https://www.youtube.com/watch?v=t1QR39s-oF4
Which countries are affected by the #war in the #MiddleEast?

အီရန်အပေါ် အမေရိကန်-အစ္စရေးတို့၏ တိုက်ခိုက်မှုများအပြီးတွင် ဘတ်ဂျက်ဖိအားများကို လျှော့ချရန် အတွက် ပင်လယ်ကွေ့နိုင်ငံများက ပြည်ပရင်းနှီးမြှုပ်နှံမှုများနှင့် အနာဂတ်ကတိကဝတ်များကို ပြန်လည် သုံးသပ်လာနိုင်ကြောင်း Financial Times (FT) က ကြာသပတေးနေ့တွင် ဖော်ပြလိုက်သည်။

ပြည်ပနိုင်ငံများ (သို့မဟုတ်) ကုမ္ပဏီများသို့ ရင်းနှီးမြှုပ်နှံရန် ကတိပြုထားမှုများ၊ အားကစားကဏ္ဍ ပံ့ပိုးကူညီမှုများ၊ လုပ်ငန်းရှင်များနှင့် ချုပ်ဆိုထားသော စာချုပ်များနှင့် ပိုင်ဆိုင်မှုများ ရောင်းချခြင်း စသည့်ကိစ္စရပ် များအပေါ် ဒေသတွင်း ပဋိပက္ခများက သက်ရောက်မှုများရှိလာနိုင်ကြောင်း ပင်လယ် ကွေ့အရာရှိတဦးက FT သတင်းစာသို့ ပြောကြားခဲ့သည်။

♦️ သတင်းအပြည့်အစုံ - https://bur.mizzima.com/2026/03/07/84106

#အီရန်စစ်ပွဲ
#စီးပွားရေး
#ပြည်ပရင်းနှီးမြှုပ်နှံမှု
#မဇ္ဈိမသတင်းဌာန
#MizzimaBurmeseNews

Oschadbank ဘဏ်၏ အဆိုအရ ဘဏ်ယာဉ်တန်း ဖမ်းဆီးခံရချိန်တွင် အမေရိကန်ဒေါ်လာ သန်း ၄၀၊ ယူရို ၃၅ သန်းနှင့် ရွှေ ကိုး ကီလိုဂရမ်ခန့် တင်ဆောင်ပါရှိသည်ဟု သိရသည်။

ဖမ်းဆီးထားသည့် ဝန်ထမ်းများကို ချက်ချင်းပြန်လွှတ်ပေးရန်နှင့် ကားများနှင့်အတွင်းရှိ ပစ္စည်းများကို ပြန်လည်ပေးအပ်ရန် Oschadbank က ဟန်ဂေရီအာဏာပိုင်များကို တောင်းဆိုထားသည်။

"တကယ်တော့ ဟန်ဂေရီက ဓားစာခံဖမ်းပြီး ငွေတွေ လုယူတာပဲ၊ ဒါဟာ မစ္စတာ အော်ဘန် (ဟန်ဂေရီ ဝန်ကြီးချုပ်) ဒီနေ့အစောပိုင်းက ပြောခဲ့တဲ့ 'အင်အား' ဆိုရင်တော့ ဒါဟာ ရာဇ၀တ်ဂိုဏ်းတဂိုဏ်းရဲ့ အင်အားမျိုးပါပဲ၊ ဒါဟာ နိုင်ငံတော်အဆင့် အကြမ်းဖက်မှုနဲ့ ငွေညှစ်မှုဖြစ်ပါတယ်" ဟု ၎င်းက ပြောသည်။

♦️ သတင်းအပြည့်အစုံ - https://bur.mizzima.com/2026/03/07/84109

#ယူကရိန်း
#ဟန်ဂေရီ
#ဘဏ်ယာဉ်တန်း
#မဇ္ဈိမသတင်းဌာန
#MizzimaBurmeseNews

"ကျွန်တော်တို့ ဟစ်ဇ်ဘိုလာနဲ့ ပတ်သက်ပြီး အတွက်မှားခဲ့တယ်။ သူတို့ ဒီလောက် ပြင်းပြင်းထန်ထန် တုံ့ပြန်တိုက်ခိုက်လာမယ်လို့ မျှော်လင့်မထားခဲ့ဘူး" ဟု အစ္စရေးအရာရှိက ဆိုသည်။

