‏يبدأ العدّ التنازلي لكل علاقة حُب من أول "أحبك"

اشتقت لك ..
كثر الحنين ،
كثر احتياجي لو سألت :
بترجعين؟
كثر انتصار الشكّ ،
قدّام اليقين
كثر أيّ شي :
داكن .. حزين !

‏إن ضحكتي .. من بقى بقلبه حزن ؟
‏و ان زعلتي ... خافي الله لا نموت !!

مو غريب ... الا الكلام اللي تقوله
والا غيره ما احسّ بشي غريب !!

نبرة الصوت ، وسوالفك العجولة ،
كنّها تلمّح لي .. بـ أمرٍ مريب !

طاري الفرقى شبلاك تدور حوله؟
كلّ ساعة تودّي بالطاري ، وتجيب !

و المقولة ... تردّها بعكس المقولة ،
لو اطرّي الشمس ، طرّيت المغيب !

صاحبي فيني عتب ... مقدر اقوله
خايف أسأل "وينك؟" وتسمعها "غِيب"

صاحبي والوصل لو صعبٍ نطوله
ما يكفيك .. الشعور اني قريب ؟

الفراق إن صار .. الله لا يقوله
لا صبر ينفع .. ولا ينفع طبيب

كان حاصل ظرف لا تخفيه ، قوله
يمكن اقدر اعذرك ... لمّا تغيب !

وكان قلبك بالهوى .. غيّر ميوله ،
روح دورّ غيري ، لكن يا الحبيب

دامك اخترت الفراق بهالسهولة
لا تسمّي فراقنا قسمة ونصيب !

فمان الله يا أوّل قلب رحّب بي بهالدنيا
فمان الله يا آخر وجه يتعبّس وهو قبالي

‏كان عابر .. واحسبه راعي محل !

‏ما تشبه الباقي ،
‏انت إن كتبتك في السطور ..
‏تنوّر أوراقي !

ردي لي كل الرسايل
بلقى ما بين السطور
للوله فيها دلايل
ولو تخفّين الشعور
وبحفظك بين الورق
الهوى لا ما احترق !
عاشقين ولو تبعّدنا الظروف ونفترق
الهوى ماهو بزايل
مهما مرّت به عصور

وتطلع شمس ..
وتبقى غيبتك مثل امس !

‏انت حاضر حتّى لو عنّي تغيب.

‏أنت الفرح ،
‏اللي أحسّه داخلي
‏أو بالأصح ..
‏أنا اللي ذابحني الحزن
‏وإن جيت ..
‏حزني ينمسح !

‏أنت غير ،
‏معك ليلة يا حبيبي ..
‏تسوى مع غيرك كثير !

يا ذا الموادع .. والتعب واجد
محتاج لي واياك سبع ارواح !

لو جيت ابخفي الشوق ... يتراجد
وفي وجهي لو بخفي الحزن ينباح

دايم طواري الليل تتواجد ،
برتاح ... لكن ما تبي أرتاح !

والقلب كنّه لا سهر هاجد ،
بلاد واحزان الزمن ، سُوّاح !

لا تنتظر يا قلب .. لن تاجد
لهالوعد يا قلب نجمٍ لاح !

غنّى بـ حالك .. راشد الماجد
بـ لا تنادي .. المسافر راح !

ما علّمك صمتي شكثر فيني كلام ؟

لا تعيشه ،
حلمك الواهم ..
وطيشه !
قول للأوهام :
"آسف" ..
وعنّها صِك الدريشة
هذه الدنيا عواصف
وانت حلمك ..
خِف ريشة !

أسوأ الأوقات "وقت الإنتظار"
توقف الساعة وتركض لهفتي !

يمكن يجي صوتك مطر