အမေရိကန်-အစ္စရေး မဟာမိတ်တပ်များနှင့် အီရန်နိုင်ငံတို့အကြား ဖြစ်ပွားနေသော စစ်ပွဲ သုံးပတ်မြောက်ထဲသို့ ရောက်ရှိလာချိန်တွင် အီရန်၏ အဆက်မပြတ် လက်တုံ့ပြန်တိုက်ခိုက်မှုများကြောင့် အစ္စရေးနိုင်ငံ၏ လေကြောင်းရန်ကာကွယ်ရေးစနစ်တွင် သုံးနေသော ကြားဖြတ်ဟန့်တားသည့် ဒုံးကျည်များ ပြတ်လပ်နိုင်ခြေရှိကြောင်း သတင်းများ ထွက်ပေါ်နေသည်။

အစ္စရေးတွင် ဒုံးကျည်များနှင့် ဒရုန်းများကို ဖျက်ဆီးရန် အသုံးပြုနိုင်သည့် “Iron Beam” ခေါ် လေဆာနည်းပညာစနစ်သစ်တခု ရှိနေသော်လည်း လက်ရှိတွင် အသုံးအများဆုံး ကြားဖြတ်ဟန့်တားလက်နက်များမှာ မြေပြင်မှ ဝေဟင်ပစ် ဒုံးကျည်များသာ ဖြစ်ကြသည်။

ပြီးခဲ့သည့်နှစ်က အစ္စရေးနှင့် အီရန်တို့ ၁၂ ရက်ကြာ တိုက်ခိုက်ခဲ့သည့် စစ်ပွဲကြောင့် အစ္စရေး၏ ပဲ့ထိန်းဒုံးကျည်ပစ် လက်နက်များသာမက မဟာမိတ်အမေရိကန်၏ လက်နက်များပါ သိသိသာသာ လျော့သွားခဲ့သည်။ ထိုကဲ့သို့ ကြားဖြတ်ဒုံးကျည် အမြောက်အမြားကို မကြာသေးမီကမှ အသုံးပြုခဲ့ရခြင်းကြောင့် ယခုလက်ရှိစစ်ပွဲကို မစတင်မီ အစ္စရေးနှင့် အမေရိကန်တို့အနေဖြင့် လက်နက်ကို အပြည့်အဝ ပြန်လည်ဖြည့်တင်းနိုင်ခဲ့ပုံမပေါ်ပေ။

♦️ သတင်းအပြည့်အစုံ - https://bur.mizzima.com/2026/03/17/85174

အီရန်ရေနံတင်သင်္ဘောများအား ဟော်မုဇ်ရေလက်ကြားကို ဖြတ်သန်းသွားလာမှုကို အမေရိကန်က ခွင့်ပြုထားကြောင်း မတ်လ ၁၆ ရက်တွင် စီအန်ဘီစီနှင့် အင်တာဗျူးတွင် အမေရိကန်ဘဏ္ဍာရေးဝန်ကြီး စကော့ ဘဲဆင့်က ပြောကြားလိုက်သည်။

“အီရန်သင်္ဘောတွေက ရေလက်ကြားကို ဖြတ်သန်းသွားလာနေပြီး ရေနံကမ္ဘာ့လိုအပ်ချက်ကို ဖြည့်ဆည်း ပေးနိုင်ဖို့ ကျွန်တော်တို့ဘက်က ခွင့်ပြုထားပါတယ်” ဟု ဘဏ္ဍာရေးဝန်ကြီး စကော့ ဘဲဆင့်က ပါရီမြို့ တွင် ပြောကြားခဲ့သည်။

♦️ သတင်းအပြည့်အစုံ - https://bur.mizzima.com/2026/03/17/85177

#အစ္စရေး
#အမေရိကန်
#ဟော်မုဇ်ရေလက်ကြား
#မဇ္ဈိမသတင်းဌာန
#MizzimaBurmeseNews

ချယ်လ်ဆီးအသင်းဟာ ၂၀၁၁ နဲ့ ၂၀၁၈ ကြား အပြောင်းအရွှေ့တွေမှာ လိုင်စင်မဲ့ အေးဂျင့်တွေနဲ့ တတိယအဖွဲ့အစည်းတွေဆီကို ပေါင် ၄၇ သန်း လျှို့ဝှက်ပေးချေခဲ့တယ်လို့ ဝန်ခံခဲ့ပြီးနောက် ပေါင် ၁၀ သန်း ဒဏ်ရိုက်ခံရသလို အပြောင်းအရွှေ့ပိတ်ပင်မှု ဆိုင်းငံပြစ်ဒဏ်လည်း ချမှတ်ခံလိုက်ရပါတယ်။