ထို့ပြင် လက်ရှိစစ်ပွဲသည် ပြီးခဲ့သည့် ဇွန်လက ဖြစ်ပွားခဲ့သော ၁၂ ရက်ကြာမြင့်ခဲ့သည့် "Operation Am Kalba’i" စစ်ဆင်ရေးထက် ပိုမိုကြာရှည်နိုင်သည်ဟု ဆိုသည်။

အစ္စရေးသည် လက်ရှိတွင် အီရန်၏ ဒုံးကျည်နှင့် ဒရုန်းတိုက်ခိုက်မှုများအပြင် လက်ဘနွန်ဘက်မှ ဒုံးလက်နက်များဖြင့် ပစ်ခတ်မှုများကိုပါ ရင်ဆိုင်နေရသဖြင့် စစ်မျက်နှာအစုံတွင် ဖိအားများနှင့် ကြုံတွေ့နေရသည်။

♦️ သတင်းအပြည့်အစုံ - https://bur.mizzima.com/2026/03/07/84116

#ဟစ်ဇ်ဘိုလာအဖွဲ့
#အစ္စရေး
#ပဋိပက္ခ
#မဇ္ဈိမသတင်းဌာန
#MizzimaBurmeseNews

အမေရိကန်နှင့် အစ္စရေးတို့က အီရန်ကို စနေနေ့က စတင် တိုက်ခိုက်ခဲ့ချိန်မှစကာ စစ်သင်္ဘောများနှင့် လေယာဉ်များအပါအဝင် အမေရိကန်စစ်ဘက်ဆိုင်ရာ အင်အားစု အမြောက်အမြား၏ တည်နေရာကို ရုရှားက အီရန်ထံ ပေးအပ်ခဲ့ကြောင်း သတင်းရင်းမြစ်များက ဆိုသည်။

ရုရှားအနေဖြင့် အီရန်ထံ မည်မျှ အတိုင်းအတာအထိ တိကျသော အချက်အလက်များ ပေးနိုင်ခဲ့သည်ဆိုသည်ကို မသိရှိသော်လည်း "အတော်လေး ကျယ်ကျယ်ပြန့်ပြန့် ကြိုးပမ်းအားထုတ်မှု" တရပ် ဖြစ်ပုံရကြောင်း သတင်းရင်းမြစ်တဦးက ပြောသည်။

♦️ သတင်းအပြည့်အစုံ - https://bur.mizzima.com/2026/03/07/84119

#အမေရိကန်
#ရုရှား
#အီရန်
#မဇ္ဈိမသတင်းဌာန
#MizzimaBurmeseNews

မတ်လအတွက် တင်ပို့မှု အများစုမှာ သတ်မှတ်ပြီးသား ဖြစ်ခြင်းနှင့် တင်ပို့ရန် ပြင်ဆင်ပြီးသားဖြစ်၍ ပြန်လည် ရုပ်သိမ်းရန် ခက်ခဲခြင်းတို့ကြောင့် ယခု ညွှန်ကြားချက်အားဖြင့် ဧပြီလမှစတင်ပြီး တင်ပို့မှုများ လျော့ကျလာတော့မည်ဟု သတင်းရင်းမြစ်များက ပြောကြသည်။

