ထိုင်ဝမ်သို့ လက်နက်ရောင်းချမှုက အမေရိကန်-တရုတ် ဆက်ဆံရေးတွင် "အလွန်ကောင်းမွန်သော ညှိနှိုင်းရေးဖဲချပ်" တခုဖြစ်သည်ဆိုသည့် အမေရိကန်သမ္မတ ဒေါ်နယ်ထရမ့်၏ မကြာသေးမီက ပြောကြားချက်ကြောင့် (ပေကျင်းအစိုးရက ၎င်းတို့ပိုင်နက်အဖြစ် အခိုင်အမာပြောဆိုထားသည့်) ဒီမိုကရေစီနည်းကျ အုပ်ချုပ်သော ထိုင်ဝမ်တွင် စိုးရိမ်ပူပန်မှုများကို ပိုမိုမြင့်တက်လာစေခဲ့သည်။

လများစွာကြာ ကြန့်ကြာနေခဲ့သည့် ထိုင်ဝမ်သို့ အမေရိကန်ဒေါ်လာ ၁၄ ဘီလီယံတန်ဖိုးရှိ လက်နက်ရောင်းချမှု အစီအစဉ်ကို အတည်ပြုပေးမည်လားဟု မေးမြန်းရာတွင် ထရမ့်က ယင်းမှာ တရုတ်အပေါ်တွင် မူတည်ကြောင်း ဖြေကြားသည်။

"ကျွန်တော် အဲဒါကို ခေတ္တဆိုင်းငံ့ထားပါတယ်၊ ဒါက တရုတ်အပေါ်မှာပဲ မူတည်ပါတယ်။ ပွင့်ပွင့်လင်းလင်းပြောရရင် ဒါက ကျွန်တော်တို့အတွက် အလွန်ကောင်းတဲ့ ညှိနှိုင်းရေးဖဲချပ်တခုပါပဲ။ လက်နက်တွေ အများကြီးလေ" ဟု ၎င်းက ပြောသည်။

ရုရှားသမ္မတ ပူတင်က လာမည့်သီတင်းပတ်အတွင်း ပေကျင်းမြို့သို့ နှစ်ရက်ကြာ ခရီးစဉ်သွားရောက်ပြီး တရုတ်ခေါင်းဆောင် ရှီကျင့်ဖျင်နှင့် တွေ့ဆုံမည်ဖြစ်ကြောင်း ရုရှားအစိုးရအဖွဲ့က စနေနေ့တွင် ပြောကြားလိုက်သည်။

အမေရိကန်သမ္မတ ဒေါ်နယ်ထရမ့်၏ တရုတ်သို့ နိုင်ငံတော်အဆင့်ခရီးစဉ်သွားရောက်မှုပြီးဆုံးပြီးနောက် ၂၄ နာရီမပြည့်မီ ရုရှား၏ ယခုကြေညာချက် ထွက်ပေါ်လာခြင်းဖြစ်သည်။ သမ္မတ ထရမ့်သည် တရုတ်တွင် ရှီကျင့်ဖျင်နှင့်တွေ့ဆုံကာ ကုန်သွယ်ရေးကိစ္စရပ်များနှင့် အီရန်စစ်ပွဲအခြေအနေများကို ဆွေးနွေးခဲ့သည်။

အမေရိကန်သမ္မတ ဒေါ်နယ်ထရမ့်၏ တရုတ်နိုင်ငံခရီးစဉ်အပြီးတွင် အိမ်ဖြူတော်ဝန်ထမ်းများနှင့် ခရီးစဉ်အတူလိုက်ပါလာသည့် သတင်းထောက်များ အပါအဝင် အမေရိကန်ကိုယ်စားလှယ်အဖွဲ့ဝင်များသည် Air Force One လေယာဉ်ပေါ်သို့ မတက်မီ တရုတ်အရာရှိများ ထုတ်ပေးထားသည့် ပစ္စည်းအားလုံးကို စွန့်ပစ်ခဲ့ကြသည်။

အဆိုပါ စွန့်ပစ်ခဲ့သည့် ပစ္စည်းများထဲတွင် ယာယီသုံးဖုန်းများ၊ သတင်းထောက်ကတ်များ၊ ကိုယ်စားလှယ်အဖွဲ့ဝင် ရင်ထိုးတံဆိပ်များ၊ လက်ဆောင်များနှင့် အထိမ်းအမှတ် အမှတ်တရပစ္စည်းများ ပါဝင်သည်။ "တရုတ်နိုင်ငံမှ မည်သည့်ပစ္စည်းကိုမျှ" လေယာဉ်ပေါ်သို့ ယူဆောင်ခွင့်မပြုဆိုသော ညွှန်ကြားချက်နှင့်အတူ ထိုပစ္စည်းများကို စုပြီး လေယာဉ်လှေကားခြေရင်းရှိ အမှိုက်ပုံးတခုထဲသို့ ထည့်ခဲ့ကြောင်း မျက်မြင်တွေ့ရှိသူများက ပြောသည်။

