‏شفتي شلون؟
‏ضيّعنا كلّ اللي نبي
‏وعنادنا ..
‏هوّ السبب !
‏خلّي على انفسنا العتب
‏حنّا اللي فرّقنا بعض
‏عذّالنا ما يقدرون !

‏ذكرتيني ؟
‏انا الماضي ..
‏انا بسمة شفاك
‏الباهي الراضي !
‏انا اللي بكل ما فيني
‏خذيتيني !

‏افترقنا سبّة عناده ... وعنادي ،
‏غلطة وحدة ، تنهي كلّ اللي سلف
‏ويش اقول الا انّي آسف ياعبادي
‏"كانت الرحلة حزينة ... للأسف !"

مع الاستاذ عبدالله طلال مداح

‏يالغلا :
‏ما فهمنا لك عدل
‏مرّة صبح ومرّة لا !

‏الخطا فيها ،
‏تبيه وما يبيها !

ألف موعد ما جمعنا وصدفة وحدة جمّعتنا !

حبيبي الدنيا بتمشي ولو تروح
لا يخدعك حبّ وغلا ومدري شنو

لو كان طبعي عاطفي معك وسموح
لا يعني متوني ليا رحت انحنوا

انا رجل في دنيته عنده طموح
ماهو غصون اليا قسى الريح انثنوا

حضنت انا القمّة وصافحت السفوح
يوم ان غيري لاسفل الوادي دنوا

مدّيت لك من قلبي الحرّ الجموح
احساس باقي الناس ما مثله جنوا

وعلّمتك ان طيبك مثل عطرك يفوح
كل العيون اللي نظروا فيك اهتنوا

ومدّيت لي من كفّك الوعد الشحوح
ما سدّ جوع الأُمنيات وما اغتنوا

وعلّمتني بان خطوتك تهوى النزوح
لبلاد كلّ الراحلين بها سكنوا

الليل شعلة نار والكبريت بوح
ويوم التقوا ثاروا قصايد وانبنوا

بالله ، ما علّمتك علاج الجروح ؟
علّمني اللي علّمك تجرح منو ؟

#سعد_الردعان

‏ما لقيتك ..
‏خوفي ناسيني ،
‏وانا اللي ما نسيتك !

مستعجلة ،
راحت قبل ميعادها
وماتت وله !

‏أنتي قصيدة بكّت الجمهور ..
‏وشلون أجل سوّت بشاعرها ؟

‏منك من ياروحي .. جروحي!

‏كنت حاس ،
‏انت لك فترة متغيّر
‏ومنشغل مع غيري
‏ناس !
‏كنت لك مثل شجرَه
‏يوم هالدنيا يباس !
‏ولمّا بلّلتك سحابة
‏خنت غصني
‏و صرت فاس !

‏جيتني من بعد غيبة يا هلا بك
‏أبرك الساعات يا قلبي بـ لقاك
‏.
‏كانت الأيام صعبة في غيابك ،
‏خفت تنساني وقلبي مانساك !

‏خدعك الوقت ..
‏وتحسبين الزمن يمدي ؟
‏ذبل ورد الغرام .. ومات
‏و أنا يا حبّي اللي فات
‏وفيت ..
‏اكثر من اللازم !
‏وتوّك تنطقين اشتقت ؟
‏خدعك الوقت !

‏تعالي ضيف ،
‏واسقي ليلي الظامي!
‏تعالي ..
‏بسّ مدري كيف !
‏على هيئة عطر ..
‏والا أغنية ..
‏والا قصيدة حبّ ..
‏وإلا طيف !

‏كانت جميلة، وشوّهها الشوق!

‏وش الجديد ؟
‏غير إنّي كل ما اذكرك
‏تصحى لك جروحي ،
‏و تزيد !

‏كانت هنا تنطرك ، وينك من زمان ؟!