ကမ္ဘာ့အကြီးဆုံး ရေနံတင်သွင်းသူဖြစ်သည့် တရုတ်နိုင်ငံက ပြည်တွင်းလိုအပ်ချက်နှင့် ရရှိနိုင်မှု ချိန်ခွင်လျှာ ညီစေရန်အတွက် လောင်စာဆီ တင်ပို့မှုကို ခွဲတမ်းစနစ်ဖြင့် စီမံခန့်ခွဲလေ့ရှိပြီး ၂၀၂၆ ခုနှစ်အတွက် ပထမအသုတ်အဖြစ် ထုတ်ပေးသည့် တင်ပို့ခွင့် ခွဲတမ်းမှာ တန်ချိန် ၁၉ သန်းဖြစ်ကာ ယခင်နှစ်နှင့် သိပ်မကွာခြားလှပေ။

♦️ သတင်းအပြည့်အစုံ - https://bur.mizzima.com/2026/03/07/84123

#လောင်စာဆီတင်ပို့မှု
#ရေနံချက်စက်ရုံများ
#တရုတ်
#မဇ္ဈိမသတင်းဌာန
#MizzimaBurmeseNews

စစ်ပွဲပိုကြာမည်ကို စိုးရိမ်သော်လည်း တီဟီရန်အနေဖြင့် အပစ်အခတ်ရပ်စဲရေး သို့မဟုတ် ငြိမ်းချမ်းရေးဆွေးနွေးပွဲများကို လုပ်ဆောင်ရန် ရည်ရွယ်ချက်မရှိကြောင်း အီရန်နိုင်ငံခြားရေးဝန်ကြီး အဘတ်စ် အာရတ်ချီက ပြောကြားခဲ့သည်။

"ကျွန်တော်တို့ အမေရိကန်နဲ့ နှစ်ကြိမ်တိုင်တိုင် ဆွေးနွေးခဲ့ဖူးပေမယ့် သူတို့က ဆွေးနွေးပွဲလုပ်နေတုန်းမှာပဲ ကျွန်တော်တို့ကို တိုက်ခိုက်ခဲ့တာကြောင့် သူတို့နဲ့ ထပ်ပြီးဆွေးနွေးစရာ အကြောင်းမရှိပါဘူး။ ကျွန်တော်တို့ဘက်က အပစ်အခတ်ရပ်စဲဖို့ တောင်းဆိုတာမျိုး မရှိသလို အမေရိကန်နဲ့ ဆွေးနွေးဖို့ တောင်းဆိုတာမျိုးလည်း မရှိပါဘူး" ဟု အာရတ်ချီက ဆိုသည်။

ပင်လယ်ကွေ့နိုင်ငံများက ၎င်းတို့၏ ဝေဟင်ပိုင်နက်နှင့် နယ်မြေများကို အီရန်အား တိုက်ခိုက်ရာတွင် အသုံးပြုခွင့်ပေးမည်မဟုတ်ကြောင်း ယခင်က ကြေညာထားသော်လည်း အီရန်၏ လက်တုံ့ပြန်တိုက်ခိုက်မှုကို ခံနေကြရသည်။ အီရန်က ဒေသတွင်းရှိ အမေရိကန်စစ်ဘက်ဆိုင်ရာ ပစ္စည်းများကိုသာမက လေဆိပ်များနှင့် ကြယ်ငါးပွင့်အဆင့်ရှိ ဟိုတယ်များ အပါအဝင် အရပ်ဘက်နှင့် စွမ်းအင်ဆိုင်ရာ အခြေခံအဆောက်အအုံများကိုပါ ပစ်မှတ်ထားခဲ့သည်။

♦️ သတင်းအပြည့်အစုံ - https://bur.mizzima.com/2026/03/07/84126

https://www.youtube.com/watch?v=2gw_u60dTlM
Spanish prime minister calls US war against Iran 'extraordinary mistake'

အစ္စရေးက မတ်လ ၇ ရက်တွင် တီဟီရန်မြို့ရှိ အစိုးရပစ်မှတ်များကို 'အကြီးစား' လေကြောင်းတိုက်ခိုက် မှုများ ထပ်မံပြုလုပ်မည်ဟု ကြေညာလိုက်သည်။

