Yuqori sinf oʻquvchilariga xalqaro olimpiadalar gʻoliblari - Axadov Abdushukur va Ozodov Rasulbek mahorat darslarini olib bormoqda.

Mavzular mos ravishda "Matematik induksiya metodi" va "Diofont tenglamalari". Ushbu mavzular olimpiadachilar uchun eng muhim mavzulardan hisoblanadi.

Al Xorazmiy maktabi yutuqlari orasida bizning #khiso olimpiadalari va #kuntesti loyihamiz boʻyicha berilgan mukofot ham bor ekan. Faxrlandik.

Nima deysiz, KUNTESTI ni qaytaraylikmi?

Bugun Yozgi maktabda sayohat kuni!

Sayohatimiz yoʻnalishidagi 1-manzil Muhammad Al Xorazmiy nomidagi IT maktabi.

Bundan keyin oʻquvchilar AKITA (Austrum academy) ga borishadi.

Sayohat Yangi Oʻzbekiston bogʻi bilan yakunlanadi.

Oʻquvchilar ASTRUM IT Academy da boʻlishdi.

Keyingi manzil Yangi Oʻzbekiston Bogʻi!

Bugungi #painting_day da chizilgan rasmlardan biri.

5-kunning ikkinchi yarmida oʻtkazilgan sport musobaqalari va #painting_day qisqa lavhalar.

Barcha oʻquvchilar chizgan rasmlarni ertaga jamlab e’lon qilamiz.

Kun haqida batafsil videoni birozdan keyin asosiy kanalimiz - @khiso da e’lon qilamiz.

Menda ba’zida ota-onalarni qaytadan oʻqitish kerak degan fikr paydo boʻladi.

Yozgi maktabda qancha katta ish qilinganini har kuni 3-4 ta video bilan koʻrsatib bordik. Butun jamoamiz kun-u tun harakat qildi. Ilk marta Xorazmdan katta jamoa keldi. Tugʻilib oʻsgan vatanim deb boshqa birorta hududga berilmagan imtiyozlar berildi. Bugungacha, ya’ni natijalar chiqqanicha bizdan zoʻri yoʻq edi.

Har doimgidek, natija chiqganidan keyin boshlanadi. Farzandi yutsa sendan zoʻri yoʻq. Oʻrin olmasa (aslida u eng muhimi boʻlgan bilimni oldi) aslini koʻrsatishni boshlashadi.

Oʻrtoqlar, “Yozgi maktab” bu “Ulugʻbek izdoshlari” olimpiadasining finali. U 4-mavsum oʻtkazilmoqda. Har doim kategoriyalarga boʻlib oʻtkazilgan, sinflarga emas. Barcha xalqaro musobaqalar shunday oʻtkaziladi. Chunki rivojlangan davlatlar (aslida ulardagi ota-onalar rivojlangan) bilishadiki, eng muhimi bu tajriba va bilim. Bu haqida har uchrashganimda aytganman. Befoyda.

Ota-onalardan biri (oʻqiyotgan boʻlish ehtimoli katta) “hech bir olimpiadasiga qatnashmaymiz, meni bolam falon sinfda faloninchi oʻrinda turardi” debdi. Buni jamoamiz a’zolaridan biri eshitib tushkunlikka tushib qolibdi. Menga qarata “Ustoz biz uxlamay, charchasak ham shu bolalar uchun mehnat qildik. Biz shunday gapga munosibmizmi” deb savol berdi. Toʻgʻrisi javob bera olmadim.

Bir ustozim aytgandi: “Yaponiyadek davlatimiz boʻlishi uchun yaponlardek boʻlishimiz kerak”.

Mayli nima boʻlsa ham juda yuqori saviyada yozgi maktab oʻtkazildi.

2023-yilda ota-onalardan biri murojaat qilgan edi. Hamma joyda olimpiada qilasiz, nega Xorazmda qilmaysiz deb. Tugʻilgan yurtimda juda katta ommaviy harakatga aylantirgan edik. Lekin bugungi munosabatdan keyin Xorazmda olimpiadalar davom ettirish masalasini endi jiddiy oʻylab koʻraman. Katta harakatga aylangan edi. Lekin bunday munosabatni shunchaki qabul qilib ketolmayman.

Yozgi maktabda taqdirlash marosimi boʻlib oʻtdi.

Unda Oliy ta’lim, fan va innovatsiyalar vaziri Kongratboy Avezimbeyovich Sharipov hamda Fanlar akademiyasi V.I.Romanovskiy nomidagi Matematika Instituti direktori, akademik Shavkat Abdullayevich ishtirok etishdi.

Yozgi maktab haqida batafsil video rolikni keyinroq e’lon qilamiz.