بسألك لو تسمحين ؟
ليه اسوّي كلّ ما يرضي دلالك
وانتي دايم تزعلين ؟

( مو عشانك )

مو عشانك إعتذرتي .. لي رضيت
يوم شفتك ضايقة طاح الحطب !

ما ارضى ضيقك والله لو انّي دريت
هالزعل بيضايقك .. برضى غصب

انا من حبّك .. ولا عمري شكيت ..
لانّ احبك صدق .. مو على حسب

ما ملك قلبي سِواك .. وما بغيت ،
ليه ابي الفضة وانا عندي الذهب ؟

طالبك هالضيق لو طوّل .. شقيت
أنتِ راحة .. لا تحسّين بـ تعب !

كنّي بيدي يوم ضايقتك محيت
كلّ لون بهالحياة .. وكلّ حب !

أنتِ فيني باقية .. مهما بقيت ،
يعني واحد جفن والثاني هدب !

ولو تركت قلوب وأخرى إلتقيت ،
مثل حبّك حبّ .. والله ما أحب !

‏ياقلبي توب ،
‏إلى متى بعاتبك ؟
‏كافي ذنوب !
‏هالحبّ ما له منفعه
‏هذا وهم لا تتبعه !
‏قبلك قتل غيرك
‏قلوب !

حديثنا عن بُعد لا يسمن ولا يغني من جوع ، فلا داعي للرجوع!

‏يا " قلبك الندمان "
‏يا حبّ ليته ما رجع
‏ما اقسى من الحرمان
‏الا الحضور المنقطع

‏صاحبي وش هالبطا
‏لي متى وحنّا بعاد ؟
‏أنت تدري انه خطا ،
‏بس ذابحك العناد !

الفرق بينكِ وبين الشمس أنّكِ دائما مشرقة.

مشكلتي مو واياك .. المشكلة فيني
انا اللي اتحرّاك .. وادري نسيتيني !

‏ذنب الجميع :
‏هم عاذلونا بالهوى
‏و حنّا نطيع !

‏من بيننا المرتاح ؟
‏اللي قعد ؟ والا اللي راح ؟

‏ونتشابه ..
‏كلّنا عشّاق لكن بالكتابة !

‏كم نجمة سامرتني واختفت ..
‏وكمّ شمعة نوّرت لي وانطفت ..
‏وتوّ عيني ما غفت !

‏العتب لا ما يفيد ..
‏وجرحي إن ما علّمك ،
‏تستحقّه من جديد !

‏احذر ظروفك ولو هيّ خدمتك
‏دنيا تتغيّر ... بـ أقل من ثانية
‏.
‏وضربةٍ في هالزمن ما علّمتك
‏تستحقّ تجيك .... مرّة ثانية !

‏حزين ..
‏مثل الضياع بنبرتي ،
‏لو قلت لك متى تجين ؟

‏تعيش الدور ،
‏ما تدري الهوى كذبة !
‏زمن و تبور !
‏تغار ، تحبّ ، تتألّم
‏وحيلتها مثل :
‏عصفور ..
‏تبي تجوب السما
‏وشافت أحد جنحانها
‏مكسور !

‏أنا من أرض الكويت ،
‏واهلي هم أهل الكويت
‏والله لو كان بـ يدي ..
‏ضمّيت فيها بيت بيت
‏ٰ
‏⁧ #علم_الكويت_فوق_كل_بيت ⁩ 🇰🇼

كم لي وانا أركض وراك
متشفّق ... لـ موعد لقاك
وتقول لاشواقي صبر !
طيب ... وتاليها معاك ؟

يا مسافر وقلبي معك
علّمني كيف أرجعك ؟
بكل الوسايل قلبي جاك !
طيب ... وتاليها معاك ؟

للشوق لهفة .. لا تموت !
خايف يطوّل هالسكوت
كل هالغياب وما كفاك ؟
طيب ... وتاليها معاك ؟

علّمتك الحبّ بيدَي
من علّمك تقسى علي ؟
وتجفي بقلبٍ ما جفاك
طيب ... وتاليها معاك ؟

سعد الردعان

‏يفقد الإنسان نفسه حينما يعتاد على مجالسة الناس.

‏متعاندين ..
‏يجيبنا طاري العتب ،
‏ويردّنا طاري الحنين !