တီဟီရန်မြို့ရှိ မေရာဘတ်လေဆိပ်တိုက်ခိုက်ခံခဲ့ရကြောင်း အီရန်၏ အစိုးရပိုင် Tasnim သတင်းအေဂျင် စီက ဖော်ပြခဲ့သော်လည်း၊ အစ္စလာမ္မစ်တော်လှန်ရေးအစောင့်တပ် (IRGC)က တစုံတရာ ထုတ်ဖော်ပြော ကြားခြင်း မရှိသေးပေ။

♦️ သတင်းအပြည့်အစုံ - https://bur.mizzima.com/2026/03/07/84132

#တီဟီရန်မြို့
#အစ္စရေး
#လေကြောင်းတိုက်ခိုက်မှုများ
#မဇ္ဈိမသတင်းဌာန
#MizzimaBurmeseNews

အီရန်က "ခြွင်းချက်မရှိ လက်နက်ချခြင်း" မရှိပါက ဆွေးနွေးပွဲများပြုလုပ်ရန် အကြောင်းမရှိကြောင်း သောကြာနေ့တွင် အမေရိကန်သမ္မတ ဒေါ်နယ်ထရမ့်က ပြောကြားလိုက်သည်။

စစ်ပွဲ၏ သတ္တမမြောက်နေ့တွင် အီရန်က အစ္စရေးနှင့် ပင်လယ်ကွေ့နိုင်ငံများအပေါ် လက်တုံ့ပြန်တိုက် ခိုက်မှုများ ထပ်မံပြုလုပ်လာရာ အစ္စရေးစစ်လေယာဉ်များက ဘေရွတ်နှင့် တဟီရန်မြို့များကို အပြင်း အထန် ဗုံးကြဲတိုက်ခိုက်ခဲ့သည်။

♦️ သတင်းအပြည့်အစုံ - https://bur.mizzima.com/2026/03/07/84136

#လက်ဘနွန်
#အစ္စရေး
#အီရန်
#မဇ္ဈိမသတင်းဌာန
#MizzimaBurmeseNews

စက်သုံးဆီရှားပါးမှုကြောင့် လူမှုကူညီရေးကိစ္စများ ရိုက်ခတ်မှုရှိလာ

ဂျူချန်း

မဇ္ဈိမ။ ။ စက်သုံးဆီ ရှားပါးလပ်မှုကြောင့် လူမှုကူညီရေးကိစ္စများတွင်လည်း ရိုက်ခတ်မှုရှိလာကြောင်း လူမှုကူညီရေးသမားများနှင့် စစ်ဘေးရှောင်ကူညီသူများထံမှ သိရသည်။

ကရင်နီတွင် စက်သုံးဆီ ရှားပါးနေပြီး စစ်ဘေးရှောင်များကို ကူညီရန် သွားရေးလာရေးခက်ခဲနေပြီး ဆီကို တတ်နိုင်သမျှ ချွေတာနေရပြီဖြစ်ကြောင်းစစ်ရှောင်အရေးလုပ်ကိုင်နေသူများက ပြောသည်။

“စစ်ရှောင်သွားဖို့ မလွယ်တော့ဘူး။ ဆီကို တော်တော်ချွေတာနေရတယ်။ ဒါတောင် ဆီကိုတန်းစီလို့ရနေသေးတဲ့ချိန်မို့။ ဆီလုံးဝပြတ်သွားပြီဆိုရင်တော့ ဘယ်လိုဆက်လုပ်ရမှန်း မသိတော့ဘူးဗျာ။ အရင်တုန်းကနဲ့မတူဘူးဒီတခေါက်က။ ဘယ်လောက်ထိတောင့်ခံနိုင်မလဲမသိဘူးပေါ့နော်” ဟု ကရင်နီစစ်ဘေးရှောင်ကူညီနေသူတဦးက ပြောသည်။

