شوق روحي
لياك تستكثر علي جيتك لي
ادري مثل مااشتقت لك انت مشتاق
احسن لك احضر يالغظي واعترف لي
وانا بسامح والعتب حر الاشواق
عسى وصالك بالهوى ينكتب لي
يبل روحي بالوصل بل الارياق
ترى العمر من دون قربك تعب لي
ياذوق روحي انت يارمز الاذواق
ابيك لو كان الدهر مانفصلي
وابيك يانور العمر شمس الاشراق
وابيك لاقلت اعشقك تستمع لي
صحيح مشتاقك مثل ماانت مشتاق

إن كنت زعلان.. ياكل الغلا مني
مجبور أراضيك وعيونك أراضيها

وإن كان قصدك بها لفرقا تعذبني
ياكيف تتعب حياتي وأنت غاليها

‏قال الغلا وقلت اشهد انك خذيته
‏وقال الوجود وقلت ماغيرك وجود
‏
‏وقال الغرام وقلت قلبي عطيته
‏وقال الوله وقلت انا عيونك السود

‏يكفيني بس انت لامن قلت.وشلونك
‏ تطيب كل الجروح ويختلف.لــوني

‏ وان غبت عني شعرت بلذة.طعونك
‏ وان شفت رقمك شعرت بقيمة عيوني

‏ يمكن أنا أكون. اعز الناس .. بعيونك
‏ لكن.... انت ..كل ..الناس .. بعيوني

لا تنشـدوني يـا عرب وين بـ اروح
بسري مع الهاجوس وأتبع ظنونـي

الضيقه اللـي تاتـي شوي وتـروح
أحـيان تقعــد لـين تبكـي عيونـي

‏ان بغيت تعــيش مرتاح الضـمير
‏الحــسد والحــقد لا يطري عليك

‏وان بغيت العــز والمجـــد الكبير
‏طاعة ﺍﻟله ثم طـاعة والــديك..

الأولـــى مسااااكم الله بالخيـــــر
والثانيـــہ جيتكم على حُـسن نيّــہ

والثالثہ سامحوني إذا حصل تقصيـر
والرابعـــہ عســـى حياتگم هنيــــہ

والخامســـہ غلاگم يفرق عن الغير
والسادسـہ ماأنسى جمايلگم فيہ

والســابعــہ طيبـگم يفوق التعابيـر
والثامنــہ فيــــگم الكرم والحميــــہ

والتاسعہ بالقـــلب لگم كل تقديــــر
والعاشـــره لگم مني أجمل تحيــــہ

يسعدلي جو نآس تحب الونآسه،
‏تهمــس بحب ويــن رآحت وحلّت،

‏تنثرشذى الطيب وهي أسآســـه،
‏تحب جلستهم لآغآبوا قلوبنآ لهم حنّت

ابغى ‏مسائي ساعه زمن فيه شوفك
والا بلاش من انتظار المســـآاات

واسعد مساء القلب وباقي حروفك
علشان تقراء قصيد الفرح والمسـرات

‏يسأل عليك اللي من الناس يغليـك
يسـأل ويـرسـل ما يبـي غيــر ردك
.
سلام والخافق من الشوق يطريـك
مشتـاق لـك ليت الرسـاله تشــدك

‏اشتاق لك شوقاً تعد حدوده
يامن جذب قلبي وروحي ملكها

محبتك ماهي بقلبي تروده
لا في صميم القلب ربي شبكها

‏ياليتني ياصاحبي ماتقهويت
من دلة الحب وقدعت التنهات

هزيت فنجال المحبـــة وصديت
دام المحبة في زمنا دعايات💔

‏أحيـان ننـدم مـن كـلامٍ نقولـه
‏وأحيان نندم ليه نسكت عن القول
‏
‏الله يعيـن الحـرف لحظـة هطولـه
‏أنا أشهد أنه يكشف مافي القلوب