https://www.youtube.com/watch?v=DpYke0xLB4w
February 25 [ 7 PM ] The Mizzima Primetime I Mizzima Headline News

https://www.youtube.com/watch?v=91b5CeSNDcg
#Venezuela: Released #politicalprisoners reunite with loved ones

https://www.youtube.com/watch?v=h1Z_e6dHSKU
Aftermath of junta air strike on Myanmar's Rakhine state

https://www.youtube.com/watch?v=93LJIQU6ExY
ဖေဖော်ဝါရီလ ၂၆ ရက် ကြာသပတေးနေ့ မနက်ပိုင်း မဇ္ဈိမရေဒီယိုအစီအစဥ်

https://www.youtube.com/watch?v=_qKavJQbZ9k
#UK considers removing ex-prince #Andrew from line of #succession

https://www.youtube.com/watch?v=ktIgScMoLCY
#Trump’s State of the Union address: heckling, expulsions and ovations

အရှေ့အလယ်ပိုင်းဒေသအတွင်း လုံခြုံရေးအခြေအနေများ ဆိုးရွားလာခြင်းကြောင့် အစ္စရေးနှင့် လက်ဘနွန်ရှိ သံတမန်မိသားစုဝင်များ ထွက်ခွာကြရန် သြစတြေးလျအစိုးရက ညွှန်ကြားလိုက်ကြောင်း နိုင်ငံခြားရေးဝန်ကြီးဌာနက ဗုဒ္ဓဟူးနေ့တွင် ပြောကြားလိုက်သည်။

အာရပ်စော်ဘွားများပြည်ထောင်စု(ယူအေအီး)၊ ဂျော်ဒန်နှင့် ကာတာတို့ရှိ သံတမန်မိသားစုဝင်များကို လည်း မိမိသဘောဆန္ဒအလျောက် ထွက်ခွာခွင့်ပြုထားကြောင်း နိုင်ငံခြားရေးဝန်ကြီးဌာန၏ X လူမှုကွန် ရက်ပေါ်ရှိ ထုတ်ပြန်ချက်တွင် ဖော်ပြထားသည်။

♦️ သတင်းအပြည့်အစုံ - https://bur.mizzima.com/2026/02/26/83105

#အီရန်
#သံတမန်မိသားစုဝင်များ
#သြစတြေးလျ
#မဇ္ဈိမသတင်းဌာန
#MizzimaBurmeseNews

'ကာကွယ်ပေးနိုင်ပါလျက်နှင့် နူရူလ် အာမင် ရှာအာလမ် သေဆုံးခဲ့ရခြင်းမှာ အလွန်စိတ်အနှောင့် အယှက်ဖြစ်ဖွယ်ကောင်းပြီး အမေရိကန်အကောက်ခွန်နှင့် နယ်ခြားကာကွယ်ရေးတပ်ဖွဲ့ (CBP) ၏ တာဝန်ပျက်ကွက်မှုပင် ဖြစ်သည်' ဟု ဘတ်ဖလိုမြို့တော်ဝန် ရှောင်ရိုင်ယန်က ဗုဒ္ဓဟူးနေ့ ထုတ်ပြန်ချက် တွင် ပြောကြားခဲ့သည်။

'မျက်စိကွယ်လုနီးပါးဖြစ်ပြီး အင်္ဂလိပ်စကား မပြောနိုင်သည့် ခိုကိုးရာမဲ့သူတဦးကို လုံခြုံစိတ်ချရသော နေရာတွင် ထားခဲ့ရန် ကြိုးပမ်းခြင်းမရှိဘဲ ချမ်းအေးလှသော ဆောင်းညတွင် တယောက်တည်း စွန့်ပစ်ခဲ့ သည်။ ထိုသို့လုပ်ဆောင်ခြင်းမှာ ကျင့်ဝတ်နှင့် မညီသလို လူမဆန်သော လုပ်ရပ်လည်း ဖြစ်သည်' ဟု ၎င်းက ပြောကြားသည်။

♦️ သတင်းအပြည့်အစုံ - https://bur.mizzima.com/2026/02/26/83108

#မြန်မာဒုက္ခသည်
#နယ်ခြားကင်းလှည့်တပ်ဖွဲ့
#အမေရိကန်
#မဇ္ဈိမသတင်းဌာန
#MizzimaBurmeseNews

ထိုရာထူးတွင် သူသည် သမ္မတသစ် ရွေးချယ်တင်မြှောက်ခြင်း၊ ဥပဒေများ ပြဋ္ဌာန်းခြင်း၊ ဘတ်ဂျက်များ အတည်ပြုခြင်းနှင့် နိုင်ငံတော်ရာထူးများ ခန့်အပ်ခြင်းတို့အား ကြီးကြပ်ရမည်ဖြစ်သည်။