ကရင်နီတွင် ရေရှားပါးမှုလည်းရှိနေပြီး ယခင်က ၈၀,၀၀၀ ကျပ်ပေးဝယ်သုံးရသည့် ရေကားတစီးသည် လက်ရှိတွင် ကျပ် ၁၀၀,၀၀၀ ရှိလာပြီး ယခင်က ၆၀,၀၀၀ကျပ်ပေးဝယ်ရသည့် ရေကားတစီးသည် လက်ရှိတွင် ၈၅,၀၀၀ ကျပ်ဖြစ်လာကြောင်း သိရသည်။

ထို့ပြင် ကရင်နီရှိ ဆေးရုံဆေးခန်းများတွင် အောက်ဆီဂျင်အသုံးပြုရသည့် လူနာများသည် မီးစက်များဖြင့်…

အီရန်အစ္စလာမ္မစ်တော်လှန်ရေးတပ်ဖွဲ့တပ်မှူး ကာဆမ် ဆိုလေမာနီကို အမေရိကန်စစ်တပ်က လုပ်ကြံခဲ့ မှုအတွက် လက်စားချေသည့်အနေဖြင့် သမ္မတ ဒေါ်နယ်ထရမ့် (သို့မဟုတ်) အမေရိကန်အရာရှိကြီးများ ကို လုပ်ကြံရန် ကြံစည်မှုဖြင့် အီရန်နှင့် ဆက်နွှယ်မှုရှိသည်ဟု ယူဆရသော ပါကစ္စတန်အမျိုးသားတဦး အား အပြစ်ရှိကြောင်း တွေ့ရှိခဲ့သည်ဟု အစိုးရရှေ့နေများက သောကြာနေ့က ပြောကြားလိုက်သည်။

ဘရွတ်ကလင်း ဖက်ဒရယ်တရားရုံးတွင် စစ်ဆေးခဲ့သည့် ထွက်ဆိုချက်များအရ အာဆစ်ဖ် ရာဇာ မာချန့် သည် အမေရိကန်နိုင်ငံရေးသမား (သို့မဟုတ်) အစိုးရအရာရှိတဦးကို လုပ်ကြံရန် ကြေးစားလူသတ်သမားငှားရမ်းရန် ကြိုးပမ်းခဲ့ကြောင်း အစိုးရရှေ့နေများက သက်သေပြနိုင်ခဲ့သည်။

♦️ သတင်း အပြည့်အစုံ - https://bur.mizzima.com/2026/03/07/84141

#အီရန်
#ပူးပေါင်းပြီး
#ထရမ့်
#အမေရိကန်
#အရာရှိများ
#လုပ်ကြံရန်
#ကြံစည်မှု
#ပါကစ္စတန်အမျိုးသား
#မဇ္ဈိမသတင်းဌာန
#MizzimaBurmeseNews
------------------------------------------

https://www.youtube.com/watch?v=m27vJ8_g7yE
တရားဝင်လက်ထက်လက်ပြီဖြစ်တဲ့မင်းသား Byun Yo-han နဲ့ အဆိုတော် Tiffany Young I Cele City - Episode 162

https://www.youtube.com/watch?v=dDkjo9vG0KE
Despite #war, #Iranians in #LA hope to see #WorldCup team in #US

“ကျွန်တော်တို့ဟာ အမေရိကန်ရဲ့ အကြီးဆုံး စစ်လက်နက် ကုမ္ပဏီတွေနဲ့ လက်နက် ထုတ်လုပ်မှုနဲ့ ထုတ် လုပ်မှု အစီအစဉ်တွေအကြောင်း ဆွေးနွေးခဲ့တဲ့ အစည်းအဝေးဟာ တော်တော်လေး ကောင်းမွန်ပြီး အခုလေးတင် ပြီးဆုံးပါတယ်” ဟု ထရမ့်က Truth Social လူမှုမီဒီယာ၌ ပို့စ်တင်သည်။