ပေါင် ၁၀ သန်း ဒဏ်ကြေးဟာ ပရီးမီးယားလိဂ်ကနေ ချမှတ်ဖူးသမျှထဲ အများဆုံး ဒဏ်ကြေးဖြစ်ပါတယ်။ ဒါဟာ ၂၀၇ ခုနှစ်တုန်းက ဟာဗီယာ မာရှေရာနိုနဲ့ ကားလို့စ် တီဗက်စ်တို့ရဲ့ အပြောင်းအရွှေ့တွေကြောင့် ဝက်စ်ဟမ်းအသင်း ချမှတ်ခံခဲ့ရတဲ့ ပေါင် ၅ ဒသမ ၅ သန်း ဒဏ်ကြေးစံချိန်ကို ကျော်လွန်သွားတာလည်း ဖြစ်ပါတယ်။

ဒါပေမဲ့ ချယ်လ်ဆီးဟာ အမှတ်လျှော့ပြစ်ဒဏ်လိုမျိုး အားကစားဆိုင်ရာ အရေးယူမှုတွေကနေတော့ ကင်းလွတ်ခဲ့ပါတယ်။ ဒါဟာ အသင်းဘက်က “အတိတ်က စည်းမျဉ်းချိုးဖောက်မှုတွေကို ကိုယ်တိုင်ဆန္ဒအလျောက် အစီရင်ခံခဲ့တာ”ကြောင့် ဖြစ်တယ်လို့ ပရီးမီးယားလိဂ်က ဆိုပါတယ်။
Read more: https://bur.mizzima.com/2026/03/17/85192

ဓာတ်ပုံ - ပခုက္ကူမြို့နယ်အနောက်ခြမ်းတွင် စစ်ကော်မရှင်စစ်ကြောင်းကို PLA နှင့် မဟာမိတ်တပ်ဖွဲ့များ ကြားဖြတ်တိုက်ခိုက်စဉ်။ (ပြည်သူ့လွတ်မြောက်ရေးတပ်မတော် - PLA)

ဓာတ်ပုံ - ပခုက္ကူမြို့နယ်အနောက်ခြမ်းတွင် စစ်ကော်မရှင်စစ်ကြောင်းကို PLA နှင့် မဟာမိတ်တပ်ဖွဲ့များ ကြားဖြတ်တိုက်ခိုက်စဉ်။ (ပြည်သူ့လွတ်မြောက်ရေးတပ်မတော် - PLA)

ဓာတ်ပုံ - ပခုက္ကူမြို့နယ်အနောက်ခြမ်းတွင် စစ်ကော်မရှင်စစ်ကြောင်းကို PLA နှင့် မဟာမိတ်တပ်ဖွဲ့များ ကြားဖြတ်တိုက်ခိုက်စဉ်။ (ပြည်သူ့လွတ်မြောက်ရေးတပ်မတော် - PLA)

ဓာတ်ပုံ - ပခုက္ကူမြို့နယ်အနောက်ခြမ်းတွင် စစ်ကော်မရှင်စစ်ကြောင်းကို PLA နှင့် မဟာမိတ်တပ်ဖွဲ့များ ကြားဖြတ်တိုက်ခိုက်စဉ်။ (ပြည်သူ့လွတ်မြောက်ရေးတပ်မတော် - PLA)

"ကျွန်တော်တို့ အပစ်အခတ် ရပ်စဲရေးကို မတောင်းဆိုဘူး၊ ဒါပေမဲ့ ရန်သူတွေအနေနဲ့ ဒီလို တိုက်ခိုက်မှုမျိုးကို နောက်တကြိမ် ထပ်လုပ်ဖို့ စိတ်ကူးတောင် မယဉ်နိုင်တော့အောင် နည်းလမ်းမျိုးနဲ့ ဒီ စစ်ပွဲကို အဆုံးသတ်ရမယ်" ဟု အာရတ်ချီက ပြောပြီး အီရန်က လိုအပ်သရွေ့ ဆက်လက် တိုက်ပွဲဝင်ရန် အသင့်ရှိကြောင်း ထည့်သွင်းဆိုသည်။‌