စစ်ခေါင်းဆောင် မင်းအောင်လှိုင်နှင့် နီးစပ်သည့် အငြိမ်းစား စစ်ဗိုလ်ချုပ်ကြီးများသည် ဒုသမ္မတများ ဖြစ်လာနိုင်ခြေရှိကြောင်းလည်း သတင်းရင်းမြစ်တခုက ပြောသည်။

နိုင်ငံရေးလေ့လာသုံးသပ်သူ ဦးထင်ကျော်အေးက လွှတ်တော်ဥက္ကဋ္ဌရာထူးသည် ယခင်က နိုင်ငံရေးဝါရင့်ပုဂ္ဂိုလ်များ ရယူခဲ့သည့် ရာထူးဖြစ်ပြီး အဆောင်အယောင်သာရှိသည့် ဒုသမ္မတရာထူးထက် ဩဇာပိုကြီးကြောင်း ပြောသည်။ "ဒါဟာ ဩဇာလွှမ်းမိုးမှုနဲ့ လုပ်ပိုင်ခွင့် အများကြီးရှိတဲ့ ရာထူးပါ။ သမ္မတ မဖြစ်နိုင်ဘူးဆိုရင်တောင် လွှတ်တော်ဥက္ကဋ္ဌ ရာထူးဟာ အာဏာအသုံးချနိုင်ဆုံး ရာထူး ဖြစ်ပါတယ်" ဟု ဦးထင်ကျော်အေးက ဆိုသည်။

♦️ သတင်းအပြည့်အစုံ - https://bur.mizzima.com/2026/02/26/83112

#ပြည်သူ့လွှတ်တော်ဥက္ကဋ္ဌ
#USDP
#ခင်ရီ
#မဇ္ဈိမသတင်းဌာန
#MizzimaBurmeseNews

ယူကေတွင် ယူကရိန်း၏ ပထမဆုံး ကာကွယ်ရေးပစ္စည်းထုတ်လုပ်မှုစက်ရုံတခု စတင်လည်ပတ်နေပြီဖြစ်ကြောင်း သိရသည်။ အဆိုပါ စက်ရုံသည် ယူကရိန်းဒရုန်းထုတ်လုပ်မှု ကုမ္ပဏီတခုဖြစ်သည့် Ukrspecsystems ပိုင် စက်ရုံလည်း ဖြစ်သည်။

ယူကေတွင် ထုတ်လုပ်မှုလုပ်ငန်း စတင်ခြင်းက နက်ရှိုင်းသော မဟာဗျူဟာမြောက် ကျိုးကြောင်းဆီလျော်မှုရှိသည်ဟု ယူကေဆိုင်ရာ ယူကရိန်းသံအမတ် ဗယ်လာရီ ဇာလူဇ်ညီက ပြောသည်။

♦️ သတင်းအပြည့်အစုံ - https://bur.mizzima.com/2026/02/26/83115

#ဒရုန်းထုတ်လုပ်ရေးစက်ရုံ
#ယူကရိန်း
#ယူကေ
#မဇ္ဈိမသတင်းဌာန
#MizzimaBurmeseNews

ဗဟိုစစ်ကော်မရှင် (CMC) အတွင်းမှ ထုတ်ပယ်ရှင်းလင်းမှုများသည် လူအများ၏ အာရုံစိုက်မှုကို ရရှိခဲ့ သော်လည်း ယင်းမှာ အပေါ်ယံမျှသာ ရှိပါသေးသည်။ CSIS ၏ အချက်အလက်များနှင့် ခွဲခြမ်းစိတ်ဖြာ ချက်များ အရ ၂၀၂၂ ခုနှစ်နောက်ပိုင်းတွင် ဗိုလ်ချုပ်ကြီးနှင့် ဒုတိယဗိုလ်ချုပ်ကြီးအဆင့်ရှိသူ ၃၆ ဦး ကို တရားဝင် ထုတ်ပယ်ခဲ့ကြောင်း တွေ့ရသည်။