“ကျွန်တော်တို့က အမြန်ဆုံး ဖြစ်နိုင်သမျှ အမြင့်ဆုံး ပမာဏကို ရောက်ရှိချင်တဲ့အတွက် သူတို့က ‘Exquisite Class’ လက်နက်တွေကို လေးဆတိုး ထုတ်လုပ်ပေးဖို့ သဘောတူခဲ့ကြပါတယ်၊ ထုတ်လုပ်ရေးအတွက် ပြင်ဆင်တိုးချဲ့မှုတွေက အစည်းအဝေးမတိုင်ခင် သုံးလကတည်းက စတင်ခဲ့တာ ဖြစ်တယ်၊ အဲဒီ လက်နက်တွေ အများအပြား ထုတ်လုပ်ဖို့အတွက် စက်ရုံတွေက အခုဆိုရင် စတင် လည်ပတ်နေပြီ” ဟု ၎င်းက ဆိုသည်။

♦️ သတင်း အပြည့်အစုံ - https://bur.mizzima.com/2026/03/07/84144

#စစ်လက်နက်
#ကုမ္ပဏီများ
#အဆင့်မြင့်
#လက်နက်ထုတ်လုပ်မှု
#တိုးမြှင့်မည်
#ထရမ့်
#မဇ္ဈိမသတင်းဌာန
#MizzimaBurmeseNews
------------------------------------------

ဖမ်းဆီးခံရသည့် ရဲဘော်များအရေး MOD စစ်ရုံးချုပ်နှင့် တိုက်ရိုက်ဆွေးနွေးနေဟု SRA ဆို

ပါခွီး

မဇ္ဈိမ ။ ။ အမျိုးသားညီညွတ်ရေးအစိုးရ (NUG) အမှတ်(၁) စစ်ဒေသမှ ဖမ်းဆီးထားသည့် ရဲဘော်များအတွက် ကာကွယ်ရေးဝန်ကြီးဌာန(MOD) စစ်ရုံးချုပ်နှင့် တိုက်ရိုက်ဆွေးနွေးနေကြောင်း နွေဦးတော်လှန်ရေးမဟာမိတ်တပ်ပေါင်းစု(SRA) ဦးဆောင်သူတဦးဖြစ်သူ မောင်ဆောင်းခ က ၎င်း၏ လူမှုကွန်ရက်တွင်ရေးသည်။

“ကျနော်တို့ SRA အနေနဲ့ကတော့ MOD စစ်ရုံးချုပ်နဲ့ တိုက်ရိုက်ညှိနှိုင်းဆွေးနွေးနေပါတယ်၊ သူတို့ဘက်က အကောင်းဆုံးဖြေရှင်းပေးပါ့မယ်လို့ ပြောထားတဲ့အတွက် စောင့်နေဆဲဖြစ်ပါတယ်” ဟု ၎င်းက ယနေ့ (မတ်လ ၇ရက်) နေလယ်ပိုင်းတွင်ရေးသားထားခြင်းဖြစ်သည်။

နွေဦးတော်လှန်ရေးမဟာမိတ်တပ်ပေါင်းစု(SRA) အဖွဲ့ဝင်ဖြစ်သော တမူးမြို့နယ်အခြေစိုက် အမျိုးသားလွတ်မြောက်ရေးတပ်တော်(NLA) မှ ဦးစီးခေါင်းဆောင်ဖြစ်သော ကိုဇီးကွက်အပါဝင် ရဲဘော် ငါးဦးသည် အမှတ်(၁)စစ်ဒေသအတွင်း မတ်လ ၆ရက်နေ့တွင် ဖမ်းဆီးခံခဲ့ရခြင်းနှင့်ပတ်သက်ပြီး ဆွေးနွေးနေခြင်းဖြစ်သည်။

“ဖြေရှင်းလိုတဲ့ ဆန္ဒကိုယ်စီရှိရင် ပြဿနာတွေကပြေလည်နိုင်ပါတယ်၊ ကျနော်တို့ SRA ဖွဲ့စည်းပြီးကတည်းက အဖွဲ့ပေါင်းစုံရဲ့…