"သူတို့ ဘယ်လို နိုင်ငံမျိုးနဲ့ ရင်ဆိုင်နေရတယ်ဆိုတာကို အခုတော့ နားလည်သွားကြပါပြီ" ဟု အာရတ်ချီက ပြောကာ အီရန်က "နေရာမရွေး စစ်ခင်းရန်" အသင့်ရှိကြောင်း ဖြည့်စွက်ပြောသည်။

♦️ သတင်းအပြည့်အစုံ - https://bur.mizzima.com/2026/03/17/85186

#အီရန်
#အမေရိကန်
#အပစ်ရပ်ရေး
#မဇ္ဈိမသတင်းဌာန
#MizzimaBurmeseNews

လူငယ် အမျိုးသားများက အလုပ်အကိုင်နှင့် အခြေတကျ အိမ်ထောင်ပြုရန် "နှောင့်နှေးခြင်း" ကြောင့် ကလေးရယူခြင်း "လက်လွတ်ဆုံးရှုံး" နေသည့် အမျိုးသမီး သိန်းနှင့်ချီ၍ ရှိနေကြောင်း အစီရင်ခံစာတခုက ဖော်ပြသည်။

"အတိတ်ကာလ" က အမျိုးသားတဦး အသက် ၂၄ နှစ်အရွယ် ဆိုလျှင် အိမ်ထောင် အတည်တကျ ရှိနေပြီး၊ ကလေးတဦးနှုန်း ပျမ်းမျှ ရှိကာ၊ အလုပ်အကိုင် လုပ်သက်လည်း ၁၀ နှစ်ခန့် ရှိတတ်သော်လည်း၊ ယခုခေတ်တွင် အမျိုးသားများက ပျမ်းမျှအားဖြင့် အသက် ၂၅ နှစ်မှသာ မိဘအိမ်မှ ခွဲခွာတတ်ကြကြောင်း အစီရင်ခံစာက ထောက်ပြသည်။

ဗြိတိန်၏ မွေးဖွားနှုန်း ကျဆင်းမှုကို ဖြေရှင်းနိုင်မည့် နည်းလမ်းတခုမှာ ငယ်ငယ်ရွယ်ရွယ်ဖြင့် အိမ်ထောင်ပြုရန် တိုက်တွန်းခြင်းနှင့် အမျိုးသားများ အသက် ၂၅ နှစ်မတိုင်မီ "ဘဝ အတည်တကျ" ဖြစ်နေရေးတို့ပဲ ဖြစ်သည်ဟု အစီရင်ခံစာက ဖော်ပြသည်။

♦️ သတင်းအပြည့်အစုံ - https://bur.mizzima.com/2026/03/17/85189

#မိခင်ဘဝ
#ဘဝအခြေတကျဖြစ်မှု
#အမျိုးသမီးများ
#မဇ္ဈိမသတင်းဌာန
#MizzimaBurmeseNews

https://www.youtube.com/watch?v=_0dN-Z3oMf0
Trump says wants to delay China trip 'a month or so'

https://www.youtube.com/watch?v=_2jZ7Tx6vf4
MNDAA နှင့် TNLA အပစ်ရပ်ရန် လောက်ကိုင်တွင် တွေ့ဆုံ (ရုပ်သံ)

အီရန်၏ စစ်ရေးစွမ်းဆောင်ရည်များ သိသိသာသာအားနည်းသွားသည်အထိ အီရန်အပေါ် ဆင်နွှဲနေသော စစ်ဆင်ရေးများကို မရပ်တန့်ရန် အမေရိကန်ကို ပါရှန်းပင်လယ်ကွေ့ရှိ အာရပ်နိုင်ငံများက တိုက်တွန်းနေ ကြောင်း ဒေသတွင်းအရာရှိများကို ကိုးကား၍ ရိုက်တာသတင်းဌာနက ဖော်ပြလိုက်သည်။

ယင်းအစိုးရများက အမေရိကန်အား စစ်ပွဲစတင်တိုက်ခိုက်ရန် တိုက်တွန်းခဲ့ခြင်းမျိုး မရှိသော်လည်း၊ စစ်ဆင်ရေးကို အချိန်မတိုင်မီ ရပ်တန့်လိုက်ပါက ၎င်းတို့၏ စီးပွားရေးအခြေခံအုတ်မြစ်ဖြစ်သော ရေကြောင်းကုန်သွယ်ရေး လမ်းကြောင်းများ၊ ရေနံအခြေခံအဆောက်အအုံများနှင့် စီးပွားရေးဗဟိုချက် များကို အီရန်က ဆက်လက်ခြိမ်းခြောက်နေမည်ကို စိုးရိမ်နေကြသည်။