ထို့ပြင် တက်ရောက်ရန် မျှော်လင့်ထားသော်လည်း ထိပ်သီးအစည်းအဝေးများသို့ မတက်ရောက်လာ သည့်အပေါ် အခြေခံ၍ ဆန်းစစ်ချက်အရ နောက်ထပ် အရာရှိကြီး ၆၅ ဦး မှာလည်း ပျောက်ဆုံးနေခြင်း (သို့မဟုတ်) ထုတ်ပယ်ခံထားရခြင်းတို့ ဖြစ်နိုင်ကြောင်း အချက်အလက်များက ဖော်ပြနေသည်။ ထို့ကြောင့် အတည်ပြုပြီးသူများနှင့် ဖြစ်နိုင်ခြေရှိသူ စုစုပေါင်းမှာ ၁၀၁ ဦး အထိ ရှိနေပြီး ယင်းမှာ အလွန် တရာ များပြားလှသော အရေအတွက် ဖြစ်သည်။

♦️ သတင်းအပြည့်အစုံ https://bur.mizzima.com/2026/02/26/83118

#တရုတ်စစ်တပ်
#ရှင်းလင်းမှုများ
#ရှီကျင့်ဖျင်
#မဇ္ဈိမသတင်းဌာန
#MizzimaBurmeseNews

အမတ်နေရာ ၅၀၀ ရှိ အောက်လွှတ်တော်တွင် အသစ်ရွေးကောက်ခြင်းခံရသော အမတ် ၃၉၆ ဦး၏ရလဒ်များ ကို ကော်မရှင်က အတည်ပြုကာ သက်သေခံလက်မှတ်ထုတ်ပေးလိုက်ခြင်းဖြစ်သည်။ အနုတင်၏ ဖွန်ကျိုင်ထိုင်း (Bhumjaithai) ပါတီက မဲဆန္ဒနယ် ၁၇၀ တွင်အနိုင်ရရှိခဲ့ကာ ပါတီအားလုံးထဲတွင်အများဆုံးဖြစ်သည်ဟု ထုတ်ပြန်ထားသောကြေညာချက်အရသိရသည်။

နိုင်ငံ၏မဲဆန္ဒနယ် ၄၀၀ အနက် သုံး နေရာတွင်ထည့်ခဲ့သောမဲများမှာ မဲရေတွက်မှုတွင် ပွင့်လင်းမြင်သာမှုမရှိဟု ဆိုကာ ပြန်လည်ရေတွက်နေရသည်။

♦️ သတင်းအပြည့်အစုံ - https://bur.mizzima.com/2026/02/26/83121

#ထိုင်း
#ဝန်ကြီးချုပ်
#ရွေးကောက်ပွဲကော်မရှင်
#မဇ္ဈိမသတင်းဌာန
#MizzimaBurmeseNews

အကယ်၍ ဝါရှင်တန်က “ဖွဲ့စည်းပုံအခြေခံဥပဒေမှာ ပြဋ္ဌာန်းထားတဲ့အတိုင်း တိုင်းပြည်ရဲ့လက်ရှိအဆင့်အ တန်းကိုလေးစားမယ်ဆိုရင်၊ ရန်လိုတဲ့မူဝါကိုပြန်လည်ရုပ်သိမ်းမယ်ဆိုရင်၊ အမေရိကန်ပြည်ထောင်စုနဲ့ အဆင် ပြေပြေမနေနိုင်စရာအကြောင်းမရှိပါဘူး” ဟု ကင် ကပြောဆိုကြောင်း နိုင်ငံပိုင်သတင်းဌာန KCNA က ဖော်ပြ ထားသည်။

၂၀၂၄ ခုနှစ်ကပြင်ဆင်ခဲ့သော ပြုံယမ်း၏အခြေခံဥပဒေတွင် တောင်ကိုရီးယားနိုင်ငံကို “ရန်လိုသောနိုင်ငံ” ဟု ပထမဆုံးအကြိမ်ဖော်ပြထားခဲ့သည်။

♦️ သတင်းအပြည့်အစုံ - https://bur.mizzima.com/2026/02/26/83125

#နျူလက်နက်
#အမေရိကန်
#မြောက်ကိုရီးယား
#မဇ္ဈိမသတင်းဌာန
#MizzimaBurmeseNews

တရုတ်၏ သံတမန်ကြီးများ အားလုံးပင် ကွန်မြူနစ်၏ ထိပ်တန်းခေါင်းဆောင်များဖြစ်ကြပြီး၊ အချို့မှာ နိုင်ငံခြားရေးရာ သို့မဟုတ် သံတမန်ရေးရာနှင့် ပတ်သက်ကာ အတွေ့အကြုံ အနည်းငယ်သာရှိသူ၊ သို့မဟုတ် လုံးဝ မရှိသူများ ဖြစ်ကြသည်။

တရုတ် အဆင့်မြင့် သံတမန်များသည် စစ်ဘက်ကဲ့သို့သော စည်းကမ်းရှိမှုနှင့် ကွန်မြူနစ်ပါတီအပေါ် ခိုင်မာသော သစ္စာစောင့်သိမှု ဟူသည့် မဖောက်ပြန်သော စိတ်ဓာတ်ကို ပိုင်ဆိုင်ထားကြသူများ ဖြစ်သည်။

