Hurmatli ota-onalar diqqatiga!

Yozgi maktabga yoʻllanma olgan ba’zi oʻquvchilarning ota-onalaridan bir nechta murojaatlar kelib tushmoqda:

1) Poyezdga chipta oldim. Nazorat qilib ketadigan odam bormi?

2) Yonida onasini yubormoqchiman yotoq joyi bormi?

3 kun ichida maslahatlashib yechim topishga harakat qilamiz. Iloji boricha hammaga qulay variantda yechim topishga harakat qilamiz. Siz oʻz fikringizni izohda qoldirsangiz bizga yechim topishda yordam boʻlishi mumkin.

"YOZGI MAKTAB-2024" - "Ulug‘bek izdoshlari" olimpiadasining finali ga bepul yo‘llanma olgan o‘quvchilarning umumiy ro‘yxati.

Bugundan boshlab ushbu ro‘yxatdagi 105 nafar o‘quvchi bilan adminstratorimiz (Dilnoza) birma-bir bog‘lanib chiqadi. Kelishini aniq tasdiqlashlari kerak bo‘ladi. Sababi, bo‘shagan o‘rinlar uchun qo‘shimcha joy e'lon qilinadi.

Yozgi maktabga kelish haqida

Yozgi maktab vaqti bilan maxsus maktablar imtihoni kesishmaydi

Ustozlarimiz omon boʻlsin!

Bundan oldin ham bir necha ustozlar kuzatuvchi sifatida yordam berishlarini yozishgandi. Kuch birlikda, bundan xursandmiz.

Darvoqe, final olimpiadasi 19-iyulda oʻtkazilib, taqdirlashi 20-iyulda oʻtkaziladi. 21-iyulda ham sayohat rejalashtirilgan. Xohlovchilar 20-iyulga (oʻzlari ketadiganlar) qaytish chiptasini olishlari mumkin. Lekin, koʻpchilik (iloji boricha hamma) 21-iyulga olgani maq’ul.

Qaytish chiptasini qaysi vaqtga olaylik?

Mana shu savol bilan koʻpchilik murojaat qoldirgan. Qaytish chiptasini 21-iyul kuni soat 18:15 ga olishlari kerak boʻladi. Kuzatuvchilarimizga aynan shu sanaga (bu safar ham 10-vagon) chipta olindi.

Vokzalga kuzatib qoʻyish tashkillashtiriladi!

Izoh: Kimdirlar 21:09 dagi reysga olgan boʻlsa ham muammo boʻlmaydi. Agar ular koʻpchilikni tashkil etsa alohida kuzatuvchi biriktiriladi.

Yoʻllanma olmaganlar uchun qoʻshimcha joy e’lon qilinadimi?

Yotoqxona imkoniyatidan kelib chiqib hozircha atiga 10 ta qoʻshimcha joy ajrata olamiz. Bunda yotoqxona uchun kuniga 80.000 soʻm va 3+1 mahal (nonushta, tushlik-1-2 va kechki ovqat) 65.000 soʻm. Bu narxlar 150 kishiga shartnoma tuzilgani uchun arzon etib belgilangan.

Qoʻshimcha oʻrinlarga +998932825657 raqami orqali yozilishingiz mumkin.

Izoh: Qoʻshimcha oʻrinda kelganlar uchun ham futbolka, esdalik sovgʻalari va “Ulugʻbek izdoshlari-2024” kitobi bepul beriladi.

Ustoz, Sardor Bazarbaev yozmoqda:

O‘zim matematik bo‘lganim uchun emas, hayotimda juda ko‘p saxiy matematiklar uchratganim uchun ham "matematiklardan yomon odam chiqmaydi" deyman. Mana shunday saxiy insonlardan biri - Bekzod aka To‘xtasinov bo‘ladilar. Yanvarda ustozim Karim Rahimov va Bekzod aka bilan uchrashganimizda "qarindoshlarim o‘rtasida kitobxonlik tanlovini tashkil qildim" deganlarida qoyil qolgandim. Sizga ulashayotgan videoni ko‘rganimdan keyin, to‘g‘risi hayratlandim va havas qildim.

Bekzod aka o‘qituvchilarning farzandi hisoblanadi. Rahmatlik otalari Soliyev Ilhomjon matematika fani o‘qituvchisi bo‘lganlar. Ularning otalari Soliyev To‘xtasin - boshlang‘ich ta’lim o‘qituvchisi. Ya’ni, o‘qituvchining nevarasi. Onalari Soliyeva Faridaxon hozirda nafaqadalar. 30 yildan ortiq chet tili fanlaridan dars berganlar. Do‘stlik ordeni va "Xalq ta’lim a’lochisi" ko‘krak nishoni sohibasilar. Ularning otalari Qayumov Abdurahmon savdogar bo‘lganlar. Bugungi kunda Abdurahmon va To‘xtasin buvalarning 100 dan ortiq chevaralari bo‘lib, maktab yoshidagi 50 dan ortiq chevara mavjud.

Yoshlarni kitobga bo‘lgan mehrini oshirish va Ikki avlod hamjihatligini mustahkamlash maqsadida 2024-yil yanvar oyida Faridaxon buvi tashabbusi bilan #kitobxonlik_tanlovi e’lon qilindi. Tanlov shartiga ko‘ra har bir o‘quvchi bir oy mobaynida bitta kitob tanlab o‘qishi kerak edi. 5 oy mobaynida 42 nafar o‘quvchi 300 dan ortiq kitob o‘qishga muvaffaq bo‘lishdi. Tanlov qat’iy nizom asosida tashkil qilinib, yoshlar har oy o‘qigan kitoblarni oldindan belgilangan tartib asosida hay’at a’zolariga taqdim qilib borishdi. Natijalarga bag‘ishlangan tantana 23-iyun kuni Soliyev Ilhomjon ustozning xonadonida tashkil etildi. Batafsil videoda ko‘rishingiz mumkin.

To‘g‘risi, havas qildim. Agar hammamiz kitobga, ilmga Bekzod akadek shaxsiy namuna bilan munosabatda bo‘lsak tezroq buyuk davlatga aylanamiz. Shu o‘rinda, Bekzod aka va ularni tarbiyalagan insonlarga rahmat. Men uchun eng yaxshi e’tirof "otangga rahmat". Bekzod aka otangizga rahmat!