♦️ သတင်းအပြည့်အစုံ - https://bur.mizzima.com/2026/03/17/85195

#အမေရိကန်
#အာရပ်နိုင်ငံများ
#အီရန်စစ်ပွဲ
#မဇ္ဈိမသတင်းဌာန
#MizzimaBurmeseNews

ထရမ့်သည် နှစ်နိုင်ငံဆက်ဆံရေး ပြန်လည်စတင်ရန်နှင့် အမေရိကန်-တရုတ် ကုန်သွယ်မှု ယာယီသဘောတူညီချက် သက်တမ်းတိုးရန်အတွက် မတ်လ ၃၁ ရက်မှ ဧပြီလ ၂ ရက်နေ့အထိ ပေကျင်းမြို့သို့ သွားရောက်ရန် စီစဉ်ထားသော်လည်း အီရန်ပဋိပက္ခကြောင့် ထိုခရီးစဉ်မှာ ပျက်ပြားသွားခဲ့ရသည်။

"စစ်ပွဲဖြစ်နေတဲ့အတွက် ကျွန်တော် ဒီမှာပဲ ရှိနေချင်တယ်၊ ရှိနေရမယ်လို့လည်း တွေးမိတယ်။ ဒါကြောင့် ခရီးစဉ်ကို တလလောက် ရွှေ့ဆိုင်းဖို့ ကျွန်တော်တို့ တောင်းဆိုထားပါတယ်" ဟု ထရမ့်က အိမ်ဖြူတော်တွင် တရုတ်ခရီးစဉ်နှင့် ပတ်သက်၍ သတင်းထောက်များအား ဖြေကြားခဲ့သည်။

ထရမ့်က တရုတ်နှင့် ထိပ်သီးဆွေးနွေးပွဲ ရွှေ့ဆိုင်းနိုင်ခြေရှိကြောင်း တနင်္ဂနွေနေ့က Financial Times နှင့် အင်တာဗျူးတွင် ပထမဆုံး အရိပ်အမြွက် ပြောကြားခဲ့ပြီး ဆုံးဖြတ်ချက်သည် ဟော်မုဇ် ရေလက်ကြားပြန်လည်ဖွင့်လှစ်နိုင်ရေးအတွက် တရုတ်က ကူညီခြင်း ရှိ၊ မရှိ အပေါ်တွင် မူတည်နိုင်ကြောင်း ပြောသည်။

♦️ သတင်းအပြည့်အစုံကို - https://bur.mizzima.com/2026/03/17/85198

#အရှေ့အလယ်ပိုင်းစစ်ပွဲ
#ယာယီသဘောတူညီချက်
#ဒေါ်နယ်ထရမ့်
#ဟော်မုဇ်ရေလက်ကြား
#ရှီကျင့်ဖျင်
#မဇ္ဈိမသတင်းဌာန
#MizzimaBurmeseNews

အမေရိကန်၊ အစ္စရေးတို့နှင့် ဖြစ်ပွားနေသည့် စစ်ပွဲအတွင်း အစ္စလာမ္မစ်နိုင်ငံများသည် အီရန်ကို ပစ်ပယ်ထားကြသည်ဟု အီရန်နိုင်ငံ၏ ထိပ်တန်းလုံခြုံရေးအရာရှိ အလီ လာရီဂျာနီက မတ်လ ၁၆ ရက်တွင် စွပ်စွဲပြောကြားလိုက်သည်။ အထူးသဖြင့် ပိုင်နက်အတွင်း တိုက်ခိုက်ခံရမှုများ ရှိလာပြီးနောက် တီဟီရန်ကို ရန်သူအဖြစ် သတ်မှတ်ဖော်ပြခဲ့သည့် အာရပ်စော်ဘွားများပြည်ထောင်စု (ယူအေအီး) ကို ၎င်းက အဓိကရွေးထုတ် ဝေဖန်ခြင်း ဖြစ်သည်။

ဖေဖော်ဝါရီလနှောင်းပိုင်းတွင် စခဲ့သော အမေရိကန်-အစ္စရေးတို့၏ တိုက်ခိုက်မှုများအပေါ် မွတ်စလင်အစိုးရများ၏ တုံ့ပြန်ပုံကို လာရီဂျာနီက ကမ္ဘာတဝန်းရှိ အစ္စလာမ်ဘာသာဝင်များနှင့် အစ္စလာမ္မစ်နိုင်ငံ အစိုးရများထံသို့ ထုတ်ပြန်သော ကြေညာချက်တခုတွင် ပြင်းပြင်းထန်ထန် ဝေဖန်သည်။