ဟစ်ဇ်ဘိုလာနှင့် ဟူသီတို့နှင့် ဆက်နွှယ်နေသည့် ပုဂ္ဂိုလ်များ အပါအဝင် နိုင်ငံခြား အထူး ဧည့်သည်တော်များသည် သမ္မတဟောင်း အီဗရာဟင် ရာအီစီ၏ ဈာပနအချိန်တုန်းက တီဟီရန်မြို့၌ ဟားမတ်စ်ခေါင်း ဆောင် အစ္စမေးလ် ဟာနီယေး လုပ်ကြံခံခဲ့ရ၍ တက်ရောက်ရန် စိုးရိမ်ကြောင်း ပြောဆိုကြသည်ဟု သတင်းများ ထွက်နေသည်။

အချို့သော ဘာသာရေးခေါင်းဆောင်များက ခေါင်းဆောင်ဟောင်းကို မမြှုပ်နှံရသေးမီ ဆက်ခံသူ အမည်ကို ထုတ်ပြန်ခြင်းက မသင့်တော်ကြောင်း ငြင်းဆိုကြသည်။ အခြား သူများကမူ ယခုနှစ် အစောပိုင်းက အစိုးရဆန့်ကျင်ရေး ဆန္ဒပြပွဲများ ကျယ်ကျယ်ပြန့်ပြန့် ဖြစ်ပွားထားသော်လည်း၊ ယခု ဈာပန အခမ်း အနားအတွင်း လူထုအများရှေ့ မှောက် ခေါင်းဆောင်သစ်ကို ကြေညာခြင်းက ညီညွတ်မှုနှင့် တရားဝင်မှုကို ပိုမို ဖော်ဆောင်နိုင်လိမ့်မည်ဟု တင်ပြကြသည်။

♦️ သတင်း အပြည့်အစုံ - https://bur.mizzima.com/2026/03/07/84150

#ခါမေနီ
#ဈာပန
#မလုပ်ပေးနိုင်လဲ
#မဇ္ဈိမသတင်းဌာန
#MizzimaBurmeseNews
------------------------------------------

တရုတ်ဝန်ကြီးချုပ် လီချန်းက ကာကွယ်ရေးအသုံးစရိတ် ခုနစ် ရာခိုင်နှုန်း တိုးမြှင့်ကြောင်း ပေကျင်းမြို့ရှိ Great Hall ပြည်သူ့ခန်းမဆောင်ကြီး၏ စင်မြင့်ထက်တွင် ကြေညာခဲ့ပြီး ကိုယ်ပိုင်အုပ်ချုပ်ခွင့်ရထိုင်ဝမ်နှင့် ပတ်သက်၍ ပြင်းထန်သော စကားလုံးများကို သုံးနှုန်းခဲ့သည်။

တရုတ်ပြည်သူ့လွတ်မြောက်ရေးတပ်မတော် (PLA) အနေဖြင့် "အဆင့်မြင့် တိုက်ခိုက်ရေးစွမ်းရည်များ တိုးတက်အောင် အရှိန်အဟုန်မြှင့် လုပ်ဆောင်သွားမည်" ဟု ကတိပြုခဲ့သလို၊ ထိုင်ဝမ်ရှိ "ခွဲထွက်ရေး လှုပ်ရှားမှုများကို ပြတ်ပြတ်သားသား နှိမ်နင်းသွားမည်" ဟု လီချန်းက ပြောကြားခဲ့ပြီး ပြီးခဲ့သည့်နှစ်က အသုံးပြုခဲ့သည့် "ဆန့်ကျင်သွားမည်" ဆိုသော ကတိစကားထက် ပိုမိုပြင်းထန်သည့် အသုံးအနှုန်းဖြစ်သည်။

♦️ ဆောင်းပါး အပြည့်အစုံ - https://bur.mizzima.com/2026/03/07/84153

#အီရန်စစ်ပွဲ
#အမေရိကန်စစ်တပ်
#အာရုံပြောင်း
#ထိုင်ဝမ်
#ကယ်တင်ရာရောက်နိုင်
#မဇ္ဈိမသတင်းဌာန
#MizzimaBurmeseNews
------------------------------------------