စပါးကို 3-2 နဲ့အနိုင်ရပြီး ဘိုင်ယန်နဲ့အတူဖလား ရရှိခဲ့တဲ့ ဟယ်ရီကိန်း 🏆

ပင်နယ်တီ လွဲချော်ခဲ့တဲ့ ဆန်ချိုကို ယုံကြည်မှု အပြည့်အဝ ပေးထားသေးတဲ့ တန်ဟက်ဂ် 🗣

မန်ယူနိုက်တက်နဲ့ မန်စီးတီးတို့ဟာ မနေ့ညက ဝင်ဘလေမှာ ကွန်မြူနတီဒိုင်းပွဲကို ယှဉ်ပြိုင်ကစားခဲ့ကြပြီး သာမန်ပွဲချိန်အတွင်း ဂါနာချိုနဲ့ ဘာနာဒို ဆေးလ်ဗားတို့က တစ်ဂိုးစီ သွင်းယူခဲ့ကြလို့ ပင်နယ်တီ အဆုံးအဖြတ် ခံယူဖို့ထိ ရောက်ရှိလာချိန်မှာ စီးတီးဘက်က ဆေးလ်ဗားသာ ပင်နယ်တီ မဝင်ခဲ့ပေမယ့် ယူနိုက်တက်ဘက်ကတော့ ဆန်ချိုနဲ့ အီဗန်စ်တို့ ပင်နယ်တီ လွဲချော်ခဲ့ရင်း ဆုဖလားနဲ့ပါ လွဲချော်ခဲ့ရပါတယ်။

ယူနိုက်တက်အတွက် ပင်နယ်တီ ဝင်အောင် မကန်သွင်းနိုင်ခဲ့တဲ့ တောင်ပံကစားသမား ဆန်ချိုဟာ ဝင်ဘလေမှာပဲ အင်္ဂလန်နဲ့ အီတလီအသင်းတို့ ယူရို-၂၀၂၀ ဖိုင်နယ်ပွဲစဉ်ရဲ့ ပင်နယ်တီ အဆုံးအဖြတ်မှာလည်း အင်္ဂလန်အတွက် ပင်နယ်တီ ကန်သွင်းချက် လွဲချော်ခဲ့ရသူလည်း ဖြစ်ပါတယ်။

အခုလည်း အသင်းအတွက် အရေးကြီးတဲ့ အချိန်မှာ ပင်နယ်တီ လွဲချော်ခဲ့တဲ့ ဆန်ချိုနဲ့ ပတ်သက်ပြီး တန်ဟက်ဂ်က “ကျွန်တော်ကတော့ သူနဲ့ ပတ်သက်ပြီး ဘာသံသယမှကို မရှိပါဘူး။ သူက ပင်နယ်တီ ကန်သွင်းမှုကောင်းတဲ့ ကစားသမားတစ်ယောက်ပါ။ အနာဂတ်မှာလည်း သူက ပင်နယ်တီတွေကို ဆက်လက် ကန်သွင်းနေရဦးမယ်ဆိုတာ သေချာပါတယ်။” လို့ ပြောဆိုသွားခဲ့ပါတယ်။

တန်ဟက်ဂ်အနေနဲ့ ဆန်ချိုအပေါ် အခုလို ယုံကြည်မှု အပြည့်အဝ ပေးထားပေမယ့်လည်း ဆန်ချိုရဲ့ ယူနိုက်တက် ကစားသမားဘဝကတော့ အာမခံချက်အပြည့် မရှိသေးပဲ သူ့ကို ပီအက်စ်ဂျီနဲ့ ဂျုဗင်တပ်စ်အသင်းတို့က ခေါ်ယူသွားဖို့ စိတ်ဝင်စားလျက် ရှိနေကြသလို အခုနွေဈေးကွက် မပိတ်ခင်မှာပဲ အသင်းအပြောင်းအလဲပါ ဖြစ်လာနိုင်ပါတယ်။

ဒီည 8နာရီခွဲမှာ ချဲလ်ဆီးဟာ စီးရီးအေကလပ် အင်တာမီလန် အသင်းကို အိမ်ကွင်း စတမ်းဖိုဒ့်မှာ ခြေစမ်းပွဲ နောက်ဆုံးပွဲအဖြစ် လက်ခံကစားသွားမှာပါ။ ဒီညမှာတော့ ဒဏ်ရာရသွားတဲ့ ဂျိမ်းအစား ဂတ်စ်တိုက ဝင်ကစားပြီး ဗဟိုနောက်ခံလူအဖြစ် ဘယ်သူတွေကို ပွဲထွက်စေမလဲဆိုတာ စိတ်ဝင်စားပါတယ်။

လာဗီယာကတော့ ဒီပွဲမှာ အနားပေးမလား ၊ သူ့အစား ကိုင်စီဒို ဝင်ကစားမလား ၊ ဘူရီဟော ၊ အန်ဇို ၊ ကွင်းလယ်မှာ ဘယ်သူတွေကို တွဲကစားစေမလဲဆိုတာ စောင့်ကြည့်ရမှာဖြစ်ပြီး ပါးမား နဲ့ ကူကူရယ်လာကတော့ ဒုတိယပိုင်းမှာ လူစားဝင်ကစားသွားမယ်လို့ထင်တယ်။

တိုက်စစ်မှာ ဂူအီပဲ ပွဲထွက်လာမလား ဒါမှမဟုတ် ကြံ့ခိုင်မှုပြည့်ဝလာပြီဖြစ်တဲ့ ဂျက်ဆင်ပဲ ပွဲထွက်မလား ၊ အန်ကွန်ကူကတော့ ပါမှာသေချာပေမယ့် စတာလင် ၊ မူဒရစ် ၊ မာဒူကီတို့သုံး​ယောက်ထဲက ဘယ်သူ့ကို ဦးစားပေးမလဲဆိုတာ စောင့်ကြည့်ရမှာဖြစ်ပြီး ရလဒ်ထက် အသင်းရဲ့ ကစားပုံ ဘယ်လောက်အထိတိုးတက်လာသလဲဆိုတာ ကြိမ်းသေ စောင့်ကြည့်သင့်တဲ့ ပွဲလို့ပဲ ညွှန်းဆိုပါရစေခင်ဗျာ။