♦️ သတင်းအပြည့်အစုံ - https://bur.mizzima.com/2026/03/17/85204

#အစ္စလာမ္မစ်နိုင်ငံများ
#လာရီဂျာနီ
#တီဟီရန်
#တော်လှန်ရေးအင်အားစု
#မဇ္ဈိမသတင်းဌာန
#MizzimaBurmeseNews

ထိုအဖြစ်အပျက်ဖြစ်ပွားပြီးနောက် သမ္မတ မီဂဲလ်ဒီအားကာနေး (Miguel Diaz-Canel) ကလည်း “ကြာမြင့်စွာ မီးပြတ်တောက်မှုများကြောင့် ကျွန်ုပ်တို့ပြည်သူများ မကျေနပ်မှုများဖြစ်ပေါ်နေပါသည်” ဟု လူမှုကွန်ရက် X ပေါ်တွင်ဝန်ခံပြောကြားထားပြီး အကြမ်းဖက်မှုကို “မည်သည့်အခါမျှ နားလည်ပေးနိုင်မည်မဟုတ်၊ တရား သည်ဟုပြောမည်လည်းမဟုတ် သို့မဟုတ် ခွင့်ပြုမည်လည်းမဟုတ်” ဟု သတိပေးသွားသည်။

အမေရိကန်၏ရေနံပိတ်ဆို့ဒဏ်ခတ်မှုနှင့်ဆက်စပ်နေသည့် နောက်ဆုံးဖြစ်ပေါ်ခဲ့သော လျှပ်စစ်ဓာတ်အား ပြတ်တောက်မှုကြောင့် ကွန်မြူနစ်ကျွန်းမှာအမှောင်ထုအတွင်းကျရောက်နေချိန်တွင် ထရမ့်က သူ့အနေနှင့် ကျူးဘားကို “ရယူမည်” ဟု တနင်္လာနေ့က ကတိပြုပြောကြားလိုက်သည်။

♦️ သတင်းအပြည့်အစုံ - https://bur.mizzima.com/2026/03/17/85207

#ကျူးဘား
#ကွန်မြူနစ်ပါတီရုံးခန်း
#တိုက်ခိုက်မှု
#မဇ္ဈိမသတင်းဌာန
#MizzimaBurmeseNews

“သိသာထင်ရှားသော အစ္စရေး၏မြေပြင်ထိုးစစ်သည် ဖျက်ဆီးနိုင်စွမ်းအားကြီးမားသော လူသားဆိုင်ရာ နောက်ဆက်တွဲဆိုးကျိုးများကိုဖြစ်ပေါ်စေနိုင်ပြီး ရေရှည်ပဋိပက္ခသို့ ဦးတည်သွားနိုင်သည်” ဟု ကနေဒါ၊ ပြင် သစ်၊ ဂျာမဏီ၊ အီတလီ နှင့် ယူကေနိုင်ငံတို့က ခေါင်းဆောင်များက ပူးတွဲကြေညာချက်ထုတ်ပြန်ပြောကြား လိုက်ကြသည်။

လက်ဘနွန်တောင်ပိုင်းရှိ ဟက်ဇ်ဘိုလာအဖွဲ့ကို “အကန့်အသတ်ရှိသော” မြေပြင်ထိုးစစ်တရပ်စတင်ဆင်နွှဲနေ ပြီဖြစ်ကြောင်း အစ္စရေးစစ်တပ်က တနင်္လာနေ့အစောပိုင်းကပြောထားသည်။

♦️ သတင်းအပြည့်အစုံ - https://bur.mizzima.com/2026/03/17/85210

#လက်ဘနွန်
#အစ္စရေး
#မြေပြင်ထိုးစစ်
#မဇ္ဈိမသတင်းဌာန
#MizzimaBurmeseNews

အိန္ဒိယနိုင်ငံအား ဆန့်ကျင်သည့် အကြမ်းဖက်လုပ်ငန်းများ လုပ်ဆောင်ရန် ပူးပေါင်းကြံစည်မှု စွပ်စွဲချက်ဖြင့် အမေရိကန်နိုင်ငံသားတဦး အပါအဝင် နိုင်ငံခြားသား ခုနစ်ဦးကို အမျိုးသားစုံစမ်းစစ်ဆေးရေးအေဂျင်စီ (NIA) က ဖမ်းဆီးလိုက်ကြောင်း The Print သတင်းဌာနက ဖော်ပြသည်။

