʻqish uchun oyiga 300 yevro stipendiya; joy – 140 ta!

Mannheim universiteti bakalavriat va magistraturada oʻqish uchun 140 ta grant taklif etmoqda.

Grantlar universitetdagi istalgan yoʻnalishda oʻqish uchun taqdim etiladi.

Grant imkoniyatlari:
– Oyiga 300 yevro stipendiya
– Taqdirlash marosimi
– Amaliyot, turli tadbirlarga takliflar imkoniyati

Qabul muddatlari:
– Bakalavriat uchun 2024-yil 1-iyundan 15-iyulgacha;
– Magistratura uchun 2024-yil 27-martdan 31-maygacha.

Batafsil👇
https://grantlar.uz/deutschland-scholarship/

@grantlar
👍57🔥12❤8
Rassomlar va rasm chizishga qiziquvchilar uchun tanlov: 1500 dollargacha bo'lgan mukofotlar!

56th World Gallery of Cartoons – Skopje 2024 tanloviga ishlar qabul qilinmoqda. Tanlovda rasm chizishga qiziquvchi barcha ishtirok etishi mumkin.

Mukofotlar:
– Asosiy sovrin: 1500 dollar va maxsus haykalcha;
– 1-o’rin: 1000 dollar va maxsus yorliq nishon;
– 2-o’rin: 500 dollar va maxsus yorliq nishon;
– 5 nafar 3-oʻrin sohiblari va 5 nafar maxsus mukofot sohiblari maxsus yorliq nishon bilan taqdirlanadi.
– Barcha ishtirokchilarga elektron sertifikat beriladi.

Ishlar 2024-yil 31-maygacha qabul qilinadi.

Batafsil👇
https://grantlar.uz/world-gallery-of-cartoons-skopje-tanlovi/

@grantlar
👍46❤10
Bilkent Universiteti: Turkiyada bakalavr kurslari uchun 100% gacha grantlar!

Universitetdagi darslar ingliz tilida olib boriladi. Grantlarni istalgan bakalavrlik kursi uchun qoʻlga kiritish mumkin.

Grant imkoniyatlari:
– Kontrakt summasini toʻlashdan 20%, 40%, 60%, 80% yoki 100% ozod qiladi.
– Eng munosib nomzodlar uchun yotoqxona toʻlovi ham qoplanishi mumkin.

Arizalar 2024-yil 12-iyulgacha qabul qilinadi.

Batafsil👇
https://grantlar.uz/bilkent-universiteti-turkiyada-ingliz-tilida-bakalavr-kurslari-uchun-100-gacha-grantlar/

@grantlar
👍43❤6🔥5
Saudiya Arabistoni: Magistratura va PhD uchun toʻliq grant; yillik stipendiya – 30 000 AQSh dollargacha!

Saudiya Arabistonidagi KAUST universiteti magistratura va PhD bosqichida o'qishni xohlovchilarga KAUST Fellowship grantini taklif etadi.

Grant universitetda mavjud barcha yo'nalishlar uchun va qabul qilingan barcha talabalarga beriladi.

Grant imkoniytarlari:
- Kontrakt to'lovidan to'liq ozod qolinadi.
- Yiliga 30 ming dollargacha stipendiya.
- Turar joy ta'minlanadi.
- Sug'urta xarajati qoplanadi.
- Saudiya Arabistoniga borish va joylashish uchun yordam ko'rsatiladi.

Hozirda 2024-yil kuzidan o'qishni boshlash uchun arizalar qabul qilinmoqda.

Batafsil👇
https://grantlar.uz/saudiya-arabistoni-magistratura-va-phd-uchun-toliq-grant-yillik-stipendiya-30-000/

@grantlar
👍58❤9🔥2