စောင့်ကြည့်ထောက်လှမ်းမှု အန္တရာယ်မြင့်မားသည်ဟု သတ်မှတ်ထားသော နိုင်ငံများသို့ သွားရောက်သည့် ခရီးစဉ်များအတွက် ယခုကဲ့သို့ စွန့်ပစ်ခြင်းမှာ ထောက်လှမ်းရေး တန်ပြန်ကာကွယ်ရေးဆိုင်ရာ စံလုပ်ထုံးလုပ်နည်း တစိတ်တပိုင်း ဖြစ်ကြောင်း အရာရှိများနှင့် လုံခြုံရေးကျွမ်းကျင်သူများက ပြောသည်။

မဇ္ဈိမ။ ။ မကွေးတိုင်း၊ စလင်းမြို့နယ်အတွင်း စစ်အုပ်စု မီးရှို့ဖျက်ဆီးခဲ့သည့် ကျေးရွာခြောက်ရွာအနက် ကျေးရွာ နှစ်ရွာရှိ မီးဘေးသင့်အိမ်ထောင်စု ၂၀၀ ဝန်းကျင်ကို စလင်းမြို့နယ် ပြည်သူ့ကာကွယ်ရေးအဖွဲ့ (ပကဖ) နှင့် ရပ်ကျေးကူညီရေးအဖွဲ့များက ဆန်၊ ငွေကြေးနှင့် အဝတ်အစားများ နှစ်ရက်ဆက်တိုက် သွားရောက်ထောက်ပံ့ပေးခဲ့ကြောင်း စလင်းမြို့နယ် (ပကဖ) ထံက သိရသည်။

“မီးရှို့ဖျက်ဆီးခံခဲ့ရသည့် ကျေးရွာ နှစ်ရွာ ရှိ အပြစ်မဲ့ပြည်သူ အိမ်ထောင်စု ၂၀၀ ဝန်းကျင်အား တအိမ်ထောင်လျှင် ဆန် နှစ်ပြည်၊ငွေ ၁၀,၀၀၀ ကျပ်နှင့် အဝတ်အစားများအား ရပ်ကျေး(ပကဖ)ကူညီရေးတာဝန်ခံများ၏ ကူညီထောက်ပံ့မှု့ဖြင့် စလင်းမြို့နယ်(ပကဖ) တာဝန်ခံများနှင့် ရဲဘော်များမှ နှစ်ရက်ဆက်တိုက် သွားရောက်ကူညီထောက်ပံ့ ပေးခဲ့ပါတယ်ဗျ”ဟု စလင်းမြို့နယ် ပြည်သူ့ကာကွယ်ရေးအဖွဲ့ ၏ ထုတ်ပြန်ချက်တွင် ဖော်ပြထားသည်။

အဆိုပါ စလင်းမြို့နယ်အတွင်း စစ်အုပ်စုစစ်ကြောင်းများသည် ပြီးခဲ့သည့် မေလ ၁ ရက်နှင့် ၄ ရက်နေ့များတွင် ဝင်ရောက်စစ်ကြောင်းထိုးခဲ့ပြီး ကျေးရွာ ခြောက်ရွာကို မီးရှို့ဖျက်ဆီးခဲ့ခြင်း ဖြစ်သည်။

မြန်မာတွင် စစ်အုပ်စုက လွတ်လပ်သော သတင်းဌာနသုံးခု၏ လိုင်စင်များကို မကြာသေးမီက ထပ်မံ ရုပ်သိမ်းလိုက်ခြင်းကြောင့် သတင်းစာလွတ်လပ်ခွင့် ဆက်လက်ပိတ်ပင်ကန့်သတ်ခံနေရမှုအပေါ် စိုးရိမ် ပူပန်ကြောင်း ဂျီနီဗာအခြေစိုက်ကမ္ဘာ့မီဒီယာဘေးကင်းလုံခြုံရေးနှင့် အခွင့်အရေးဆိုင်ရာအဖွဲ့ ဖြစ်သော စာနယ်ဇင်းအထိမ်းအမှတ်လှုပ်ရှားမှုအဖွဲ့ (PEC) က ဖော်ပြလိုက်သည်။