ဖမ်းဆီးခံရသူများတွင် အမေရိကန်နိုင်ငံသားတဦးနှင့် ယူကရိန်းနိုင်ငံသား ခြောက်ဦးတို့ ပါဝင်ပြီး ၎င်းတို့အား ၁၉၆၇ ခုနှစ် ဥပဒေနှင့်မညီသောလုပ်ရပ်များ ကာကွယ်တားဆီးရေးအက်ဥပဒေ (UAPA) ပုဒ်မ ၁၈ အပါအဝင် သက်ဆိုင်ရာ စွဲချက်များဖြင့် ပြီးခဲ့သည့် သောကြာနေ့က ထိန်းသိမ်းလိုက်ခြင်းဖြစ်ကြောင်း အမှုအခြေအနေကို သိရှိသည့် သတင်းရင်းမြစ်များက ဆိုသည်။

Read more: https://bur.mizzima.com/2026/03/17/85213

စင်ကာပူက အလှပြင်ဆိုင်တခုမှာ အလုပ်ရမယ်လို့ ယုံကြည်ပြီး မေရီဟာ အလုပ်အကိုင်ရရှိဖို့အတွက် အေးဂျင့်ကို အကျိုးဆောင်ခ စင်ကာပူဒေါ်လာ ၅,၈၀၀ (အမေရိကန်ဒေါ်လာ ၄,၅၀၀) ကျော် ပေးခဲ့ရပါတယ်။

ဒါပေမဲ့ မြန်မာနိုင်ငံသားတဦးဖြစ်တဲ့ မေရီတယောက် စင်ကာပူကို ရောက်တဲ့ အခါမှာတော့ အလှပြင်ဆိုင်က ယာယီပိတ်ထားလို့ အလုပ်ရှင်ရဲ့ အနှိပ်ခန်းမှာပဲ အလုပ်လုပ်ရမယ်လို့ အေးဂျင့်က ပြောပါတယ်။

အဲဒီနေရာမှာ သူဟာ တရားမဝင် အနှိပ်လုပ်ငန်းတွေ လုပ်ဖို့ ဖိအားပေးခံခဲ့ရတယ်လို့ CNA ကို ပြောပြပါတယ်။ အမျိုးသားဧည့်သည်တဦးကို လိင်ပိုင်းဆိုင်ရာ ဝန်ဆောင်မှုပေးဖို့ ငြင်းဆန်ခဲ့တဲ့အတွက် သူ အလုပ်ထုတ်ခံခဲ့ရပါတယ်။

♦️ ဆောင်းပါး အပြည့်အစုံ - https://bur.mizzima.com/2026/03/17/85216

#မြန်မာလုပ်သား
#ခေါင်းပုံဖြတ်ခံနေရ
#စင်ကာပူ
#မဇ္ဈိမသတင်းဌာန
#MizzimaBurmeseNews

အီရန်အစ္စလာမ္မစ်တော်လှန်ရေးအစောင့်တပ် (IRGC) သည် တနင်္ဂနွေနေ့တွင် အစ္စရေးရှိ ပစ်မှတ်များကို ဒုံးကျည်များဖြင့် အသစ်တဖန် ထပ်မံတိုက်ခိုက်ခဲ့သည်။

ဖေဖော်ဝါရီ ၂၈ ရက်တွင် စတင်ခဲ့သည့် အမေရိကန်-အစ္စရေး စစ်ပွဲအတွင်း အီရန်အစိုးရက ဆပ်ဂျေးလ်-၂ ဒုံးကျည်များကို ပထမဆုံးအကြိမ်အဖြစ် စတင်ပစ်ခတ်ခဲ့သည်။

♦️ သတင်းအပြည့်အစုံ - https://bur.mizzima.com/2026/03/17/85220

https://www.youtube.com/watch?v=cyNJ1QO1N5E
Trump vows to 'take' Cuba as island reels from oil embargo

ဓာတ်ပုံ -ဖားကန့်တွင် ယနေ့ နံနက်ပိုင်းက စစ်အာဏာရှင်ဆန့်ကျင်ရေး ဆန္ဒပြနေသည့် မြင်ကွင်း ( ဒေသခံ)