♦️ သတင်းအပြည့်အစုံ - https://bur.mizzima.com/2026/02/26/83130

#တရုတ်
#သံတမန်လောက
#ဝံပုလွေစစ်သည်
#မဇ္ဈိမသတင်းဌာန
#MizzimaBurmeseNews

လျူ၏ ဖခင် အာသာလျူက သူနှင့် သူ့သမီး နှစ်ဦးလုံး ပစ်မှတ်ထားခံရကြောင်း ၂၀၂၂ မတ်လက AP သတင်းဌာနသို့ ပြောဖူးသည်။ အမေရိကန် အိုလံပစ်နှင့် မသန်စွမ်း အိုလံပစ်ကော်မတီဝင်တဦးဟု ဟန်ဆောင်ထားသူတဦးက ဖုန်းဆက်ပြီး ၎င်းတို့၏ ပတ်စပို့ အချက်အလက်များကို တောင်းလာ၍ သူက ငြင်းဆိုခဲ့ရဖူးသည်ဟု ဆိုသည်။

စုံစမ်းစစ်ဆေးမှုများအရ သူ့ သမီးဖြစ်သူ အလီဆာက တရုတ်တွင် ဝီဂါ လူနည်းစုများအပေါ် လူ့အခွင့်အရေးချိုးဖောက်မှုများအကြောင်း အင်စတာဂရမ်တွင် ရေးသားခဲ့ခြင်းကို တရုတ်အစိုးရက သိနေ၍ဟု အာသာလျူက ပြောသည်။ ထို့အပြင် ပေကျင်းအိုလံပစ်ပြိုင်ပွဲအတွင်း၌လည်း အမျိုးသားတဦးက အလီဆာကို ချဉ်းကပ်ကာ သူ၏ တိုက်ခန်းသို့ လိုက်ခဲ့ရန် ပြောဆိုခဲ့ဖူးကြောင်း အလီဆာက ဆိုသည်။⁩

♦️ သတင်းအပြည့်အစုံ - https://bur.mizzima.com/2026/02/26/83141

#⁨ရွှေတံဆိပ်ဆုရှင်
#စကိတ်စီးအားကစားမယ်
#တရုတ်
#မဇ္ဈိမသတင်းဌာန
#MizzimaBurmeseNews

အွန်လိုင်းငွေလိမ်လုပ်ငန်း (ကျားဖြန့်) များက မိမိတို့ နိုင်ငံ၏ စီးပွားရေးကို ဖျက်ဆီးနေပြီး နိုင်ငံဂုဏ်သိက္ခာ ညှိုးနွမ်းစေကြောင်း ကမ္ဘောဒီးယားဝန်ကြီးချုပ် ဟွန် မာနက်က ဖေဖေါ်ဝါရီ ၂၅ ရက်တွင် ပြောကြားသည်။ ယင်းသည် ကျားဖြန့်များကို အစိုးရက မသိ ကျိုးကျွန်ပြု၊ မျက်နှာလွှဲနေသည် ဆိုသည့် စွပ်စွဲချက်များကို ၎င်းက ပယ်ချလိုက်ခြင်းလည်း ဖြစ်သည်။

ကမ္ဘောဒီးယားသည် လက်ရှိတွင် ဒေါ်လာဘီလီယံနှင့်ချီသော လိမ်လည်မှုလုပ်ငန်းများကို လုပ်ကိုင်နေသည့် ရာဇဝတ်ဂိုဏ်းများအတွက် အချက်အချာနေရာတခု ဖြစ်လာနေသည်။ အဆိုပါလိမ်လည်ဂိုဏ်းများသည် ကမ္ဘာတဝန်းရှိ အင်တာနက်အသုံးပြုသူများကို အွန်လိုင်းမှတဆင့် အတုအယောင်အချစ်ဇာတ်လမ်းများဖြင့် မြှူဆွယ်ခြင်းနှင့် ခရစ်ပ်တိုငွေကြေး ရင်းနှီးမြှုပ်နှံမှု အတုအယောင်များဖြင့် လိမ်လည်နေကြခြင်းဖြစ်သည်။

♦️ သတင်းအပြည့်အစုံ - https://bur.mizzima.com/2026/02/26/83144

#ကမ္ဘောဒီးယား
#စီးပွားရေး
#ကျားဖြန့်လုပ်ငန်းများ
#မဇ္ဈိမသတင်းဌာန
#MizzimaBurmeseNews