စစ်အုပ်စု၏ ပြန်ကြားရေးဝန်ကြီးဌာနသည် မကြာသေးမီက ဥပဒေပုဒ်မအမျိုးမျိုးကို ကိုးကား၍ မြေလတ် အသံ၊ Red News Agency နှင့် Asia Citizens News Agency တို့၏ ထုတ်ဝေခွင့်များကို ပိတ်ပင်ခဲ့သည်။

ဂျာမနီနိုင်ငံ ဂျူလစ်ချ် စူပါကွန်ပျူတာစင်တာ (Jülich Supercomputing Centre - JSC) မှ သုတေသီများနှင့် အမေရိကန် နည်းပညာကုမ္ပဏီ NVIDIA တို့သည် ၅၀-Qubit (Quantum Bit - ကွမ်တမ်ဘစ်) ရှိသော ယူနီဗာဆယ် ကွမ်တမ်ကွန်ပျူတာတခုကို ပထမဆုံးအကြိမ်အဖြစ် အပြည့်အဝ ပုံတူသရုပ်သကန် (Simulation) ဖန်တီးနိုင်ခဲ့ပြီး၊ ကွမ်တမ်ကွန်ပျူတာ နည်းပညာလောကတွင် ကြီးမားသော မှတ်တိုင်သစ်တခုကို စိုက်ထူနိုင်ခဲ့သည်။ ယင်းအောင်မြင်မှုကို ပြီးခဲ့သည့် စက်တင်ဘာလက ဂျာမနီနိုင်ငံ Forschungszentrum Jülich သုတေသနအင်စတီကျုတွင် တရားဝင်မိတ်ဆက်ခဲ့သည့် ဥရောပ၏ ပထမဆုံးသော Exascale စူပါကွန်ပျူတာ "JUPITER" ကို အသုံးပြု၍ လုပ်ဆောင်နိုင်ခဲ့ခြင်း ဖြစ်သည်။

ယခုအောင်မြင်မှုသည် ၂၀၁၉ ခုနှစ်က ဂျပန်နိုင်ငံ၏ K ကွန်ပျူတာကို အသုံးပြု၍ ဂျူလစ်ချ် သိပ္ပံပညာရှင်များ ကိုယ်တိုင် တင်ရှိခဲ့သည့် ယခင် ၄၈-Qubit စံချိန်ကို ကျော်လွန်သွားခဲ့ခြင်းလည်း ဖြစ်သည်။ အဆိုပါ နည်းပညာဆိုင်ရာ အောင်မြင်မှုသည် စံအမှတ်သစ်တခု တင်ရှိနိုင်ခဲ့ရုံသာမက JUPITER စူပါကွန်ပျူတာ၏ ကြီးမားလှသော စွမ်းဆောင်ရည်ကိုပါ ပေါ်လွင်စေပြီး၊ အနာဂတ် ကွမ်တမ် အယ်လ်ဂိုရီသမ်များနှင့် နည်းပညာများ ဖွံ့ဖြိုးတိုးတက်မှုကို ပိုမိုမြန်ဆန်လာစေနိုင်သည်။

တရုတ်အစိုးရ၏ လျှို့ဝှက်အေးဂျင့်အဖြစ်ဆောင်ရွက်ခဲ့ကြောင်း ဝန်ခံခဲ့ပြီးနောက်၊ ကာလီဖိုးနီးယားပြည် နယ်၊ အာကေးဒီးယားမြို့တော်ဝန်ရာထူးမှ နုတ်ထွက်သွားခဲ့သည့် အိုင်လင်းဝမ်၏ ဖြစ်ရပ်က တုန်လှုပ် ချောက်ချားဖွယ်အမှန်တရားတခုကို ဖော်ပြခဲ့သည်။

ယင်းမှာ တရုတ်၏ ဩဇာလွှမ်းမိုးရေးစီမံချက်များသည် ဝါရှင်တန်နှင့် လွှတ်တော်အဆောက်အအုံများ အတွင်းတွင်သာ ကန့်သတ်ထားခြင်း မရှိဟူသောအချက်ပင် ဖြစ်သည်။

မဇ္ဈိမ ။ ။ ချင်းပြည်နယ် ၊ ဟားခါးမြို့နယ်အတွင်းသို့ရောက်ရှိလာသည့် စစ်ကြောင်းကို စနိုက်ဘာဖြင့် ပစ်ခတ်ခဲ့ရာ စစ်အုပ်စုတပ်သား ၁၁ ဦးသေဆုံးခဲ့ကြောင်း ချင်းအမျိုးသားတပ်မတော်(CNA) ပြောရေးဆိုခွင့်ရှိသူ ဆလိုင်းထက်နီ က မဇ္ဈိမသို့ ပြောသည်။

ဖလမ်းမြို့ကို စစ်အုပ်စုက ဧပြီလ ၂၅ရက်နေ့တွင် သိမ်းပိုက်ပြီး နောက်ရက်မှစ၍ ဖလမ်း - ဟားခါး လမ်းပိုင်းကို စစ်ကြောင်းထိုးခဲ့ရာ မေလ၁၄ရက်နေ့တွင် ဟားခါးမြို့နယ် ချွန်ကျုံးရွာကိုရောက်ရှိလာပြီးနောက် ယမန်နေ့ (မေလ ၁၅ ရက်) တွင် တိုက်ခိုက်ခဲ့ခြင်းဖြစ်ကြောင်း ဆိုသည်။

“ချွန်ကျုံးကိုရောက်တယ်၊ ဆက်မတိုးနိုင်သေးဘူး ၊ ကျနော်တို့တွေက ချုံခိုစောင့်ပြီးတော့ စနိုက်ဘာနဲ့ ပစ်ခဲ့တာ ၁၁ယောက်ကျတာ မျက်မြင်တွေ့ရတယ်” ဟု ဆလိုင်းထက်နီ က မဇ္ဈိမကို ပြောသည်။

ချွန်ကျုံးနှင့် ဟားခါးမြို့သည် ကီလိုမီတာ ၂၀ကျော်ခန့် အကွာအဝေးရှိပြီး ချင်းတော်လှန်ရေးတပ်ဖွဲ့များ ၏ ဖြတ်တောက်တိုက်ခိုက်မှုများကြောင့် ဟားခါးမြို့သို့ မရောက်ရှိနိုင်သေးဖြစ်နေကြောင်း ၎င်းကဆိုသည်။

Sky Aviator မြန်မာလက်နက်ပွဲစားကွန်ရက်သည် ထိုင်းနိုင်ငံတွင် အစုရှယ်ယာဝယ်ယူရန် ကြိုးပမ်း နေမှုမှာ “ကြီးလေး သော ငွေကြေးခဝါချမှုနှင့် ဆက်စပ်သည့် စိုးရိမ်ဖွယ်ရာများ” ဖြစ်ပေါ်စေကြောင်း Justice for Myanmar (JFM) က ယမန်နေ့ (မေလ ၁၅ ရက်) က ထုတ်ပြန်ပြောဆိုသည်။

https://www.youtube.com/watch?v=LkPJu5NJnQ8
မေလ ၁၇ ရက်၊ တနင်္ဂနွေနေ့ ညပိုင်း မဇ္ဈိမရေဒီယိုအစီအစဥ်

https://www.youtube.com/watch?v=IDXxLl76fMY
Robot monks stride out for Lotus Lantern Festival parade in Seoul

https://www.youtube.com/watch?v=QY49IhwLoZM
Hundreds gather in Vienna to protest Israel's participation in Eurovision song contest

https://www.youtube.com/watch?v=i09PBmyYZrI
မေလ ၁၈ ရက်၊ တနင်္လာနေ့ မနက်ပိုင်း မဇ္ဈိမရေဒီယိုအစီအစဥ်

https://www.youtube.com/watch?v=VpZSuY_4K-w
ကျွန်းနိုင်ငံသည် ‘အလဲအထပ်’ လုပ်ရန်မဟုတ်ဟု ထိုင်ဝမ်ခေါင်းဆောင်ပြော

https://www.youtube.com/watch?v=Tq75hWn1ZHc
ကျွန်းနိုင်ငံသည် ‘အလဲအထပ်’ လုပ်ရန်မဟုတ်ဟု ထိုင်ဝမ်ခေါင်းဆောင်ပြော

https://www.youtube.com/watch?v=57ARwOy9CAI
နီပေါလင်မယား သူတို့တင်ထားခဲ့သည့် ဧဝရက်တောင်တက်စံချိန် ပြန်ချိုး

https://www.youtube.com/watch?v=qWFPnOlWTCs
နီပေါလင်မယား သူတို့တင်ထားခဲ့သည့် ဧဝရက်တောင်တက်စံချိန် ပြန်ချိုး

https://www.youtube.com/watch?v=TYlCPAfGOK8
Flats in Moscow region hit by deadly Ukrainian drone attack

https://www.youtube.com/watch?v=00DE4aniRWs
From hunters to homeguards, India's island tribes navigate change

https://www.youtube.com/watch?v=QA0YErhoqMA
Moody မင်းအောင်လှိုင်နှင့် နေပြည်တော် အိမ်တော်သစ်၏ အနာဂတ် (Editorial Talk)

https://www.youtube.com/watch?v=sFex_2w0AYw
သတင်းအမှားများကို တိုက်ဖျက်ခြင်း | Misinformation Buster - Ep 221